كأني في وسط صحرا..أحاسيسي غد(ن) ظامين
وأنته مثلمـا لال(ن)..تباعـد كلمـا جيتـك

حبيبي بس ذا يكفي..ترى عايـش علـى ناريـن
ياليتك تعلم ابحالي..وتروف الحال يا ليتـك

حشا لي صـاب قلبينا..مؤكـد إنهـا ذي عيـن
حشا ذي آخر الدنيا..إذانّـي مـا تلاقيتـك

إذا خلي ويجفيني..أنـا بعـدك أبرحـل ويـن؟
أنا من لي بعد قلبك..عجب تنسى مواريتـك

أنا حسبي على شخص(ن)..غدى كنّه غراب البين
يبي يسكن وسط قلبي..ويدري خافقي بيتـك



Yeslamo0o0o