تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 4 من 12 الأولىالأولى 123456789 ... الأخيرةالأخيرة
النتائج 31 إلى 40 من 117
  1. #31
    مشرفة التربية الوطنية
    الصف 9
    الصورة الرمزية شيوخ المطاريش
    الحالة : شيوخ المطاريش غير متواجد حالياً
    رقم العضوية : 76232
    تاريخ التسجيل : 05-03-11
    الدولة : فروم يونايتد ارب ايمرتس ♡
    الجنـس : انثـى
    المشاركات : 2,442
    التقييم : 674
    Array
    MY SMS:

    وفوق حظنـآ آلقرمبع فيہ نآس تحسدنآ

    افتراضي رد: بتندمين يا بنت و السبب نظرتج هذي


    /
    منصور : يا ريال العين هالايام خاروها ماشي مباراه تمر ما يخسرون
    عبدالله : صح سمعت المدرب فروه بريلهم >> يعني طردوه
    عبدالله (ولد ام عبدالله ) : يستاهل كل الغلط منه ..
    حمد : ههههه انتو جديمين مال العين لا والله احلى حدث قبل امس يوم ريال مدريد وبرشلونه تبارن وفازت برشلونه احلى شي استوى فالحياه ..،
    محمد : ايـــــه نسينا ما كلينا تذكرون يوم ريال مدريد يابت 11 اقول اسكتوا بس حتى عار عليكم يالبرشا ...
    حمد : عار فعينكــــم ..
    ( يـــا حمدان ولد بو محمد من برع والكل التفت عسب يطالعون منو ياي ) ..
    منصور : منو ها الغرشوب ؟!
    ( غرشووب= فـــاق الجمال , مزيون ، غاوي ، مملوح ، كل شي ، ..يعني كل صفات الجمال فهـ الكلمه)
    حمد : اسكت فضحتنا ..
    منصور : طالع طالع كل حد يالس يطالع عليه مب بس انا
    حمد : الله ينطب هالغبي حسستني اني قبيح ..
    منصور : ههههه لا فديتك غرشوب غرشوب ظاهر عليه ..
    حمد : لا دخيلك ..
    حمدان : السلام عليكم ورحمه الله وبركاته ..
    الكل نش يسلم ع حمدان ولد محمد الـ**** ...
    يــا حمدان حذال بوسالم وسلم عليه بحراره
    بوسالم : ياهلا والله يا هلا تو مانور الميلس
    حمدان : منور بهله يالغالي ...
    بوسالم : شحالك يا وليدي من زمان مازرتنا
    ( حمد + منصور + محمد عبدالله +سيف + عبدالباسط + راشد ) = الجميع في صدمه .."
    منو هـالشخص اللي بوسالم محطنه على راسه .. غريبه والله ...
    الكل منصدم لانه شكله ما يتعدى 20 سنه ...
    حمد : منو ها ..؟
    عبدالباسط : والله ما ادري غريبه .؟
    سيف : عاده انا بموت ابا اعرف منو هاا
    محمد : عبود منو هالشاب ؟!
    عبود : هذا حمدان ماتعرفونه ..
    محمد : ترا يالسين نسألك ؟!
    عبود : طولي بعمرك هذا ابوه مسكنه كل البزنس ماله وكل التجار اللي فالبلاد يعرفونه بس مشكلته شي واحد ..!
    سيف : اللي هو
    عبود : واايد خقاق ومايرمس اي حد
    عبدالباسط : هيه من شكله ظاهر انه خقاق ..
    راشد : لاحول اسكتوا >> راشد لانه معرس فلازم يكون ويا الشيوبه .. خخ
    عبود : بس ترا حمدان واايد طيب ..
    منصور بالمره طرش حق رواضي مسج :
    ( رواضي بيفوتج نص عمرج احين حدر علينا غرشوب اسمـه حمدان غسل كل اللي بالميلس .. واخوج حمد المغرور المغتر يقول منصور انا مب حلو مب جيه ههههههه )
    /
    \
    وعند روضــه :
    رواضي من عقب التفكير انرسم بويها شبح ابتسامه وضحكت وبدت تعلي ضحكاتها اعجابا بالفكره اللي يتها ..
    روضه : وي فديتني والله انه محد شراتي هههههههههه
    بنطالع يالفيصل ويا منو تبا تلعب ... هههههههه
    صدقني مابتروملي بتتعب وااااايد بتتعب وااايد ... هههه
    ( روضه كانت جدا فخوره بنفسها لانها بتجسر راس الفيصل بهالحركه بدال ما هو يبا يخليها تضعف وتضعف قواها احين هي اللي بتخليه يضعف ويتركها ..
    روضه انرسم بويها الفخر والامل : اوك يالفيصل روضه قادمه قادمه ههههههه فديتج والله يارواضي انا احبج حتى فأصعب المحن تضحكي << وااي ع الغرور تقهرني يوم تسوي جيه فيه ...
    (شربت لها حبتين بندول حفاظا على قواها لا تخور قواها جدام الفيصل .. كله ولا الفيصل ههههه )
    طلعت فوق باللفت لانها ماتروم على الدري ..
    وسارت سويتها وطيران على حجره تبديل الملابس بدت تحرك الملابس يمين وشمال ...
    روضه : ياربيه وينها ؟؟ لا يكون بشكارتي ما يابتها وربي بجتلها ..
    بعد عنا طوويل لقت الكندوره.... طبـعا الكل مستغرب شو هالكندوره ..
    ويت بقولكم شو سالفت الكندوره ..
    ((( هالكندوره رواضي مخيطنها يوم كانت تبا تقص على البنات وسالفتها طويله ف يوم من الايام الخوالي حدرت رواضي واحد من خياطات الريايل وهي لابسه نظارتها الشمسيه عسب محد يعرفها وقالت للهندي يفصل لها كندوره ريال وعطته القياس .. الهندي فالبدايه ما وافق بس عقب قالت له بعطيك 500 درهم ووافق << بعد هذا حقاق ليش ما يوافق ..
    ولبستها عسب تزيغ البنات .. الكل كان معجب بالكندوره لانها مره على جسم رواضي واللي بذاته جسمها نوعيته طويل ونحيف طولها تقريبا 173 سم حتى الكل يقول لها يالنخله يالطويله يا ( القب ) لانها طويله ونحيفه .. )))

    نرجع للواقع ...
    بسرعه فسخت العبايا ورمت الشيله وبدت تمسح الميك اب اللي على ويها كل المكياج اختفى ما عادا الجحل مارضى يمتسح لانه وايد عمقته وهو بذاته من Dior
    وجحلهDior ماتنمسح بسرعه ..
    رواضي : آوه عادي حتى الشباب يتجحــلون عادي مافيها شي ..
    لبست الكندوره وظهرت الغتره من الكرتون ..
    عسب تلبسها .. تغترت ونزلت جزء من الغتره عسب يوم توصل تتلثم لانها ماتروم من احين تتلثم لا تختنق ..
    ظهرت من حجره التبديل جاكيت الاسود الجلدي الطويل اللي يوصل لحد ركبها عسب يخفي تقاسيم جسمها الانثوي وخلته مفتوح واخذت شال اللي اشترته من مانقو ولفته على رقبتها عسب مايظهر صدرها ولا رقبتها من وراء .. بسرعه سارت صوب كبت الصنادل واخذت صندل بيضاء جنها زنوبه راقيه جدا من Browns << حتى يوم هي بوي تتكشخ لا اله الا الله ...
    تأكدت انه ولا شعره ظاهره منها .. ولا شي يدل انها بنت مدت ايدها للفون وحطته بجيبها ..
    ومدت ايدها وسحبت السويج اللي كان بالتسريحه نزلت طيران على تحت بس وقفت بسرعه لما سمعت صوت ريال تحت نزلت شوي شوي من الدري وطالعت دريول ابوها داخل البيت انصدمت صدمه بحياتها ما بتنصدم شراتها : هذا شو يسوي هني معليه .. يا علي انا براويك بس خلني ارد من عند هذا قليل الادب ..
    صرخت من فوق الدري وغطت عمرها عسب ما يطالع انها لابسه لبس ريايل ، تبا تخوفه وتقوله بطريقه غير مباشره انه حد فالبيت صرخت بصوت عالي : انجي تعالي ..
    اول ما سمع انه حد فالبيت بسرعه يظهر من البيت ويسير ملحق البشاكير والزراعين ..
    طلعت روضه من تحت الدري وتأكدت انه محد تحت نزلت بسرعه وطيران على سيارتها المرسيدس v12 شغلت السياره وانطلقت على المقهى اللي فيه الفيصل
    /
    \
    /
    \
    /
    \/

    /
    \
    /
    \/
    عبود : ما قلتلكم انه انا اللي انا ربيعه مايرمسني ...!
    حمد : لا والله خقاق ظهر وحتى ما رمسنا ..
    سيف : حرام عليكم يمكن الريال مشغول
    محمد : انت ع نياتك انجب انجب
    سيف : انا جب والله يا حميميد انا اراويك خلنا نظهر من عند الريايل بتطالع هاك اللعب الغاوي ..
    محمد : خلاص والله اسف اسف
    منصور يهمس فأذون حمد : روضه ماترد ..
    حمد : تلاقها يالسه تقول ( يقلد حركات روضه يوم ترمس ويحاول يرقق من صوته : لا ويع مابااا ماحلوو انا اشتريته 10000 درهم )
    منصور : شو ها اللي بـ 10000 درهم
    حمد رد على صوته الطبيعي : مادري ويت بـكمل
    حمد ويرد يقلد صوت روضه ويحرك راسه ويميله شوي يوم يرمس لانه رواضي جيه تسوي ..: لا انتي وعه << صح هاي كلمه رواضي وعـــه
    منصور عصب : اييه كله ولا رواضي لا احين اجتلك واسدحك جدام الريايل ( حمد ومنصور اخر الميلس يالسين يعني محد غيرهم هم والشباب ومأخذين راحتهم ع الاخر ...
    منصور : والله حمود ارمس صدق رواضي ماترد شو الحل ..
    حمد : يمكن فونها مخلص جرجه وبند ..
    منصور : يلعن ام الغباء اقوله ماترد يقولي يمكن مبند ... شو ياريال توقعتك اذكى من جيه ...
    حمد : اوف انت بلاك انا اختيه وما مستهم عليها شراتك ..
    منصور : انا غير انا فسنها ونفهم بعض ..
    حمد :دخيلك اقول بس انجب مافيه حق ابويه بيقولي انت دومك جيه ماتروم تسكت جنك حريمه ...
    منصور : وهو صادق ما قال شي غلط ....
    حمد : ما بقولك احين شي .. الا حشمه الريايل بس .. خلنا نرد بطالع شو بييك ..
    منصور : هههه بموت من الخوف ..!
    حمد سكت وماقال اي شي عقب بيأدبون منصور ..
    /
    \
    /
    \
    /
    ويــا رواضي
    روضه تسوق بسرعه جنونيه عسب توصل بسرعه وترد البيت قبل لا اهلها ييون
    مدت ايدها لجيبها واخذت الفون كتبت لحمدوه مسج :
    ( حمدوه وينكم احين ، وبتتأخرون ولا لا ؟؟ وعلى حدود الساعه جم بتردون )
    طرشت المسج حق حمدوه وردت عيونها للطريج ماثواني غير ياها مسج من حمدوه ..
    ( ف الميلس خخخ .. لا الظاهر قوم عمامي بعدهم لحد احين حتى ما متعشين يعني بنتأخر شوي .. بس ليش تسالي لا يكون خيفانه خخخخ )
    اول ماقرت رواضي المسج ضحكت عكس الاضطراب اللي فداخلها وطرشت ( حمدوه عقب بقولكن بس اباج تقوليلي اول ماتبون تردون البيت تتصلي عليه فهمتي ..)
    حمدوه قرت المسج واستغربت من رواضي بس تأكدت انه وراها شي يديد ..
    وطرشت حمدوه حق رواضي ( لا يكون الفيصل داخل السالفه ... ولا تخافي قبل لا نبا انرد بتصل عليج )
    وصل المسج حق رواضي واول ماقرته ابتسمت .. اخيرا احد فهالدنيا بـيحس فيها ..
    كانت بتبند الفون بس طالعت مسج ومكالمات لم يرد عليها من ( راقو ) ( على فكره ( راقو )اسم هندي دريول قوم حمده واحد خبل )
    ضحكت لانه كل مسجات الخبلان تي من هالرقم قرت المسج : (( رواضي بيفوتج نص عمرج احين حدر علينا غرشوب اسمه حمدان غسل كل اللي بالميلس .. واخوج حمد المغرور المغتر يقول منصور انا مب حلو مب جيه ههههههه ))
    .
    روضه فـ خاطرها:ياويل حالـيه ع هـ الاسم (وقالت بـفخامه) " حمدآآن ".. آووه اكيــد ع رآآعيه غرشوب
    (ضحكت بس فـجأه سكتت) ..
    وقالت :غرشوب وآحين حدر الميــلس ..؟!
    ســارت بسرعه ع تـفاصيل المسج ولقته واصل الساعه 9:31 وهـي يوم ردت البيت ع حدود 9:40 ..
    رووضه : وربي محد غيره هاك الغرشوب اللي ســاعدني ويــا الدري .. محد غيره الي انا شفته يوم ظاهره من الميلس هوو اكـــــــــــيـــد ..
    .
    عقبها ابتسمت وقــالت : يــعني اسمه حمدان رآعي العيــون الزيتونيـه ..
    ويوم تذكرت المســج ضحكت من قلب .. هـالمنصور صــج خبـل طرش
    بـ سرعه مسج من طـالع الريال ويلس يتغزل فيه .. مب جــنه الا من بنـي جنسه << متعووب عليها خخخ
    .
    ردت الفون فجيبها لانها خلاص جــريب توصل من المقهى ..
    .
    اول ماوصلت المقهى وقفت عند المواقف وبدت دقات قلبها كل مالها وتزيد ...
    رواضي فخاطرها : ياربي يا رواضي شو اللي تسويه انتي تدرين انج بتحدري مقهى شباب الله اعلم شو بيستوي فيج اذا عرفوا انج بنت ..
    سحبت نفس عميق واستغفرت ربها وقرت الادعيه اللي تعرفها وتلثمت بالغتره وتأكدت انه ماشي ظاهر من شعرها ...
    نزلت رواضي من السياره وحدرت المقهى .. وكــان ..
    دخان الشيشه معبي المكان .. والصريخ والمزاعج والحشره معبيه المكان ... مدت نظرها تدور على الفيصل وجنها طالعت هيئه الفيصل من وراء يعني مب واضح وايد .. سارت من وين ما شاكه فالمكان ونظرات الشباب تتابعها ومشيتها تدل على انها بنت عاده روضه وحق المشيه لو تسوي ما تسوي تنعرف انها بنت ...
    سمعت صوت واحد من الشباب يقول : طالع طالع اروم احلف انه ماريـال .. هــاي بنت وانا متأكد ..
    الشاب الثاني : لا مستحيل تلاقيه واحد من هالخكرين
    الشاب الاول : اوك تتحداني ..
    الشاب الثاني : هيه اتحداك ...
    ( اول ماسمعت روضه جيه السالفه قالت احسن ليه اسير ادور هالحيوان بسرعه عسب اظهر من هني لانه الظاهر مابظهر موول )
    .
    ردت عيونها مره ثانيه وين ما شاكه فالمكان وكل ومالها وتقترب ودقات قلبها تزيد ، خطوه ، خطوه ، ... وماتبعدها غير خطوات عن الفيصل اذا هو الفيصل بذاته ..
    لانها مجرد توقع انه الفيصل .. لانه شرات جسمه وهي ماشافته غير 3 مرات تقريباً
    اول ما وصلت الطاوله رفعت نظرها اللي كان مركز فالارض رفعته وياليتها ما رفعته ...
    روضه والصدمه كانت المجالس الاول لها الجلسه ..
    روضه منصدمه وفخاطرها : مستحيـــــــــــل هذا هو الفيصل لا لاااا لا ...
    ..




    ( الكل يقول شسالفه روضه بروحها هي تسأل ... )
    الفيصـل حس بـ احد فوق رأسه فـ رفع رأسه .. وقال بحده : اييه يالدلـــوع شو تبا وخر من هني ما فيه حق هالشبهات ..!
    ( بس عقب ما قال جيه سكت مره وحده منصدم ) ...
    الفيصل يطالع على العيون ... يعرفهن هالعيون ،، محد غير هالعيون اللي حركن روح التحدي والانتقام الحقيقي في الفيصل محد غيرها هالعيون اللي عطته نظره لحد يومه يتذكرها الفيصل وبهمس وبلعثمه وعدم تصديق : أنتــ ... ــي ... ( روضه حست بالانتصار ورفعت راسها فخر بنفسها ، عمرها ماخسرت تحدي ولا تعودت تخسر )
    الفيصل من تأكد انها هــي نش من الكرسي وروضه استغربت ويـن بيسير هـ الغبــي .. حدر وحده من الكبينات الموجوده واول ماشافته روضه حدر قالت لا بــالله رحــنا فيها قولوا غيرها روواضي ..
    تعبته وحدرت الــكبينه و يلست بالكرسي المجابل للفيصل او ... ، وبثقه عميا يلست ورفعت عيونها تطالع على المكـان تتفحصه.. ما رامت تطالع بعيون الفيصل ..
    الفيصل : هذي اخرتج يا بنت احمد تحدرين المقاهي بس بصراحه
    ( ورفع اصبعه السبابه والابهام وحطها حذال شفايفه وعيونه تتفحص روضه ) ماتوقعتج بهالذكاء ... هههه
    .
    الفيصل : معلينـــا ... بس ماقلتيلي شو رايج فالمقهى مرتب صح ومناسب لاشكالج ..
    روضه لحد احين ما قالت ولا كلمه وعييونها حتى ماييت صوب الفيصل ...
    الفيصل : ههههههه بطلي حركات احترام ما احترام وارمسي احسن لج لا افضحج جدام كل هالشباب وماشاء الله اكيد البلوتوث والكاميرات شغاله
    روضه وبهمس وصوتها يظهر منه الحمق والثقه : لا تهدد
    الفيصل : يعني لازم ، لازم ، يابنت احمد اهددج عسب اسمع صوتج هههههههه والله حاله ..
    روضه : " لا تعليــــــــق "
    الفيصل : اسمعي انا برمس بس اذا ماسمعت صوتج تعرفي شو راح يستوي لج ... (سكت عقب قال) ما لازم اقولج ..بروحج بتعرفين
    روضه بخاطرها : آخ يا كرهي لك .. لا يارويض بعد تقولي آه محلاته .. لااا قولي قولي بعد محلاته عنلااااااات هالشكل بس ...
    الفيصل بسخريه : الا من وين يبتي هالكندوره ( وعقب لحظات ضحك بسخريه ) هههههههه نسيت اكيد من عند حبيب القلب ..
    روضه بعصــبيه واضحـه : احترم نفسك ..
    الفيصل : افا ليش عصبتي .. وانا من ساعه احاول اسمع صوتج ومن يـيـبت طاري حبيب القلب ظهر الصوت .. برااااااافوو ياحلوه .. برااافو ... احترم نفسي هااه معلينا ..
    الفيصل يرفع ايده ويصرخ ..!
    .
    ( اول ما طالعته رفع ايده وصرخ طااااااح قلب روضه
    يعني بالمختصر (( قلبي رووووبه )) ...
    الفيصل : يا محمد ...
    (تنفست بـ راحه بعد ماسمعته يزقر الـزلمه )
    والزلمه يا حذال الفيصل : تفزل ياباشا
    الفيصل : الحلويين اكيد معسل مب جيه ..!
    روضه والقهر بداخلها يسري ..
    عطت الفيصل نظره على انه "يالحيوان احترم نفسك " ..
    ( اول ما طالع الفيصل انه روضه رفعت عيونها ماصدق ولا بعد تتطالع بعيونه )
    فهم من نظرتها انه ( خلاص كاافي )
    الفيصل بـيطير من الوناسه ... روضه و رفعت راسها وطالعت عليه خلاص شو يبا بعد ..
    الفيصل ويكمل رمسه ويا الزلمه : خلاص لعيون الحلوين عصير افكادوا
    ( روضه منصدمه شقايل عرف انها تحب الافكادوا )!!
    سار الزلمه وودر روضه والفيصل بروحهم
    روضه بـهدوءها المعتـاد بس من داخلها تغلي من الخوف: اخويه الفيصل شو فخاطرك .... انت قلت يوم بتي بقولج السالفه ؟؟
    الفيصل : واخيرا رضو علينا ..لو مارمستي ..!
    ويكمل : سالفتي الله يطول بعمرج اشتقت للحلوين وقلت اشوفهم فيـستو فيس احسن ..!
    روضه : بـس ..!!!
    الفيصل : شو بس .. مابا اسمع اعتراضات ولا صورج احين بوزعهن حق كل هالشباب اللي هني ..!
    روضه والنار بداخلها شعاله .. بتذبحه الا شوي عليه بعد
    روضه : لا تهدد لانه محد يخافك انت فاهم ولانه ماعندك سالفه مالي غير اقولك باي ومابقولك مع السلامه لانك ماتستاهل السلامه ..
    ( نشت رواضي من الكرسي وما تتطالع غير الفيصل يمد ايده ويلسها غصب )..
    سحبت روضه ايدها بقهر : ما اسمح لك تلمسني انت فااهم ..
    الفيصل : اوووه اطالع يوم لبستي كندوره ظهر لسانج .. ايلســـي ايلســـي ..
    روضه وبغرور : انا ما اطيــــــع انا انطـــــــــــاع
    نشت روضه وكانت اسرع من الفيصل لانه الفيصل كان بيمد ايده بس روضه ابتعدت بسررعه
    توجهت حذال الباب مال الكبينه وبسرعه تحاول تظهر بس ماحست غير انه جثه الفيصل جدام الباب يعني مايفصل بين روضه والفيصل غير مجرد سنتيمترات ومجابلنها ويه بويه ..
    بسرعه روضه نزلت عيونها وحاولت تبتعد بس الطاوله كانت وراها ومنعتها انها اترد على وراء
    الفيصل وهو مجابل روضه فيستو فيس وانـفاسه كانت بـ ويه روضه ..قال : على وين يالحلــوه ..!(وغمزلهـا ) بعدها الحـفله مابدت تونا بدينا نتونـس ..
    .
    .
    .
    و بـ جيه نكون خلصنـا البارت الــســادس ..
    وع فـكره هو مب قصير بس انتن لانكن تعودتن ع الطوال يعني تقريبا الجزء الرابع كان 61 صــفحه وهو بـ عمره مااستوى بارت فيه 61 صفحه بس لعيونكن كل شي يهون ..
    .
    .
    قـــــــراءه ممتـــعه ..<~







    مرتدين ثوب آلتخرج ونسمع صوت آلتصفيق ، ونشوف فرحة أحبتنا! ويعلن اسمنا خريجين 2016 ، هذه آللحظه آلتي أنتظرناها ف يارب تممها لنا



    خريجة 2016

  2. #32
    مشرفة التربية الوطنية
    الصف 9
    الصورة الرمزية شيوخ المطاريش
    الحالة : شيوخ المطاريش غير متواجد حالياً
    رقم العضوية : 76232
    تاريخ التسجيل : 05-03-11
    الدولة : فروم يونايتد ارب ايمرتس ♡
    الجنـس : انثـى
    المشاركات : 2,442
    التقييم : 674
    Array
    MY SMS:

    وفوق حظنـآ آلقرمبع فيہ نآس تحسدنآ

    افتراضي رد: بتندمين يا بنت و السبب نظرتج هذي


    آلـــبـآرت آلســــابع
    .

    ,
    توجهت حذال الباب مال الكبينه وبسرعه تحاول تظهر بس ماحست غير انه جثه الفيصل جدام الباب يعني مايفصل بين روضه والفيصل غير مجرد سنتيمترات ومجابلنها ويهه بويها ..
    بسرعه روضه نزلت عيونها وحاولت تبتعد بس الطاوله كانت وراها ومنعتها انها اترد على وراء
    الفيصل وهو مجابل روضه فيستو فيس قال : على وين يالحلوه ..! بعدها الحفله مابدت تونا بدينا نتونـس ..!
    روضه ودقات قلبها تزيد وتحس عمرها بطيح مغمي عليها من الخوف ..
    روضه وبتموت خوف ورعب : اخويه الفيصل وخر
    .
    جرب الفـيصل من روضه اكثر وطالع ع عيـونها وقال : ع فـكره لما كنتي فـ العزيـمه كان شكلج ( وركـز ع عيونه عليـها وهمس وصوته يذوب) واااايد حــلو .. وع فـكره (رفع ايـدها اليسـار وكان يمسح عليها .. وقال) الشباب ما يحطون منـاكير ..
    رووضه بتمووت خلاص لمسات الفيصل لـها وتقربه منها موول مب طبيعيـه
    .
    وصـح شـقايل نست المناكير .. هـ الفيصل صج ينـخاف منه ...
    وحست بـنفسها انـها وايــد رخيـصه شرات البنـات الي بايعات عمارهن وهـي تاركتنه ع راحته يسوي فـيها الي يــباه..
    .
    الفيصل وبـحركه جدا وقحه ومب متوقعه منه ..مد اصبعه يتحسس ويـه روضه ويمررها ع صوب عيونـها وقـال : أولا انا احب تزقريني حمدان
    رووضه والصـدمه واضـحه بـ عيوونها ..معقوووووووووووووله..
    (رووضه تـــأكدت شكوهــا لانها اول ماييت المقهى وطاحت عينها عليه
    انتبهت انه الفيصل هو بذاتـه حمدان بس كانت ما مصدقه عقلها وافـكارها بس احين تأكدت كل شكوكـها ) ...

    و ثانيا : لا مابخوز قبل لا ترفعي عيونج ..
    روضه وبتموت خلاص شو هالوقاحه وقلت الادب ولا يعني هذا حمدان مستحيل مااااباااا .. حمدان غيــر : قالت بصوتها المبحوح : اخوويه وخر حرام اللي قـاعد اتسواه فـيه ..
    الفيصل : توج بس عرفتي الحرام
    روضـه بخووف : اقــــــولك وخــر يالوقح ..
    ( حسته يجرب صوبها اكثر من ماهي جريبه منه ، يعني اذا قبل تقريبا بينهم10 سم احين 3 سم بــــس يعني تخيلو لازق فيها صدق )
    روضه وتحاول تبتعد عنه لانها تحس بأنفاسه بويها ..!
    .
    الفيصل مستانس لانه هذا هو اللي يباه روضه وبتموت رعب لانه من حركاتها انها خيفانه منه ..
    الفيصل وبـحركه سريعه رفع ايده وسحب اللثمه من على ويه روضه ..
    ووقف مبـهت يطـالع ع ويـهـا .. وبـخاطره:عــنبووج محلاتج يـالوسـخه ..
    بس وبسرعه مسكت روضه ايد الفيـصل وفرتها بالهواء .. وردت تضبطها ..
    .
    الفيصل من حس انه روضه مسكت له ايده تيبس مكانه وروضه تحاول تظهر من الكـبينـه بس مايتحرك مول .. (تظهر < تـطلع )
    الفيصل بعد ما نش من الصدمه : ارفعي رااسج (نش < صحـى )
    روضه : "لاتعليق"
    الفيصل ويمد ايده يبا يرفع راس روضه .. مسكها من ذقنها ورفع راسها
    رفعت روضه راسها بالغصب مـب بالطيب ... واول مارفعت راسهـا ...........
    /
    \
    /
    \
    ومع رواضي ... "


    أول مارفعت راسها التقت عيونها بعيون الفيصل مارامت اتخوز عيونها ، عيونه الزيتونيه تخلي الواحد غصب يطالع عليه جنها تجذبها صوبه ...


    روضه ودقـات قلبـها تززيد من الخووف .. وتفكر ع شو ناوي هالمره ..


    .


    اما الفيصل قطع روضه تقطيع من رفعت راسها ..


    يطالع على عيونها العسليه المعبايه بالجحل الاسود واللي زادها جمال فوق جمالها ..


    روضه بسرعه نزلت راسها لانه الفيصل قطعها تقطيع من النظرات وتحس عمرها خــلاص بطيح لانه بدت تفقد التوازن ..


    .وتحس انه ماشي ابدا اوكسجين فالكـبينه .. وهي متلثمه ..


    .


    الفيصل انتبه ان روضه نزلت راسها بس حس انه شي غريب فيها


    الفيصل : ههههههه لا يكون تتحرين عمرج انـي بصدق انج مستحيه هههههه اخر شي اتوقعه لانه اللي شرات اشكالج ماعندهم حيا موول ..


    ( شرات < مثل )


    روضه خلاص بدت ماتسمع شي منه لان اللثمه مانعتها من انها تتنفس وهي حملت نفسها فوق طاقتها ..ولا ننسى انه فيها ضيق فـ التنفس وحاد بعد ..وهي حتى ماتتغشى شرات البنات الثانيات ..(تتغشى = تتغطـى)


    روضه : وخر .. ( وبتعب كملت ) وخر ..


    حس الفيصل انه صج شئ فيها مب طبيعيه !!


    الفيصل : ههههههه كل ها لانج بس طالعتي على عيونيه هههههه لو ادري اني بسوي فيج جيه ما كان خليتج تتطالعين عليهن ههههههه


    روضه وبكل تعب الدنيا : وخـــــــر خلاص كافي وخـر


    الفيصل وبـعنـاد : وانا اقول لا ، ماتفهمي ولا شـــو ؟


    روضه حطت ايدها بالطاوله عسب تحافظ على توازنها لانه خلاص تحس فقدت كل زمام الامور ..


    وقالت بخاطرها : ياربيه دخيلك مب جدامه لا مب جدامه مااباا اضعف جدامه .. كله ولا ها يطالعني ضعيفه يارب صبرني وساعدني ..


    ( روضه لما حطت ايدها بالطاولها جنها شوي مالت والفيصل واقف عادي يعني اللي فوق يطالع اللي تحت بوضوح لانه روضه شوي تميلت صوب الطاوله عسب تسندها )


    الفيصل وركز عيونه على روضه لانه الظاهر انه شي فيها مب طبيعي ، حاول يركز اكثر وجنه لمح ان روضه بدت تميل للزرقه .. يعني بدا ويها ينصبغ باللون الازرق بسبب ضيق التنفس ..



    .


    الفيصل فهم انه روضه مب قادره تتنفس بسرعه جرب صوبها ومد ايده عسب يخوز اللثمه عسب روضه تقدر تتنفس ..


    بس روضه كانت اسرع وسارت صوب الباب يعني مكان الفيصل قبل .. ومسكت بأيدها اللثمه عسب تصلحها .. عطت الفيصل نظره سريعه وبسرعه البرق تفتح الباب وتربع (تركض )عسب الفيصل لا يلحقها ..


    وطاحت عينها اول ما ظهرت فالشباب اللي فالبدايه يرمسـون عنها ويتحدون بـعض انه ها مب ريال ..


    الشاب الاول صــرخ : طالع طالع ايدينه صـابغنهن وردي ..


    (انتبه الشاب ع ايدين روضه لانه ايدينها كانت ع اللثمه وهي تعدلها )


    .


    (و اول ماصرخ الشاب كل الـمقهـى الــتفـت ع روضــه )


    الشاب الــثاني وهو يجـرب صوبـها وبـنظرات تــخوف وكلها خبــث : ع ويــن يــا الحلوه ماشي طلعه قبل ماتفجين اللثمه ..


    كــل الشباب الي بـالمقهى صرخــوا ويصففقوا :اوووووووووووه


    روضه متيبـسه بمكانها من الصدمه وريولها ما شالتـنها ومول مب رايمه تتحرك ..


    ..


    وبداخلهـا بـتموت خلاص وتحس بـدوار و مووول مب قـادره تتــــنفس ..


    جرب الشاب اكثـر وهـو يمد ايـده يـبا يفج اللثمه من ع ويـه روضه ..


    .


    وفـــــــــجأه ...........


    مايحس غير بـ بـووكـــس ع ويــه .. ومن قوه البوكس طاح الشاب ع الارض ..


    التـفتت روضه بسرعه تـطالع منو ها الي دافـع عنـها ويوم رفعت رأسها تطالع عليه .........


    الصــــدمه كانت اقوو منــــــــها معقووووله .. معقووله الفيصل هو الي دافع عنيـه ..


    طالعت ع الفــيصل بصدمـه وعطته نــظره كلـها شكـر لو مب هو الي مساعدها ماتدري شو بيستوي فيـها>>بعد ليش تشكره هو اللي ورطها ولازم يسـاعدها ..مالت فصووول


    عم الســكوت بـ المقهى من عقب ماعطى الفيصل هاك الشاب بوكس


    .


    ظهرت من باب المقهى وطيران على المواقف تدور على سيارتها .. وهي تربع طاحت اللثمه وما اهتمت باللثمه كان كل همها تلاقي سيارتها عسب تشرد من هني ..


    لمحت سيارتها من بعيد وطيران على مكان السياره


    لاقت واحد من الشباب يـالس حـذال سيارتها وماعرفت شو تسوي تصـلح اللثمه ولا تركب ولا تطالع على وراء اذا الفيصل يـتبـعها ... سوت للشـاب طاف وسارت تربع ربع على سيارتها ومرت على الشــاب وبسرعه تفتح السياره وتشغلها وماسمعت غير أخر جمله ..


    ( يـا ويل حااااالي ... واااا فديته انا .. امووت والله )


    روضه تدعس على البترول اخر شي وترد على ورا بطريقه جنونيه حتى انها حست ان السياره بتدور عليهـــــــــا ....


    الشاب اللي برع يصرخ يقول : اموووت على السواقه يا شمــخــر ..


    ييي الفيصل يربع من بعيد عسب يلحق على روضه بس تفاجئ انه سياره بــيضه تسرع سرعه جنونيه واختفت مره وحده ..


    الفيصل ويضرب بـ ريله فالارض : شــــــــــــــــت


    ربيعنا اللي شاهد كل المشهد قال : لاتقول انها ربــيـــعتك


    دخيلك ابا الرقم .. الشيمه جان فيك شيمه ..


    الفيصل طالع عليه بنظره ما اتوقـع بحياته بيطالع شراتها ربيعنا يحليله من الخوف بالمـره سار يركب سيارته << يامسود الويه تبا الرقم عيل ههههه


    /


    \


    داخل السياره .. :


    روضه من حست انها ابتعدت عن الخطر بدت ترتاح شوي وفتحت جزء من الدريشه عسب تقدر تتنفس طالعت حذال المسجل غرشه ماي مال محمد مدت ايدها وفتحتها ورشفت منها ..


    روضه : اوف الحمد لله رب العالمين بسير اصلي صلاه شكر لربيه لاني ظهرت من هاك المكان اللي مستحيل بنت تظهر منه ...





    آه ياربيه مب مصدقه الحمد لله ، لكن والله يا فصيلان انا وراك والزمن طويل تبا تنتقم هـآه لكن هالمره انا اللي بنتقم ...!


    وقفت حذال الاشارات وما انتبهت انه الدريشه مفتوحه وهي منزله اللثمه يعني عاقتنها


    يت سياره حذالها متروسه شباب صرخ اللي يالس جدام حذال السواق


    الشاب : طالعوا طالعوا ، مادري بنت ولا ولد


    الشاب اللي ورا : لاوالله هذي بنت ما تطالع الجمال !


    الشاب الاول : انزين يالحلـــوه ممكن الرقم ..


    روضه اول مارفعت راسها وانتبهت انها منزله اللثمه وفاجه الدريشه ولا بعد حذالها سياره شباب ما تطالع عمرها غير انها تدوس على البترول وتنطلق


    مع العلم انه الاشاره حمره ..


    صرخ واحد من الشباب : عنبــــــــوه ماااااروم صوبنا


    اختفت روضه من الانظار وقالت : شت انا شو سويت لا ياربيه بتجكني الشرطه الحمد لله انه ماشي سيارات الحمد لله اوف كنت بمــووت .. اسميني خبله


    ماتسمع غير فونها يصيح بنغمه : هاك عمري وخذ منه وتوح عذب فوادي كـان ترتــاح


    رواضي : اووووووف شقايل نسيت حمدوه ..


    بسرعه بسرعه تطلع الفون من جيبها وترد على حمدوه ..


    روضه : مرحب الساع


    حمدوه وترمس بهدوء وبخوف ( لانه حريم حذالها ) : روضه الحقي منصور بيسير الفله بسرعه ردي


    روضه وبخوف : يـــاربيه لاتقولي


    حمدوه : الحقي بسسرعه


    روضه : باي باي


    تضغط روضه على البترول اخر شي وطيران على طريج المزارع


    روضه مطيره فالسماء مب جنها فالشارع


    روضه : عسى الحق عسى بس


    روضه تسرع سرعه جنونيه وكل اللي يمر حذالها مستغرب منوه هالخبل اللي يسوق جيه ( الكل طبعا يتوقع انه اللي داخل السياره شاب مب بنت )


    وصلت روضه طريج المزارع وتسرع سرعه بأمكانها انها تجتلها


    حدرت المـزرعه و بسرعه تضغط بريك جدام الفـله .. وتـطالع من بعيد جنه ضوء يعنـي حد فالطريج مال المزارع يعني محد غير منصــور ياي ..


    تبند السياره وتضرب الباب بالقو وترفع الكندوره وتربع ربع بحياتها مابتربع شراته ..


    حدرت البيت وتصفع بالباب وتربع صوب الدري وترقي الدري اربع اربع .. وصلت السويت وبسرعه على الحجره مالها تأخذ الغتره وتخشها تحت الشبريه ( السرير) وفضخت الشال والجاكيت وتحطيهم تحت الشبريه فرت الصندل تحت التسريحه وتفسخ الكندوره بسرعه بسرعه وتفرها صوب الستور .. بقت بالبرمودا الابيض والبودي العلاقي وبسرعه ترفع غطى الشبريه وترقد وتتغطى .. بس طالعت انه الليت شغال تنش وتربع فوق الشبريه وتقفز للارض >> ماتوب منجسره والسبب هالتنقيز ..


    بسرعه تسير صوب الليت وتبنده بس سمعت صوت جنه حد حدر الـسويت


    روضه : **** << عيب


    تنقز نقزه صوب الشبريه وبسرعه طيحت عمرها فالشبريه وتغطت


    تسمع حد يدق باب الحجره ..


    روضه وبهمس : اوف الحمد لله


    حدر منصور الحجره وطالع الليت مبند وروضه راقده ..


    منصور بهمس : رواضي .. (ماسمع رد )


    منصور مره ثانيه : رواضي .. روضه ..


    روضه وتمثل جنها راقده : هـآآآه >>يلعن بو الــجذب


    منصور : راقده


    روضه وتتصنع الرقاد وتغير من صوتها جنها راقده : تعآاااال


    ونشت شوي وشغلت ليت الابـجوره وردت تتسدح


    منصور بصدق : رواضي شغلتي بالي عليج


    رفعت شوي عمرها وقالت : تعال ايلس


    يي منصور يلس على حدود الشبريه وقال : بلاج شو استوى ؟!


    رواضي : ياني دوار وعوار راس وما قدرت اتحمل


    منصور ويمسح على شعر روضه : فديتج والله .. ماتشوفي شر قلبي .. وربي كنت بموت من الخوف عليج


    طالعي كم مـكالمه لم يرد عليها ..فـ فونج ..كلهن منيه ..


    رواضي : فديت رروحك والله .. يعلني مانحرم من هالطيبه


    منصور وجرب صوب روضه وحط ايده على راسها : رواضي مب جنج مسخنه ؟!


    روضه بخاطرها : ما من شي بسخن من هذا اللي مايتسمى الفيصل


    حطت راسها فجتف منصور لانها صج بتموت من الخوف اللي ستوالها مب شوي ..لو بنت غيرها كانت من زمان راحت فـيها


    يوم حطت راسها بجتف منصور يلس يمسح عليها : رواضي مادري ليش احسج مخـبيه شئ ؟!


    رواضي وبخوف : منصور مافيه شي ، مافيه شي بس دخيلك لا تودرني .. دخيلك ..


    منصور حس بخوف روضه : مابودرج مستحيل ، مستحيل انتي كل دنيتي .. صدقيني يا رواضي امووت فيج واخاف عليج اكثر من روحي ..!


    رواضي يوم فرت الكندوره تحت الشبريه حطت الفون فوق الشبريه ورقدت فوقه وما انتبهت والفون ما فيه رمز قفل واتصل على اخر المكالمات اللي هو " الفيصل "


    سمع كل المحادثه اللي دارت بيينهم وعقب ما سمع صوت شاب يقول اخر جمله " اكثر من روحي "


    بند الفون وانرسمت ضحكه بسخريه بويهه وقال : من واحد لواحد والله كفو يا بنت احمد كفو ، ولا بعد عادي يلمسها مسخنه بعد هـآه ..


    لكن محد ياروضه بيأدبج غيري صدقيني ويوم ابا انتقم مابا حد يشاركني فيج .. وهذا حبيب القلب انا بمسحه من الدنيا لانج احين ملكي انا وبس ..!



    منصور : روضه ممكن اعرف من شو كل هالخوف اللي بعيونج ..؟


    روضه : ...... " لاتعليق "


    منصور : روضه والله ثم والله لو احد مسويلج شي لا احين اقص راسه بس انتي ارمسي ، ارمسي س


    روضه ماحست بعمرها غير تطيح بحظن منصور ..!


    منصور لمها بقو عسب يحسسها انه موجود : انا هني ( روضه كانت ماسكه فيه مره يعني يظهر انها خيفانه من شئ ..)


    روضه بخاطرها : ياروضه لقيتي الحضن اللي تدورينه من 4 سنين .. ولمج بكل حنان .. ويبا يعرف شو فيج عسب يساعدج .. بس مستحيل .. مستحيل اشكي همي لاي شخص كان .. ها اخر شي بسويه بحياتي


    منصور : روضه مابترمسين ..!


    روضه ولا زالت فحضن منصور .. ومنصور يحس بروضه انها مهمومه بشكل بس ماتبا ترمس فأحترم رغبتها ..


    روضه : منصور وربي احبك احبك دخيلك لا تتركني شرات ما الكل تركني ..عقب هالكلمات روضه حست انها فقدت شي عود وهي يالسه تترياه ( عزه نفسها ) لكن قالت فخاطرها : ياروضه لحد متى ... لحد متى ... انتي ماقلتيله شي غير لا تتركني.. بس ..


    روضه قررت تنش من حضن منصور لانها قررت ترمس ..!


    منصور اول ما طالع روضه وخرت ورفعت راسها قال : الله ياروضه شكثر عيونج فيها رمسه ..!


    بس اقولج احسن شئ نشي بنظهر برع عند المسبح ..


    رواضي : اول بغير ملاسي قبل ..


    منصور بمرح يبا يغير الموضوع : احم تبينا نظهر ولا ..


    رواضي ضحكت مع انها ماتبا تضحك : مسود الويه اصلا انا بسير حجره تبديل الملابس ويييييو ..


    منصور : اوك برابج عيل اذا ماتبيني اطالع ..( وبوز )


    رواضي : اظهر برع لا احين افلعك ولا اسويبك شي مابتسوى ..!


    منصور ويصرخ ويحضن ويهه بكفينه ويقلد صوت البنات : لا بغتصبيني يعني وااي اخاف ..!

    رواضي بعصبيه : بتظهر ولا شو ..!


    منصور : واي فديت هالويه محلاته يوم يعصب امووت فيه ياناس ..!


    رواضي ضحكت : حشى هالتقردين كله عسب ماتنضرب اظهر بس اظهر


    ( منصور ظهر من الحجره وظهر من السويت كامل وسار يتريا روضه فالصاله اللي حذال سويتها ( جناحها )


    لبست روضه جلابيه ساده كامل لونها " بنك " مخصره عليها وطويله وااايد << ضروري تكون الكندوره طويله ويا روضه ولا مابتلبسها ..!


    ولبست عليها شيله صلاه صغيره بنفس تدرج اللون وبــعد ساده طالعت على عمرها فالمرايه وابتسمت برضا لانها صج ظهرت قمر ..!


    ظهرت من الجناح وسارت تدور منصور من الصاله ..


    رواضي : " نونو " where are u ..?


    منصور ييي من ورا روضه ويهمس فأذونها وحست بأنفاسه الـحاره تمر من حذال اذونها وهمس بهدو ء وقال : عيونه ، روحه ، دنيته ، كلي لج ، كلي فداج ..


    روضه ضحكت لانه الوحيد اللي يقدر يظهرها من الهم اللي هي فيه : فديت رووحك والله ..


    والتفتت على وراء عـسب اترمسه ويه بويه


    رواضي والتفتت : يلا نزلنا


    منصور ويرفع ايد روضه ويدورها : فديت هالحلا كله .. فديت هالجمال .. اكيد كله حقي .!


    روضه : هههههه مسود الويه ( وضربته بخفه على راسه )


    منصور : اي ... عورتيني .. لكن كل شي لعيونج يهون ..


    ( مسكها من ايدها ونزلوا تحت .. ظهروا على الحديقه وساروا صوب السويمنق بول)


    يلسوا على الكرسي الطويل والاضاءه الي كانت منشوره بكل قطعه بالحديقه ..


    منصور وهو ييلس : رواضي


    روضه وهي يالسه : لبيــــــه


    منصور : لبيتي حايه بس ابا اعـرف شيء وتـجاوبـيني بـأمانه اوكي


    روضه حست بنغزه بقلبها : شو تعــرف..؟!


    منصور : ابا اعرف ويـ ...(عقـب سكت وقال) يا اقولج خلاص بلاها


    روضه حست بالفضول : منصور وراس الغالي تقولي


    منصور : روضه غلايه خلاص انسي


    روضه : وغلات الغالي .. وراسي تقول


    منصور : بقول بس ماتزعلي ولا تتحرين اني اشك فيج هالشي مستحيل يستوي .!


    روضه : قول منصور انا واثقه انك لو ماتحبني ما بترمسني بهالموضوع ..


    منصور : روضه ابا اعرف يوم هاك اليوم رديتي انتي وحمده واليازيه من الـ**** مول ..!


    روضه وقلبها فالارض تأكدت انه السالفه فيها الفيصل : هيه بلاه ، شو استوى!!


    منصور ويكمل : يوم رديتي انتي كنتي جدام الباب ترمسين حد وياه موزراتي اسود .. ممكن اعرف منو ها ؟!


    روضه وخلاص تحس بنفسها انـقطع .. شو بتقول ؟!


    بس بسـرعه وبـحركه بديهيه ..


    قالت له : منصور انت تثق فيه صح ؟


    منصور : اكيد ما يبالها رمسه


    روضه : اذا لا تخاف عليه انا متأكده شوا آسوي ..


    منصور وبهدوء يحسد عليه : روضه انتي غاليه عليه وتدرين بغلاتج ورب الكون يا رواضي انه محد شرات حبج فقلبي تدرين يمكن من اول نظره تطالعتج فيها حبيتج (وضحك وكمل) كنت ما احبج محبت اخو لـ اخته لاني كنت قبل ما ادري انج اختيه كنتي مجرد بنت خالتيه ..( بتـعرفون عقب شو استوى بينـهم بـ اول لقـاء )


    بس عقب عرفت انج اختيه زادت المحبه اللي فقلبي لج .. ( وفجاءه كمل بطريقه عصبيه ) روضه اذا حسيت انه احد اذاج صدقيني اول شي اسويه بحلل دمي لج ..


    يعني بالمختصر المفيد عادي انعدم والسبب انتي .. اذا حسيت بشخص يأذيج مالي غير اذبحه ..


    روضه جربت من منصور وحطت ايدها بأيده : منصور انت الغالي والحبيب والاخو والاب وكل شي ليه بهالدنيا مستحيل اودرك تسوى جيه .. منصور انا واثقه شوا اسوي .. ولو سمحت مابا اي شخص يعرف بهالموضوع واتمنى تنسى الموضوع ..


    منصور بعصبيه : روضه منوه الريال هـآه


    ( طاح قلب روضه فالارض منصور يعرف بالسالفه يعني رحت فيها )


    روضه وتدور جذبه عسب تمشيها على منصور


    روضه وتفكر : منصور انت تتوقع ان روضه بنت احمد ترمس واحد ماتوقعـتك .. يا منصور راعي الموزراتي اخو ربيعتيه ميره هي نست ويايه مذكرتها الخاصه ويا هاك اليوم عسب ياخذ المذكره ..


    وطالعني والظاهر عيبته وقالي ممكن اخذ رقم وجان اهزبه ووقفته مكانه وقلتله لا ترفع راسك فوق لا يـنجسر ف يوم من الايام


    ( روضه بخاطرها : استغفر الله )


    منصور بعصبيه : روضه وين بيت هاي ربيعتج.. انا بسير اجتله ها الي مايتسـمى .. بأي حق يغازل بنات الناس ؟


    روضه تحاول تهدي منصور لانه بيسير يذببح الفيصل او حمدان << والله ماعرفنا له هالفيصصل الناس إلهم اسم واحد وهو لـه اسمين ..


    روضه : منصور والله السالفه جديمه وانتهت من زمان ..


    والريال مارد يرمسني لانه عرف اني مب من هالبنات


    منصور ومفول مره : روضه بيظن انه ما وراج ريايل تشدين الظهر فيهم ..


    روضه : منصور السالفه وايد جديمه تقريبا من اسبوع ولا اسبوعين .. ولو هذا ما تأدب جان احين رد ورمسني لكن عقب هاكي الهزبـه مارد مول ..!


    منصور وحس براحه : والله كنت ناويله نيه ..


    روضه تغني تبا تغير الموضوع :


    ناويلك على نيه بس انته اصبر شويه ...


    وقعدت تغني شووي ..


    ومنصور وفاج حلجه : رواضي يالحيوانه صوتج طر ..!


    وحتى ماتقولين .. افا والله .. يلا غني اغنيه غيرها ..


    رواضي : ههههه لا ماروم تعبانه (وابتسمـت بـألم لانـها حلفت ماتـغني مول من عقب الـحادثـه)


    منصور : رواضي عن المذله .. بس عاد غني غيرها


    رواضي : ماعاش من يذلك يابو نايف (وابتسمت بألم )..


    منصور : وليش عاده نـايف بالذات ..


    روضه وتتذكر وتسترجع ذكرياتها وضحكت بألم وقالت : ولا شي بس جيه (وحبت تغير السالفه ) ماتباني اغني ..


    منصور : افا منو قالج يلاا بسرعه غني ..


    روضه وبدت تغني وصوتها كله ألم وهم ..


    يا بحر أنا بسألك عن مبعد الدار..



    يا اللي من الأشواق مبرد وخالي..



    أنته طويت بلجتك علم و أسرار..



    و أنا طرالي من الهوى ما طرا لي..



    عودت لي من ماضي الوقت تذكار..



    تذكار خلٍ أبعدته الليالي..



    و لأسباب ظرفٍحط في خافقي نـــــــــــــار



    وسكتت ونزلت راسها ..مـا قدرت تـكمل .. لانه العبره زخـتـها ..وكأنـه الكلمات هي الي تـحكي الي تعايشـه بـ داخلها ..


    منصور توقع انه روضه منزله راسها مستحيه بس روضه نزلت راسها لانه عيونها بدن يحمرن وها انذار انها بتصيح ..!


    منصور : فديت اللي يستحون .. من شو تستحين يا رواضي صوتج خبال ياناس خبااال كل هالشئ وانا مادري والله حرام عليج ..


    نشت روضه من الكرسي وجابلت السومينق بول ويلست تتطالع على الماي يوم ينزل من الشلال الحصوي كان شكله وايد حلو ..!


    وحبت تبتعد لا تنزل دمعتها جدام منصور ..


    منصور وهو يالس فالكرسي : احم نحن هنا


    روضه وتحاول تغير من نفسيتها عسب منصور لا يحس : عيل اتحراك هناك ..! (ونزلت دمعه كانت محبوسه داخل عينها ، وبسررعه مسحتها )


    منصور : هههههه مايضحك ..


    رواضي : عيل ليش ضحكت ..


    منصور : لا عسب ما احرجج


    رواضي : لا والله يابو راعي الطبع السنوعي


    منصور وينفخ عمره وجدم صدره : احم احم اعرف اعرف


    رواضي : دخيلك بس .. الشيمه لا تصدق عمرك


    منصور نش وسار حذالها .. ( حذالها < يـمها )


    وزخ (مسـك) روضـه من خصرها وايده الثانيه عند جتفها وبتهديد : منو اللي مايصدق عمره هااه ..


    رواضي فهمت عليه انه يبا يعقها فالسومينق بول


    رواضي : قسم بالله بـس حاول . حاول بس ..


    منصور :هاهاهاهاهاي بعقج احين ..


    روضه وتصرخ : منصور خوز ايدك من خصري ما يعيبــني


    منصور : هاهاهاي عيل خلاص ما بخوز ايديه


    وحظن خاصره روضه بأيديه الثنتين ..


    روضه وتصرخ : منصور يالحيوان وخرررر


    بدت تضحك : هههههه اييه خووز


    منصور وحاضن خصر روضه ونازل على تحت يعني على طول خاصره روضه


    روضه : منصور لو سمحت وخر ايدك لو سمحت ماااااابا منصور ما يعيبـــني ..

    /
    \
    ويـــــا الشــباب ..
    منصور: آووه بلاها ماترد ..
    حمد : اسكت فضحتنا
    منصور : اوه صح شقايل انا نسيت عواش ..
    بطرش مسج حق عواش ..
    طرش منصور مسج حق عواش :
    ( عواش بلاها روضه ماترد على فونها شو مستوي ..؟)
    وصل المسج حق عواش وردت عليه بسرعه
    (روضه مريضه وسارت البيت )
    اول ماقرا منصور المسج بسرعه رد وبخوف ظاهر
    (ليش بلاها شو استوى فيها ..؟! )
    عواش قرت وردت عليه ..!
    ( دوار وعوار رأس .. وردت البيت .. فديتها لو طالعتها شقايل تعبانه ومريضه و.... ( ييت حمده فوق جتف عواش وماخلتها تكمل المسج )
    منو ترمسين
    عواش : منصور
    حمده : شو يبا منج ..؟
    عواش : يسألني عن روضه
    حمده وبزيغه وفجت عيونها : وشو قلتي له (زيـغه < خوف )
    عواش خافت لانه من شكل حمدوه معصبه ومنصدمه : ماقلتله شي بس قلتله انهـا فـ الفلـه ..
    حمدوه : وبيسير الفلـه احين ؟
    عواش : مادري .. مادري والله
    حمدوه اسأليه بسرعه ..
    عواش : انزين احين بسأله .. وطرشت المسج له
    ( نونو بتسير الفله ويا رواضي ؟؟ )
    قرا منصور المسج ورد ..
    ( هيه اكيد مايبالها رمسه بعد .. بس ثواني واحين بستأذن ) (رمسه < كلام )
    اول ماقرت حمدوه المسج ردت على عواش : الله ينطبج ياعواش شو هالورطه اللي ورطيني فيها
    عواش : بلاج حمدوه .. رواضي فيها شي ؟
    حمدوه ماردت على عواش وبسرعه تدق على رواضي ..
    /
    \
    /
    \
    /





    مرتدين ثوب آلتخرج ونسمع صوت آلتصفيق ، ونشوف فرحة أحبتنا! ويعلن اسمنا خريجين 2016 ، هذه آللحظه آلتي أنتظرناها ف يارب تممها لنا



    خريجة 2016

  3. #33
    مشرفة التربية الوطنية
    الصف 9
    الصورة الرمزية شيوخ المطاريش
    الحالة : شيوخ المطاريش غير متواجد حالياً
    رقم العضوية : 76232
    تاريخ التسجيل : 05-03-11
    الدولة : فروم يونايتد ارب ايمرتس ♡
    الجنـس : انثـى
    المشاركات : 2,442
    التقييم : 674
    Array
    MY SMS:

    وفوق حظنـآ آلقرمبع فيہ نآس تحسدنآ

    افتراضي رد: بتندمين يا بنت و السبب نظرتج هذي


    كأنه حد قال حق روضه ارفعي راسج ويوم رفعت راسها على فوق والتفتت صوب فله قوم بو حمدان ( بو الفيصل ) ما تطالع غير واحد يالس فالبلكونه اللي تطل على فله قوم بو سالم ..
    أول ما طالعت انه احد فوق البلكونه بسرعه نزلت راسها لانها متأكده انه محد غير الفيصل (حمدان) اللي يراقبها ..!

    روضه وصوتها كله جديه : منصور وخر ..
    منصور جنه لمح الجديه فـ صوت رواضي بس حب يعاند اعتدل فوقفته ، يعني كان ممايل ونازل شوي لانه حاضن رواضي من خصرها .. وقف وطالع بعيون رواضي وكان مايفصلهم غير سنتيمترات وضحك بخبث وجرب اكثر وحضنها بقووو ..!
    روضه مستغربه بلاه هالخبل وعقب تذكرت البليه اللي فوق ورفعت راسها وطالعت الفيصل (حمدان) بعده فوق وطالعت على الوضع اللي هي فيه منصور حضننها وجنها حرمته قالت بعصبيه : منصور وخــــــــــــر ليش تسوى هالحركات << كانت تتوقع انه شاف حمدان فوق وحب يغيضه بس عقب فكرت شو هـ الغباء لو طالعه اصلا بيسير يذبحه .. مب يغيضه ..!
    بعدت منصور بأيدينها الثنتين بقوو وقالت : بديت اشك انك اخوويه ..
    منصور انفجر من الضحك : هههههههههههههه قليله الادب بس حبيت اغيضج
    روضه : وانت اكثر واحد تعرف انه ما يعيبــــني هالحركات
    منصور : انزين لعيونج خلاص سوري اسمحيلي مابعيدها هـآه .. وهآي احلى بوسه لاحلى رواضي بالدنيا ( باسها على خدها كانت تبا تخليه ما يبوسها بس كان هو اسرع منها )
    روضه بعصبيه : والله العظيم بديت مب بس اشك الا تأكدت انه انت مب اخويه
    يا منصور يبا يسوي شئ عسب يقهر روضه بس روضه كانت اسرع ودفعته على وراء وطاح فالسومينق بول ..
    منصور ويصرخ وهو وسط الماي : يالحيوانه انا براويج
    روضه : ههههههه تستاهل انا براويك عيل يالس تتفرط عليه واودرك يامسود الويه ..ماعندنا ولاد العرب جيه يسون .. يلا صك الدعنه ..
    منصور محرج : عنلاتج يا رويـــــض << ويمدها يدري انها ماطيج حد يزقرها برويض
    رواضي : رويض بعينك ان شاء الله قول امين
    منصور : هيه انا تيس خبله مافيه عقل عسب اقول امين
    مشت روضه شوي وعطت منصور ظهرها ورفعت ايدها وميلتها وسوت حركه على انك " بالطقاق " صدقني اخر اهتماماتي ..
    منصور : يالحيوانه انا اخر اهتماماتج .. معليه تريى بس
    روضه ترمس منصور وهي متجهه للبيت : قول اللهم لك الف حمد وشكر على النعمه .. انك مجرد من قائمه اهتماماتي حتى لو بالاخير غيرك حتى ما مدرج فالقائمه ...
    منصور يصرخ بيموت من القهر : انا براويج يالمغروره انا شو عقني فهالعيله كلهم مغرورين لكن ماظني شي شراتج يـالخبله ..
    رواضي لفت راسها وهي تمشي و بسخريه كملت :
    اول انت اظهر من السومينق وعقب تعال رمسني شرات العرب والناس (اول ماقالت جيه ما طالع غير منصور يظهر من السومينق بسرعه ،
    ومن هوووو ما يطالع منصور غير الغبار اللي وراء رواضي << محد قالج تسبي يوم خيفانه هع
    سارت رواضي جناحها وصكت الباب باللوك عسب منصور اللزقه مايحدر .. عقب دقايق ضحكت لانها تذكرت شقايل تربع عسب منصور ما يلحقها ..
    مررت نظرها على الجناح وطاحت عينها فالبلكونه
    رواضي : مم ليش ما اظهر ، بظهر عسب اطالع اذا بعدها الارصاد الجويه تراقب << تقصد حمدان ( الفيصل )
    ظهرت شوي من راسها عسب تتطالع اذا فيه احد فالبلكونه مال قوم الفيصل بس اطالعت انه محد فيها ..!
    يوم طالعت انه محد ظهرت كامل وسارت تيلس على حدود اليدار مال البلكونه يعني اذا تحركت شوي بطيح تحت ..!
    فتحت فونها وطرشت مسج حق قوم يزوي ..
    (وينكم تأخرتوا وااايد ..! )
    قرت يزوي المسج وع طول ردت :
    ( نحن فالطريج ياين )
    قرت المسج روضه وردت الفون مكانه ويلست تتريا لحد ماقوم ابوها يردون تتريا الافراج يحليلها << محد قالها طول لسانها ..مب جني كارهتنها خخخ فديتج رواضي عسب ما انضرب هع
    روضه بخاطرها : وهذا شويبا يالس يراقبني صج ماعنده حيا ولا ضمير (وضحكت) اي ضمير اللي ترمسين عنه لو صج عنده ضمير ما كان اجبرني احدر مقهى صيع ..!
    اووف رواضي شو تبين فالتافه تفكرين فيه حتى مايستاهل يأخذ ذره من تفكيرج ..(بس عقب ثواني ضحكت) لا وبعد تقولي آه محلاته .. لكن ها شي غير ماكنت اتوقع انه حمـدان هو نفسه الفيصل ..عسب جيه قلت هالرمسه << مشكله الناس المغروره خخخ
    ماتحس رواضي غير حد يعقها بحصى .. من دون ماتلتفت ولا تعب عمرها فالتفكير عرفت منو .. وحركت راسها بأسى انه مستحيل هالريال يعقل ..!
    صرخت رواضي بقهر ورفعت ايدينهـا : خيييييير شو تبا .. وعقب صرخت بصوت اعلى : آوف فكني بس عاد خبلت فيه حشى ناس لزقه << تجتل من الضحك تنعرف انها تخبلت منه
    منصور مظهر طقم الاسنان ويتضحك بس ..!
    رواضي : اوف بعده يضحك انا لازم ارمس ابويه يوديك مستشفى او مصحه عقليه
    من قالت هالكلمه ماتحس غير اكبر حصاه تيي على راسها ووصرخت ومسكت راسها : عنلااااااااااااات هالشكل والله خبرك ويا ابويه معليـــه ..
    اول ما قالت جيه اختفى منصور من الانظار وضحكت يوم شرد : حشى اوف ماكنت بفتك منه..
    ما تطالع غير فريق الانقاذ وصل ويحدرون من الباب العود مال المزرعه ..
    روضه بفرحه : وصــــــــــل الفرج .. وصل .. الف حمد لك يارب .. الف حمد .. (وضحكت) : وانا اقول ليش منصور شرد اثاريه طالع قوم ابويه هههههه
    نزلت رواضي من اليدار وسارت الحجره ..
    ماثواني غير يحدرن قوم يزوي الجناح ..
    يزوي : اوف حشى مليالديريه وما حطو لنا ماي ..
    حمده : والله الناس لو يحطون عيونهم بصحن مابتشكرين انتي
    عواش: شو هاك العشاء متروس فلفل حد قالهم انه نحن هنود
    روضه ضحكت من قلب لانه هذا طبع البنات {بنات خالتها وعمومتها مب انتن خخخ} مستحيل يتغيرن ..!
    رواضي تكمل :وهيه هاك العصير مب بارد ..
    حمدوه : انتي هني (لان روضه حدرت الصاله توها )..
    رواضي : لااا هناك
    عواش : وييييييو القطي ويهج
    حمدوه : لااا عادي فديتج مايهمني (وتسوي خمسه على روضه) مالت عليج .
    رواضي وترد الخمسه بأيديها : وعليج ..!
    وعقب كملت روضه ورفعت ايدها تأشر على يزوي : وحليلها بلاها هالفقيره جيه صاخه شو مشربـينها ؟؟
    عواش : وحليلها عطشانه ..
    رواضي وتصرخ وتسوي حركات العيايز : عيل انا ماشي فـ مطبخي ماي مخلص انزلي تحت جان خاطرج فقطيره ماي ..
    حمدوه : امووت ع القـــــطيره ..^
    البنات : ههههه
    يزوي : حشى يالبخل .. مب طالعه عليه ، كل صفات الكرم فيه >> تقصد روضه
    عواش بسخريه : بعد الكرم فيه صفات ..
    حمدوه منقهره من عواش الملقوفه : انتي جــــــــــــــــب
    عواش : انتي جب
    يزوي ظهرت من الجناح وسارت المطبخ اللي فالطابق الثاني يعني حذال سويت رواضي حدرت المطبخ وخذت لها قلاس وشربت ماي..
    وفـجأه ما تحس غير أيد تــدحها ( تضربها فـ ظهرها) وطلع كل الماي اللي شربته فقيره الله ..~
    وماتسمع غير احد وراها يقوول : ايييه بأي حق تاخذين السياره وماتقولين لي هــــــاه .. حرااميه وحده كلها حياتج شغل مذلـه ..<< ينعرف انه منقهر
    اول ما التفتت صوب من وين ما ييتها الضربه جان تتطالع ................
    .
    ,
    .
    ,
    .
    وبـ جيه نــكون خلــصنا البارت الــسابع ..
    مع آرق الـــتحــآيــا .,’





    مرتدين ثوب آلتخرج ونسمع صوت آلتصفيق ، ونشوف فرحة أحبتنا! ويعلن اسمنا خريجين 2016 ، هذه آللحظه آلتي أنتظرناها ف يارب تممها لنا



    خريجة 2016

  4. #34
    مشرفة الصف 11
    الصورة الرمزية طموحة بطبعي
    الحالة : طموحة بطبعي غير متواجد حالياً
    رقم العضوية : 79887
    تاريخ التسجيل : 17-05-11
    الدولة : ام القيوين ,,
    الجنـس : انثـى
    المشاركات : 2,484
    التقييم : 332
    Array
    MY SMS:

    لا تفتخر بجمالك فانك لم تخلقه ولا تفتخر بنسبك لانك لم تختاره بل افتخر باخلاقك لانك انت من يصنعها ..

    افتراضي رد: بتندمين يا بنت و السبب نظرتج هذي


    السلام عليكم ورحمه الله وبركاته.....
    واايد حلوه الراويه ماشاء الله عليج ....
    تسلم ايدج يالغالية.....
    عجبتني وااااايد ........





    و إذكر ربك إذا نسيت :
    سبحان الله
    الحمدلله
    لا إله إلا الله
    الله أكبر
    استغفر الله
    لا حول ولا قوة إلا بالله
    ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’
    twitter:@ii_z97



  5. #35
    مشرفة التربية الوطنية
    الصف 9
    الصورة الرمزية شيوخ المطاريش
    الحالة : شيوخ المطاريش غير متواجد حالياً
    رقم العضوية : 76232
    تاريخ التسجيل : 05-03-11
    الدولة : فروم يونايتد ارب ايمرتس ♡
    الجنـس : انثـى
    المشاركات : 2,442
    التقييم : 674
    Array
    MY SMS:

    وفوق حظنـآ آلقرمبع فيہ نآس تحسدنآ

    افتراضي رد: بتندمين يا بنت و السبب نظرتج هذي


    وعليكم السلام <<مرورج اروع
    موفقة ياربي..^،^





    مرتدين ثوب آلتخرج ونسمع صوت آلتصفيق ، ونشوف فرحة أحبتنا! ويعلن اسمنا خريجين 2016 ، هذه آللحظه آلتي أنتظرناها ف يارب تممها لنا



    خريجة 2016

  6. #36
    مشرفة الصف 11
    الصورة الرمزية لعـــــزتـي هيبـــــه
    الحالة : لعـــــزتـي هيبـــــه غير متواجد حالياً
    رقم العضوية : 86334
    تاريخ التسجيل : 02-11-11
    الدولة : ليـه أليالي يـاجروحي مجاريح راحت حزن وتعود ثاني حزينه
    الوظيفة : دراسة . دراسة . دراسة . والله ملينا يالدراااااااسه
    الجنـس : انثـى
    المشاركات : 1,854
    التقييم : 299
    Array
    MY SMS:

    لآ صـــــرتْ آدوّر لـَ آلأمَـــــل .. آيــــآم مآ فيهآ جفَا قلّـــــيْ وشْ أســــــويْ لَ صبرٍ كلمتَه ( ربكْ يعينْ ) عَطنيْ مُبرر لـَ آلضيآع .. و هَميْ آلليْ مآ غفآ و آلضيقَه آلليْ كل مـــــآ آخفيتهآ / ترجَع تبينْ !

    افتراضي رد: بتندمين يا بنت و السبب نظرتج هذي


    السلام عليكم

    مااااااشاااااااء الله عليج

    وااااااايد حلوووووووووووه القصه
    نترياااااا التكمله خيتوووووووووو

    عااااااد لا اطووووووولين






  7. #37
    مشرفة التربية الوطنية
    الصف 9
    الصورة الرمزية شيوخ المطاريش
    الحالة : شيوخ المطاريش غير متواجد حالياً
    رقم العضوية : 76232
    تاريخ التسجيل : 05-03-11
    الدولة : فروم يونايتد ارب ايمرتس ♡
    الجنـس : انثـى
    المشاركات : 2,442
    التقييم : 674
    Array
    MY SMS:

    وفوق حظنـآ آلقرمبع فيہ نآس تحسدنآ

    افتراضي رد: بتندمين يا بنت و السبب نظرتج هذي


    تسلمين ع الرد
    موفقة ياربي ..^^
    من عيوني





    مرتدين ثوب آلتخرج ونسمع صوت آلتصفيق ، ونشوف فرحة أحبتنا! ويعلن اسمنا خريجين 2016 ، هذه آللحظه آلتي أنتظرناها ف يارب تممها لنا



    خريجة 2016

  8. #38
    عضو فضي
    الصورة الرمزية بنوتة تاكل توتة
    الحالة : بنوتة تاكل توتة غير متواجد حالياً
    رقم العضوية : 83841
    تاريخ التسجيل : 05-10-11
    الجنـس : انثـى
    المشاركات : 181
    التقييم : 39
    Array
    MY SMS:

    ‏ ~ أنْـا الفتاة التيِ أخبرها وُالدها بأنہُ يحبہُا فنبتت على رأسہا ريِشہُ

    افتراضي رد: بتندمين يا بنت و السبب نظرتج هذي


    الرواية روعة وانتي اروع وااااايد حلوة
    بس فديتج انا ما استحمل اباج اتكملينا ترى انا ماعندي صبر

    اوكي حبيبتي






  9. #39
    مشرفة التربية الوطنية
    الصف 9
    الصورة الرمزية شيوخ المطاريش
    الحالة : شيوخ المطاريش غير متواجد حالياً
    رقم العضوية : 76232
    تاريخ التسجيل : 05-03-11
    الدولة : فروم يونايتد ارب ايمرتس ♡
    الجنـس : انثـى
    المشاركات : 2,442
    التقييم : 674
    Array
    MY SMS:

    وفوق حظنـآ آلقرمبع فيہ نآس تحسدنآ

    افتراضي رد: بتندمين يا بنت و السبب نظرتج هذي


    من عيوني الغلا
    أنتي تأمرين أمر
    موفقة ياربي ^^





    مرتدين ثوب آلتخرج ونسمع صوت آلتصفيق ، ونشوف فرحة أحبتنا! ويعلن اسمنا خريجين 2016 ، هذه آللحظه آلتي أنتظرناها ف يارب تممها لنا



    خريجة 2016

  10. #40
    عضو فضي
    الصورة الرمزية بنوتة تاكل توتة
    الحالة : بنوتة تاكل توتة غير متواجد حالياً
    رقم العضوية : 83841
    تاريخ التسجيل : 05-10-11
    الجنـس : انثـى
    المشاركات : 181
    التقييم : 39
    Array
    MY SMS:

    ‏ ~ أنْـا الفتاة التيِ أخبرها وُالدها بأنہُ يحبہُا فنبتت على رأسہا ريِشہُ

    افتراضي رد: بتندمين يا بنت و السبب نظرتج هذي


    فديتج والله مشكووورة
    اقتباس المشاركة الأصلية كتبت بواسطة شيوخ المطاريش مشاهدة المشاركة
    من عيوني الغلا
    أنتي تأمرين أمر
    موفقة ياربي ^^






صفحة 4 من 12 الأولىالأولى 123456789 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. طويلة : رواية بتندمين يا بنت و السبب نظرتج هذي .. *كاآملةة *
    بواسطة MOZA_FCB في المنتدى قصص الحب و الرومانسية و الغرام و العشاق
    مشاركات: 31
    آخر مشاركة: 16-02-05, 09:03 PM
  2. القصة بلغتين انجليزي وعربي
    بواسطة 50sent في المنتدى Children's Story
    مشاركات: 30
    آخر مشاركة: 11-03-08, 06:25 PM
  3. خبر عاجل أن المدرسة يوم السبت بس يوم واحد ما كل الأيام السبت
    بواسطة مسك المعاني في المنتدى منتدى الطلبات و المشاكل و الحلول problems and solutions
    مشاركات: 17
    آخر مشاركة: 08-11-12, 03:19 PM
  4. خبر عاجل أن المدرسة يوم السبت بس يوم واحد ما كل الأيام السبت
    بواسطة مسك المعاني في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 8
    آخر مشاركة: 08-10-30, 06:51 PM
  5. خبر عاجل أن المدرسة يوم السبت بس يوم واحد ما كل الأيام السبت
    بواسطة مسك المعاني في المنتدى المنتدى العام General Forum
    مشاركات: 6
    آخر مشاركة: 08-10-30, 05:19 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •