تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 2 من 5 الأولىالأولى 12345 الأخيرةالأخيرة
النتائج 11 إلى 20 من 49
  1. #11
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته


    الجزء العاشر ..

    راحت نجلاء وسلمت على عمتها ورحبت فيها والكل قام يسلم عليها من البنات حتى شوق ولما وصلت
    عند ام فيصل ناظرتها بحقد وقالت..نوره حتى مافكرتي تعزمينا على ملكة ولدك
    ام فيصل وحاولت ماترد عليها ..هلا ومرحبا حصه نورتي وعرفتها على بناتها والتفت حصه واشرت على بنتها بفخر
    حصه..هذي بدور بنتي
    مشت بدور بدلع متصنع وشكلها كان ملفت لانها بلبسها كانت مخالفه بشكل كبير لدينا اولا وبعدها عاداتنا
    وسلمت عالكل باطراف اصابعها والكل رجع مكانه وراحت نجلاء كلمت حمد وبلغته خبر وصول عمتها و
    تضايق وخاف انها تنكد على شوق لكنه بسرعه دخل محمد وسلم على زوجته ولبسها شبكتها وبعدها دخل هو وياها للمجلس الثاني
    محمد ساكت مو عارف شو يقول ماتوقع شوق بهالجمال ويحس انه هالموقف صعب كثير شو يقول وكيف يتصرف وليه
    هي ماتحرك حاول يجلس قريب منها
    محمد والابتسامه ماليه وجهه ..مبروك شوق
    شوق وبصوت واطي..الله يبارك فيك
    محمد ويحاول يجرأها شوي..والله ماتوقعتك كذا طلعتي احلى بكثير
    شوي ورفعت شوق وجهها وانصدم محمد من الي شافه بوجهها وقام وجلست عالارض على ركبته قدامها ورفع راسها
    محمد..احلفك بالله تقولين ليه الدمعه وبهاليوم
    شوق حاولت تتمالك نفسها لكنها ماقدرت
    محمد حس فيها..شوق تكلمي وبحريه بسمعك حتى لو قلتي لي اكرهك حتى لو قلت ماابيك بسمعك تكلمي
    شوق وحاولت توقف وتعطي محمد ظهرها حتى تقدر تتكلم فهم قصدها وبعد عنها
    شوق وبصوت مبحوح بين دموعها ..اعرف انك متوقع ابتسامه وفرحه مثل اي شخص بهاليوم وصدقني ياولد عمي الفرحه بقلبي
    لكن فيه احاس ثاني يزاحمها
    سكتت شوق ومحمد توترت اعصابه اكثر
    محمد ورافع حاجبه ..الي هو
    شوق..الخوف الكل يعرف شوق البشوشه الي تضحك ولاتهتم لكن هذا قناع ..بداخلي جروح والام
    وهموم.. بداخلي طفله مذبوحه حرموها من طفولتها.. بداخلي بنت مافرحت ولا عاشت حتى مراهقتها
    كنت اداري الم بالضحك واليوم انا اعطيتك حياتي وانا ماادري العلم عند الله هل بتستمر حياتي
    على ضحكه هي بالاصل قناع او بتتحول لضحكه حقيقه من قلب
    سكتت شوق ماقدرت تكمل ومحمد انصدم معقوله اول مره يحس انه بيده يسعد احد قام له ولفها لوجهه
    مد يده ومسح دمعتها..
    محمد وبأبتسامه ..باذن الله هالدمعه مابتنزل الا دمعة فرح وعد مني ياشوق اني اعوضك عن كل ثانيه انحرمتي
    من سعادتها اوعدك
    سكتت شوق وسكت محمد وبدأ حوار ثاني حوار من غير حروف ومن غير همس من غير صوت
    حوار القلوب التعبانه القلوب الولهانه القلوب الشقيانه القلوب التايهه بسواد الحياة وظلم السنين
    بدأ حوار عيونهم الي تعانقت وتعاهدت على الوفاء من غير اي حروف

    وبعد ماطلع الكل تعرفت العمه حصه على العنود وناظرتها نظره مالها اي معنى وجلست بصدر المجلس
    وقالت لنجلاء بثقه ....نادي اخوك وعيال عمك خليني اشوفهم مافيني اطلع لهم
    كل البنات تغطوا ولا طلعوا من المجلس وحتى العنود لكن الي صار ان بنت العمه بدرو ماتغطت بس
    لبست عباتها حتى ماحطت الطرحه على شعرها
    شوق وبقهر ..وجع ان شاء الله ليه ماتتغطى
    ساره..ههههههههههههه بدت الغيره
    شوق..ياشيخه روحي اغار على اخوي
    ساره..ايه هين على اخوك

    دخل حمد ورحب بعمته وراح سلم عليها
    حمد..ياهلا والله بعمتي نورتي الرياض
    العمه ..لا هلا ولا مرحبا انا اعرف من الغريب ياحمد عن ملكة بنت اخوي
    وقطع كلامها فهد ودخل وسلم عليها
    فهد..شلونك ياعمتي
    العمه..لو يهمك سألت عني
    دخل محمد وفيصل وسلموا عليها وفجأه دخل نواف الكل استغرب وامه من فرحتها بكت ماتوقعت نواف بيدخل
    وبمجلس كله بنات عبير اول ماشافته ضغطت على يد العنود لانها جنبها استغربت العنود من تصرفها سلم على عمته
    العمه..الحين مافيه اكثر من جياتك لشرقيه ولايقول بمر على عمتي واسلم عليها
    نواف وصدمه ثانيه صدمها ل لما قال لكل..خفت اجيك وتقولين فشلتني عند الجيران بيقولون ولد اخوها اعرج
    الكل انصدم واولهم العمه التفت على بنتها تغير الموضوع وقالت..بدور قومي سلمي على عيال عمك
    انصدم فيصل لانه اول واحد لما مدت يدها وصافحته وقالت ..اهلين بدلع وللكل نفس الشئ عملت
    لكن لما وصلت لفهد دخل يدينه بجيب ثوبه وفهمت قصده وابتسمت بسخريه له وكأنها تقول انا لك يافهد
    طلعوا العيال والعمه راحت مارضت تنام عند اي احد منهم والكل رجع لبيته وهو مصدوم من الي صار

    شوق سافرت بدنيا غير هالدنيا ماعادت تشوف عمتها ولا تتذكر خوفها وظلمها لها بعد اليوم شوق
    انسانه فرفوشه حبوبه طيبه لكن بدفتر صغير لفتت انتباهي صفحه كتبتها شوق بعد الملكه على طول
    " انا شوق انسانه لها احساس ومشاعر تحس وتنقهر وتنجرح تبكي وتتألم وتحب وتتعب شوق طفله
    بريئه قتلوا برائتها بقسوتهم قتلوها لما حرموها من فرحة النجاح والعيد لما حرموها من الضحكه واستبدلوها
    بدمعها قتلوها لما اعتبروها اقل منهم وهي احسن عنهم شوق اليوم بنت وعروس وحلوه اليوم
    سلمت حياتي لشخص وعدني يستبدل دمعة حزني لدمعة فرح اليوم انا شوق المولده الجديده
    ميلادي بأرض حنانه ..واسمي نور لحياته.."
    هذي صفحة شوق الي كتبتها وسافر مع اول مكالمه لها مع الانسان الي ملك قلبها بنظرة حنان صادقه من عينه

    حمد كان فرحان لكن قلقان بنفس الوقت على وضع ساره وجلس يفكر وقطعت عليه تفكيره نجلاء
    نجلاء..حمد شفيك متضايق
    حمد ..ساره بنت عمي بتدخل المستشفى الجمعه
    نجلا شهقة...ليه
    حمد..العلاج بيكثف لها وخايفين يأثر على القلب لكذا عالاقل اسبوع لازم تظل بالمستشفى
    نجلاء..ياحياتي يا ساره ماتستاهل
    حمد..المشكله انها صعبه ولاترضى وتساعدنا على علاجها
    نجلاء..اكيد تخاف
    حمد..ههههههههه ساعات احسه دلع
    نجلاء..ههههههه ساره شوي دلوعه لكن هي خوافه صدق
    حمد..الله يعينا
    نجلاء..ان شاء الله مابيصير الا كل خير يالله روح نام وارتاح

    الكل نام وارتاح بعد هالليله الحلوه والمتعبه لهم الا وحده ماقدرت تنام جلست على سريرها
    وهي تصيح تصيح بشكل يعور القلب تصيح حالها ووضعها
    فجأه حست فيها عبير ..خلود شفيك ليه تصيحين..؟؟
    راحت لاختها وحضنتها وخلتها تصيح وترتاح وتطلع كل الهم الي بداخلها
    عبير..قولي لي حبيبتي شفيك
    خلود وبين دموعها..عبير انا ماكنت كذا ابدا لما شفت بدور اعرفت الضياع الي انا امشي فيه
    انا مااكره العنود بالعكس كنت اتعمد اني اجرحها حتى اقنع نفسي انها عدوتي واسعى لفيصل واكسبه
    عبير انا عمري ماكنت رخيصه ولا عمري فكرت اتزوج بهالطريقه لكن الي شفته من عمتي وبنتها
    خوفني خفت احصل احد من بنات عمي مثلها ويكرر تجربتي كانت تهيني كانت تقول انتي مافيه
    احد يبيك لا جمال ولا مال مع اني احلا من بنتها عبير انا مستصغره نفسي على الي فكرت فيه
    لما شفتها حسيت اني صرت مثلها ماقدرت اتحمل اكون مثلها لما شفت نظرة الاحتقار من الكل لها
    واولهم انا ماتخيلت ان بنات عمي او انتي تشوفوني بهالنظره عبير انا قلت احصن نفسي واكون
    الاقوى مااعرف ليه العنود بالذات لكن يمكن اعتزازها بنفسها وثقتها مااعرف لكن انا متأكده
    من شئ واحد اني مااكرهها بالعكس هي طيبه كثير على ان الواحد اول مايشوفها يحسها قويه مره
    عبير وتهدي اختها..اول شئ الحمد لله اختي رجعت لي من جديد والشئ الثاني مو احنا اتفقنا ان احنا
    راضين بوضعنا مهما كان وياخلود ياحبيبتي احنا الحمد لله عايشين فيه ناس اقل مننا بكثير لكن
    احنا الحمد لله يكفي ان عندنا بيت ملك واخ الله يخليه لنا مو مقصر صح الواحد يتمنى اكثر لكن لازن يكون
    الانسان قنوع حبيبتي ..
    وبعدين شو قصدك انك تخلين العنود عدوتك حتى تكسبين فيصل
    خلود..مااعرف تصورت انهم مناسبين لبعض وانه ممكن يتزوجها لكذا حبيت انا الي اكسبه
    عبير..هههههههه هي من ناحية مناسبين صح ( حتى عبير مثلكم تشوفهم مناسبين ) لكن مااعتقد
    لان العنود مثل فيصل قويه مره وتقدر انها تتصرف واحس انها محجره قلبها يعني احسها صعب تحب
    خلود..تتوقعين تسامحني
    عبير..بتصرفاتنا نخلي الكل يحبنا مو بالكلا م بس بعدين قولي لي فيصل شو يعني لك
    خلود..بالبدايه عجبني شكله وحالة الماديه لكن بعد ماتعرفت اكثر عليهم لا مااحس فيصل الشخص
    الي انا اتمناه فيصل شخصيه تنفع انها تكون اب اخ كبير لكن زوج وحبيب لا مااحس انه ينفع وخصوصا معي
    عبير..صح فيصل مايناسبك ابدا ابدا الحين انا مبسوطه واقدر انام وانا مرتاحه ان اختي رجعت لي
    خلود..بأبتسامه ..حتى انا مبسوطه
    ارتاحت عبير وارتاحت خلود وناموا وهم مبسوطين انهم قدروا يسترجعون شئ ضاع لهم..

    اما نواف كان مبسوط انه قدر يواجه عمته بعد كل هالسنين ظل يفكر ويفكر كيف جته الجرأه بعد
    هالعزله انه يقول هالكلام وقدام الكل وخصوصا عمته الي الواحد مايتوقع كلامها الي مثل السم
    لكنه ارتاح حس انه قدر يرجع مثل قبل صح له فتره تقريبا اغلب اتصاله بالرياض مع فهد ومع بعض
    موظفين الشركه لكن الحين بدخول عيال عمه حس بتغير كبير وخصوصا على وجه امه الي عطته
    كل ماتملك الي ضحت بأشياء كثيره لخاطر ولدها وجلست طول عمرها تربيه يكفي انها تسافر معه
    وين مايروح عاتب نفسه على قسوته عليها كيف تركها كل السنين تتعذب بسبب انعزاله عن العالم
    ليه حرمها من انها تشوف ولدها الوحيد مرتاح ومبسوط وتفرح فيه لكنه قال كيف اوهمها بالراحه
    وهي بعيده عني كيف الراحه غابت عني لسنين مااقدر يايمه لكن بحاول واحاول واحاول لعيونك
    لكن اخذ عهد على نفسه انه يعوضها عن الايام الي عاشتها بدموعها على ولدها ..

    يوم الخميس ام فيصل عزمت العمه عندها وعزمت الكل عندها ولا احد انبسط على هالعزيمه ابدا
    العنود اعتذرت وبشده من ام فيصل لحد مارضت ام فيصل اما باقي البنات كلهم تواجدوا العصر واتفقوا كلهم
    انهم يروحون عند العنود ويقنعوها تجي معهم وخلود كانت مستحيه من العنود لكن قررت انها تثبت للعنود
    انها انسانه طيبه لكن الخوف احيانا من تكرار التجارب القاسيه يخلي الواحد يتخذ اسلوب الهجوم على طول
    دخلوا البيت وحصلوا العنود ماسكها جوالها وواضح انها بعالم ثاني ..
    الكل...بوووووووووو
    العنود شهقت ..ناقصه انا تخرعوني
    الكل..هههههههههههههه
    سلمت عالكل وجلسوا عندها
    نجلاء..وين الشيخه مسافره مع جوالك الظاهر
    العنود ارتبكت ..لا ابدا اتفرج على مسجاتي
    العنود..ماوصلت العمه
    شوق..لا
    العنود..اشوف العروس تقولها من غير نفس
    شوق..ههههههههههه تصدقين نسيت اني عروس
    اماني..مااتوقع تنسين والحبيب بالمجلس
    غدير..هههههههههههه انحرجت شوق غريبه
    شوق..اسكتوا وخلونا بالي جينا له
    عبير..العنود جايينك بطلب لاتردينا
    العنود..لا الله يخليكم مابجي
    نجلاء..العنود ليه كلنا هناك مجتمعين
    العنود..ماعليه اسمحوالي ام بدور نظراتها ماعجبتني ولا عندي استعداد اتحملها مع احترامي لكم
    قامت خلود وجلست جنب العنود الي انصدمت من تصرفها
    خلود وبأبتسامه ..واذا قلت لك عشان خاطري بترديني
    العنود وهي مو مصدقه هذي خلود الي تتعمد انها ترمي عليها الكلام معقوله تغيرت او راح تعمل
    فيها مقلب قدام الكل ..
    العنود وحست بالتحدي تجاه خلود..لا طبعا مااقدر بجي معكم وياويلكم اذا صار شئ
    ساره..ايش بيصير يعني
    نجلاء وهي تناظر ساره وهي راحمتها لان مااحد يعرف فيها الا هي
    الكل طلع وتفرقوا البنات الي بالمجلس والي بالمطبخ والي بالغرفه اما ساره جلست بالحديقه
    وجلست تتأمل هالوضع كله وبدت من نفسها وكيف انها انحرمت من الفرحه قالوا لها لا تفرحين
    ولا تزعلين حتى الفرح حددوه بحدود ليه يازمن قسيت على قلبي انا استغفرت اله وتوها بتقوم وتشوف فيصل
    الي ابتسم لها واشر لها تدخل لان الظاهر معه احد دخلت ساره ودخل فهد للمجلس

    اما بالبيت ام فهد وام نواف كانوا يسولفون عن حصه ام بدور وغريبه انها جات من الشرقيه حتى تحضر الملكه
    مع انها مافكرت تعرف عيال اخوها وانظمت لهم ام فيصل اما البنات كانوا عند التلفزيون بالصاله يسولفون وشوي
    ووصلت العمه وبنتها سلمت على الكل وجلست هي وبنتها
    ام بدور..شلونكم ياام فيصل مشاء الله الله يرحمك يااخوي امن عياله بحالاله قبل مايموت
    ام فيصل..الله يرحم الجميع
    غدير وتكلم اماني بصوت واطي..ليه ماتقول لها ان هذا مو حلال ابوي
    اماني ..اسكتي انا مخترعه منها
    ام فهد..شلون لطيفه ليه ماجت معك
    ام بدور..لطيفه عند دلال بالجبيل ولدة وجابت ولد
    ام نواف عورها قلبها لما تذكرت دلا ل ولطيفه الي عمرها مابتسامحها على الي عملته بولدها
    ام فيصل..مشاء الله اجل صارت جده لطيفه
    ام بدور..شلون ظروفكم ياام فهد
    انقهرت خلود وعبير من عمتهم وعرفوا انها رجعت تتعمد اسلوبها الاستفزازي
    ام فهد..الحمد لله يارب
    ام بدور..للحين ساكنين بنفس البيت الضيق
    هنا تدخلت عبير..البيت جدران ياعمه لكن الاهم قلوب اصحاب البيت تكون وسيعه
    ام بدور وماعجبها رد عبير ..يمكن الله يعينكم
    والتفت على العنود الي كانت تلعب بخاتم بيدها ولا هي معهم
    ام بدور..وانتي يالعنود ماتشتغلين
    العنود..لا
    ام بدور ..ومن يصرف عليك والا معهم
    العنود وحاولت تكون هاديه..عندي خير ولله الحمد
    ام بدور..الي اعرفه اختك ماعندها شئ
    العنود..اسمحي لي ماتعرفين شئ اجل عن اختي
    انقهرت العمه وعلى طول نجلاء قالت يالله نطلع بنات بالصاله
    طلعوا الكل بالصاله وجلسوا يسولفون وشوق شوي بتذبح بدور الي استفزها غرورها ومياعتها
    اماني..انتي بالجامعه بدور
    بدر..ايه بس اعتذرت مالي خلق ادرس هالمستوى
    الكل سكت لما سمعوا صوت محمد ينادي على غدير
    غدير..بنات ماعليه محمد بيطلع تغطوا الكل تغطى حتى شوق




    العنود بصوت واطي ..لاتتغطين ياخبله انتي زوجته مو هي
    ماتغطت شوق استغربوا البنات على ان شكلها كان ناعم مو عامله حسابها بتشوف محمد
    محمد..السلام عليكم وتوه بيمشي ورجع على ورى
    محمد وبأبتسامه ..انا لفت انتباهي نور بالصاله وانا قول مين ياربي
    شوق استحت وصار وجهها احمر اما بدور واضح انها انقهرت توقعت هي الي تلفت نظره
    غدير وتدف محمد ..روح لاتجي امي الحين بعدين اجلس تغزل بزوجتك مو عندنا
    طلع محمد وهو يضحك والكل يعلق على شوق الي رغم انها انحرجت لكن انبسطت
    التفت على العنود..والله احبك
    العنود..ههههههههههههههه الله يسعدك يارب

    راحت العمه وبقى هم على ال فيصل الي هي والمهمه الصعبه الي عنده كيف يوصل الخبر لساره لكن بعد تفكير
    فضل ان امه هي الي تقول لها وفعلا قالت لها وبكت ساره حاولوا كلهم يهدونها لكنها قالت
    ساره..خلاص خلوني اجلس شهر مو كل يوم والثاني رايحه تعبت
    طلعت غرفتها وطلعت معها نجلاء وحاولت تهديها وتشرح لها
    ساره..نجلاء تعبت ماابي اروح للمستشفى خلوني اذا الله كاتب لي اموت بموت
    نجلاء..بسم الله عليك لاتقولين هالكلام

    الجمعه بيت ام فيصل كان مختلف فيه حزن مخيم عالبيت حتى سلمان الطفل الصغير بكى لما عرف ان ساره
    بتدخل المستشفى حاولت اماني ومحمد انهم يغيرون جو الحزن لكن ماقدروا بالليل طلعت ساره مع العنود
    ووداهم فيصل للمستشفى تطمن على الوضع وطلع وبمجرد ماطلع فيصل بكت ساره حاولت تهديها العنود لحد مانامت
    اما افيصل كانت تعبانه على حال بنتها دخلت غرفتها وغدير اذت سلمان تنومه اما اماني جلست بالغرفه لحالها
    ومحمد كان متضايق على وضع اخته وخصوصا دموعها الي كسرت قلبه وقال بتصل بشوق احاول انسى

    شوق لما شافت رقم محمد استغربت شو يبي هالوقت غريبه
    شوق..هلا والله
    محمد وبصوت تعبان..هلا شوق شلونك
    شوق وخافت من صوته..الحمد لله محمد شفيك
    محمد..سلامتك لااكون ازعجتك
    شوق..لا ماازعجتني بس صوتك
    محمد بأبتسامه..حلو صح
    شوق......
    محمد..ههههههههه مافيني شئ الغاليه كل الموضوع ان ساره راحت للمستشفى وضاق صدري قلت مالي الا حبيبتي زوجتي
    شوق انصدمت من كلام محمد حبيبتي وزوجتي سكتت ولا عرفت شو تقول
    محمد..شوق لاتسكتين ابي اسمع صوتك
    شوق..ان شاء الله
    جلس محمد مع شوق تقريبا ساعه وبعدها نام وهو مرتاح

    اما فيصل ماقدر حتى يرجع للبيت راح لسعد صديقه لانه يعرف انه الوحيد الي يرتاح معه

    سعد..فيصل شفيك ليه هالحزن مو اول مره اختك تدخل المستشفى
    فيصل..صح لكن صدقني سعد رغم فرحتي بمحمد الا اني تعبت احس محتاج ارتاح
    سعد..هونها ياشيخ وبأن الله بتهون بعدين سلوم وينه من زمان ماشفته
    فيصل..حبيبي سلوم والله اني انشغلت هالفتره حتى انا عنه
    سعد..احم ..احم
    فيصل..قل شعندك
    سعد..ههههههههههههه بسألك عن الخاله شخبارها
    فيصل..مااعرف فيه شئ قاهرني ودي اعرفه ليه تركت الشغل وبكت بنفس اليوم
    سعد..وليه تبي تعرف
    فيصل..مااعرف فضول
    سعد..اسأل خواتك
    فيصل..صعب المهم انا بروح وبكرا اشوفك مرني بالشركه
    طلع فيصل ورجع للبيت

    والصباح الكل راح لساره الي انبسطت بوجود اهلها وبنات عمها كلهم حولها ومر يومين بسرعه على وجودها بالمستشفى
    واحتكاكها مع حمد كان عادي جدا مثل اي دكتور وباليوم الثالث اجتمع حمد مع الدكتور ماجد استشاري القلب
    د.ماجد ..ياحمد الصدمه لابد منها ساره خلصت المده المحدده لاستخدام الدواء لازم نعمل هالصدمه لها
    وانا شفت انه انت الي تعملها وافضل اليوم حتى تكون تحت المراقبه بعدها كم يوم عندنا لنتأكد من وضع القلب
    حمد..انا يادكتور صعبه شلون
    د.ماجد..ماهي صعبه انت ولد عمها ودكتورها حاول تستفزها تخليها تعصب لحد ماتوصل لاقصى درجه من الغضب
    وبعدها اتركها لكن الاهم انه مايكون عندها احد بالغرفه حتى ماتحس بالامان او تستنجد فيه او يحاول يهديها
    حمد..وبعد تفكير ..اتكلنا على الله موافق بكلم اخوها وانسق معه
    كلم حمد واتفق مع فيصل ان مااحد من اهله يجي للمستشفى وصل فيصل للمستشفى وهو خايف على اخته الي ممكن
    هالتجربه تدمرها لكنها امل مهم له ارسل رساله للعنود كتب فيها
    " انا فيصل اطلعي من الغرفه من غير ماتحس عليك ساره ضروري " خافت العنود وطلعت حتى من غير ماتغطي
    عيونها وكان فيصل وحمد والدكتور ماجد عند الباب انتبه لها فيصل وكان وده يقول لها لكنها حست بسرعه بتركيزه وغطت
    عيونها لمحت ابتسامه بوجهه فيصل وبعدين توقعتها من خيالها من حقيقه
    العنود..خير فيه شئ
    حمد..عن اذنكم ادعوا لي
    فيصل قال للعنود كل شئ وخافت حست بقلقه وتوتره ماجلس ابدا والدكتور والممرضات عند باب الغرفه حتى يدخلون
    بمجرد مايطلع حمد.










  2. #12
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته


    الجزء الحادي عشر ..

    دخل حمد للغرفه وكانت ساره بهدوء متمدده على السرير وشكلها شوي مرهقه
    حمد من غير اي تعبير ....هلا ساره
    ساره استغربت وتعدل الشال ..اهلين
    حمد من دون مقدمات ....اسمعي بناخذ لك تحليل دم الحين ولا ابي اعترض تفهمين ..
    ساره وانقهرت منه..لا ماافهم
    حمد وبصوت اعلى ..لازم تفهمين لانه مو بكيفك
    ساره وبحده ..لا يادكتور بكيفي
    حمد..قرب عندها..انا بعرف هالغرور على ايش فهميني على ايش شايفه نفسك انتي
    ساره ولانها تكره الصوت العالي ..لو سمحت ماله داعي ترفع صوتك
    حمد وبصوت عالي..اسمعي مو انتي الي تعلميني شلون اتكلم تسمعين والي اقوله بيمشي مفهوم
    ساره بدت تصيح ووقفت من عالسرير بصعوبه و حتى نست ان ماعليها الا بجامه
    ساره من بين دموعها ..لا ماافهم ماافهم ولو سمحت اطلع برى
    حمد وبضحكه مستهزئه ..انتي يادلوعة اهلها لاترفعين صوتك وامشي معي يالله خلي عنا هالكلام الفاضي
    فجأه من غير احساس منها مدت يدها وعطت حمد كف لكنه تدارك الموقف ومسك يدها ولفها على وراء
    حمد وعصب منها ..هالغلطه بتدفعين ثمنها غالي رغم ماعندك اغلىمن هالغرور الا بكسره لك
    ساره وانهارت ..وجلست عالارض وهي منهاره وتصيح..اكرهك اكرهك اكرهك
    حمد ونزل راسه لها ..وانا احبك احبك احبك
    ساره ونرفزها هدوءه اكثر ..برى برى برى اطلع اطلع
    حس حمد انها انهارت وطلع بسرعه ودخل الدكتور والممرضات لكن حمد منع فيصل ومسكه
    فيصل بخوف واضح ..طمني حمد ارجوك
    حمد..خير ان شاء االله
    انتظر فيصل الدكتور وحمد طلع من المستشفى ولا حصل الا فهد يروح له لانه كان متضايق من كل الي صار
    دخل عند فهد الي استغرب صمته واحترم هالصمت لكن بعدها قال
    فهد..حمد تكلم قولي شفيك ياخوي
    حمد..ماتوقعت اني ممكن اكون كذا
    فهد..خير يااخوي
    حمد وقال لفهد الي صار
    فهد..حمد هذا واجبك ليه متضايق
    حمد..متضايق لاني اديت واجبي بخطأ
    فهد..كيف ..؟؟
    حمد..لما قالت لي اكرهك ..قلت لها احبك
    فهد. ...اها ..لكن هي بتعرف انه تمثيل
    حمد..مابتعرف الحين بعد 24 ساعه بتعرف
    فهد..قصدك هالساعات ممكن تصدق انك تحبها
    حمد.........
    فهد..انت ليه قلت لها احبك
    حمد..مااعرف ماحسيت الا بهالكلمه طالعه مني ورددتها ثلاث مرات
    فهد..انت تحبها حمد..؟؟
    حمد وغمض عيونه.........
    فهد..هالصمت شو يعني
    حمد..مااعرف مااعرف تصدق ابي انام
    فهد قدر وضعه ..طيب نام هنا مافيه احد البيت
    طلع فهد وترك حمد ينام لان شكله كان تعبان

    ساره كانت منهاره وعالارض وتصيح بشكل يعور القلب على طول دخل الدكتور وعملوا لها الفحوصات السريعه
    بعدها عطوها مهدي
    العنود..اقدر ادخل لها
    فيصل ويهز راسه
    راحت العنود وقلبها عورها على ساره وحتى فيصل الي سمع صوت ساره وهي تنادي عليه تستنجد بأخوها لكنه غصب
    عنه لمصلحتها ماقدر يدخل ويحضنها ويهدها شوي وتطمن فيصل على ساره وقالوا له انها مابتصحى الا بعد ساعتين
    تقريبا طلع يبلغ امه عالي صار واصرت انها تروح لها وطلعت هي والبنات مع فيصل وشوق لما عرفت اخذت نجلاء وراحت لها
    مع سواق ام فيصل وحتى فهد اخذ امه وخواته وراحوا لها والكل اجتمع عندها لانه موعد الزياره ومتوقعه العنود الكل بيكون موجود
    وصلوا كلهم وشوق مو مستوعبه توها تصحى لاحظت البنات وامها
    ساره..يمه ابي امي فيصل
    راحت امها وحضنتها وجلست تصيح وامها تهديها وشوي هدت ساره وسكتت
    شوق..سلامات الغاليه
    ساره صدت مالجهه الثانيه ودمعت عينها
    الكل استغرب وراحت لها شوق عند السرير
    شوق..حبيبتي سارونه
    ساره نزلت دموعها التفت شوق على نجلاء وراحت لها
    نجلاء..ساره شلونك الحين
    ساره دموعها تنزل بصمت وقالت بصوت ضعيف سمعته نجلاء..اكرهه اكرهه اخوك
    نجلاء..ارتاحي حبيبتي
    اخذت شوق الي مستغربه من ساره ليه ماترد عليهم رغم انها ردت على الباقي
    مافيه احد يعرف بالي عمله حمد والكل استغرب لكن العنود كانت فاهمه وقالت لنجلاء اعذروها

    بعد ماانتهت الزياره الكل طلع وانتبه فهد ان البنات بيرجعون مع السواق وراح لهم
    فهد..السلام عليكم
    نجلاء وشوق..وعليكم السلانم
    فهد..تعالوا معي بنات لاترجعون مع السواق
    نجلاء..لا مشكور
    فهد..اعتبريه امر يانجلاء
    شوق..فهد بيتنا مو بطريقك عادي
    فهد..مااحب اعيد كلامي انتظركم
    راح فهد ونجلاء ساكته
    شوق..انتي مو ناقصين خلينا نروح شكله صادق مايعيد كلمته
    نجلاء..اول مره اكتشف انه حلوو
    شوق..ههههههههههههههههههه والله انك خبله مو حلو لكن عجبك لانه واثق بنفسه بقوه
    نجلاء..يالله نروح
    ركبوا البنات معهم
    فهد..حمد بالبيت عندي شرايكم ترجعون معنا
    اقنعوهم البنا ت وراحوا معهم

    عالساعه 12 صحى حمد واستغرب انه كيف نام هالوقت وزياده جواله مقفول توه بيقوم الا دخل فهد

    فهد..لابدري ارجع نام
    حمد..هههههه والله ماحسيت ياشيخ عطني التيلفون جوالي مافيه بطاريه نسيت خواتي
    فهد..خواتك عندنا
    حمد..مستغرب..عندكم شلون وليه ومتى
    فهد..ههههههه شوي شوي رحنا للمستشفى وشفناهم هناك وقلت لهم انك عندي ورجعوا معنا
    حمد..كويس يعطيك العافيه طيب ساره
    فهد وبأبتسامه..شفيها
    حمد..كيفها
    فهد..فيصل مو مرتاح يقول شكله تعبانه
    حمد سكت ونزل راسه واخذ جوال فهد واتصل على نجلاء
    حمد..هلا نجلاء
    نجلاء..اهلين صحيت فشلتنا تأخرنا
    حمد..هههههههه اسف وين شوق
    نجلاء..مااعرف مع خلود
    حمد..نجلاء شلونها ساره
    نجلاء..صح شو عملت للبنت مسكينه
    حمد..ليه فيها شئ
    نجلاء..تعبانه وشكلها شايله عليك بقوه
    حمد وعصب اكثر ..طيب يالله انتظركم بالسياره

    طلع حمد مع خواته وحاول يكون طبيعي لكن شوق ماخلته الا بتعرف شو فيها ساره وهو يحاول مايرد
    عليها لحد ماوصلا للبيت
    طلعت شوق لغرفتها حتى تكلم حبيب القلب محمد وتحاول تعرف منه شو الي صار لساره ليه تناظرها كذا
    وليه بس تصيح اما نجلاء كانت تراقب حمد الي كل حركاته كانت متوتره طلع وتحمم وبدل ملابسه وهو
    طالع للمستشفى انتبه لنجلاء بالصاله
    حمد..نجلاء ليه مانمتي
    نجلاء بأبتسامه..بتكلم معك شوي ممكن
    حمد ..طبعا ممكن كم نجلاء عندنا
    جلس حمد ينتظر نجلاء تحكي
    نجلاء..حمد شو عملت لساره ..؟؟
    حمد ..ليه هالسؤال
    نجلاء..جاوبني واقولك
    حمد..ماعملت شئ هذا واجبي كادكتور بغض النظر انها بنت عمي
    نجلاء..تحب اقول لك شو قالت لي اليوم
    حمد..شو
    نجلاء..لكن بعدها قولي شوعملت
    حمد ..طيب بس قولي
    نجلاء..اول شئ ماردت على شوق لما سلمت وقالت لي بصوت واطي
    حمد.ايوه
    نجلاء..اكرهه اخوك
    حمد حس احد كب عليه ماي بارد ماعرف شو يرد او شو يقول كان متوقع ان ساره بتتخذ موقف
    منه لكن ماتوقع بهالسرعه ولا بعد تقولها
    حمد..تحبين تعرفين الي صار
    نجلاء..ياليت ..قال حمد الي صار الا كلمات الحب الي صرح فيها والكف احتفظ فيها ماقالها
    نجلاء..بصراحه ماالومها مسكينه
    حمد..ولا انا
    نجلاء..لا تهتم ساره طيبه بكرا تنسى
    حمد..المهم انها تكون بخير
    نجلاء..يهمك انها تكون بخير
    فهم حمد قصدها لكن تجاهل وقال..اكيد مو هي مريضه عندي يالله اسمحي لي
    وطلع حمد للمستشفى يتطمن على ساره

    وصل المستشفى وسأل الدكتور عننها وتابع التقارير لكن الدكتور قال تحتاج اربع وعشرين ساعه حتى يتأكد من النتائج
    توتر حمد زياده ماعرف شو يعمل وطلع راح بيشوفها لانها اكيد نايمه لكنه تفاجأ بوجود فيصل عند باب الغرفه
    جالس وشكله مرهق وتعبان
    حمد بهدوء..فيصل
    فيصل وبصعوبه فتح عيونه..هلا حمد
    حمد..شفيك يااخوي ليه جالس شكلك مره تعبان
    فيصل..مااقدر قلبي مايطاوعني اروح من غير مااشوفها واتطمن عليها
    حمد بأستغراب..ليه ماشفتها للحين
    فيصل..الدكتور قال انها تنادي كثير علي ومنعني حتى يتأكد اكثر من النتئج يعني حب يحسسها ببعدي
    عنها حتى تزيد الانفعالات عندها
    حمد..لا حول ولاقوة الا بالله طيب انا اطلعت على التقارير وكل شئ الحمد لله للحين طبيعي
    فيصل..آه ياحمد هذي ساره الغاليه
    جلس حمد معه ..يااخوي هونها وتهون اول مره احسك ضعيف كذا
    فيصل..ياحمد ساره بنتي واختي ونور بيتنا لازم اضعف لازم اضعف وانا مو قادر اخفف عنها واواسيها
    حمد..هانت يااخوي كلها كم ساعه وتشوفها
    فيصل..الدكتور ماجد يقول اما ابلغها انا او انت او هو مو مشكله بأن الي صار كله تمثيل عليها
    حمد..انت بلغها احسن
    فيصل..الا تعال ماقلت لي شو عملت لها
    حمد..ياشيخ لاتذكرني والله ماتوقعت اني بقدر اختك ماتحب التحليل وانا طلبت منها واعذرني فيصل
    لاني رفعت صوتي وشوي استفزيتها
    فيصل..هذا واجبك ياحمد ومعذور لكن لاتتعودونها لاني مابقدر
    حمد..ههههه لا ان شاء الله تعال معي للمكتب خلينا نشرب قهوه وترتاح شوي
    فيصل..يالله

    بالبيت رجعت العنود لان ساره تمسكت بأمها ورفضت انها ترجع فانامت عندها وغدير نامت عند البنات
    ونامت اماني وسلمان لان عندهم دوام اما غدير كانت تعبانه من الي صار كله

    غدير..العنود تكلمي قولي شفيها ساره شصار حرام عليكم وليه فيصل شكله كذا
    العنود..والله مااعرف شو اقول لك
    غدير..قولي الصدق
    العنود..بقول بس لايطلع لاحد اوكي
    قالت العنود كل الي صار لغدير الي استغربت من هالوضع وليه حمد الي عمل هالصدمه اكيد هذا بيكون صعب
    العنود..اقول لك شئ غدير
    غدير..قولي
    العنود ..مااعرف بلحظه حسيت فيه ارتياح من ساره لحمد يعني بالاول كان يمثل لها رعب لكن مع الايام
    تقريبا تعودت عليه والحين مااعرف شو بيكون
    غدير..ان شاء الله بتقوم بالسلامه وتعرف ان الي صار كله مخطط له وبتنسى كل شئ
    العنود..ان شاء الله
    غدير..تصدقين قلبي مع فيصل للاحين مارجع سيارته و بالبيت
    العنود ومن غير تفكير..طيب اتصلي تطمني عليه
    غدير..والله مع اني خايفه انه معصب بس بكلم وعلى الله
    اتصلت غدير لكن حصلت جواله مقفل وقلقت اكثر واتصلت بمحمد وحصلته مشغول
    غدير..محمد عايش بعالم ثاني
    العنود..هههههههه الله يسعده يارب
    غدير..تعالي ننام وبكرا الله يطمنا عليهم
    العنود ..ان شاء الله

    نلمت غدير اما العنود ماقدرت تنام جلست ايام مع ساره بالمستشفى لكن كانت متوتره من المسجات الي ماتنقطع ابدا
    ماكانت محصله اجابه تقولها لساره شو هالمسجات الي توصل بشكل مستمر اضطرت انها تكذب وتقفل جوالها
    لكنها الحين راحت تقرأ هالمسجات
    " العنود ماله داعي هالتصرفات انتظرك"
    " انتي لو تعرفين شو عملتي فيني "
    " اعطي هالعلاقه اي اسم تحبين المهم نكون مع بعض "
    " لاتتوقعين انه واحد من عيالهم ينظر لك لاني مابسمح تكوني لهم "
    استغربت العنود من هالانسان الغريب هو متى عرفها اصلا وليه خطبها وبعدين يرجع يستخدم هالاسلوب المهين
    طفشت العنود منه لكنها قررت انها ماتحذف المسجات من جوالها ورجعت تنام بعد تفكير طويل ارهقها

    صحت عبير على صوت التيلفون والي تكرر اكثر من مره وطلعت واستغربت الساعه خمس الفجر من يتصل هالوقت
    عبير..الوو
    المتصل..السلام عليكم
    عبير..وعليكم السلام
    المتصل..اسف للازعاج معك نواف
    عبير قلبها بدأ يدق بشكل كبير وجلست..هلا والله خير ان شاء الله
    نواف..من معي عبير
    عبير..ايوه
    نواف..اسف عبير بس جوال فهد مقفل وانا محتاجه ضروري
    عبير..ان شاء الله الحين اصحيه تنتظر عالخط
    نواف..لا قولي له يجي لمستشفى الامن العام بسرعه
    عبير بخوف..ساره فيها شئ
    نواف..لا لا بسرعه عبير
    سكر نواف وراحت بسرعه وصحت فهد الي استغرب وبسرعه اتصل بنواف وطلع من البيت وترك عبير بحيره

    بالمستشفى الصباح طلعوا البنات كلهم وحتى سلمان الي رفض انه يروح المدرسه واصر انه يروح لساره راحوا كلهم
    مع محمد وصلوا للمستشفى واول مادخلو راح سلمان بسرعه وحضن ساره
    سلمان..ساره انا احبك
    ساره وعيونها تدمع..وانا احبك
    سلمان..حلوه المستشفى بجلس معك
    ساره..لا حبيبي انا بطلع معك اليوم
    الكل استغرب من ساره الي كانت متوتره ومعصبه وكل نص ساعه تبدأ بنوبة بكاء جديده
    محمد..هالغاليه بشرينا كيفك اليوم
    ساره..الحمد لله
    ام فيصل..تعال سلوم عندي علمني شو عملت امي
    راح يركض وجلس يسولف على ام فيصل وفجأه قال
    سلمان..وين فيصل
    الكل سكت وساره بدت تصيح لانها ماشافته
    العنود..سلوم حبيبي علمي خالتي عن غدير شو عملت امس معها
    رجع سلمان يسولف وفجأه دخل فيصل وشكله كان مرهق كثير وواضح انه تعبان مرره
    الكل انصدم من شكله واولهم امه
    فيصل..السلام عليكم
    الكل..وعليكم السلام
    ساره لفت وجهها من الجهه الثانيه وهي تصيح بصمت محمد طلع ماقدر يتحمل وتخذ سلمان معه
    وفيصل ظل واقف مكانه يتأمل اخته وبعدها راح عندها على طرف السرير
    فيصل ويمسح بيده على راسها ..سارونه حبيبتي زعلانه مني
    ماقدرت ساره ارتمت بحضن اخوها وصاحت بشكل يعور القلب والكل صاح معها
    فيصل ويحب راسها..سامحيني الغاليه ياعيون فيصل غصب عني
    ساره ومن بين دموعها..غصب عنك ماتشوفني
    فيصل..اسأليهم من اول مادخل حمد الى الحين وانا بالمستشفى انتظر انهم يسمحون لي وادخل
    استغربت ساره ولا فهمت قصده قال لها فيصل كل شئ وبكت اكثر واكثر حاول يهديها لكن
    ماقدر حضنتها امها وطلع فيصل ماعاد قادر يتحمل اكثر اول ماطلع استغرب من وجود عيال عمه
    محمد..فيصل روح ارتاح ارحم نفسك
    فهد..تعال خلني اوصلك
    فيصل..شفيه نواف
    حمد..سلامتك انت روح ارتاح
    تجاهل كلامهم وراح لنواف الي جالس عالكرسي وشكله بعالم ثاني
    فيصل وحط يده على كتف نواف...نواف شفيك
    نواف..هلا فيصل حمد الله على السلامه الله يقومها بالعافيه
    فيصل..الله يسلمك قولي شصاير
    نواف..عمتي لطيفه بالعنايه المركزه
    فيصل بااستغراب ..عمتي وشلون وكيف عرفتوا ومتى جات من الشرقيه
    نواف..تعال اوصلك واقول لك كل شئ بالسياره
    طلع فيصل ونواف ومحمد رجع لاخته والحمد لله قدر انه يهديها لكنها ماكانت معهم ابدا

    فيصل طلب من نواف يوصله عن سعد لانه محتاج يتكلم معه وصله نواف وراح رفض يدخل

    سعد ..بشر يافيصل شصار
    فيصل ويجلس عالكنبه وشكله تعبان مرره..الحمد لله عدت على خير
    سعد..طيب والنتايج
    فيصل..يقول الدكتور خلاص ماتحتاج علاج بتكون ست شهور تحت الملاحظه واذا عدت ان شاء الله
    على خير بتكون طبيعيه جدا ولافيه خوف بأذن الله عالقلب عندها
    سعد..الحمد لله هذا شئ طيب اجل فيه شكلك كذا
    فيصل ..تعبت والله ياسعد تعبت ابي ارتاح
    سعد..يالله هانت كلها كم يوم وتطلع من المستشفى وترجع للبيت وترتاح
    فيصل..تصدق اول مره احس اني ماابي ارجع للبيت مااحس بالبيت شئ ممكن يواسيني
    سعد..تصدق فيصل احنا المفروض اننا تزوجنا اسمعني اتكلم جد
    فيصل ..قول اسمعك
    سعد..صح ممكن المسؤليه تكون زياده لكن ممكن تكون هالانسانه مصدر راحه يعني مثلك الحين لو انت متزوج
    كان فيه انسانه قلبها وتفكيرها معك تحاول انها تواسيك وتوقف معك
    فيصل ...........
    سعد..ماعجبك كلامي ادري لكن فكر فيها فيصل لان بصراحه قررت اتزوج
    فيصل ..ويرفع حاجبه ..مشاء الله قررت
    سعد..وبأبتسامه ..اقول لك فيصل شئ بس ماتعصب علي
    فيصل...قول الله يعني عليك اليوم
    سعد ..احم ليه ماتتزوج العنود
    انصدم فيصل واعتدل بجلسته ..هههههههههههههه انا اتزوج ومين العنود
    سعد ..ماامزح ليه تضحك
    فيصل وسكت شوي بعدين قال..ولا انا اضحك لانك تمزح اضحك لان بيتنا بيشب حريق اذا تزوجتها
    سعد..لا ياشيخ لاتبالغ عاد
    فيصل..سعد صح انا مالي بسوالف البنات ولااحب هالسوالف لكن هذا مايعني ان لي تصور ونظره خاصه
    سعد باابتسامه ..ايوووه شو هالكلام الجديد شلون فهمني
    فيصل باابتسامه..يعني اذا تزوجت ابي اتزوج مرأه انثى مو انسانه قويه
    سعد..يااخي تكلم عربي وضح
    فيصل..هههههههههه اقصد العنود انسانه قويه جامده بقراراتها صلبه بمواقفها مستحيل اتصور انها ممكن
    تحب او تتأثر يعني بالعربي احسها مستحيل تصيح او تنزل دمعتها مستحيل تحتاج لوجود رجل بحياتها
    انسانه رغم صغر سنها لكن احس الحياة حجرت قلبها يعني بالعربي انا اذا بتزوج ابي بنت
    رقيقه ناعمه صح ابي انسانه لها فكر ورائي لكن مايعني انها تكون بصلابة الرجل
    سعد..اممممممم صراحه كللامك صح لكن البنت ظروفها كذا يعني شو تعمل
    فيصل..انا معك لكن انا مااقدر ياسعد اتحمل تصرفاتها وهي ماتربطني فيها علاقه فكيف اذا تزوجتها
    بتكون حياتي معها بصدام مستمر ليه اختار العذااب لي ولها
    سعد..والله انت تعرفها اكثر وطالما ماتشوفها مناسبه دور لك ياخي وحده وتزوج مايهون علي اعملها بدونك
    فيصل..ههههههههههه اعملها يمكن اتشجع واعملها اقول روح هات لي بندول راسي بينفجر من الالم
    طلع سعد وترك فيصل يفكر بكلامه الي فاجئه وحتى رده على سعد فاجئه اكثر ..

    اما حمد رجع يكمل شغله وفهد طلع لشغله لكنه رد على عبير الي من الصبح تتصل فيه

    فهد..هلا عبير ماعليه كنت مشغول
    عبير..طمني شفيكم
    فهد..آه عمتي لطيفه
    عبير ويدها على قلبها ..شفيها
    فهد..بالعنايه هنا
    عبير..شلون عرفتوا
    فهد..اتصلت بنتها بنواف وقالت له وطلع وعمل لها الاجراءات
    عبير حست بطعنه بقلبها بنت عمتها لطيفه وتكلم نواف ليه نواف ليه
    عبير..الله يشفيها اتركك تشوف شغلك
    سكرت من اخوها وراحت لغرفتها وارتمت عالسرير ودخلت بنوبة بكاء طلعت
    فيها دموع سنين مكبوته بداخلها ..






  3. #13
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته


    الجزء الثاني عشر ..

    دخلت عبير غرفتها بعد الي سمعته من فهد وارتمت على سريرها وبكت بكتب بدموع سنين حبستها بدموع جمدتها ورفضت
    انها تنزل رفضت تقتنع انها انهزمت وتبكي حاولت تتهرب من هالالم لكن الالم رجع يتجدد مره ثانيه وهالمره
    ماقدرت تقاومه صعب تعيش سنين فاقدته وبلحظه يدمر الامل الي بدأ يسيطر على حياتها بفقدانه ظلت
    تصيح لحد ماحست انها شبه ارتاحت طلعت وحاولت ان امها ماتحس فيها رغم ان امها لاحظت لكنها سكتت
    عنها لانها تعرف عبير لما تحس انها محتاجه تتكلم بدون مااحد يطلب تقول الي بخاطرها ..

    جلست عبير تتفرج عالتلفزيون وفكرها سافر للماضي البعيد ومن غير احساس نزلت دمعتها ماقدرت
    تقاوم دموعها كانت شلال متدفق وحتى انتبهت هي وين جالسه

    فهد..عبير ليه هالدموع
    انتبهت مسحت دموعها حاولت تداريها لكنها واضححه مستحيل تمسحها
    عبير وتحاول تبتسم ..لا بس كنت اتفرج على مسلسل
    فهد..عبير مابجبرك لكن دموعها شكلها من حرقة قلب اتمنى ياعبير ماتسمحين حتى لدموعك انها تنتصر عليك
    عبير نزلت راسها وسكتت .........
    فهد..بدخل انام اذا احتجتي شئ انا موجود واتمنى عبوره ترجع ابتسامتك بأسرع وقت
    دخل فهد وهو بحيره كبيره ليه عبير تصيح بهالشكل وليه عجز انه يسألها بشكل مباشر ماقدر فهد ينام حاول ولكن فيه
    موضوع سيطر على تفكيره ورجعه لسنوات قبل خاف انه يتكرر وتنعاد التجربه قرر انه يطلع لحمد ويكلمه

    اما ساره كانت صاحيه لكنها بحالة صمت رغم وجود امها معها لكنها كانت هاديه ماتتكلم الا قليل
    ام فيصل وهي تبتسم لها ..سارونه حبيبتي خلاص انتي بخير ليه هالزعل
    ساره..ماني زعلانه
    ام فيصل..لا زعلانه بنتي وعرفك بس براحتك يابنتي
    شوي وتدخل الممرضه وبعد دخل حمد
    حمد..السلام عليكم
    ام فيصل ..وعليكم السلام هلا حمد شلونك
    حمد..هلا خالتي شلونك انتي بشرينا عنك
    ام فيصل..انا بخير ونعمه انت بشرني عن بنتي
    التفت حمد وكان خايف متوتر والي خوفه اكثر وجود ام فيصل حس انه مستحيل يقدر يكلم ساره او يعتذر لها
    شاف ساره ودموع ماليه عيونها وان كانت تحاول تمنعها لكنها نزلت على خدها نزلت ولا قدرت ترفع يدها وتمسحها
    حمد وهو يتعذب من دموعها ..هلا ساره شلونك الحين
    ساره.............
    ام فيصل استحت وراحت عندها وبصوت واطي ..ردي ساره عيب
    حمد..لا خالتي خليها على راحتها لكن ان شاء الله بتنزل تعمل لها علاج طبيعي واحتمال بكرا او بعده تطلع من المستشفى
    ام فيصل..الله يبشرك بالخير
    حمد..يالله ماتشوفون شر
    طلع حمد وهو حاز بخاطره الي صار توقع ساره تتخذ منه موقف لكن ليه دموعها هي وسيلة التعبير عندها
    هي ماتعرف ان نقطة ضعفه الدمعه فكيف اذا كانت منها شلون يتحملها شلون يواسيها وهو بنظرها جارحها ..

    ساره صاحت وامها احتارت معها ساعه تهديها وساعه تتركها تصيح وتطلع الي بخاطرها حاولت انها تفهم منها
    ليه هالحزن لكن ساره ظلت ساكته من وقت الي صار ماترد وتقول الا كلمات بسيطه

    طلع فيصل من البيت عالساعه عشر الصبح مر الشركه ساعه وبعدها راح للمستشفى ومر حمد اول وتطمن على وضع
    ساره وبعدها راح لها للغرفه وبشرها انها بتطلع بكرا الصبح وبعدها استأذن وطلع يشوف نواف ويتطمن على عمته

    فيصل..صباح الخير
    نواف وبصوت كئيب..هلا فيصل صباح النور
    فيصل..هاكيف الوضع طمنا
    نواف..ان شاء الله صقر بيوصل بعد ساعه
    فيصل..من وين يوصل
    نواف..صقر ضابط وشغله بالخرج واتصلت وقلت له عالموضوع وقال انه جاي
    فيصل..خير ان شاء الله
    نواف وهو سرحان ..آه ليه بهالوقت ترجع
    استغرب فيصل من كلام نواف وشكله قال هالكلمات من غير احساس بمكان وجوده
    فيصل وجلس جنبه ..تكلم نواف قول الي بخاطرك
    نواف ويتنهد ..شو اقول اقول لك ان السنين شكلها بترجع تعيد نفسها من جديد
    فيصل..ماتعيد نفسها الا اذا سمحنا لها
    نواف ..آه يافيصل لو تعرف هالقلب شكثر مجروح ويعاني
    فيصل..ليه مادويته
    نواف..الي جرحته صعب انها تداويه الحين ولااحد بيقدر يداويه
    فيصل..فيه غيرها تقدر لكن انت مااعطيت احد فرصه
    نواف..غير دلال مااعتقد
    فيصل..يعني مازلت تحبها
    نواف وسكت فتره.....بصراحه يافيصل انا محتاج لاول مره اقول لاحد اني مااحب دلال
    فيصل بااستغراب..اجل شو معنى كلامك
    نواف..فيصل انا كنت من سنوات شاب مبسوط مميز عند عماتي واهلي مو حب لي لكن لسبب بسيط الي هو
    الخير الي عندي كان لازم اكون مميز عندهم وكان هالشئ يسعدني من كنت مراهق عمري ماحبيت
    لكن لما رجعت من برا بشهادتي قدموا لي هديتي دلال بنت عمتي لطيفه مااكذب عليك واقول اني مافرحت
    بالعكس كنت اسعد انسان لان دلال كل الشباب الي انا معهم حاولوا يتزوجها رفضت وهم بالاصل من اقربانا
    فرحت بهالتميز وفرحت اكثر لما شفتها كانت حلوه ماكنت احس بااي مشاعر حب ابدا لكن كنت احس بالتميز فيها
    وبعد الحادث الي صار لي رفضت رفضتني حتى قبل مااطلع من المستشفى قالتها لي وانا تعبان مااعطتني فرصه
    حتى انسحب بعد مااعرف اني ماعدت شخص عادي لكنها طعنتني بنظرات الشفقه الي صرت اشوفها بعيون
    الشباب او الاحتقار من بعضهم بعد التميز صرت احس بالنقص ماعدت اقدر اتحمل الشرقيه اعيش فيها وجيت
    لرياض واستقريت فيها ماعدت اختلط بااحد غير فهد وحتى الشركه رفضت انها تكون بااسمي ماابي اي شخص ينظر لي
    عشان مالي او الخير الي عندي ابي اي احد يتقبلني كنواف مو لشئ ثاني
    فيصل وهو منصدم من كلام نواف..يعني انت ماتحبها
    نواف..ابدا اصلا ماكنت اعرفها الا بالاسم
    فيصل..اجل لو تحبها شو بتعمل
    نواف..تصدق فيصل الكل يتوقع اني احب دلال وان الي صار لي بسبب فقداني حبها
    فيصل..اذا تبي الحق حتى انا
    نواف..ماعلينا منها الحين قولي كيف بنت العم ان شاء اله خير
    فيصل..الحمد لله احسن لكن النفسيه مو اوكي
    نواف..ان شاء الله مابيكون الا الخير
    فيصل..ان شاء الله الا بسألك حمد شكله متكدر او انا غلطان
    نواف..والله ماانتبهت بصراحه انا من امس بعالم ثاني
    فيصل..هههههههههه الله يعينك اقول بروح لسعد مواعده وبرجع عالعصر اسلم على عمتي ونتعرف على ولدها
    نواف..على خير الله معك


    بالبيت الكل طالع مافيه الا العنودطفشت من الجلسه بالبيت وقررت انها تروح لساره بالمستشفى تجلس مع ام فيصل
    وتشوف ساره ولبست عباتها وهي طالعه انتبهت لشخص طلع من البيت المقابل لبيتهم ورجعت لكنه ظل واقف ينتظر
    والعنود داخل تنتظره يروح حتى تطلع لكنه طول وبعدها قررت انها تطلع وفعلا طلعت وركبت السياره مع الخدامه
    وهو ابتسم ولاعادت تعرف هو تبعها اولا ولما وصلت للمستشفى وصلها مسج وقبل لاتنزل فتحته
    " ماهان علي الا لين اوصلك انتبهي لنفسك حياتي "
    انصدمت العنود هذا مايستحي على وجه مصدق انه يعني لها شئ لكنها نزلت ولا التفت ودخلت للمستشفى وهي تحترق
    بداخلها منه ام فيصل انبسطت بوجود العنود وقالت بتروح للبيت تبدل وترجع وجلست العنود مع ساره
    الي من يكلمها اي شخص على طول تصيح
    العنود ..ساره بدل ماتفرحين ليه تصيحين انتي الحمد لله خلاص مابتستخدمي اي دواء
    ساره صاحت اكثر وحضنتها العنود وحاولت تفهم منها
    العنود..ساره تكلمي قولي لي شفيك
    ساره وبتردد ..حمد
    العنود..شفيه
    ساره وبتردد اكثر ..مايحبني
    انصدمت العنود مايحبها ......ليه مايحبك هو قال لك
    قالت ساره كل الي صار للعنود الي استغربت معقوله حمد يخلط بين الواجب والمشاعر معقوله يستغل مشاعر
    ساره ويوهمها بحب مدته اربع وعشرين ساعه يامسكينه ياساره الله يعينك
    العنود..طيب حبيبتي انسي الي قاله ولايهمك المهم انتي بخير
    ساره وعيونها مليانه دموع .........
    العنود وبأبتسامه ..ساره انتي تحبين حمد ..؟؟
    ساره سكتت اول شئ بعديم ماقدرت بكت وارتمت بحضن العنود وحاولت تهديها
    العنود..سارونه المفروض انتي تفرحين تعرفين ليه لانك قدرتي تحددين مشاعرك تجاه وبعدين يا حلوه المفروض
    مايبكيك الحب صح الحب احساس حلو لازم تفرحين فيه
    سكتت ساره وغيرت العنود الموضوع حتى ماتضايق ساره وجلست تحكي متسولف معها وكل شوي يوصل مسج
    للعنود حست ساره باارتباك العنود لكنها ماقالت شئ اما العنود وصلت معها خلاص ماعادت قادره تتحمل المسخره
    من هالشخص وطلعت من الغرفه واتصللت بااحمد الي انبسط لما شافها متصله عليه
    احمد..هلا وغلا بعمري
    العنود..الله يأخذ عمرك بااقرب ساعه يااخي عيب عليك انت ماتستحي ولاتخاف اذا ماتخاف من الناس خاف من عقوبة لربك
    لايسوي فيك ماسويت في بنات الناس ارجوك خلصني من ازعاجك والا تصرفي ماراح يعجبك بعدها
    احمد..بيضربني فيصل والا محمد هههههههه
    العنود وانقهرت منه..مااعتقد فيصل او محمد يلوثون يدهم بضرب شخص حقير مثلك
    قفلت العنود الخط وهي خلاص مو قادره وعلى طول وصلها مسج
    " هالكلام الي قلتيه راح تبوسين رجلي حتى اسامحك وانا لك ياالعنود "
    خافت العنود لكنها رجعت بسرعه عند ساره حتى ماتحس عليها والظهر رجعت البيت وهي بعالم ثاني مو قادره تسيطر
    على احساسها بالخوف من هالشخص الي بدأ يهددها ويتوعد انه يأذيها

    وبالليل عالساعه تسع رفض سلمان انه ينام وحتى عصبت عليه العنود وبسرعه تدخلت اماني واخذته لانها شايفه
    العنود من الظهر معصبه اخذت سلمان وودته عند محمد مثل ماطلب وسكتت العنود

    اماني..السلام عليكم
    فيصل وغدير..وعليكم السلام
    فيصل..هلا سلوم تعال عندي حبيبي
    راح سلمان وجلس يسولف على فيصل الي يضحك على كلامه وتعليقه
    سلمان..ماابي اروح للبيت بنوم عندكم
    غدير وتضحك له ...وعنوده
    سلمان..لا انا زعلان منها
    فيصل..هههههههههههه بعد تزعل ليه زعلان
    امااني..والله صح العنود اليوم مو طبيعيه
    غدير وعاقده حواجبها..ليه شفيها
    اماني..مااعرف اول مره اشوفها كذا
    سلمان..كلمتها نوفا وجلست تصيح تقول خلاص تعبت
    فيصل..سلوم عيب ننقل الكلام
    نزل راسه سلمان وفيصل جلس يفكر من شو تعبت معقوله من وجودها معهم اما غدير راحت للعنود تشوفها
    واماني جلست تتفرج عالتلفزيون نام سلمان واخذه فيصل عنده بلغرفه وطلب من اماني تبلغ خالتها

    غدير ..هلا والله بالشيخه
    العنود..اهلين وينك ماشفتك اليوم
    غدير ..موجوده بس مامريتي اليوم بيتنا
    العنود..كنت تعبانه شوي
    غدير..سلامتك ماتشوفين شر بس قولي لي شفيك
    العنود سكتت ........
    غدير..براحتك العنود لكن متى ماحبيتي تتكلمين لاتترددين احنا خوات واعز اوكي عنوده
    العنود..تسلمين غدير






  4. #14
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته


    تــابع >>>>

    طلعت غدير وتركت العنود لان فعلا شكلها كانت وصلها معها ودخلت البيت وحصلت فيصل واماني شافت
    بعيونهم اسأله لكنها قررت تتجاهل وتجلس من غير ماتقول شئ انقهر فيصل منها وطلع

    اما شوق كانت معصبه من محمد لانه له ساعه وجواله مشغول وانقهرت تبي تعرف منو يكلم كل هالوقت
    ونجلاء تضحك عليها وعلى عصبيتها الزايده

    نجلاء..شوق لهالدرجه تحبينه
    شوق واستحت ..لا بس ابي اعرف
    نجلاء..شوق مو عيب انك تقولي ايه احبه هذا زوجك
    شوق وبأبتسامه..ايه احبه واموووت عليه
    نجلاء..هههههههههه الله يوفقكم بس خفي عليه وخليك ثقيله يالله تصبحين على خير

    طلعت نجلاء وتركت شوق على اعصابها لكنها قررت تقفل جوالها وتنام وتترك محمد بعد ماينتهي من مكالمته
    ويتفرغ انه يكلمها كالعاده ينصدم ان جوالها مقفل ..نامت شوق بعد صراع طويل مع تفكيرها

    الصباح الكل راح لدوامه وفيصل طلع للمستشفى حتى يطلع ساره وامه اخذهم ورجعهم للبيت وراح للشركه الي له ايام مايداوم فيها الا ساعه بس ..اما محمد بعد قهر امس ارسل مسج لشوق يعاتبها
    " هان عليك محمد تنامين من غير ماتقولين له تصبح على خير .." عورها قلبها شوق من المسج ولاقدرت تكلمه لانها
    بتطلع للمدرسه تأخرت وارسلت له مسج قبل ماتطلع " اسفه مااقدر اقول شئ الحين غير كلمه وحده ..أحبك "
    انبسط محمد الصباح على مسج شوق ونسى كل الي صار بعد هالكلمه الي تصبح عليها ..

    دخلت ام فيصل وساره للبيت وحصلت العنود مجهزه لهم الفطور وتنتظرهم
    ام فيصل..تسلمين يابنتي ياعلني ماانحرم منك يارب
    ساره ..يمه قولي يارب جعلي افرح فيك قريب
    العنود وباابتسامه باهته..لا انا مرتاحه كذا
    حست ام فيصل بالعنود لكنها ابتسمت وغيرت الموضوع وطلعت ساره ترتاح وام فيصل جلست مع العنود
    بعدين طلعت العنود من البيت ورجعت لبيتها وارتمت عالكنبه وجلست تصيح
    ميري..ماما عنود انتي مافيه صيح
    العنود..لا ميري مافيه صيح انا خلاص
    ابتسمت هالخدامه الطيبه ..انا سوي عصير
    ابتسمت لها العنود وراحت عنها طلعت لغرفتها وجلست تكتب بشكل فوضوي مبعثر ولاحست بنفسها
    الا نايمه

    اماني وصلت وقالت لها لالخدامه ان العنود تصيح بعدين نامت تضايقت اماني واخذت سلمان وراحت عند اخوانها
    وهم عالغداء
    اماني..خالتي بطلبك طلب
    ام فيصل..امري يابنتي
    اماني وعيونها مليانه دموع..العنود
    الكل سكت ورفع راسه يناظر اماني شو فيها العنود
    اماني..العنود تعبانه بس ماتحكي وهالشئ مضيق صدري كثير
    ام فيصل..انا حسيت عليها اليوم ولايهمك يابنتي ان شاء الله بشوفها
    سلمان..العنوده ماتقول لي قصهمثل اول بس تنام جنبي وتصيح
    التفت فيصل على محمد وبعدها قال..حبيبي العنود تعبانه شوي وبعدين ترجع تقول لك قصه
    سلمان..ليه ماتروح للمستشفى
    فيصل..اليوم تروح
    محمد..تعال سلوم نروح لساره
    اماني..وانا بروح معكم
    طلعت غدير ولابقى غير فيصل وامه
    فيصل....يمه شصاير شفيها البنت
    ام فيصل..ماادري ياولدي هي لها فتره شكلها متغير واحس البنت بدت تذبل
    فيصل..يمه الموضوع لازم ينتهي حاولي تعرفين السالفه
    ام فيصل ..ان شاء الله الا ماقلت لي شسالفة عمتك لطيفه
    فيصل..يقول نواف ان بنتهم الصغيره اتصلت على امه وقالت لها انهم بالرياض وامها تعبانه واخوها بالخرج
    وطلع لهم نواف ودخلها للمستشفى والظاهر عندها السكر مرتفع ودخلت العنايه المركزه
    ام فيصل..والله فيه الخير نواف بس بنتها وينها
    فيصل..عند ام نواف هي تصير بنت خالة امها يعني يمونون عليها مره واليوم بيوصل اخوها من الخرج هو اكيد
    وصل بس انا ماشفته
    ام فيصل..الله يشفيها لطيفه طيبه بس الله يهدي عمتك حصه دايم مخربه عليها
    فيصل..ودلال
    ام فيصل..خطيبت نواف الله يسعدها كانت بنت مراهقه على كلام ام فهد لما رفضت الخطبه والحين هي ام وزوجه مانقول
    الا الله يسعدها
    فيصل..امين
    ام فيصل..زواج محمد بعد شهر ونص
    فيصل.....هههههههههههه قال لي بيتزوج قبل تطلع نتيجة زوجته يخاف ترسب ويتأجل الزواج
    ام فيصل..وانت مابتفرحني
    فيصل..وباابتسامه..يمه خلي هالقلب يحس وبعدها بفرح قلبك
    ام فيصل..هو يحس لكن اكسر هالحواجز
    فيصل....هههههههههههه ام فيصل مااقدر على كلامك كاشفتنا بروح عندي اوراق اخلصها عن اذنك الغاليه
    ام فيصل..تفضل ياابوي وانا بروح اشوف العنود
    طلعت ام فيصل للعنود وفيصل حس بفضول لمعرفه الشئ الي مضايق العنود فقرر انه يخلص شغله بالصاله
    حتى يشوف امه اذا رجعت من عند العنود ..

    نجلاء كانت تكلم غدير واتفقت معها انهم يطلعون للسوق ووافقت فقررت انها تتصل
    بعبير وتاخذ رايها واتصلت عالبيت لان عبير ماعندها جوال

    فهد...نعم
    نجلاء وباارتباك..الو السلام عليكم
    فهد ..وعليكم السلام
    نجلاء..هلا فهد كيف الحال
    فهد..بخير هلا نجلاء صح كيفك
    نجلاء..الحمد لله عبير قريبه
    فهد..ثواني
    عبير ..هلا والله نجلاء شلونك
    نجلاء ..تمام اسمعي عبوره بتروحون بيت عمي اليوم صح
    عبير..صح
    نجلاء..طيب ياحلوه كلمت غدير واتفقنا نطلع لسوق فقلت اقولك
    عبير ..مااتوقع
    نجلاء وبخيبة امل..ليه
    عبير لحظه ....
    عبير..فهد البنات بيطلعون لسوق شرايك
    فهد..من الي بيطلع
    نجلاء..بنات عمي
    فهد..لحالكم بس البنات
    عبير..ماادري يمكن احد يروح
    فهد..مثل مين
    عبير..يعني مو موافق
    فهد..صح
    عبير..سوري نجلاء سمعتي
    نجلاء..لا عبير مايصير قولي ليه يعني بخطفونتا
    عبير..ههههههههههه يمكن
    نجلاء..لا صدق قولي له الله يخليك تقول نجلاء
    عبير..فهد تقول نجلاء الله يخليك
    فهد ويهز راسه يعني لا
    عبير..خلاص نجلاء مو مشكله انتم اطلعوا
    نجلاء..روحي بس الحين شوق تقول محمد يقول لاتطلعين واماني وساره مابيطلعون وانتي نفس الشئ
    والعنود هاليومين مو اوكي من يطلع انا وغدير
    عبير..خلاص ماله داعي تطلعون
    نجلاء..حاولي عبير والله اخوك شكله حبيب بس يحتاج شوية جلسه على راسه
    عبير..هههههههههه اعطيك كلميه واجلسي على راسه لحد مايرضى
    فهد ويبتسم على كلام اخته وبنت عمه
    فهد..خلاص موافق بس بشرط
    عبير وانصدمت..موافق اشرط تدلل
    فهد..تشتروا لي شئ معكم
    نجلاء..ان شاء اله انا الي بشتري
    عبير...هههههههههه خلاص نجلاء بتشتري لك
    نجلاء..وجع اسكتي
    فهد..خلاص هي الي قالت انتظر هديتي
    طلع فهد واستغربت عبير لكنها رجعت تكمل سوالفها مع نجلاء

    وببيت العنود دخلت ام فيصل ولاحصلت احد سألت الخدامه وقالت العنود بغرفتها ولاول مره طلعت لها ام فيصل
    طقت الباب وفتحت العنود الي انبسطت بوجود ام فيصل
    العنود وباابتسامه..هلا وغلا نورت الغرفه ياخالتي تفضلي
    ام فيصل..شفتك ماجيتي ولا سألتي قلتت اشوف شفيك
    العنود..سامحيني خالتي بس كنت متضايقه شوي
    مسكت ام فيصل العنود وجلست عالكنبه وقالت له
    ام فيصل..العنود انتي حسبت بناتي اعتبريني امك اختك الي تحبين بس لاتخوفيني عليك شكلك ماهو عاجبني وهالدموع
    الي بعيونك تعور القلب يابنتي
    ماقاومت العنود بكت خافت واحضنتها ام فيصل وحاولت تخليها تصيح وترتاح
    العنود ومن بين دموعها ..بقولك ياخالتي بس ابي توعديني فيصل مايعرف
    ام فيصل مستغربه..فيصل شمعنى
    العنود..مو فيصل بس الكل ماابي احد يعرف بهالموضوع ابدا
    ام فيصل..لاتخافين يابنتي مااحد بيعرف بس قولي لي
    راحت العنود واخذت جوالها واعطته ام فيصل وقالت لها شوفي هالمسجات ام فيصل جلست تقرأ المسجات
    وهي فعلا مستغربه
    ام فيصل وهي خايفه ..من هذا الي يهدد
    العنود..احمد الي خطبني
    ام فيصل وبصوت عالي..ولد جيرانا
    العنود...للاسف ايه
    ام فيصل..شلون ومتى وكيف عرف رقمك..؟؟
    العنود..مااعرف بعد مارديت الخطبه تفاجأت اتصاله وبعدها صار يرسل لي هالمسجات
    ام فيصل..انت كلمتيه
    العنود..مره وحد من يومين بالمستشفى ماعدت قادره رديت عليه وهزئته
    ام فيصل..وايش الكلمات الي بتدفعين ثمنها
    العنود..قلت له ان ماتركني بتصرف معه تصرف مايعجبه ضحك وقال فيصل او محمد بيضربني قلت
    هو مايلوثون ايديهم بضرب شخص حقير مثله
    ام فيصل جلست تفكر..طيب ليه مااقول لفيصل
    العنود وبسرعه..لا ارجوك خالتي بيتصل لحد مايمل ويبتعد ماابي مشاكل
    ام فيصل..انا وعدتك لكن اي شئ يصير تقولي لي لاتخبين عني شئ
    العنود..ان شاء الله والله ارتحت خالتي لما قلت لك الله يخليك يارب كان هم على قلبي
    ام فيصل..قولي يابنتي اي شئ بخاطرك احنا اهل ولاتخافين من اي شئ
    جلست تسولف ام فيصل مع العنود بعد رجعت للبيت وحصلت فيصل بالصاله سلمت وتوها بتروح للمطببخ
    فيصل..خير ياام فيصل
    ام فيصل ..سلامتك مافيها الا العافيه
    فيصل..هههههه المهم ياام فيصل انك انتي عرفتي وطالما كل شئ اوكي الحمد لله
    ام فيصل..الحمد لله

    طلع فيصل لغرفته ينام وام فيصل راحت ترتاح والكل بغرفته لكن فيه شخص ثاني من ايام فارق النوم
    عينه ومازال بالمستشفى ينتظر ولد عمته ..نواف الي من دخل المستشفى مع عمته وهو مو على بعضه

    صقر..السلام عليكم
    نواف..هلا والله وعليكم السلام الحمد الله عالسلامه
    صقر..الله يسلمك بشرني امي شلونها
    نواف..الحمد لله طلعت من العنايه لكن رفضوا اني اشوفها الا بعد ماتصحى
    صقر..وكيفف الوضع الحين
    نواف..لاتقلق يااخوي طمني الدكتور بخير وعافيه تطمن
    صقر..نواف قولي الي صار بالضبط ارجوك
    نواف..بصراحه انا تفاجأت باامي تقول ان اختك اتصلت وقالت ان عمتي تعبانه وانها ماعندها احد
    صقر وهو معصب..وبعدين
    نواف..ابدا اخذت الوالده ورحنا وعملنا الاجراءات والحمد لله لحقنا عليها
    صقر..الحمد لله يااخي وااله انا قلت بتاخر عليهم لكن امي الله يهديها حلفت اني ماارجع وانام بالخرج وبعد
    الدوام ادخل لرياض
    نواف..ماصار شئ والحمد لله عمتي بخير
    صقر..تسلم يانواف ماقصرت شوف الظروف مانشوفك الا بالمستشفى
    نواف..الله يعينا وان شاء الله نشوفك دوم
    صقر..ان شاء الله طيب وين امل
    نواف..عند امي بالبيت تطمن وبتروح معها بيت عمي
    صقر..بيت عمي
    نواف ..سالفه طويله تعال اشرب لك شئ واقولك الموضوع

    العصر الكل وصل بيت ام فيصل ام فهد وبناتها ونجلاء وشوق وام نواف والضيفه الجديده امل الكل انبسط
    واجتمعوا وتعرفوا على امل الي واضح انها خجوله كثير وشكلها مابين 15 و16 سنه طلعوا البنات بالصاله
    وجلسوا يسولفون مع بعض
    شوق..اموله قولي شو اخباركم وشخبار اهل الشرقيه
    امل..الحمد لله
    اماني ..انتي باي سنه
    امل..ثالث متوسط
    العنود..الله يوفقك
    غدير..واختك شلونها ماجات معكم لرياض
    امل..الحمد لله بتوصل بكرا
    غدير..وعمتي حصه شخبارها
    امل..ماادري عنها من زمان ماشفتها
    شوق..غريبه العاده ساكنه عندكم
    ضربتها نجلاء والكل ابتسم على عفوية شوق
    امل..لا خلاص مو مثل اول
    سكتوا الكل
    ساره..شوق شرايك تجين معي برتاح بغرفتي ونتي اماني حبيبتي اختي ابي عصير وتعالي انتي وامل معنا انتظركم
    اماني..بقول للخدامه تعمل يكفي فيصل يدخلني غصب للمطبخ
    العنود..احسن خليك تتعلمين شوي
    غدير..ههههههههه اماني مثل خواتها تكره المطبخ بس الله بلانا بفيصل
    عبير..والله فيصل ولد عمي عمل خير فيكم
    العنود..غدير انا مابروح لسوق
    عبير..ولا انا
    نجلاء..اقول ماعندكم سالفه تعالي نروح انا وانتي مع سلوم والخدامه نشتري لنا حلى واي شئ ونرجع
    العنود..اوكي وانا بروح للبيت انا وعبير اخاف احد يدخل من العيال

    طلعت نجلاء وغدير ومعهم سلمان الي مبسوط انه بيطلع وصادفهم محمد وفهد
    محمد..الله على وين
    غدير..مو يكفي انك ماوافقت علىشوق تروح معنا
    محمد..هههههههههههههه
    نجلاء ..هلا محمد هلا فهد
    محمد..اهلا بنت العم شلونك
    نجلاء..بخير
    فهد..وين عبير ماراحت معكم
    نجلاء..ماطاوعها قلبها تروح وانت موافق من غير نفس
    فهد..ههههههههههههه من قال حرام موافق من خاطري
    غدير..محمد وين فيصل
    محمد..الحين بيجي
    غدير..اجل مع السلامه لا يجي ويعمل لي مشكله
    سلمان..محمد اشتري لك حلاوه معي
    فهد..لا انا سلوم ابي هديه لاتنسى سلوم
    ضحكت نجلاء لانها فهمت قصد فهد وطلعت مع غدير وسلوم ودخل محمد مع فهد للمجلس

    اما عند العنود جلست مع عبير يشربون قهوه لكن العنود بخاطرها هالسؤال
    العنود..عبير ودي اسألك سؤال
    عبير باابتسامه ...تفضلي
    العنود..قبل مااسألك عادي اذا ماتحبين تجاوبين براحتك
    عبير..اوكي قولي
    العنود..نواف شو يعني لك ..؟؟
    اتفاجأت عبير بمجرد ذكر اسم نواف سكتت ماقدر ترفع عينها والعنود ندمت انها سألتها
    العنود..سوري عبوره انسي اني سألتك
    رفعت راسها عبير لكن عيونها كانت مليانه دموع وهالشئ صدم العنود
    عبير..ليه توقعتي انه يعني لي
    العنود..لما دخل بخطبة محمد ضغطتي بيدك وحسيت انك تقاومين شئ داخلك
    عبير سكتت بعدين قالت..نواف حلمي الي انهدم
    العنود..كيف انهدم ومن هدمه
    عبير..هدمه ضعفي وعدم ثقتي بنفسي
    العنود..مافهمت
    عبير..نواف كان بالنسبه لي حب من طرف واحد كنت اعرف اني مااعني له اي شئ لكن
    كنت اقدر اظهر حبي او اعبر عنه لكن للاسف سبقني تخطيط عمتي حصه وقدرت انها تقنع
    عمتي اطيفه انه يخطب دلال كنت بوقتها احس قدامي وقت طويل حتى اقول لنواف اني احبه واوضح له لكن انصدمت
    لما عرفت بخطبته والي قاهرني ان عمتي حصه قالتها لي هي الوحيده الي عرفت الي بقلبي
    قالت لي نواف ماهو لك احلمي على قدك وقتها ماكنت اعرف ليه هالتحقير من عمتي رغم اني
    اجمل من دلال لكن الفرق بيني وبينها الهاله الي عملتها عمتي حولها وخلت الكل يشوفها ملاك
    العنود..وبعديبن
    عبير..تمنت الخطبه وشفت فرحة نواف الي ذبحتني عذبتني دمرتني بعدها تعبت لكن بلحظه
    وبعد الخطبه مباشره قال لي فهد كلمه عرفت انه حاس بمشاعري قالي لاتبكين على شئ انتهى وراح و تركني
    وقتها مابكيت لكن حبست دموعي بداخلي لسنوات وحررتها لما عرفت ان دلال رجعت واستنجدت
    بعد الله بنواف ماتحملت انها ترجع بعد ماحطمته بعد مارفضته بعد ماقطعت قلبي سنوات على حاله
    العنود وباابتسامه..والي يقول لك ان امل الي كلمت نواف مو دلال
    عبير باابتسامه ..احلفي
    العنود....ههههههههههه والله بصراحه صدمتيني بحبك
    عبير..حب ماله اي طعم لانه من طرف واحد
    العنود..بيدك تخلينه حب حقيقي واقعي
    عبير ورافعه حاجبه ...شلون
    العنود..هذي تحتاج جلسه واليوم نسهر عليها لانكم بتنامون عندي
    عبير..طموحه مافيه امل يوافق فهد
    العنود..لا تخافين خالتي ام فيصل وعدتني انكم تنامون عندي هنا اليوم كلكم
    عبير..والله ياليت

    طلعت ام فيصل تسلم على العيال وبعد السلام

    ام فيصل..اسمعوا ياعيالي يافهد وحمد طالبتكم ولاتردوني
    فهد وحمد ..امري
    ام فيصل ..البنات بينامون عندنا الليله
    ابتسم محمد والتفت عليه فيصل وضحك وحتى نواف
    ام فيصل..ليه تضكون انت وياه
    حمد..انا موافق بشرط محمد ينام عندي الليله
    الكل..ههههههههههههه
    محمد..روح زين يااخي خلو الواحد يتنفس يعيش عمره
    فهد..ابشري يااخالتي اناموافق
    ام فيصل..وانت ياحمد وتطمن البنات بينامون بالبيت الثاني يعني سهرتهم هناك
    حمد ويبتسم لمحمد..اذا كذا موافق
    محمد..عادي فيه شئ اسمه جوال
    حمد...هههههههههههه بأخذه منها انا اخوها
    محمد..هههههه احم وانا زوجها
    نواف..هههههههههههههههههاي غلبك حمد
    فهد..خالتي شرايك اذا جاء عالفجر امر اخذ البنات او عالاقل عبير
    ام فيصل..وليه ان شاء الله عبير عشانه حبيبه لا مافيه واذا على امك بخليها بعد هي تنام
    فيصل وهو مبتسم لامه ..الغاليه اقنعيهم ينامون عندنا الشباب
    ام فيصل وتضربه على كتفه ....تضحك علي
    فيصل ويحب راس امه ..ولا والله ماعاش من يضحك عليك صدق احكي
    ام فيصل..هذا هم عندك اقنعهم انت يالله مع السلامه
    راحت ام فيصل والتفت حمد على محمد
    حمد..ياويلك اذا سمعت انك شفتها
    محمد..ههههههههههههههههههه الله حمد شكلك رهيب وانت ماتقدر تسوي شئ ياشيخ لو شفتها هذي زوجتي
    فيصل..اقول شباب خلونا من سالفة محمد وزوجته عندي لكم اقتراح
    محمد..اول خلينا ندخل المجلس

    اماا عند البنات جلست خلود تسولف مع العنود وغدير عن ايام قبل واستغربت العنود هالتغيير المفاجئ لخلود
    لكنها تقبلت هالتغير الايجابي منها وتكيفت بسرعه منها وهم يسولفون
    خلود..العنود جوالك عالصامت لكل دقيقه يأشر شكله مسج
    ارتبكت العنود واخذات جوالها وقفلت استغربت غدير وحتى خلود لكن العنود طنشت تعبت من هالارتباك بكل مكان
    اما شوق كانت هي واماني عند ساره بغرفتها
    شوق..سارونه احسك تغيرتي بعد ماطلعتي من المستشفى
    اماني..صح حتى انا شفت ولاحظت هالشئ
    ساره وباابتسامه ..ماتغيرت لكن مع التعب
    شوق..اسمعوا احنا تقريبا مابنلتقي الا بعد ثلاث اسابيع يعني بعد الاختبارات
    اماني وكأنها تذكرت شئ وبصوت عالي ..شوق زواجك بعد شهر
    شوق..وجع خوفتيني لاتقولين شهر قولي بعد الاختبارات خليني احس انه بعيد شوي
    ساره....ههههههههه ياخبله نفسها المهم شرايك بااخوي بعد المكالمات
    استحت شوق واحمرر وجهها
    اماني..ياعيني عالي تستحي وينك يامحمد تشوف
    شوق..خلاص عاد يالله خلونا نروح عند البنات حرقت جوالي خلود من الاتصالات
    راحوا البنات عند العنود وكملت السهره معها وبالليل طلعت غدير والعنود ونجلاء وعبير بالحديقه
    غدير..ياخوفي لايكون احد بالمجلس يفضحنى فيصل
    العنود..عادي طنشي يعصب وبعدين يروق
    غدير...ههههههه ياعيني عرفت اخوي الشيخه
    عبير..المهم العنود قولي كيف اخلي حبي حقيقي
    العنود استغربت وردت عليها عبير..قلت لهم السالفه وانتي تنومي سلمان
    العنود..وضحي حبك اهتمامك عالاقل لامه وهي شكلها طيبه
    غدير..عنوده يعني انتي اذا حبيتي توضحين حبك
    العنود..طالما انا مااغضب ربي ولا اتعدى على العادات ليه مااوضح حبي الحب ماهو حرام ولا هو
    عيب لكن بعض الناس بااسم الحب تستغل المشاعر وتلعب فيها
    نجلاء....بس احيانا الشخص مايكون متاكد من مشاعر ه
    العنود..لازم يتأكد وبعدها يصارح نفسه ويحدد هدفه ويدافع عن حبه
    غدير..الله كلام حلوو بس وين هالانسان
    عبير..بصراحه احسها اهانه اذا انا الي اعملها
    العنود..لا فيه فرق بين انك ترخصين عمرك وانك تصرحين بطريقه غير مباشره بحبك
    نجلاء..اقول انا قلبي مايقوى كلام عن الحب بدخل احسن لااتهور
    عبير..ههههههههههه تصدقين نجول احس قلبك يحمل حب
    نجلاء..اسكتي الله يخليك ترى انا خبله الحين اقول كل شئ
    غدير..هههههههههههه تعالي قولي واعترفي
    نجلاء ودخلت تركض ..
    استمرت السهره لحد الفجر بعدها ناموا كل البنات وعالساعه عشره صحت عبير وازعجت خلود لحد
    ماصحت واستأذنت من العنود لان امها لحالها بالبيت وراحت
    اما شوق حرق جوالها حمد من الاتصال وبعد ماهزئها بكم كلمه طلعت وصحت نجلاء وراحوا ولا ظل
    الا البنات الي عالساعه ثنتين الظهر صحوا وجلسوا عند العنود يسولفون وفجأه دخلت عليهم الخدامه
    تركض وتصيح
    الخدامه ..ماما عنود ..ماما عنود
    قامت عنود والبنات يركضون بااتجاه الصوت
    العنود بخوف ..شفيك ميري
    الخدامه.... سلمان موت دم كثير دم كثير
    طلعت العنود من غير تفكير ومن غير شال ماعليها الا جلابيه وشعرها تاركتها ودموعها ماليه وجهها ومعها
    غدير واماني وحتى ساره طلعت وبنص الحوش متجه لباب الشارع انفتح الباب ودخل فيصل ثوبه كله دم
    انصدم بالعنود الي على طول من غير تفكير راحت له تقدمت له وهو وقف مكانه انصدم من شكلها واتجاهها له
    العنود ومن بين دموعها ..وين سلمان فيصل طمني سلمان مامات صح الله يخليك صح
    فيصل متفاجئ بشكل العنود ودموعها واسم الموت ..مافيه شئ بخير
    العنود وهي تصيح ..بشوفه وينه
    فيصل وبصوت اعلى ..يابنت الحلال مافيه شئ
    غدير ..طيب وينه فيصل وهالدم وشو
    فيصل ولاهو قادر ينزل عينه او يستوعب ..موجود
    العنود ومشت للباب ..بروح اشوفه مشت لكن بحركه سريعه مسك يدها فيصل
    فيصل وبصوت عالي..العنود وين رايحه
    العنود وتبعد ايده..ابعد عني بشوفه بتطمن
    فيصل..ويأشر بيده عليها بتطلعين لشارع كذا اصحي قلت لك مافيه شئ يعني مافيه شئ
    العنود صاحت وبهدوء جلست عالارض عند فيصل ومسكتها غدير وحضنتها وهي تصيح معها
    فيصل وبصوت عالي مره ..ماابي احد احد يفتح هلباب طلع وسكر الباب بقوه خلت العنود تبكي بصوت اعلى
    العنود..حرام عليه بشوفه
    طلعت ام فيصل تركض لهم وبكت معهم وحاولت تهدي العنود وهي تحتاج احد يهديها
    اما فيصل طلع وهو معصب وحصل حمد توه واصل للبيت ركب معه
    حمد..خير فيصل شفيك شوهالدم
    فيصل..خير روح مستشفى دله بسرعه
    حمد.اوكي بس قولي من تعبان
    فيصل..سلمان ..يااخي كنت باامان الله بمكتبي وبين اوراقي ولاحسيت الا بهالخبله خدمتنا
    فتحت الباب تقول سلمان مات جعلها الموت وقفت قلبي طلعت وحصلت الجيران ملتمين عليه يقول
    طلع يجيب كورته وطاح على قزاز وتجرحت كل ساقه والنزيف كان قوي توني شايله الا محمد واصل
    ركبته معه وقلت له يروح وانا بلحقه لان مفاتيحي وجوالي داخل دخلت واستقبلوني بصياح ارتفع ضغطي
    طلعت حصلتك وبس
    حمد..سلامته مايشوف شر ويااخوي شفيك ليه تعصب عادي اكيد بيصيحون وانت داخل بثوبك كله دم
    فيصل..مااعرف عصبت وبس
    وصلوا المستشفى ودخل فيصل تطمن على سلمان
    محمد..فيصل ليه مابدلت الدكتور طمني لكن يقول انه نزف كثير وبيعطونه مغذي والظاهر عنده
    ارتفاع بحرارته وبيخلونه لحد ثلاث او اربع ساعات لحد مايتطمنون
    فيصل..الحمد لله محمد اجلس معه وانا بطلع وراجع لك بخلص الاوراق قبل مااطلع بس ابي جوالك
    اخذ جوال محمد وطلع بعد مااتصل على سعد وراح معه
    سعد..خلينا نروح للبيت لاتفشلنا انت وثوبك
    فيصل..سعد مالي خلق مزح الي فيني كافيني
    وصلوا للبيت وترك سعد فيصل يهدى شوي وبعدها جلس يحكي معه
    سعد...يااخي رد حرام عليك طمنهم
    فيصل..مابرد
    سعد..فيصل انت ماكنت قاسي وبعدين تعاند مين بالضبط
    فيصل...........
    سعد..الحين العنود شو الذنب الي عملته
    فيصل..والعنود شو دخلها بالسالفه
    سعد..فيصل اكذب عالكل الا علي انا اعرفك من قلت تزوج العنود وجاوبتني عرفت ان هالانسانه
    احتلت مساحه من تفكيرك عالاقل مجرد تفكير فيها كزوجه والدليل اجابتك كانت جاهزه لما سالتك يعني فكرت وقررت
    انها ماتصلح لك
    فيصل..طيب
    سعد..يعني قولي الي صار بالضبط
    فيصل بعد لحظة صمت .....شفتها
    سعد..متى
    فيصل..اليوم بعد الي صار وكانت بتطلع لشارع استفزتني ليه هالاستهترار يعني رجال طول بعرض ولا انا مالي
    عينها بتفتح باب الشارع وتطلع رفعت صوتي عليها ومسكتها من يدها وطلعت
    سعد..ليه استفزتك
    فيصل..مااعرف لكن شفت الانسانه الحقيقه بداخلها طاح القناع وظهرت العنود الحقيقه
    سعد..يعني مافهمت
    فيصل..ولا انا صدقني لما شفتها مااعرف احساس غريب حسيته دموعها شكلها وهي تصيح لما
    جلست عالارض كل هذا استفزني عصبت ليه مااعرف
    سعد..اقول لك ليه ولاتعصب علي
    فيصل..قول
    سعد..عصبت لانك حسيت بضعفك
    فيصل ورافع حاجبه..ضعفي
    سعد..ايه لما شفت فيها هالاستسلام والخوف وشفت دموعها ضعفت امامها لكذا عصبت من نفسك
    فيصل....اقول سعد انا لي حول ثلاث ساعات بروح ابدل ملابسي وارجع للمستشفى
    سعد..ماراح اعتبره هروب لكن بنكمل بعدين
    فيصل..اوكي باي

    بالبيت كانت العنود لابسهعباتها ودموعها مافارقت عينها وكل البنات خايفين متوترين
    الخدمه..ماما هذا هنا رجال عرف سلمان وين روح
    العنود..من قال
    الخدامه..كومار كلام
    العنود..ناديه بسرعه
    راحت العنود وكلمت السواق ورجعت لام فيصل والبنات
    العنود..خالتي السواق يقول احد الجيران يعرف شصار بسلمان لانه كان موجود وكلم محمد
    قلت له يناديه تعالي كلميه
    ام فيصل..منهو يابنتي من الجيران
    العنود..بيت ام احمد
    فيصل وتغير وجها واخذت شالها وقامت مع العنود وهم رايحين دخل فيصل

    ام فيصل..هلا ابوي طمنا وينه اخوك
    فيصل..من الي منادي احمد
    العنود..وين سلمان فيصل
    فيصل. وهو معصب ....سألت سؤال وابي اجابه عليه
    ام فيصل وتحاول تهدي الوضع ...تعوذ من ابليس ياابوي وطمنا على اخوك
    فيصل..انتظر اجابه الغاليه على سؤالي
    العنود..يوووه انتظر اجابتك لصبح
    لفت العنود عنه وراحت بااتجاه البيت
    العنود ..ميري تعالي
    فتحت باب البيت وطلعت معها الخدامه ووقف فيصل يناظرها لحد ماركبت السياره وراحت ودخل
    وهو واصل حده من تصرف العنود ولا حصل امه رمى الاوراق الا معه ودخل المكتب شافتها غدير واتصلت بسرعه
    بالعنود وبلغتها عن المستشفى الي فيه سلمان ..








  5. #15
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته


    الجزء الثالث عشر....


    طلع فيصل غرفته بعد مارمى الاوراق بالصاله اخذ له دش سريع وبدل ملابسه حتى يروح يشوف امه
    وتوه واصل الصاله الا يشوف محمد وسلمان واصلين وطبعا بدأ موال الصياح من جديد وبعدها قال
    فيصل..العنود جت للمستشفى محمد
    سلمان بصوت تعبان ..ايه شوي وراحت
    محمد والتفت لفيصل ..شسالفه هي جت تطمنت على سلمان وقالت لي انتبهوا له وطلعت مااعطتني فرصه اسألها
    حس فيصل ان اماني تصيح مهما حاولت ماتوضح وراح لها
    فيصل ويجلس جنب اماني..اموون ارفعي راسك وناظريني
    رفعت اماني راسها لكنها كانت تصيح اول شئ خوف على اخوها وبعدين خوف من فقدان العنود
    فيصل بأبتسامه ..انتي تثقين فيني ولا لا
    اماني تهز راسها يعني تثق فيه
    فيصل وبأبتسامه..اوعدك العنود بتكون موجوده الليله امسحي دموعك الغاليه
    تركها فيصل وراح لغرفة امه ومحمد قالت له غدير كل الي صار ضحك وقال ماعندهم سالفه
    راح يبدل ملابسه وسلمان جلس مع البنات

    فيصل دخل لغرفة امه بعد مااستأذن وراح عندها وحب راسها وجلس جنبها
    فيصل..اسف الغاليه والله اسف
    ام فيصل ساكته ماردت عليه
    فيصل..يمه ردي ارجوك اضربيني عاتبيني بس لا تسكتين كذا
    ام فيصل والتفتت عليه..وشتبي اقول لك اقول لك ان كلمتي خلاص ماتمشي عليك او اقول لك انك
    ماعديتني احكي ولارديت علي شقول يافيصل انت عارف الي صار
    فيصل ويحب يدها..وربي يمه غصب عني كنت معصب صح ماهو مبرر لكن طيبة قلبك بتسامحني
    ام فيصل..شفيه سلمان
    ابتسم فيصل وقال...رجع موجود بالصاله
    قامت ام فيصل بتطلع ومسك يدها ..يمه ارجوك اجلسي خليني اتكلم معك شوي
    ام فيصل وجلست..قول اسمعك
    فيصل..يمه اسمعيني بقلبك ارجوك انا اعرف اني اخطيت عليك ويمكن على العنود والحين
    انا وعدت اماني ان العنود ترجع للبيت
    ام فيصل..ليه هي مارجعت مع سلمان
    فيصل بخيبة امل..لا محمد يقول انها شافته وقالت انتبهوا له وطلعت
    ام فيصل..لا حول ولا قوة الله بالله ماقلت لك قبل خف عالبنت
    فيصل..يمه بعد هي رفعت ضغطي
    ام فيصل ..ماعلينا الحين خلني اطلع اشوف سلمان
    فيصل..ام فيصل زعلانه للحين
    ام فيصل ..لا انا ماازعل منكم ازعل عليكم فيصل ابوي انت الكبير بالبيت وانت القدوه لخواتك
    وعلمتك وعلمت كل خواتك ان الاحترام اساس كل تعاملنا ياابوي
    فيصل وقام ومسك يد امه وحبها..اسف الغاليه لكن سامحينا خلاص مابكررها لخاطري مايهون علي انك تأخذين
    بخاطرك علي وبعد اعرف اني مابهون على ام فيصل نور هالحياة
    ام فيصل وتضحك..مايطاوعني قلبي عليك انت الغالي
    فيصل وباابتسامه..الله لايحرمني منك يارب والحين نطلع نشوف سلوم وبعدها يصير خير
    طلعت ام فيصل وشافت سلوم وجلس يحكي لها كل شئ صار له وام فيصل مبسوطه عليه
    والبنات متوترين وخصوصا اماني لان فيصل بالبيت ماتحرك انتبهت ام فيصل للبنات والتفت
    على فيصل الي سرحان مو معهم وقامت عند التيلفون وطلعت دفترها واتصلت والكل يراقبها
    وساكتين
    ام فيصل..ميري وين العنود
    الكل التفت لها واماني راحت جنبها وفيصل مركز معها
    ام فيصل..لاتقولين انا تيلفون انا بجي الحين
    سكرت ام فيصل ..تروح معي انت او محمد يوديني
    فيصل ووقف ..اانا بطلع معك بس وين
    ام فيصل..بالسياره اقولك بنات عطوا سلمان شئ يأكله وانتبهوا له لحد مانرجع
    طلعت ام فيصل وركبت السياره مع فيصل
    فيصل..الغاليه وينها فيها
    ام فيصل..ماعرفت للحين ببيت اختها
    فيصل..ايوووه صح راح عن بالي
    سكت فيصل وراح لبيت المرحومه عايشه ونزلت امه وهو جلس بالسياره دخلت
    بعد ماقلت لها الخدامه ان العنود بغرفتها تصيح طلعت ام فيصل فوق مع ميري ودخلت
    وحصلت العنود عالسرير ودموعها على خدها لما شافت ام فيصل استحت ومسحت دموعها
    ام فيصل..لاتمسحين دموعك يالعنود يحق لك تصيحين وتزعلين
    العنود..سامحيني خالتي كنت برتاح وبرجع ماكان له داعي تتعبين نفسك
    ام فيصل..العنود يابنتي فيصل طيب حتى لو عصب ولايقصد ان يتجاهل مشاعرك بس غصب عنه
    العنود..خالتي اسمحي لي عالكلام الي بقوله بس يعني تصرفه ماله داعي اول شئ مايرد وبعدها
    يتجاهل سؤالنا ويسال عن شئ ماله داعي
    ام فيصل واابتسامه..خلاص العنود فيصل غلط وانت بعد مو انا اعد مثل بناتي خليني اجل اعاتبك
    مثل ماعاتبت فيصل ياابوي فيصل يمكن غلط لانه ماطمنك على سلمان بس انتي غلطتي صح احنا
    مالنا كلمه عليك بس يابنتي مايصير تأخذين الخدامه وتطلعين كذا
    العنود استحت من ام فيصل..خالتي اول شئ انا اسفه واتمنى فعلا انك تعامليني مثل بناتك يعني
    يحق لك تمنعيني او تعملي الي تحبين وربي ياخالتي احساس حلو ان الواحد يحصل احد يخاف عليه
    ام فيصل..الله يكملك بعقلك يابنتي والحين اطلعي معي انا قلت للخدامه ترجع للبيت مع السواق
    وانتي بترجعين معي
    العنود..من معك
    ام فيصل وتحاول ماتبتسم..فيصل
    العنود وعلى طول..لا
    ام فيصل..العنود اذا تعديني مكان امك انتظرك تحت
    طلعت ام فيصل وبكت العنود ام فيصل حنونه وطيبه ولايهون عليها تزعلها وفيصل رفع ضغطها
    ولالها خلق تشوف وجهه لكنها قررت تنزل لان الحنان الي شافته من ام فيصل يستاهل انها تتحمل
    فيصل ابتسمت ام فيصل لها وطلعت معها العنود فيصل ابتسم لانها رجعت وارتاح من هم كبير
    لكنها ركبت ولاقالت حتى السلام سكت فيصل ولا قال ولاكلمه ونفس الشئ امه والعنود وصلوا البيت ونزلت
    ام فيصل والعنود
    ارتاح فيصل لان العنود رجعت لانه مستحيل يكون السبب بنظر اماني ببعدها فيصل بداخله يغلي من العنود
    ومن تصرفها لكن دائما فيصل له اولويات بحياته مو مهم انه يعصب او ينقهر المهم الناس الي حوله مايحسون
    بنقص او حزن وهو قادر يبدله لفرح وراحه وعطاء طلع فيصل وراح لفهد حتى يغير جو وينسى الي صار
    العنود راحت للبيت واتصلت بااماني حتى تجيب سلمان وعدت الليله على خير

    الصباح صحى فيصل بدري لانه متفق مع حمد انه يروح يشوف عمته لطيفه لاول مره بحياته وبتعرف
    على ولدها صقر ..
    وصل فيصل للمستشفى وقابل حمد وطبعا نواف كان موجود اخذهم عند صقر الي رحب فيهم وكان اسلوبه
    حلو مره ومحترم سلم عليه وتعرف عليه بشكل سريع واخذه عند امه الي ماتعرف انه جاي لها
    دخل صقر ومعه فيصل عند امه
    صقر..ام صقر افتشي لاتتغطين الي معي عزيز عليك
    ام صقر..صقر شتقول
    قرب فيصل عندها وابتسم ابتسامه كلها حنان وفرح
    فيصل..عمتي انا فيصل ولد ابراهيم اخوك
    ام صقر نزلت عيونها والتفت على ولدها الي هز راسه يأكد لها هالشئ وبعدها صاحت وحب راسها فيصل
    وتحمد لها بالسلامه
    ام صقر..امك وينها يافيصل نوره بنت عمي وينها
    فيصل..موجوده وودها تشوفك
    ام صقر..خلني اشوفها واستسمح منها
    فيصل..مسموحه ياعمه انتي عمتنا وتاج راسنا
    ام صقر ماقدرت بكت وسكت فيصل وصقر سكت وخلواها تطلع الي بخاطرها
    ام صقر..ونواف ليه مادخل ولاشافني زعلان للحين مني بعد هالسنين
    فيصل..لا ياعمه بيجيك اليوم هو قال لي
    ام صقر..الله يسامح الي كان السبب والله يوفقه يارب
    صقر..هالغاليه اشوف نسيتينا من دعواتك
    ام صقر..لو مانطقها لساني يرددها قلبي بكل لحظه

    طلع فيصل من عند عمته مبسوط ماتوقع انها بتكون بهالطيبه بعد ماشاف عمته حصه خصوصا
    ان الكل يعرف ان حصه اثرت على اختها بشكل كبير لكن الدنيا تغير باايام فكيف بسنين ..

    بالبيت صحى سلمان وازعج العنود حتى تصحى لانه مايقدر يمشي صحت العنود ونزلت معه
    وحتى اماني صحت وجلسوا يفطرون
    اماني..عنوده زعلانه للحين
    العنود وباابتسامه..لا اماني بس شويت قهر من اخوك وخلاص
    اماني..والله فيصل طيب بس المشكله انه مايوضح
    العنود وهي تبتسم..يعني انا الشريره
    امني..لا انت الطيبه كلها بس المشكله انك كلكم صعبين
    العنود..ههههههههههه يمكن
    اماني..اليوم بنجتمع ببيت ام فهد وخلاص مابنشوف بعض الا بعد الاختبارات
    العنود..خساره بنفقدهم
    اماني..صح بس اليوم لازم ننبسط وخلود تقول عندها شئ بتعمله الله يستر
    العنود..امون خلود تغيرت صح
    اماني..صح اول شئ كنت احسها شوي شايفه نفسها لكن صدق ماتعرف الواحد الا اذا عاشرته
    واماني والعنود منسجمين بالسوالف وسلوم يتفرج على التلفزيون
    غدير..بوووووووو
    اماني..يمه خوفتيني
    غدير.هههههههههههههه سوري يالرقيقه
    العنود..هلا غدير غريبه صاحيه بدري
    غدير..ههههههههههه صح لكن امس بسم الله الرحمن الرحيم الكل معصب قلت انوم احسن
    العنود وتناظرها بطرف عينها..من تقصدين
    غدير..من اقصد يعني فيصل وطلع وبعد مارجع دخل مكتبه ولاشفته ومحمد راح يشوف الحبيبه وساره داخله بحالة صمت
    وانتي مجنونه اذا كلمتك امس وامون راحت مع سلمان من اكلم ومن اسهر معه قلت يابنت روحي نامي احسن
    العنود وهي تبتسم ..خلاص اسفين الشيخه
    غدير..اسمعي بنروح بدري بيت عمي بنسهر اخر سهره وبعدها حبس هههههههههههه فاتكم
    امي الصبح حطت على محمد
    اماني ومتحمسه ....خساره ماحضرت ليه شصار
    غدير..قالت له خف على شوق خلها تشوف اختباراتها عاد محمد جلست يضحك ويستهبل على امي
    بس ماقصرت فيه وبعدها حولت على فيصل لكنه لحق عمره وطلع لعمتي
    العنود..الا صح مابتروحون تشوفونها
    غدير..امي بتروح لها الحين والظاهر انها بتمشي الظهر لشرقيه عشان دراسة امل
    العنود..يعني بنتها الثانيه ماجات
    غدير وهي تضحك ..لا بس ولدهااسمه صقر فيصل عازمه الاسبوع الجاي وكلنا عندنا اختبارات يعني انتي بتطبخين
    العنود ورافعه حاجبها ....وليه انا الي اطبخ
    غدير وفيها الضحكه ..لان فيصل مايحب طبخ الخدمات
    اماني..ههههههههه مالقيتي تقولين الا وهي شايله عليه
    العنود..ماشلت على احد
    غدير..عيني بعينك
    العنود...اقول خليني اروح اشوف لي شغله احسن
    غدير..طيب امون ساره تقول خلي سلمان يجي عندها
    ساره..هههههههه تصريفه فهمت يالله سلوم نروح لسارونه
    طلع سلمان واماني وجلست العنود وغدير ساكتين
    غدير..عنوده
    العنود..نعم
    غدير..زعلانه
    العنود..لا
    غدير..اجل ليه مافتحتي جوالك من امس
    العنود..توقعي تحصليه مقفل على طول
    غدير..اف ليه طيب
    العنود..بس كذا
    غدير..العنود نتكلم بصراحه
    العنود.غدير انا بسألك هل كنت بوعيي امس
    غدير..وشلون
    العنود..تتوقعين لو انا قادره افكر كنت طلعت لفيصل كذا من غير شئ ولاعبايه ولاحتى شال
    غدير وباابتسامه..لا
    العنود..غديروه لاتضحكين صدق احكي انا اعرف اني تهورت لما كنت بطلع لكن ماكنت حاسه
    انا وين بروح ومن اكلم اعصابي تلفت ماعدت قادره اجميع او افهم تصرفي كان غصب عني
    غدير..طيب ههههههههههههه ووتوقعين لما تطلعين لفيصل كذا وفجأه بيكون تصرفه طبيعي او مثلك بيكون منصدم
    العنود..انا مو زعلانه بالعكس فيصل ماعمل شئ خطأ رد فعله كان طبيعي لكن الي يهمني ..سكتت العنود
    غدير..ليه سكتي
    العنود ..ابي تعتذرين منه
    غدير وهي متفاجئه..من فيصل
    العنود..ايه قولي انا ماكان قصدي لكن من خوفي ماركزت على تصرفتي
    غدير مبتسمه وبعدها ضحكت رمتها العنود بالمخده
    العنود..على ايش تضحكين
    غدير..تبين الجد ماتوقعتك سهله كذا لكن والله انك رهيبه فكرتي فيها بالعقل واكتشفتي من المخطي
    العنود..هذا مايعني ان فيصل ماغلط لكن مو مشكله انا طيبه وحبوبه
    غدير..اقول كله الا فيصل عاد
    العنود..خلاص اسفين
    جلست العنود وغدير يسولفون ويتكلمون عن زواج محمد وشو التغير الي بيكون بحياته

    وصل فيصل واخذ امه وراح للمستشفلى كانت متردده ام فيصل لكنها توكلت على الله ودخلت وكانت لطيفه نايمه
    جلست ام فيصل وهي تتأمل وجهها لطيفه طيبه لكن تصرفاتها مو من ارادتها كل شئ تعمله يكون من تخطيط اختها
    حصه وهذا خرب عليها كثير حتى بحياتها مع زوجها االله يرحمه جلست نوره تتذكر ايام ماضيه ولما حست ان
    لطيفه صحت راحت عندها وسلمت عليها وحضنتها لطيفه وهي تصيح وصاحت ام فيصل
    لطيفه..سامحيني يانوره سامحيني
    ام فيصل..الله يسامح الجميع ارتاحي
    لطيفه..شفتي هالدنيا فرقتنا وجمعتنا بمستشفى
    ام فيصل ..ارتاحي يالطيفه وكل شئ بيتصلح

    جلست ام فيصل نص ساعه مع ام صقر بعدها استأذنت بعد ماوعدتها لطيفه انها بعد الاختبارات تجي لرياض وتشوف كل
    عيالها وتتعرف عليهم


    غدير راحت لفيصل قبل صلاة العصر وكانت مبسوطه لانها بتوصل له الاعتذارا ومبسوطه اكثر لانها هي
    الي بتشوف رد فعله بعد مااستأذنت دخلت المكتب وابتسم لها فيصل
    فيصل..هلا غدير
    غدير..هلا فيصل مشغول
    فيصل وبأابتسامه..يعني بس ولايهمك كم غدير عندي تفضلي
    غدير..مابعطلك بس معي لك رساله
    فيصل عاقد حواجبه..رساله لي من مين
    غدير وحاولت على قد ماتقدر تكون عاديه ولا تبتسم..من العنود
    فيصل ترك القلم ..ايوه وشو هي الرساله
    العنود..العنود تعتذر لك وتقول ان خوفها على سلام ماخلاها تركز
    سكت فيصل وغدير تحاول تفهم من تعابير وجهه شئ لكنها عجزت
    غدير..خلا ص اروح
    فيصل..خلصت الرساله
    غدير..ايه
    فيصل..انتي تبين شئ ثاني
    غدير..لا
    فيصل..اجل اطلعي وسكري الباب
    غدير وهي مبتسمه ..يعني قبلت الاعتذرار
    فيصل رجع مسك القلم وبدأ يكتب ..سكري الباب بعدك
    طلعت غدير وهي معصبه وصادفت محمد
    محمد..لا حول شفيكم كذا معصبين انا بربط عيوني واخلي الخدامه توصلني لغرفتي الواحد يدخل مبسوط
    ومرتاح ويشوف وجيهكم معصبين ويكتئب
    غدير..ههههههههههه تعال قولي من ايش مبسوط
    محمد والابتسامه ماليه وجهه..انا اسألك غدير فيه احد عنده زوجه مثل شوق ولايكون مبسوط
    غدير..هههههههههههه ياعيني عالحب اقول محمد الله يستر لاتتغير عليها بعد الزواج
    محمد..غديروه زواجي بعد شهر
    غدر...الحمد لله والشكر يااخي ازعجتنا
    محمد..ماعندك سالفه فيصل وينه
    غدير..لاتدخل عنده
    محمد..ليه
    غدير..توني وصلت له رساله خليه يفكر فيها
    محمد متحمس ..من مين
    غدير..امور خاصه
    محمد..مالت عليك روحي خلي سلوم يجي عندي يوسع صدري احسن منكم
    غدير..مابروح انت كلم بااي
    طلعت غدير وتركت محمد لحاله بالصاله ينتظر سلمان الي راحت الخدامه تناديه

    العصر راحوا بيت ام فهد كلهم وسألت العنود غدير اذا وصلت الرساله وقالت لها غدير على الي صار وسكتت العنود
    باقي الطريق تحاول تدور عن اجابه لاهتمامها برد فعل فيصل من اعتذارها لكن انقطع تفكيرها لما وصلوا بيت ام فهد

    واجتمعوا البنات بالغرفه وجلسوا ضحك وسوالف وتخطيط لزواج شوق وكل وحده
    تقول شو عملت وخصوصا شوق وبعدها فاجأتهم خلود
    خلود..هدوء بنات اجلسوا بسألكم سؤال هو محرج لكن بشرط تجاوبون بصراحه ولا وحده تعتذر
    وبعد تردد الكل وافق وجلسوا عالارض بشكل عشوائي ينتظرون خلود تسألهم
    خلود وباابتسامه..احم سؤالي ياحلوات من منكم بحياتها شخص تحبه ..ومن هو ..؟؟
    الكل سكت والبنات صاروا يناظرون بعض
    خلود..اعرف سؤالي يمكن فيه تعدي على خصوصياتكم لكن ودي نكون خوات صدق نحكي ونقول كل شئ
    بخاطرنا لبعض ..يالله من الي تعتز بحبها ولاتشوفه خطأ وبتقولها قدامنا انا اقولها بصراحه مافيه بحياتي
    اي شخص يعني خاليه
    وبعد تردد بان على البنات الي من خوف من التصريح والي متفاجئه والي تبحث بوجيه الباقين حمرة خجل او خوف
    وفجأه قد عليهم هالتأمل صوت عبير
    عبير..انا بقول
    خلود وتضحك قولي عبوره مع اني اعرف لكن خلي الكل يعرف..
    عبير وبصوت واطي ووجهها احمر ....نواف
    الكل يدري الا اماني وشوق وساره
    شوق..انا احتج ليه ماعملتي هالشئ قبل ماانخطب عشان اقول اسم حبيبي حمودي
    الكل ضحك على شوق الي كملت كلامها لعبير
    شوق..عبير ونواف الله وناااااااااااسه عبيروه اعترفي من متى تحبين
    خلود.. بعدين هالاسئله بنعرف عن كل وحده بعدين نسأل الحين اقول بمشي من اليمين ..يالله امون
    اماني وتضحك..خاليه خاليه الله يخليك مو ناقصه انا خليني انجح
    خلود ..نفس حالتي هههههههه شوق معروف حبيبك محمد
    شوق وتصرخ .. لا لا خليني اقولها حبيبي حمودي
    خلود.. هههههههههههه طيب شوقعبير اعترفوا الحين ساره
    ساره مارفعت عينها العنود تراقبها وتشوفها كيف متردده لكنها ماكانت خايفه ابدا عليها
    عبير..صمتك يعني فيه
    شوق..يالله تكلمي وناسه خلود هالسؤال
    ساره وبصوت واطي ..حمد
    طمرت شوق وجلست جنبها...ههههههه كلوووووووووش وينك يااخوي
    الكل ضحك على خبال شوق
    نجلاء..شوق تحبين اخوي يابخته والله فيك
    استحت ساره ولاردت الا باابتسامه خجوله
    خلود.. عرفنها عن ساره الحين يالله غدير..
    غدير ومصدومه ..خليني افرح اول بااختي والله اني فرحانه لها وزعلانه لانها ماقالت لي
    ساره..خلاص غدير اسكتي
    غدير..ياناس يابخت الحياء بااختي انا خاليه خاليه خاليــــــه عند احد احبه
    خلود.. هههههههههههههه لو عندي حبيته انا يالله نجلاء..
    نجلاء واستحت ..حرام عليك انا مااقدر اقول
    شوق وتصرخ..نجوول يادبه يعني فيه احد ليه ماقلتي لي
    نجلاء..ياربيه شلون اقول مااقدر حرام عليكم
    غدير..نجوول قولي بسرعه ولاتنحرجين
    نجلاء ووجهها احترق من الحياء ....فهد
    الكل انصدم سكتوا فهد وخصوصا عبير وخلود
    عبير وهي تضحك ..الله ياناس وناسه اخوي حبيبي بروح ابارك له
    نجلاء..ياويك اذا قلتي
    خلود..مااحد بيقول بس خلونا نكمل يالله العنود
    العنود باابتسامه..خاليه
    الكل..كذابه
    العنود...ههههههههههه متفقين ليه لهالدرجه واضح علي الحب
    الكل سكت لكن غدير تكلمت بسرعه
    غدير..العنود بصراحه فيصل شو يعني لك..
    الكل ابتسم وكان غدير قالت الي في بالهم اما العنود انصدمت من هالسؤال وقدام كل البنات
    العنود ومازالت مبتسمه..الحين كلكم تشوفون اني احب فيصل انا مااقول فيصل
    مااحتل مساحه من تفكيري لكن حب سكتت العنود والبنات يراقبونها لكنها قالت .. مااعتقد
    خلود بخيبة امل ....خساره
    ساره..والله خساره
    العنود...هههههههههه ليه
    غدير..بصراحه لايقين على بعض كل يوم مشكله
    العنود وبنظره حزينه ....ياشيخه الحب له ناسه مو انا
    نجلاء..افا العنود ليه تقولين كذا
    العنود..لان الحب استكثر علي احساسه
    عبير..ههههههههههه العنود صدقيني بقلبك احساس لكن لاتتجاهلينه حتى ماتحرقينه وينتهي
    سكتت العنود والكل سكت وبدوا يتكلمون كل وحده تحكي عن اخوها لبنت عمها ومرت السهر من احلى مايكون خصوصا
    انه فيه حريه بالتعبير عن المشاعر اتفقوا انهم يكتمون هالسر بقلوبهم ولايطلع عليه احد ..

    اما بالمجلس الشباب كانوا يتناقشون اقتراح فيصل الي ماعجب محمد

    محمد..بتسافرون كيفكم لكن بعد زواجي انا بسافر وانتم بسلامتكم
    نواف..يااخي لاتخاف بتتزوج يااخي احنا بنرتاح منك
    فيصل..هههههههههههه محمد طيب يمكن البنت بتسافر وتبسط
    حمد..صح مسكينه اختي خلها تسافر معنا واذا رجعنا او السنه الجايه يكون زواجكم
    فهد..هههههههه حرام عليكم خلاص اتركوا الرجال بحاله
    محمد باابتسامه..والله انك الغالي يافهد فاهمني
    فيصل..ماقلتوا شو رايكم
    نواف..انا موافق سفره ومع الاهل ياسلام
    حمد..وانا موافق
    فهد..واكيد انا بعد موافق
    فيصل ..حلوو السؤال وين نسافر
    حمد..نبي جو حلو
    فهد..انا اقول نروح نروح لطايف ونجلس فيها وبعدها نروح مكه وطبعا جده ونرجع لرياض
    نواف..حلوو لكن ليه ماتكون السفره لجده اساسا
    حمد..لا جده بتكون زحمه ورطوبه لكن الطايف الجوو فيها حلو
    فيصل..خلاص نعتمد الطايف واكيد بنروح جده
    الكل وافق وباقي يسألون اهلهم لكن اتفقوا ان السفره بعد زواج محمد الي بعد شهر

    الكل انشغل بالاختبارات والعنود اغلب وقتها مع ام فيصل هي وسلوم لانه عطل قبلهم اما البنات
    مشغولين بالاختبارات الا عبير الي مثل العنود بالبيت جالسه كانت تتصل وتسولف مع العنود دايما
    اما شوق كان قلبها مع فستنانها وشكلها اما الاختبارات ماشي حالها يعني الاهتمام الثاني ماهي الاول
    ساره كانت تراجع للمستشفى لكن ماشافت حمد لان موعدها معه بعد الاختبارات بيومين وكانت خايفه
    من هالموعد كثير لكنها بنفس الوقت سعيده لانها بتشوفه وبيكلمها ...
    ويوم السبت كان موعد عزيمة صقر ببيت عمه وطبعا ام فيصلل بالمطبخ والعنود معها ماتركتها لان
    البنات عندهم اختبارات ومحمد يدخل ويأخذ القهود ويسولف مع امه ومع العنود لانه يعتبرها اخته
    محمد..اقول يمه اذا نسيتوا بس اذكركم زواجي بعد عشر ايام
    ام فيصل..ههههههه لاحول ولاقوة الا بالله ازعجتنا ياابوي الله يوفقك
    محمد..رددتها مليون مره عند ولدك ابيه يفهم ويروح هو يجيب القهوه
    فيصل..يااخي قلها صريحه وريحني
    محمد..بسم الله انت من وين طلعت دائما تدخل كذا روعتني
    فيصل..اقول روح ودي القهود وخلي السوالف بعدين لاحق عليها
    العنود طلعت مع الباب الخلفي وانتبه لها فيصل
    فيصل..ماانتبهت العنود كانت هنا
    ام فيصل..ايه الله يعافيها ماقصرت البنيه
    فيصل..الله يعطيكم العافيه قلت لك بجيب العشاء من برا ولا وافقتي
    ام فيصل..الله يرزقنا شكر نعمته الحمد لله الخير موجود وانا بصحتي
    فيصل..الله يطول بعمرك يالغاليه

    انتهت الاختبارات على خير والكل بيوم الاختبار رجع تعبان ونام لليوم الثاني ومن بكرا كان فيه ثنتين
    بس بدأ الخوف بعد الاختبارات يدخل قلوبهم شوق وساره شوق باقي على زواجها خمس ايام وبدت ترتب
    اخر الاشياء وهي نجلاء وحتى حمد معهم مشغولين للأخر ..
    اما ساره كانت متوتره مرره لان بكرا موعدها مع حمد وكانت خايفه من هالموعد لان هالمره الموعد معه
    يعني بااعتباره الدكتور المشرف راح يتابع تطورات العلاج معها خافت والي خوفها ماتعرف بتروح مع من لكل غدير قالت
    لها ..
    غدير..سارونه بكرا موعدك مع الغالي
    استحت ساره..غديروه اسكتي لاتسمعك امي
    غدير..هههههههه طيب المهم بتروح معك امي فيصل ومحمد مايقدرون
    ساره..اشوى ارتحت
    غدير..ساره اذا تبين نصيحتي لاتصدين حمد ماقلت طيحي الميانه معه لكن عالاقل خليك طبيعيه معه
    ساره..مااقدر اخاف
    غدير..روحي بس من شو تخافين
    ساره..مااعرف خليها بوقتها الله يستر

    اما نجلاء وشوق بعد ماعرفوا ان ساره تحب حمد بدوا يتكلمون عنها بشكل مايحسس حمد انهم قاصدين هالشئ
    وهم جالسين بالصاله غمزت شوق لنجلاء يعني تكلمي

    نجلاء..الا صدق حمد بكرا موعد ساره يالله مرره تعبانه نفسيتها
    التفت حمد لها وبدأ يركز معها
    حمد..ليه هالتوتر موعد عادي
    شوق..مسكينه كلمتها اليوم والمفروض تكون مبسوطه لكنها خايفه من الموعد والنتيجه
    حمد بعد تفكير ..احنا اعطيناها تعليمات اذا هي اتبعتها النتائج بأذن الله بتكون كويسه اما اذا مااتبعتها
    اكيد بتكون النتايج سلبيه
    سرح حمد وتوقع خوف ساره من مواجهته اكثر منها من النتيجه لكن قطع تفكيره رنة تيلفون نجلاء
    نجلاء..هلا وغلا بالهاصوت تونا نحكي عنك
    ابتسم حمد لانه عرف انها ساره
    غدير..ان شاء الله تحشون فيني
    نجلاء وهي مبتسمه..وساره من يقدر يحش فيها
    حمد غير عينه لكن اذنه مع نجلاء اما شوق كانت تراقبه وتشوفه وهو يبتسم لكنها عملت نفسها ماانتبهت
    غدير..ساره بعينك يعني ماعرفتيني
    نجلاء..سارونه لاتخافين ان شاء الله كل شئ اوكي
    غدير..ههههههههههه الله يأخذ عدوانك انتقال خبال شوق لك من عندك
    نجلاء..ابد انا وشوق وحمد نتفرج عالتلفزيون
    غدير..قلتي لي اقول روحي اكذبي بعيد انا طفشانه وانتي تكذبين يالله مع السلامه
    نجلاء..هههههههههههه طيب مع السلامه

    شوق..هذي ساره شعندها
    نجلاء..تسأل بتروحين للمشغل وقلت ايه
    شوق..بتروح هي
    نجلاء..لا غدير والعنود بيروحون
    طلع حمد وضحكت نجلاء وشوق عليه لانه كان مركز معهم مره
    شوق..نجلاء حمد لو كان مايحب ساره بمعنى الحب انا واثقه انه مايل لها كثير
    نجلاء..اممممم حتى انا
    شوق..نجول شرايك تكلمين عبير
    نجلاء وباابتسامه.شوق روحي كلمي محمد
    شوق...ههههههههههه لاخلاص مافيه مكالمات قفلت جوالي بس خليني اتسلى كلمي يمكن يرد عليك احد
    نجلاء ..اقول بروح اعمل لي قهوه
    شوق..هههههههههههههه جبانه









  6. #16
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء الرابع عشر ..

    الصباح الساعه عشره الكل نايم ومرتاح الا ساره الي مو قادره تسيطر على دقات قلبها الي تزيد مع كل ثانيه
    حاولت تكون طبيعيه لكن ماقدرت وام فيصل قدرت وضعها وتوقعتها خايفه من النتيجه وماكانت تعرف ان
    ساره خايفه اكثر من حمد خايفه منه بااعتباره دكتور وبااعتباره الشخص الوحيد الي دق قلبها له الشخص
    الي بثلاث كلمات منه عاشت بدنيا من الاحلام بدنيا منفصله مايسافر لها احد الا بدقة قلب الا بنظرة صدق
    الا بكلمة حنان ..استمرت ساره تتخيل هالمقابله لكن المقابله فاقت كل توقعاتها ..

    وصلت ساره مع امها وجلست بالانتظار ولما نادوا على اسمها حست برجفه برجولها ماتوقعت تقدر تكمل
    لحد الغرفه لكن امها مسكت يدها ومشت معا ودخلت سلمت ام فيصل وساره من شافت حمد وقف لام فيصل
    انهارت كل القوه الي من يومين تتسلح فيها من شافته كل مقاومتها انتهت ضاعت كل الكلمات الي كانت
    مفكره تقولها
    حمد وبأبتسامه ..هلا خالتي شلونك وشلون العيال بشريني
    ام فيصل..بخير ونعمه انت شلونك وخواتك وعروسنا شلونها
    جلس حمد..عروسكم هدت حيلي تعبت والله مساكين هالبنات
    ام فيصل وهي تضحك..خليك عشان تعرف قبل ماتتزوج
    حمد..ههههههههه دعواتك ياام فيصل
    ام فيصل..الله يوفقك ويلين راس هالي عندي بالبيت وافرح فيه
    حمد...ان شاء الله
    التفت حمد على ساره لكنه كان اقوى منها وكان طبيعي مرره..ها يابنت العم طمنينا عليك
    ساره وهي متغطيه وبتموت..الحمد لله
    حمد اخذ الملف من الممرضه لكنه انتبه قبل مايبدأ يقرأ ان ام فيصل قامت وجلست بكرسي بأخر الغرفه
    ماعرف ايش تقصد لكنه انسجم مع الملف وساره تراقبه سرحت معه الى دنيا ثانيه لكنها بسرعه انتبهت
    ورجعت تركز وشافت حمد رافع حاجبه وشكله مو عاجبه الي مكتوب بالملف رفع راسه
    حمد وشكله تغير ومعصب شوي..عفوا ساره ممكن تشيلي طرحتك اشوف يدك
    بخوف شالت ساره طرحتها وحاول حمد مايرفع عينه لكنه ماقدر وقف عندها ولما مسك يدها حس برجفة
    يدها ماقدرت ساره كانت خايفه اولا لانه عصب بعد ماشاف الملف والشئ الثاني انه ماسك يدها
    حمد بصوت واطي ..ساره هدي شوي تحبين خالتي تجلس جنبك حتى ترتاحين
    هزت ساره راسها يعني لا وكمل حمد فحص وقبل مايجلس بمكتبه همس لها بصوت ماتسمعه ام فيصل
    حمد..اسف ساره على كل الي صار
    جلس حمد مكتبه ورجع يقرأ الملف وساره تمنت انها تفتح الباب وتطلع كانت خايفه متوتره مو عارفه كيف تتصرف
    اما ام فيصل ماحبت تضايق حمد ولاتحرج بنتها ابتعدت شوي عنها وكانت طوال الوقت تذكر الله وتستغفر وتسبح
    ( اشهد ان لا اله الا الله واشهد ان محمد رسول الله استغفرك اللهم واتوب اليك )
    حمد بعد مااطلع عالملف رفع راسه وتغير ماهو حمد الي اعتذر منها لا رجع حمد الدكتور الي كان معصب
    حمد..ساره للأسف انتي مالتزمتي بالتعليمات قلنا يدك ماتكون بوضع واحد اكثر من ساعه لكن الظاهر انك
    مااهتميتي يدك ماتحسنت المفروض انك مع العلاج تساعدينا
    ساره مع كل الضغوط اول شئ توترها قبل هالموعد وبعدين خوفها لما شافته وبعدين
    اعتذراره لها وتقلباته مابين الدكتور وولد العم ماقدرت نزلت دموعها وسكت حمد
    وقال بنفسه لا ساره دموع لا انا مااستحمل الدموع
    التفت حمد على ام فيصل حتى يتدارك الموقف..خالتي تعالي الظاهر زعلت بنت العم مني
    جات ام فيل ومسكت ساره ..خير ياولدي شفيك يابنتي
    حمد..خالتي ساره يدها ماتحسنت مو لانه صعب لانها هي ماساعدتنا
    ام فيصل..شلون ياابوي
    حمد..خالتي ساره المفروض يدها ماتكون بوضع واحد يعني تتحرك لكن الظاهر انها مالتزمت بالتعليمات
    ام فيصل..قالي فيصل انتبه وعجزت مع الاختبارات ماسكه هالكتاب بالساعات
    حمد..خالتي راح نمدد مدة العلاج لشهرين لكن بشرط ساره تساعدينا
    ام فيصل ..ان شاء الله قلتي له ساره عن الي تحسين فيه بيدك
    ساره بصوت واطي..مافيني شئ خلاص
    ابتسم حمد عرف انها زعلت..احم اسمعك ياساره تفضلي
    ساره ماقدرت ترد وحمد حتى مايحرجها بدأ يكتب بالملف وام فيصل استحت من ساره
    ام فيصل..ساره يابنتي تكلمي او اقول ياولدي انا بقول لك بنتي واعرفها مابتحكي دامها صاحت
    ابتسم حمد وقالت له ام فيصل..تحس ان يدها ثقيله والوجع بكتفها مازال
    حمد..اكيد ياخالتي بتحس لانها تتعب يدها والاعصاب ضعيفه عندها لكن اذا حركت يدها بتكون ان شاء الله
    احسن من قبل المهم انها تلتزم بالعلاج والتعليمات ..وبعد ولاتزعل علينا
    ساره ساكته وام فيصل شكرت حمد وقامت بتطلع لكن حمد وقف معهم وهم عند الباب قالها بهمس
    حمد..انتبهي لنفسك لخاطري
    ابتسم حمد وساره كل الي كانت محتاجته غرفتها ودها تضحك وتصيح وتصرخ ماتعرف تحدد مشاعرها
    ولاقادره تتوصل لتعريف لاحساسها بمشاعره هل هي خوف او محبه او اهتمام ظلت ساره طوال الطريق سرحانه

    بالمكتب فيصل لاول مره كان متضايق وحاس بتعب ورأسه منزله عالمكتب وحتى شماغه عالمكتب
    دخل عليه فهد بعد ماطق الباب ولا احد رد عليه خاف فهد وبسرعه راح له
    فهد..فيصل فبصل
    رفع فيصل رأسه وشكله كان تعبان ..هلا فهد
    فهد ..خير يااخوي سلامات شفيك
    فيصل ويتنهد..الله يسلمك مااعرف هالدنيا بكل نورها اشوفها سوداء
    فهد وعاقد حواجبه ..اف ليه فيصل شفيك
    فيصل..ولا شئ صدقني من الصبح وهي قافله معي حتى ماخلصت شغلي وكنسلت مواعيدي
    فهد..طيب اطلع روح للبيت ارتاح
    فيصل..شكلي بعملها
    فهد..يالله اجل اطلع معي
    طلع فهد بعد ماحاول مع فيصل انه يوصله لكن فيصل رفض وركب سيارته ورجع للبيت

    وصلت ام فيصل وساره ودخلوا وحصلوا العنود وسلمان جالسين برا وسلمت عليهم العنود
    وابتسمت لساره الي بعالم ثاني
    ام فيصل..تعالي يالعنود داخل هنا شمس
    دخلت العنود وام فيصل وساره طلعت تبدل ملابسها اما سلمان رفض يدخل وجلس يلعب
    مع الخدامه برا

    العنود..بشري خالتي كيفها ساره
    ام فيصل..فشلتني الله يعين الي بيأخذها على هالدلع
    العنود....ههههههههه لا خالتي ساره دلعها حلوو
    ام فيصل..ايه انا بتحملها بس ولد الناس بيتحمل الرجال يكلمها والله ولانطقت
    ابتسمت العنود لانها عرفت انها تقصد حمد ..طيب خالتي شصار
    وقبل ماترد ام فيصل
    فيصل..احم ..احم
    ام فيصل وتناظر الساعه..ادخل فيصل
    تغطت العنود ودخل فيصل وانصدمت ام فيصل والعنود بعد من شكله
    فيصل..السلام عليكم
    ام فيصل..وعليكم السلام قامت له ام فيصل ..شفيك فيصل
    فيصل ويبتسم..سلامتك الغاليه مافيني الا العافيه بس شوي تعبان قلت ارجع انام
    ام فيصل ولاهي مصدقته..فيصل قولي شفيك
    فيصل..يمه مافيني شئ بس تعباان
    العنود انحرجت لانها ماتقدر تطلع لان فيصل عن الباب ولاحبت تحرجه لانها موجوده
    ام فيصل..طيب اسوي لك شئ تأكله
    فيصل..لا الله يخليك يمه محتاج ارتاح بس عن اذنك
    طلع فيصل وامه مو مرتاحه حاولت العنود تطمنها
    ام فيصل..لا فيصل ماهو طبيعي حتى ماسأل عن ساره وموعدها
    العنود..تطمني خالتي اكيد ضغط من الشغل
    ام فيصل..ان شاء الله العنود روحي قومي غدير والا انا بروح واعرف شغلي معها
    العنود وهي مبتسمه..ارتاحي خالتي انا بطلع لها

    طلعت العنود لغدير وجلست تصحي فيها وبعد معاناة صحت غدير
    غدير..عنوده اطلعي خليني انام
    العنود..غدير خالتي معصبه عليك بعدين خالتي متضايقه
    غدير..ليه شصار
    العنود..فيصل
    غدير..شفيه
    العنود...تعبان
    قامت غدير وجلست .....تعبان شفيه
    قالت لها العنود الي صار ورجعت غدير تكمل نومها
    العنود..غديروه روحي تطمني على اخوك شكله تعبان
    غدير وترفع البطانيه لوجهها ...اذا خايفه عليه روحي تطمني
    ضربتها العنود..غدير قومي بلا كلام ماله داعي
    غدير وهي تضحك..طيب ماله داعي بروح اتطمن عليه وبقول له العنود ارسلتني لك
    العنود..اقول انخمدي احسن
    غدير...ههههههههههههههههههه طيب بنزل الحين

    طلعت غدير وصادفت ساره وجلست معها بالصاله الي فوق وقالت لها ساره الي صار
    العنود..حلو يعني حمد تقدم خطوه
    ساره..الي هي
    العنود..ياحلوه اول شئ الاعتذار والشئ الثاني انه قال انتبهي لنفسك لخاطري
    ساره..طييب يمكن عادي كذا قالها
    العنود وبأبتسامه..لا طالما قال لك لخاطري فهو اكيد توقع ان له خاطرك عندك
    شهقت ساره..يعني عرف اني ...سكتت ساره
    العنود....ههههههههه تحبينه ليه ماتقوليها يمكن ويمكن شك بس
    ساره..طيب
    العنود باابتسامه ..سارونه الايام بتغير كل شئ بس لاتستعجلين الحب ولاتتوقعين الكمال بالحب
    ساره..عنوده ارجوك هالكلام احس انه مو واقعي
    العنود..واقعي صدقيني بس احنا اذا سمعنا كلمة احب نتوقع انها هي الحب لا الحب مشاعر ومواقف
    اذا اجتمعت تكون الحب
    ساره..هههههههههههه على كذا احتاج سنوات
    العنود..لا سارونه يمكن تحتاجين نظره ماسمعتي بالحب من اول نظره او من اول مشكله واحيانا من اول
    كف
    ساره..هههههههههه لاخلينا نمشي بالتدريج مو ناقصه كف منه
    العنود..ومن يقدر يرفع يده عليك
    ساره..آه منك يالعنود بس لو تتحقق امنيتي
    العنود وتناظرها بطرف عينها..وايش امنيتك
    ساره..يهمك تعرفيها
    غدير وبصوت عالي..سارونه سمعت كل كلامكم وبروح اشوف ناس تعبانين واطمن ناس قلقانين عليهم
    العنود ابتسمت وسكتت
    ساره..شسالفه
    غدير..تعالي معي واقولك بروح نشوف فيصل

    رجع حمد للبيت وهو مبسوط برغم انه تمنى انه يشوف من ساره نظرة رضا لكن ساره كانت عاديه ولاهو
    واضح عليها اي شئ غير الخوف بس مع هذا حمد ارتاح لانه شافها وكلمها واعتذر لها ..
    دخل لصاله ولاحصل احد وراح للمطبخ وحصل نجلاء الي التفت عليه وهي مبتسمه
    نجلاء..اهلا اهلا ياسلام شو هالابتسامه
    حمد..الحياة حلوه خليني ابتسم
    نجلاء..قول يارب الله يديم عليك هالابتسامه ويسعدك
    حمد..يارب ويسعدك يانور هالبيت
    ودخلت شوق..ياسلام وانا
    حمد..ويغز لها..انتي بعد كم يوم بتنورين بيت ناس غير
    شوق وسكتت..لا ماابي خلاص هونت
    حمد..هههههههههههههه لعب بزران هي شوق شرايك تتزوجين بكرا تعبت اعصابي
    شوق وتضحك..اجل انا ايش اقول
    نجلاء..حمد بنروح لسوق
    حمد ويأشر على عيونه..من عيوني
    شوق ..مشاء الله الشيخ راضي ومبسوط
    نجلاء..اليوم اكيد كان حلو
    ابتسم حمد وطلع وجلست نجلاء وشوق يتكلمون عن الموعد وايش صار فيه وكانوا بيتصلون بساره
    بس قالوا لا البنات كلهم بيسهرون عندهم بكرا قبل زواج شوق وبتقول لهم ..

    محمد كان مشغول مع فيصل وحمد وكل عيال عمهم بتجهيزات الزواج الاخيره واتصل حمد بعيال عمته
    لطيفه وعزمهم وام فيصل كلمت العمات وعلمتهم على موعد الزواج والكل بيحضر

    اما خلود وعبير وامهم كانوا يتناقشون بهدية شوق
    خلود بخيبة امل ....يعني بتكون هديه مننا كلنا انا وانتي وامي
    عبير..ايه
    خلود..كم اعطاك فهد يمه
    ام فهد..يقول بالليل بيعطيني
    خلود..عموما انا بطلع ارتاح وانام شوي تعبانه صحيت بدري اليوم
    طلعت خلود وظلت عبير مع امها الي كانت بتطلع واصرت عليها عبير تطلع معها وراحت مع امها وهم بالسياره
    راحت ام فهد لبيت ام نواف واستغربت عبير
    عبير..يمه ليه بتروحين ماقلتي لي
    ام فهد ومرتبكه..ايه قالت لي امر عليها تبي مني اشوف لها اغراض معي من السوق
    سكتت عبير ماركزت على كلام امها كانت فرحانه انها بتروح لبين نواف يعني فيه احتمال تشوفه
    وصلوا ورفضت ام فهد تنزل عبير واستغربت عبير وزعلت لكنها ظلت بالسياره عشر دقايق وطلعت امها
    ام فهد..روح لسوق الذهب
    عبير ومستغربه..ليه يمه
    ام فهد..بروح اشتري هدية شوق
    عبير..من وين مو فهد قال باليل
    ام فهد..عطاني نص المبلغ وانا عندي يكفي يالله
    عبير حست بشئ ..يمه لاتقولين انك اخذتي من ام نواف
    ام فهد سكتت ..لا
    عبير..ارجع بيت بابا نواف
    ام فهد..عبيروه ليه
    عبير..يمه يرضيك تجرحين فهد الي عمره ماقصر معنا فهد يمه الي يبدينا على نفسه ليه يمه
    ام فهد..شسوي يابنتي ابيكم احسن الناس ابي الهديه تكون حلوه وتشرفكم وانا تسلفت منها مااخذتها صدقه
    عبير..حتى يمه الله يخليك اذا تحبين فهد وتحبينا رجعيها
    ام فهد..استحي ارجعها شبتقول الحرمه
    عبير..انا برجعها ولايهمك خالتي ام نواف بتفهم
    اخذت عبير الفلوس ونزلت ماكانت مهتمه من نواف لان الي صار جرحها كثير حست انها ضعيفه بتصرف امها دخلتها الخدامه وتفاجات بنوا وامه بالصاله سلمت
    نواف وامه..وعليكم السلام
    ام نواف..هلاوالله عبير تفضلي
    عبير..هلا خالتي شلونك شلونك نواف
    نواف..بخير شلونك يابنت العم وين من سنين مادخلتي بيتنا
    عبير وكانت متوتره..ان شاء الله الايام جايه
    التفت عبير على ام نواف ومدت لها الفلوس ..تسلمين ياخالتي وماقصرت
    ناظرت ام نواف ولدها وقالت..ليه عبير رجعتوها
    عبير..بس خالتي مو محتاجينه
    نواف..عفوا عبير بس مابينا هالحساسيه وهي سلف يعني بترجعها
    عبير وتوترت اكثر لان الكلام بيكون موجه لنواف ..ادري ماهي المشكله بالسلف ياولد عمي بس امي
    تسلفت حتى تهدي شوق واحنا اذا نقبل هديه لو هي كلمه تكون غاليه بغلاة الشخص ماهو بقيمتها لكذا
    احنا نبي نهدي شوق بالي نقدر عليه لان الهديه رمز ماهي دلاله بقيمتها على مكانة الشخص
    ابتسم نواف وسكت وام نواف مسحت على كتف عبير..الله يكملك بعقلك والي يريحك يابنتي ولابينا شئ
    احنا اهل
    عبير..تسلمين خالتي وماعليه ماابي فهد يعرف واسمحي لي ياخالتي امي بالسياره استحت تنزل
    ام نواف..لا يابنتي امك مثل اختي والله يعلم بمعزتها
    عبير..الله يسلمك يالله مع السلامه
    طلعت عبير والتفت نواف على امه وقال..استنساخ من تفكير فهد
    ام نواف..مشاء الله عليها
    نواف وبأبتسامه ..بس كلامها عجبني
    ام نواف..حتى انا هالبنت ياحظ امها فيها مشاء الله شايله هالبيت على راسها ومع هذا طيبه على امها
    وحنونه حيل
    نواف ويضحك ..افا الغاليه الظاهر ودك ببنت اشيل انا شغل البيت
    ام نواف..هههههههه لا ماابي انت تشيله ابي ناس ثانين ينورونه مايشيلونه
    نواف..ههههههههه الوالده تلمح اجل بطلع مع السلامه
    طلع نواف مثل كل مره امه تفتح معه سيرة الزواج وظلت امه تدعي له لحد مادمعت عينها

    من بكرا الكل اجتمع عند شوق بالبيت كل البنات مبسوطين وقالت لهم ساره الي صار معها
    شوق..ياحبي لاخوي والله انه طيب
    اماني..شوق و اختي طيبه
    شوق..هههههههههه بسم الله انتي اخت رجلي الله يعني
    اماني وتضحك ..انتي احمدي ربك
    شوق..الحمد لله ان زوجي حمودي
    العنود..شوق استحي بكرا زواجك
    شوق..ليه تخوفيني
    نجلاء..والله بكرا بفقدك يالدبه
    دمعت عيون نجلاء وحضنها شوق وجلست تصيح معها
    غدير..خلاص عاد ترى بنصيح معكم
    خلود..لاتخافين على نجلاء بكرا ان شاء الله بتجي عندنا
    استحت نجلاء بس التفت عبير على طول على ساره
    عبير..وساره تنور بيتكم
    غدير..لا حرام عليك كذا قلبي عورني شوفي الحب كلهم حمرت وجيهم
    العنود..وانت تنورين بيت نواف
    ابتسم عبير بس ابتسامة فقدان امل مو حياء..مااعتقد المهم الحين خلينا ننبسط
    جلسوا البنات مع بعض لحد الليل وهم فرحانين ومبسوطين وعالساعه 11 تفرقوا عشان شوق تنام وترتاح

    ومن بكرا الكل كان مشغول ام فيصل الدنيا مو سايعتها من الفرحه واخير بيتزوج احد من عيالها
    والبنات كانوا مشغولين مرره ولافيه غير سلمان جالس يلعب لحد ماطفش العنود وهي مشغوله
    وبالليل الكل كان جاهز بالصاله في بيت ام فيصل الي كانت وقوره بلبسها وهيبتها
    وساره الي شكلها كان ناعم اما اماني كان شكلها بسيط ومرتب وغدير كانت صدق اخت المعرس
    كانت الفرحه بينه على وجهها اما العنود كانت بشكلها هاديه لكنها جميله وهذا شئ واضح
    وهم جالسين نزل فيصل وفزت له ام فيصل وقالت
    ام فيصل..قول امين ياجعلي افرح فيك مثل مافرحت بمحمد
    ابتسم فيصل وحب راس امه وبارك لها
    فيصل..التفت فيصل ومن كثر ماهو مبسوط بزواج محمد ماكان مهتم اذا العنود موجوده او
    ..ان شاء الله تفرحين بالبنات وبعدها انا بتزوج انا اخر واحد
    سلمان ويركض عنده ....يعني انا اتزوج قبلك
    فيصل..هههههههههههههه لا سلوم اخاف اصير عاد شايب بقوه
    سلمان..انت كم عمرك
    فيصل ويبتسم له ..سلوم انا عمري عشرين
    سلمان ..كبير مره
    فيصل..ههههههه هذا وانا ماقلت الصدق
    غدير..فيصل ماودك تطلع
    فيصل. مستغرب .وليه ان شاء الله
    غدير وباابتسامه..خرب مكياج البنت وهي متغطيه
    انحرجت العنود وانحرج فيصل
    فيصل..اها سوري ماانتبهت
    العنود..لا خليك انا بطلع
    فيصل..لا لا خليك تعال سلوم معي ننتظركم برا
    طلع فيصل والتفت العنود على غدير..حسبي الله على عدوانك من قال ان مكياجي خرب
    ابتسمت غدير بعدين ضحكت لان ام فيصل كانت تراقبهم ولما انتبهت العنود استحت
    وسكتت ام فيصل ابتسمت لهم وطلعت تشوف محمد الي كان فرحان بشكل ماتتصورونه
    صاحت بغرفته ولما نزل سلموا عليه البنات وباركوا له وطلعوا مع بعض لزواج


    وصلوا البنات للقاعه وطلعوا لشوق الي كانت بحاله خوف خياليه
    غدير..كلوووووووووووووووووش
    نجلاء..بتذبحك الحين اسكتي
    ساره..مبروك شوق الف مبروك
    اماني..الله شو هالزين يابخت اخوي
    شوق..حرام عليكم انا بموت خلاص مابتزوح
    العنود..طيب عيني بعينك وقولي ماابي اتزوج
    شوق وشوي بتصيح ..والله انك ماتحسون بالخوف
    عبير..السلام عليكم وين عروسنا
    خلود..ياسلااااااااااام ايش هالزين
    شوق..هلا خلود بموت من الخوف
    خلود..افرحي وانسي الخوف
    ساره..انا بطلع اشوف البنات وصلوا او لا
    شوق..سارونه خليهم يجون هنا
    طلعت ساره واستمر تعليق البنات على شوق الي خلاص تلفت اعصابها لما قالوا لها وقت الزفه
    شوق..ماابي قولي لحمد ماابي خلاص هونت
    حمد يسمعها وهو يكلم نجلاء ..هههههههههههه عطيني اكلمها
    شوق..حمد خلاص ماابي اتزوج
    حمد وهو يضحك..شوق لاتفضحينا انزلي يالله الرجال مل لكم اربع ساعات واحنا جالسين ننتظر
    شوق..ياربيه خلاص طيب

    نزللت شوق بعد ماطلعت من وراء الستاير ووقفت عالدرج والانوار هاديه الكل انبهر بشكلها
    كان مره حلو والي حلاه اكثر الحياء الي كان منور وجهها نزلت شوق على موسيقى هاديه
    ووصلت شوق للكوشه واشتغلت الانوار وبسرعه من جهات تجمع البنات

    البنات..الف الصلاة والسلام عليك ياحبيب الله محمد
    الكل..كلوووووووووووووووش
    ابتسمت شوق غصب عنها وهي تشوف صديقاتها وبنات عمها يغنون لها ويرقصون
    الكل انبسط لكن من بين الحضور طلعت وحده حولت فرحة شوق لخوف وصلت عندها وسلمت عليها
    العمه حصه..مبروك ياشوق والله واخذتي ولد ابراهيم
    شوق وهي خايفه..الله يبارك فيك
    العمه حصه..زواجكم المفروض احسن من كذا
    شوق سكتت والعمه تركتها ونزلت وبعدها طلعت العمه لطيفه الي كانت تبتسم لشوق
    العمه لطيفه..مبروك ياشوق الله يوفقك يابنتي
    شوق وحست بعد هالغيبه عن عمتها انها محتاجه تحضنها رغم انها كانت احيانا قاسيه عليها
    لكن الكل يعرف قلبها بس هي ضعيفه قدام اختها
    سلمت العمه لطيفه ونزلت والحين طلعت امل ودلال شوق على طول التفت على عبير الي واضح انها
    تحاول تخفي المها
    دلال ..مبروك شوق والله وحشتيني
    شوق..الله يبارك فيك دلال
    على طول التفت العنود وغدير لعبير لانه عرفوا هالبنت دلال سلمت عالكل وعرفتها نجلاء عليهم
    كانت دلال حلوه ولااحد يقدر يقول لا لكن لما وقفت جنب عبير كان فيه فرق كبير الي يعرف عبير
    قبل جمالها الخارجي يشوف جمالها الداخلي الي يعرفها يشوف الصدق باابتسامته والعطاء بضحكته
    سلمت دلال ونزلت وظلوا البنات كلهم محتارين من دلوعة امها بدور ليه ماطلعت تسلم لكنهم طنشوا
    الموضوع لانه وقت الزفه وبيدخل محمد وحمد البنات بدوا يعلقون على ساره لكن هالمره ساره ماكانت
    متحمسه لحمد كانت تبي تشوف محمد اكثر فرحانه لانها بتشوفه وهو داخل ومبسوط
    دخل حمد ومحمد وقلبين بدت ترتجف من الخوف هي ساره الي كانت متوقعه حمد مابيعني لها شئ
    اليوم لكن من شافته حست انها انبهرت بشكله وبدخلته وبدتت تتلفت وكأنه ودها تقول لكل البنات
    لا ولاوحده تتجرأ وتعطيه نظره حمد ملكي انا وبس ظلت تتأمل شكله وهو يبتسم وكيف حضن شوق وحب راسها
    اما محمد كان طاير من الفرحه وصل عند شوق لكن هالمره ماعمل مثل ماهو دارج لا وقف قبالها
    ومد يده وصافحها ورفع يدها وباسها والكل بالصاله صفق كله وصفر له ابتسم حمد وراح واخذ
    االمايك وتكلم الكل سكت
    حمد..مساء الخير او صباح الخير اسمحولي انا مو شاعر اهدي اختي قصيده ولاني كاتب اكتب لها
    اجمل سطور وحروف انا اخ احمل بقلبي لها الاخت كل الحب شوق يامحمد امانه
    شوق بنتي مو اختي امانه وانت تستاهل اختي وهي تستاهلك والله يوفقكم
    ابتسم حمد وحضن شوق الي ارتمت بحضنه ومسح دموعها وتركها حتى ماتصيح اكثر لكن قلبه
    باللحظه كان مع نجلاء التفت عالبنات وقال ..نجلاء
    من بين البنات حضنته نجلاء وساره جلست ماقدرت تتحمل هالموقف سلم حمد على الكل
    وعلى عماته وطلع وشوي جلس محمد وشوق وطلعوا مع المصوره

    والبنات ظلوا بالزواج وشوي شوي بدأ يفضى ولاباقي الا طاولات قليه فيها ام نواف وام فيصل
    وام فهد..والطاوله الثانيه فيها العمه لطيفه وبناتها ..وحصه وبنتها بطاوله ثانيه

    والبنات واقفين دخلوا كل الشباب حتى يسلمون على عماتهم وحمد اول مادخل لمح نجلاء بطاوله
    بعيده تصيح على طول راح لها وحضنها اما فيصل ونواف وفهد سلموا على عماتهم حصه
    وبنتها الي لابسه لبس عاري وحاطه على اكتافها شال خيف ولااستحت بالعكس بكل برود تناظرهم
    وبكل دلع تبتسم لهم ..فهد سلن وراح وحتى نواف اما فيصل ظلت عمته تكلمه واستحى يتركها رد عليها وابتسم
    وراح لفهد يسلم على عمته لطيفه
    ولما راحوا لعمتهم لطيفه عبير ماقدرت كانت بتطلع مابتقدر تشوف نواف يسلم علىدلال ومسكتها غدير
    غدير بصوت واطي ..البنت متزوجه ياخبله اعقلي
    عبير ..مااقدر
    وبالطاوله القرباه منهم سمعت عبير صوت فيضل ولاقدرت تقوم يعني خلاص نواف وصل لطاوله لفت وجها
    بشكل خفيف حتى تشوف شكله وهو يسلم عليهم
    فيصل..هلا والله بعمتي
    ام صقر..هلا بفيصل مبروك يا ولدي
    فيصل..الله يبارك فيك
    سلم فهد وسلم فيصل وفهد على البنات من بعيد ولما وصل نواف
    ام صقر فرحت..هلا والله بولدي
    سلم عليها نواف والتفت على البنات..هلا بنات العمه شلونكم
    دلال ..بخير شلونك نواف
    نواف..الحمد لله
    طلع نواف واستغرب فيصل وفهد بس ضحكوا لانه فعلا كان عادي جدا
    غدير..سلامه عادي مره معهم وحتى هي شكله محترمه نفسها
    عببير..طيب خلاص اسكتي
    غدير..هههههههه يعني مافيه امل اخفف عنك
    عبير..لا اسكتي
    اما ساره عينها كانت عالي جالس بطاوله لحاله مع اخته وتمنت تكون معهم
    ابتسم حمد لنجلاء الي ارتاحت بعد ماحست ان حمد قريب منها ضحك حمد وراح يسلم على
    ام فيصل وام فهد وبعدها طلع وساره عينها مانزلت من عليه والبنات كلهم يعلقون عليها

    انتهى الزواج والكل رجع للبيت مرتاح ومبسوط وقررت ام فيصل ان الكل يجتمع عندها بالبيت
    بما فيهم العمات ..







  7. #17
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء الخامس عشر ..

    انتهت ليلة الزواج على احسن مايكون انتهت الليله وانكتب التاريخ كنقطة تحول مهمه بحياة شخصين الي هم
    محمد وشوق هالتاريخ راح ينقلهم من حياة الى حياة ثانيه ممكن تكون احلى وممكن تكون لا وهذا كله بيد الله
    سبحانه وتعالى ثم بيدينهم يقدرون يحولنها لجنه من السعاده اذا هم اختاروا الاحترام والثقه اساسها والحنان
    والموده زادها يقدرون اذا شافوا العطاء من باب الحب لا من باب الواجب يقدرون يعيشون بسلام وبحب وحنان

    بهاالليله قلوب كثيره فرحت وقلوب كثير حزنت وتألمت ومنها قلب نجلاء الي حزنت على فراق اختها الي كانت
    شعله وشمعة هالبيت اختها الي عاشت الحزن معها والالم معها والفرح والخوف اختها الي كانت تحضنها اذا زعلت
    وتضاربها اذا ضحكت اختها الي تسأل عنها اذا تأخرت وتفقدها اذا غابت بكت نجلاء بهاليله فرحه وحزن على شوق
    بكت بقلب الاخت وبقلب الام وبقلب الصديقه ..بكت وهي تتمنى أن امها وابوها معها هالليله بكت وهي تتذكر كلمات
    حمد اخوها الي اعطاهم الحب والحنان والامان الي عوضهم عن سنين القسوه والألم والحرمان ..الي دخل الفرحه
    بقلوبهم ..الي اهداهم السعاده مغلفه بالامل والتفاءل بكت نجلاء وهي تدعي ربها ان يديم عليهم هالنعمه وييوفق شوق
    ويعوضها محمد حنان الاب والام ويعطيها حب الزوج الصادق ..

    اما عبير بكت..وبكت بشكل يكسر الخاطر وقف تصرخ بداخلها وتعاتب نفسها كيف حولت فرحتها لحالة غضب كل هذا
    لانها حست بشوفة دلال ان الماضي رجع ولازم تأخذ موقف لازم تحدد مصير خطوات الحب الا انها تستمر بااتجاه قلب نواف او ترجع
    وتعيش الماضي وتظل عايش على ذكرى الحب او تغير طريقها وتنسى لكن بداخلها حب السنين يترجى ويطلبها يناديها ويرجوها حرام
    هالحب يندفن حرام هالحب ينتهي حرام هالصدق يختفي ..زادت دموع عبير وزادت حيرتها لكن اختها خلود الي تغيرت كثير وقدرت تسترجع نفسها بعد مااتخذت القاعد الي تقول ان لم تكن ذئبا اكلتك الذئاب استرجعت نفسها بعد ماتأكدت ان العالم مو كله ذئاب بالعكس هالعالم كله حب وصدق وامل وعطاء هالعالم كله سلام وامان لكن لو قدرنا نستخدم القواعد الصحيحه لكن الكثير مثل خلود بدأ يتخذ قواعد من صنع البشر وينسى قواعد واساسيات واضحه من الله سبحانه وتعالى ورسوله ..بعد ماعرفت خلود هالحقيقه استرجعت نفسها
    وبهالليله كانت خلود بقلبها الصافي الطاهر مع دلال ضد عبير لان دلال زوجه وام وكانت عاديه ليه نحملها ذنب هي ماعملته يمكن اخطأت الطريقه لكن صغر سنها يشفع لها ارتاحت عبير بالكلام مع اختها واقتنعت ان العتب ماهو على دلال بالعكس العتب على عماتها لكذا
    قررت توقف بوجه الماضي وتتصدى له وقررت انها
    تدافع عن حبها الي تشوف انه ملكها ومن حقها نامت عبير بعد ماحددت هدفها وحددت مسار حبها ..

    وبهالليله بعد فيه قلب يبكي حزن وفرح قلب لا انا ولااحد بالدنيا يقدر يوصل لاحساسه الا شخص عاشه وجربه الاحساس الي مستحيل
    ماتخجل منه القسوه والجبروت بالظالمين ..العاطفه الي ممكن تحول هالعالم لمدينه ومدائن من الحب الرائع الصافي الصادق
    هالقلب الي يعطي من غير حساب ولايحتاج جزاء..هالقلب الي سهر وبكى وعانى وتعذب ..هالقلب الي صرخ وتالم
    هالقلب الي عاف الراحه لخاطر احبابه..هالقلب الي يحول التعب لقوه حتى يحمي احبابه..هالقلب الي يحمل بداخله
    صدق..حب ..عطف..حنان ..رحمه ..امان..تفاني..تضحيه..ابتسامه ضحكه ..
    هالقلب الي يخبي بداخله..صرخت خوف ..دمعة صدق..نظرةحزن ..ابتسامة عتب ..
    هالقلب الي احساسه شمس النهار ونور الليل مطر الغيوم وذرات الهواء ..هالقلب الي يحول دنيانا لامل وامانينا لواقع
    هذا قلب ام فيصل وقلب كل ام حملت تسع شهور تعب والم خوف وسهر هذا القلب الي لو تقسى عليه يزيد حنانه
    هذا قلب ام فيصل بهاليوم قلب الام الفرحانه بوالدها قلب الام الي ضحت وصبرت والله ماخيب رجاها ..
    ام فيصل بهالليله مانامت فرشت سجادتها ورفعت يدها لربها .." اللهم يامن اكرمتني واعطيتني وادخلت السرور بقلبي
    اعني لادخل السرور والفرح لقلوب خائفه اللهم دلني لارشدهم لطريق الصحيح..اللهم يامالك الملك احمدك حمدا
    كثيرا طيبا يليق بجلال وجهك وعظيم سلطانك..اللهم اني اسألك ان تبارك لهم وتوفقهم وترحمنا ياارحم الراحمين"
    كذا مرت الليله على ام فيصل تناجي ربها وتحمده وتشكره انه فرحها بولدها انه حقق حلمها بشوفة الفرحه بعيون عيالها
    تشكر الله على النعمه العظيمه بوجود عيالها حولها تدعي الله يهديهم ويصلحهم ويدلهم على طريق الخير ويعلمهم ماينفعهم
    لامر دينهم ودنياهم ..وعلى
    ووقت صلاة الفجر طلعت تصحي فيصل للصلاة وحصلته صاحي بالصاله
    ام فيصل..هلا يمه صحيت
    فيصل..وباابتسامخ ..ماقدرت انام
    ام فيصل بخوف..فيك شئ ابوي
    فيصل..سلامتك بس فرحان مبسوط مرتاح
    ام فيصل وتجلس جنبه..الله يديمها عليك يارب
    فيصل..يمه محمد رحلته تسع الصبح وحلف انه يمر يسلم عليك
    ام فيصل..انا مرخصته يااببي
    فيصل وباابتسامه..يعني ماتبين تشوفينه
    دمعة عين ام فيصل..والله البيت من غيره فاضي
    فيصل..افا ياام فيصل واحنا وين رحنا
    ام فيصل..انت عيالي وكل واحد بقلبي له مكانته واول مره محمد ينام برا البيت
    فيصل..ههههههههه ام فيصل خلاص تعودي بس لخاطرك قررت ماتزوج
    ام فيصل..بتتزوج وانت فيصل ولد ابراهيم
    فيصل..ههههههههه الوالده هالمره تقولها بثقه
    ام فيصل وباابتسامه..لاني امك وتأشر على قلبها والي هنا قلب ام يحس ويعرف
    فيصل..ان شاء الله بطلع اصلي
    ام فيصل باابتسامه...انحاش مثل العاده
    فيصل..ههههههههههههههههههههههاي يمه محمد مامر على زواجه الا كم ساعه عطينا بريك عالاقل سنه سنتينن
    ام فيصل..رح صل الله يهديك
    حب فيصل راس امه وطلع يصلي وامه طلعت تصحي البنات

    وبمكان جديد بالرياض كانت العمه حصه وبنتها سهرانين للفجر يتناقشون بالزواج
    حصه..اه يالقهر ليتني عرفتهم من زمان
    بدور ..ليه يمه
    حصه..يعني عاجبك ان شوق تاخذ محمد
    بدور..لايقين على بعض
    حصه..لا محمد غير اخوه شكله طيب وكنت بكسبه بصفي بسرعه
    بدور..يمه قولي انتب باايش تفكرين
    حصه..افكر بشئ اذا صار اكون حققت حلمي
    بدور..تزوجيني من واحد غني لكن من هو
    حصه..فيصل
    بدور..لا يمه فيصل معقد
    حصه..وانتي الي بتغيرينه انتي بنتي مايعجزك فيصل
    بدور وبثقه..صح بس ماابي شرايك بنواف
    حصه..لا هذا الي ناقص تاخذين واحد ردته بنت لطيفه
    بدور..انتي قلتي لها ترده
    حصه..ليتني خليتها تاخذه شوفيها الحين تركتني وراحت مع عيالها ضدي
    بدور..بس يمه شلون اغيره وانا مااشوفه
    حصه..سمعت انهم بيسافرون وقالوا للطيفه تسافر معهم واكيد بيقولون لي نروح معهم وهناك تشوفينه
    بدور..لا يمه ماابي ماحبيت البنات
    حصه..ماعليك منهم خليك معهي
    بدور..يمه اخاف فيه احد حبه فيصل من البنات
    حصه..يخسون دام انا موجوده فيصل انا الي بزوجه
    بدور..اجل بروح انام حتى اصحى رايقه واعمل شغلي وابدا من بكرا بصراحه متحمسه اني اغير فيصل
    حصه..ههههههههه يالله تصبحين على خير

    الصباح صحت اماني من ازعاج سلوم وطلعت معه حتى تصحي العنود الي قافله غرفتها لاول مره وتوها بتفتح الباب
    الاتشوف ورقه عالباب بخط العنود" امون تعبانه مانمت الا سبع الصبح اتركوني على راحتي" استغربت اماني لكنها
    اخذت سلوم وراحت عند اخوانها ودخلت وحصلت ام فيصل والبنات سلمت عليهم وجلست تسولف
    ساره بحزن..امون محمد سافر ماشفناه
    اماني مستغربه ..متى
    ام فيصل وهي تضحك على بناتها الزعلانات
    غدير..مر هنا الصبح واحنا نايمين ولاصحونا نسلم عليه
    ام فيصل وهي تضحك..الرجال معرس ومبسوط اخليه يشوفكم توكم صاحين من النوم ليه حرام
    الكل...ههههههههههههههههههه
    ساره وباابتسامه..يايمه الزين زين
    ام فيصل..طيب بس امون وين العنود
    ويقاطعهم سلمان..وين فيصل بروح اشتري كوره
    ام فيصل..سلوم فيصل مانام الا متاخر تعبان
    امون..واله حتى العنود كاتبه ورقه تقول تعبانه مانامت الا سبع
    غدير وهي مبتسمه..القلوب الظاهر عند بعضها
    عطتها ام فيصل نظره والبنات ابتسموا وسكتوا
    طلعت ام فيصل وتركتهم مع بعض وعالعصر دخلت ام فيصل غرفة غدير عند البنات
    ام فيصل..غدور روحي صحي فيصل يلحق عالصلاة وبعدها يالله اجهزوا اخاف احد يوصل بدري
    وانا بروح للعنود
    طلعت ام فيصل وراحت للعنود وحصلتها بالصاله سلمت عليها وسولفت معها شوي
    ام فيصل وبكل حناان..اسمعك يالعنود قولي شفيك
    العنود وهي تصيح من شافة ام فيصل داخله البيت حست بالامان ارتمت بحضنه وجلست تصيح
    على دخلت سلمان الا من شاف العنود تصيح طلعت وجلس بالحديقه وهو يصيح
    العنود..احمد ياخالتي خلاص انا مااقدر
    ام فيصل..عطيني جوالك
    العنود..بس
    تقاطعها ام فيصل..قلت لك عطيني جوالك ويالله اغسلي وجهك والبسي وتعالي للبيت

    ام فيصل طلع بيروح للمسجد واستغرب من شكل لمان راح عنده وخاف لما شافه يصيح جلس جنبه
    فيصل..سلوم حبيبي شفيك من زعلك
    سلمان ويصيح اكثر ويحضنه اكثر..سوم حبيبي قولي وبضربهم
    سلمان..عنوده تصيح
    فيصل مستغرب..ليه تصيح
    سلمان..انا جيت اقولها بروح مع كومار المسجد لقيتها تصيح عندها خالتي
    فيصل..طيب حبيبي يمكن تعبانه شوي
    سلمان..طيب نوديها انا وانت للمستشفى
    فيصل..طيب بس الحين نروح للمسجد يابطل
    ضحك سلمان وطلع مع فيصل الي كل يوم عن الثاني يزيد فضوله ووده يعرف ليه العنود تصيح وليه
    مافيه غير امه الي تعرف ظل محتار لحد ماوصل المسجد ودخل يصلي

    طلعت ام فيصل من عند العنود بعد مااخذت جوالها والعنود حست براحه كبير لان ام فيصل شالت كل الموضوع عنها بعد هالراحه الي
    حست فيها العنود طلعت تجهز وتستعد للعزيمه مثل باقي البنات ..

    فيصل رجع من المسجد ودخل المسجد ينتظر سعد الي اتصل عليه وقال بيمره وصل سعد وجلس مع فيصل يسولفون باامور كثيره
    سياسه اقتصاد رساضه وفجاه قال سعد
    سعد..فيصل بصراحه انا جايك وعندي موضوع
    فيصل..خير ان شاء الله انا داري من اول ان عند سالفه سمعني اشوف
    سعد..احم بصراحه يافيصل انا جاي اخطب منك اليوم ولو بلف الدنيا مابحصل انساب احسن منكم
    فيصل من الصدمه عدل جلسته ولاقدر يرد على سعد
    كمل سعد..فيصل ماابي تستحي مني احنا اخوان وبنظل
    قاطعه فيصل..سعد انت فاجئتني لكن انت تعرف اني أأمنك على اختي وانت صديقي واثق انك بتصونها فكيف اذا انت تزوجتها اكيد بتصونها وهي حلالك وانت تعرف رائي فيك بس لازم تعرف ان الرائي لها مع اني مااعرف يالحبيب من هي عندي ثلاث خوات
    سعد باابتسامه..غدير
    فيصل..خير ان شاء الله ابشر يالغالي
    سعد..فيصل لاتطول
    فيصل..ههههههههههههههههههه الظاهر محمد شجعك
    سعد..والله من زمان افكر لكن ربك ماكتب الا الحين اسمع انا بطلع للمزرعه خالي ينتظر ولاتطول
    فيصل وعلى باله مو مهتم..خير ان شاء الله خلي محمد يرجع ويصير خير
    سعد وهو معصب..انا بتزوج محمد
    فيصل..ههههههههههههه خلاص يااخي رح لخالك ويصير خير
    طلع سعد وترك فيصل يفكر بالي صار وكيف هالفرحه دخلت قلبه فجأه وابتسم لان سعد اخو ويفتخر فيه لكنه ظل محتار برائي
    غدير هل بتوافق او لا ..

    العنود لبست وراحت بيت ام فيصل وحصلتها بالمطبخ مع سلوم ودخلت وجلست معهم وفجأه قال لها سلمان
    سلمان..عنوده اذا راح سعد بنوديك انا وفيصل للمستشفى
    استغربت العنود وام فيصل من كلام سلمان..
    ام فيصل..ليه سلوم شفيها عنوده
    سلمان وهو مستحي..انا شفتها وهي تصيح عندك وقلت لفيصل قال تعبها يمكن قلت له نوديك للمستشفى
    ضحكت ام فيصل والعنود حضنته وطمنته ان مافيها شئ شويت تعب وخلاص

    وهناك بعيد عن هالارض الطاهر كان فيه شخصين لاول مره يبتعدون عن ارضهم ويجتمعون مع بعض محمد وشوق
    كانوا توهم صاحين بعد ماوصلوا وناموا على ط

    انبه محمد ان شوق للحظه بهتت ابتسامتها وسرحت بعيد ظل يتأمل وجهها وكيف يشوف بعيونها عالم من الطفوله والبراءه
    كيف هالصدق الي واضح بعفويتها وتعاملها مع الناس ينجرح بزيف وكذب وخداع المظاهر كيف قدر هالعالم بكل افراده
    يقسى على هالطفله البريئه ابتسم محمد لنفسه وقال لها
    محمد باابتسامه..شوقي وين وصلتي
    انتبهت شوق واستحت لانها فعلا كانت سرحانه وصلت بأفكارها لدفترها الصغير الدفتر الي سجلت فيه صفحات ظلم وقهر
    صفحات من العذاب والضياع صفحات من الخوف وبأخر الصفحات كتبت صفحة الفرح الي اهداها لها محمد
    شوق ..محمد انت مبسوط
    محمد ..شوق حياتي كيف مااكون مبسوط وانا اطهر وانقى قلب ملكي وانا ملكه
    ابتسمت شوق ومحمد وطلعوا مع بعض حتى يعيشون اول يوم من حياتهم خارج حدود الارض الطاهر

    الكل وصل بيت ام فيصل واجتمعوا مع بعض وجلسوا يسولفون ومبسوطين لكن فاجأتهم العمه حصه لما طلبت من
    ام فيصل ان الشباب يدخلون يسلمون
    ام فيصل ..ان شاء الله غدير كلمي فيصل
    غدير ..ان شاء الله اجل احنا بنجلس بالصاله
    هنا اقهرت العمه حصه لان غدير خربت تخطيطها لانها كانت تبي بدور تكون موجوده لكنها انحرجت لما طلعوا كل البنات
    اضطرت تطلع معهم
    ابتسمت عبير لنجلاء لما عرفوا ان عمتهم انقهرت من كلام غدير وجلسوا يسولفون مع بعض وفجأه جات ام فيصل لهم
    ام فيصل..بدور الوالده تبيك تعالي
    قامت بدور بدلع وحطت شال على اكتافها وطلعت وكل البنات يغلون بداخلهم لانهم يعرفون ان الشباب موجودين داخل
    ساره بصوت واطي لاماني..امنيتي اذبحها
    اماني..رغم اني مو مثلك لكن حتى انا ودي
    ساره..شقصدك مثلي
    اماني باابتسامه..يعني الحبيبب داخل
    ساره..اسكتي وجع
    التفت نجلاء وجلست تسولف مع دلال الي من خلال كلامها واضح انها انسانه طيبه بحالها مو مثل ماتوقعوا صح حلوه
    لكن ماهي مغروره بالعكس انسانه طيبه وفيها من امها كثير اما عبير حاولت انها تتقبلها لكن كل ماتحاول تتذكر انها الي
    يحبها نواف وتتراجع وتتركها ..

    دخلت بدور بدلع وتفاجأت ان المجلس مافيه غير امها وفيصل
    بدور وبدلع..مساء الخير
    فيصل وهو منزل راسه..هلا مساء النور
    العمه حصه..تعالي بدور عطي فيصل جوالك عشان يكلمني ابي منه شغل
    اعطت بدور الرقم لفيصل ولاحظت انه مارفع عينه عليها لكنها استمرت تتكلم بدلع لكن فيصل اخذ الرقم ووقف
    فيصل..اسمحي لي ياعمه الشبب برا بطلع لهم عن اذنكم
    طلع فيصل وابتسمت له امه الي كانت معهم بالمجلس دخلت بعد بدور وطلع فيصل للمجلس وهو مستغرب من طلب عمته
    ومن تصرفات بنتها المايعه ..

    اجتمعوا مع بعض كلهم بالمجلس وجلسوا البنات يسولفون وصدمتهم العمه بسؤالها
    حصه..اقول ياام نواف نواف ماعنده نيه يعرس والا متأثر للحين من السالفه القديمه
    انقهرت عبير وانحرجت العمه لطيفه وبنتها
    ام نواف ..ان شاء الله اذا الله كاتب له يعرس بيعرس
    العمه لطيفه..ان شاء الله ربي يوفقه ويرزقه ببنت الحلال الي تسعده
    الكل..آمين
    بدور بدلع..يمه مليت بنطلع
    حصه..السواق عند الباب بتروحون اطلعوا تمشوا
    التلفتوا البنات على بعض مستغربين
    بدور..شرايكم بنات ..؟؟
    نجلاء..انا مافيه امل حمد مابيوافق
    عبير..حتى احنا فهد مابيوافق
    غدير..نفس الحاله يعني نجلس هنا احسن
    لكن هنا التفتت العمه حصه عالعنود وقالت..وانتي يالعنود ماعندك احد يقول ايه او لا اطلعي معها
    ام فيصل وبصوت حاد..لا انا الي اقول لا العنود بنتي
    الكل ابتسم للعنود لكن العنود استأذنت وطلعت والكل عرف انها زعلت ماقدرت تتحمل هالنظره الحقيره من العمه
    مو كافي عليها احمد الي دمر حياتها وهو يقول انتي ماعندك احد طلعت العنود ودخلت بيتهم وسكرت الباب بقوه
    طلعت وراءها غدير وصادفها فيصل وهو يأشر على بيت اخوانه
    فيصل..شفيه
    غدير وبحزن..عمتي الله يهديها مالقت الا العنود تحط عليها
    فيصل..افا غدور انا بطلع مع الشباب مشوار اوكي وبالليل تقولي لي كل السالفه وعندي لك سالفه ضروري
    غدير..قول فيصل حمستني
    ابتسم فيصل..لا بالليل روحي شوفي البنت يالله باي
    طلع فيصل وراحت غدير للعنود وحصلتها جالسه بالصاله وحاولت معها ورجعت العنود وفرحت ام فيصل لما شافتها
    لانها خافت انها زعلت ..

    انتهت السهر حلوه لولا وجود العمه حصه الكل راح واجتمعوا البنات عند العنود
    غدير..المشكله ان فيصل قال لعمتي حصه عن السفره ووافقت
    ساره..خساره خربت السفره
    اماني..ياشيخه بنروح ونوسع صدورنا ولا علينا منها
    غدير..طيب عمتي لطيفه بتروح معنا
    امون..تقول بتشوف عيالها خساره ماشفناهم
    ساره..فيه واحد بس الثاني يشتغل بالجبيل
    وفجأه قطع عليهم كلامهم صوت التيلفون وشافت العنود الرقم الا هو رقم ام فيصل وردت

    العنود ..هلا خالتي
    فيصل باابتسامه على وجهه..هلا العنود
    استحت العنود واحمر وجهها واستغربوا البنات ..هلا على بالي خالتي
    فيصل..جوالات البنات كلها ماترد بالله قولي لغدير تجي البيت ضروري
    العنود..ان شاء الله
    فيصل..اوكي مع السلامه
    العنود ..مع السلامه
    سكرت السماعه والبنات يناظرونها
    العنود..فيصل يقول تعالي ضروري
    غدير وهي تضحك..هههههههههههههههههههه وانا اقول البنت ليه تغير وجهها
    العنود..غدير ضفي وجهك لاخوك
    ساره..عنووده صدق ليه استحيتي لما سمعتي صوته
    اماني وتحضن العنود..لا حرام عليكم احرجتوا عنوده
    غدير..طيب بروح اشوفه يقول عنده سالفه
    ساره..طيب غدير اسأليه بنروح لبيت ام نواف بكرا تقول امي عازمه عماتي عندها
    غدير ..اوكي

    راحت غدير للبيت وحصلت فيصل بالمكتب دخلت وسلمت وجلست عنده
    فيصل..غدير اول شئ قولي لي سالفة عمتي والعنود
    قالت غدير لفيصل الي صار
    فيصل وهو معصب..الحين عمتك شسالفتها ليه ماتخلي البنت بحالها
    غدير..والله عمتي غريبه
    فيصل..ماعلينا انا فاهم عليها ويصير خير
    غدير..طيب قول شسالفه الي عندك
    ابتسم فيصل..غدور انا قلت لامي وقالت لي انا الي اكلمك
    غدير..طيب
    فيصل..غدور انتي فيه شخص خطبك مني
    انصدمت غدير ماعرفت شو تقول ماتخيلت ممكن تكون بهالموقف ومع فيصل لو محمد يمكن بس فيصل غير
    حس فيصل فيها وقام جلس قبالها
    فيصل..غدير اول شئ انتي تعرفين انه مااحد بيغصبك على شئ لكن الي خطبك شخص اعزه وواحد كفوا ولاينرد
    رجال ينضرب به المثل وغير هذا هو صديق عمري سعد
    هنا غدير تجمدت بمكانها وعينها بالارض ماقدرت ترفعها
    فيصل..ههههههههههه غدير مايسوى الموضوع كل هالحياء خلاص حبيبتي فكري بالموضوع وخذي وقتك وردي علي
    غدير وجهها احمر..ان شاء الله
    طلعت غدير وعلى طول راحت للبنات اما فيصل راح لغرفة امه وجلس يسولف معها

    فيصل..يمه ابي افهم العنود ليه تصيح
    ام فيصل ..قال لك سلمان صح
    فيصل..ايه
    سكتت ام فيصل ...






  8. #18
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء السادس عشر


    أم فيصل ..آيه ذكرتني بالعنود قالت لي أكلمك عن بيت أختها الله يرحمها وعمارة عندها بتبيعها وقلت لها إذا شافتك تقول لك
    فيصل وهو مبتسم..يعني تغيرين الموضوع
    أم فيصل..يا أبوي الموضوع خاص فيها ليه تبي تعرف ولو فيه شئ بقول لك
    فيصل وهو فاقد الأمل ....يمه أنا يهمني أخواني أخاف هي متضايقة من جلستها معنا
    أم فيصل ..لاتطمن الموضوع ماله دخل
    فيصل بابتسامه ..طيب أم فيصل شسالفتة البيت والعمارة
    أم فيصل..ما ادري هي عندها عمارة وتقول بتبيعها
    فيصل ..وينها فيه وليه بتبيعها
    أم فيصل وهي واقفه ..تعال نطلع بالصالة واكلمها تجي تقول لك السالفة
    طلع فيصل وأمه وجلسوا بالصالة واتصلت أم فصل بالعنود

    غدير من صدمتها بالكلام إلى قاله لها فيصل طلعت بسرعة للعنود كان ودها تقول لها أول وحده دخلت البيت تنادي بصوت عالي
    غدير..عنووود عنووده الحقيني
    قاموا البنات وطلعوا لها بالصالة
    العنود بخوف..شفيك
    غدير باابتسامه طمنتهم ..الحقيني ياالعنود انخطبت
    اموون....ههههههههههههههه
    ساره..الله يأخذ العدوء وكل الصوت لانك انخطبتي
    غدير باابتسامه ....اسكتوا ماتدرون عن شئ عنوده تخيلي من خطبني
    الكل..مين
    غدير ووجهها احمر ..سعد صديق فيصل
    العنود..احلفي والله حركات غديروه
    ساره..انتي وياها شسالفه
    العنود..سالفه لها فتره لقاء بالصدفه بين سعد وغدير
    اماني..وليه ماقلتوا لنا
    غدير..المهم شقول لفيصل
    العنود..اول شئ هدي اعصابك وتعالي نجلس داخل ..
    غدير..اخر شئ توقعته
    ساره..الحين سعد من عرفت الدنيا وانا اسمع فيه يعني اكيد ماعليه
    العنود..صح ومادام اخوك صديقه ويمدحه خلاص
    امون وهي تبتسم ..العنود قصدها مادام فيصل صديقه اكيد بيكون مثله وفيصل ماعليه كلام
    ناظرتها العنود بطرف عينها ..لاتقولين عني كلام اموون وروحي هاتي لنا شئ نشربه
    العنود..غدير انتي شرايك
    غدير وهي متوتره..هو صح شكله حلو واخواني يعرفونه ويمدحونه بس تصدقين لما عجبني ماتوقعت انه يخطبني
    ساره..غدير انت فكري وصلي الاستخاره والله يكتب الي فيه الخير
    غدير..على قولك وقطع عليهم صوت التيلفون
    العنود..غدور ردي اخاف فيصل
    غدير..هههههههههه ياخوافه ردي انتي
    العنود ..لا مو خوف وعناد فيك برد .الوو
    ام فيصل ..هلا العنود تعالي كلمي فيصل عن البيت والعماره احنا بالصاله يالله
    العنود وهي مستحيه ....خالتي بوقت ثاني اخاف الوقت متأخر
    أم فيصل..لايابنتي تعالي بسرعه
    العنود..ان شاء الله
    قالت العنود للبنات عن طلب ام فيصل ورفضها هي
    غدير..عنوده شفيك والله فيصل مايأكل
    العنود..غديروه اسكتي وامشي يالله
    غدير..وانا ليه اروح
    العنود..يعني اروح لحالي
    ساره..يالله عليكم بنروح كلنا يالله

    طلعوا البنات وراحوا بيت ام فيصل وحصلوا ام فيصل وفيصل بالصاله سلموا وجلسوا
    ام فيصل..قولي يالعنود لفيصل انا نسيت الي قلتي لي
    فيصل وهو عادي جدا ....تفضلي العنود
    العنود وهي ميته من الخوف..اول شئ بخصوص بيت اختي عايشه مااعرف حسيتها انانيه مني اني ارفض
    انه ينباع او يتأجر وبصراحه مالي الحق وبأن انك اخوهم انا اعطيك اوراق البيت وتصرف فيه
    فيصل سكت شوي ....لكن والا اقول شرايك امون
    اماني احتارت..مااعرف صح ماهو سهل ان البيت الي تربية فيه ينباع بس انت تعرف مصلحتنا اعمل الي تشوفه صح
    فيصل..خير ان شاء الله خلوني افكر بالموضوع طيب وموضوع العماره
    العنود..العماره لي وبصراحه انا عامله وكاله لجرانا واحس انه تعب عليه هو كبير بالسن قلت برتاح وابيعها واذا
    ماعليك امر تشوف لي احد يشتريها
    فيصل وهو يتكلم كان يرفع عينه لكن ماكان يركز عالعنود لكن مايعني انه ماشافها او انتبه لها لكن العنود مغطيه عيونها بطرق خفيف لكذا كانت مرتاحه اكثر..طيب هالعماره وين موقعها
    العنود..في حي ...
    فيصل..بس خساره هالمنطقه اسعارها باارتفاع كل يوم عن الثاني
    العنود بصوت واطي ....قالوا لي بس بصراحه اريح لي
    فيصل سرح شوي واستغربت العنود ....طيب شوفي انا عندي مناقصه ومحتاج سكن لمجموعة خبراء ومهندسين وهذا مشروع كبير داخله فيه اكثر من شركه
    شرايك تأجريني العماره لمدة ثلاث سنوات وتقدرين تسحبين الوكاله والتعامل يكون معك مباشره بااعتبار انا الي بكون الطرف الاخر
    العنود وهي متفاجئه من عرضه ....مااعرف بس
    فيصل..فكري بالموضوع وانا بعد بشوف العماره واقيم الوضع واعطيك خبر
    العنود..ان شاء الله ويعطيك العافيه شكرا
    فيصل بأبتسامه لفتت انتباه العنود ....ولو بالخدمه حاضرين
    العنود استحت تجلس اكثر لان فيصل جالس أول ماانتهت كلام معه قامت وقالت..يالله تصبحون على خير
    ام فيصل..العنود وين اجلسي انتي بنتنا ومنا وفينا
    العنود..مشكوره خالتي
    ام فيصل..اذا تعزيني اجلسي معنا مابتنامين الحين اجلسي يالله
    جلست العنود بس غيرت مكانها وجلس فيصل يسولف مع امه وخواته بشكل عادي مره وهذا اعطى العنود فرصه انها تشوف فيصل
    عن قرب كيف يبتسم ويضحك مع امه وخواته وكيف يشده خبر بالتلفزيون انبسطت العنود عالجلسه معهم ..

    ام فيصل ..فيصل بكرا العزيمه عند ام نواف بتروح
    فيصل..والله ماادري عندي بكرا شغل كثير
    ام فيصل..مابيطير الشغل ياولدي
    غدير وبصوت مرح..فيصل متى بنسافر
    فيصل..المفروض بعد ثلاث ايام
    ساره باابتسامه ..المفروض يعني تغير الموعد
    فيصل باابتسامه..المشكله ان الشباب بيسافرون خط سياره وهذا صعب
    ام فيصل مستغربه ....ليه صعب
    فيصل..لان يالغاليه تقريبا من هنا لطايف ثمان ساعات يعني نحتاج نكون مرتاحين وانا سيارتي ماتكفي
    ومحمد مو موجود والسواق مستحيل اخليه يمشي معي خط سفر
    فهمت العنود قصد فيصل وسكتت اصلا حتى هي بتخاف تسافر خط مع سواق حتى لو هم معها
    ام فيصل..طيب نروح بطياره
    فيصل..ماوافقوا الشباب حمد يقول معه مكان لان مامعه الا اخته ونفس الشئ نواف مامعه الا امه
    ام فيصل..طيب اجل خلا ص ياولدي
    فيصل..اوكي احنا اتفقنا لو نروح بسياره نترك توزيع الاماكن لكم انتم يعني الي علينا احنا نسوق
    ام فيصل..من الحين انا مابركب الا مع وليدي الله لايحرمني منه
    قام فيصل وحب راس امه ..احطك بعيوني يالغاليه
    ام فيصل..الله لايحرمني منك
    فيصل..ولامنك يالله اسمحولي تصبحون على خير
    الكل..وانت من اهله
    طلع فيصل وفتشت العنود وقامت ام فيصل بتطلع غرفتها
    ام فيصل ..بروح اصلي

    طلعت ام فيصل وجلسوا البنات يسولفون مع بعض لحد الفجر بعدين تفرقوا حتى ينامون ..

    من بكرا الكل اجتمع عند ام نواف وانبسطوا البنات كثير لانها تعودوا يشوفون بعض بااستمرار وبما ان ام نواف ماعندها بنات
    ماقصروا كل البنات قاموا معها للمطبخ وبالاخير مابقى غير غدير وعبير بالمطبخ

    غدير..عبوره شو شعورك وانتي ببيته قريبه منه
    عبيربأبتسامه حزينه ..تبين الصدق غدير نواف حلم حياتي لكن مايهمني اذا انا حلم حياته المهم اني اشوفه مبسوط
    غدير..لهالدرجه عبير تحبينه لدرجة ماتعنيك نفسك المهم سعادته هو
    عبير باابتسامه..من وانا صغيره اشوف نواف رجل مختلف وهالاختلاف يزيد غلاه كل يوم عن الثاني
    وسعادته تكفيني لانها سعادتي
    غدير..يعني اتمنى متأكده انك تحبينه من وانتي صغيره مو من وقت خطبته من دلال او بس غيره من دلال
    عبير بصوت يكسر الخاطر ..لو مااحب نواف ما حسيت بالغيره من دلال لو مايعني لي نواف مابكيت سنين بصمت وكتمت حبي بداخلي
    سكتت عبير وغدير ابتسمت..والله يابخته
    وفجأه ام نواف..منهو هذا
    ارتاعت غدير وعبير خافوا ان ام نواف سمعت كلامهم لكنها عادي شكلها
    غدير..يابخت الي بيتزوج عبير والله انها طباخه
    ام نواف باابتسامه حنونه..ايه والله الله يسعدها
    طلعت ام نواف والتفت عبير ..تتوقعبن سمعت
    غدير وتهز كتفها ..مااعرف يمكن بس ماواضح عليها شئ
    عبير..غديروه وانتي مالقيتي تتكلمين الا الحين
    غدير..ياشيخه طنشي تعالي نجلس مع البنات
    طلعوا واجتمعوا مع بعض البنات وانبسطوا ولااهتموا من بدور الي تتصنع الدلع والابتسام وتحاول تكون خيفة دم
    بدور بدلع ..اول مره ادخل بيت خالتي ام نواف بصراحه مره حلو خالتي ممكن اخذ جوله بالبيت
    ام نواف..البيت بيتكم كله تحت امركم الا الغرفه الي على يمينك
    بدور.ليه خالتي
    ام نواف..هذي مكتب نواف ولايحب احد يدخله
    حصه..بس احنا مو أي احد
    ام نواف..ادري والله بس هذا نواف وهذا طبعه
    بدور..بنات من بتقوم معي
    ام نواف..قوموا يابنات كلكم يالله البيت بيتكم
    قاموا البنات مع بدور الي من غير أي حياء تفتح الغرفه وعبير ماقدرت تبتعد عنها ماتعرف ليه لكن حست انها لازم تكون قريبه منها
    بدور هذي شكلها غرفة نواف للحين ذوقه جنان
    عبير..بدور تعالي نطلع عيب ندخل غرفته وهو مايدري
    بدور..عادي عبير
    عبير..انا طالعه
    طلعت عبير وطلعت بدور وجلسوا مع بعض البنات وفجأه دق التيلفون
    ام نواف..عبير الله لايهينك ردي يابنتي
    عبير..ان شاء الله
    استغربوا البنات عبير ماهي قريبه من التليفون ليه اختارتها ام نواف
    عبير..الوو
    نواف..هلا من معي
    عبير على طول تغير وجهها وحاولت تكون طبيعيه..هلا نواف معك عبير
    نواف..هلا ببنت العم شلونك
    عبير وتحس ان قلبها مايقوى خلاص ...بخير الحمد لله انت شلونك
    نواف..بخير ونعمه الله لايهينك عبير قولي للخدامه تطلع لي الي امي عندك
    عبير..ايه تحب تكلمها
    نواف..لا بس عبير اطلبك خدمه
    عبير..تفضل
    نواف..بمكتبي فيه ملف مكتوب عليه الواردت 13 لونه ازرق خلي الخدامه تطلعه لي لان بصراحه صعب ادخل
    عبير وهي مرتبكه..يعني اقول لخالتي تطلعه من المكتب
    نواف..لا انتي هاتيه امي بتقلب الملفات ولاراح تعرفه ممكن
    عبير..ان شاء الله
    نواف..مشكوره بنت العم باي
    عبير ...باي
    سكرت عبير والتفت على ام نواف وهي محرجه من الكل ..خالتي نواف يقول يبي ملف من المكتب ما عليه أروح اطلعه
    أم نواف وهي مبتسمة..مادام هو أعطاك الأمان ما اقدر أقول لا روحي يابنتي
    طلعت عبير وهي بتطير من الفرحه حست بالانتصار لاول مره يكفيها انها من بين الكل تدخل هالمكتب الي رافض أي احد يدخله
    دخلت المكتب وللحظه حست بالخوف من هيبة المكان الي تحسه ينطق رجوله بااثاثه ولوحاته وحتى ترتيبه
    جلست عالمكتب ولما شافت صورته حست دموعها بتخونها وعلى طول طلعت الملف لكن من بين الملفات حصلت ملف عنوانه
    سيكون لها ))))))
    حاولت ماتفتحه لكن ماقدرت فتحت اول صفحه وقرت اول سطر وسكرته بسرعه ماقدرت تكمل سطر واحد وخانتها قوتها ودموعها ونبضات قلبها وطلعت من المكتب طلعت وهالسطر يتردد ببالها بعد ماارسلت له الملف "" انها صفحات قلبي ..هي ستمحي المي وهي ستكتب فرحي لذا ما بالداخل سيكون لها وحدها وحدها ستكون اميرة قلبي ""

    بالمجلس عند الكل حصه كانت تكلم اختها بنبره متعاليه
    حصه..اجل سلطان وينه يالطيفه
    لطيفه..بالجبيل بشغله
    حصه..للحين على شطانته
    لطيفه واضح انها متضايقه..بسم الله عليه من الشطانه
    حصه..ايه الله يهدي الجميع انا خابرته الله ياكافي نار الله الموقده
    لطيفه..انتي خابره اشياء كثيره يااختي بس مافيه شئ للحين على خبرك
    تضايقت حصه من رد اختها وغيرت الموضوع..الا بتسافرين معهم
    لطيفه..ان شاء الله انا وعيالي صقر وسلطان وانتي
    حصه..ايه بس بدور ماتحب السياره بالسفر بنروح لشرقيه كم يوم بعدين نجيكم هناك
    الكل تضايق بعد ماعرف انها بتروح معهم وتغيرت وجيههم
    بدور وبدلع..يالله يمه تعبانه بنام
    حصه..يالله اجل مع السلامه

    طلعت حصه وطلعت بعدها لطيفه وجلسوا البنات يخططون لسفره واماكنهم بالسيارات

    اماني ..ياحلوات فرصه ماتتعوض ثمان ساعات يعني اخياركم لازم يكون صح
    نجلاء..انا مافيه امل يعني مع حمد
    غدير ..وانا والعنود نفس الشئ مع فيصل
    العنود..غديروه ليه تختارين عني
    غدير وهي تضحك..الحين من فيصل تستحين يعني بتركبين مع عيال عمي
    العنود..امممممم صح
    خلود..يعني مافيه غير ساره وعبير
    ساره..لا ماابي مااقدر
    نجلاء..ههههههههههههه مابعد قلنا شئ
    خلود..ساره اذا ماركبتي مع حمد بتركبين مع نواف صح وطبعا حمد احسن
    نجلاء..سارونه خلاص عاد والله اخوي حبيب
    ساره..وامون بتكون معي
    اماني..طبعا بشهد هالحدث التاريخي
    ساره..تتمسخرين حضرتك
    اماني..هههههههههههههههههه المهم وعبير
    عبير..انسي امري انا صعبه اروح معهم
    العنود..معها حق عبير صعبه
    خلود..ولايهمك نعوضها لك هناك








  9. #19
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء السابع عشر ...


    التفت العنود عالباب الي انفتح من غير أي احساس ونست انها في بيت ام فيصل
    سلمان ويلتفت ويرجع على وراء بسرعه...وقف وقف عنوده فيه
    العنود ارتبكت وقامت بسرعه ورفعت الشال على وجهها
    سلمان بابتسامه..تعال فيصل خلاص تغطت عنوده
    فيصلويبتسم لسلوم ..اوامر ثانيه استاذ سلمان
    سلمان...ههههههههه
    فيصل وهو يلعب بشعر سلوم ....عفوا العنود ماعندي خبر ان فيه احد بس سلوم ماقصر
    العنود..لا حصل خير عن اذنكم....توها بتطلع
    فيصل..بالله العنود بطلع لغرفتي شوفي لي الطريق
    العنود وهي مرتبكه ....مافيه احد الكل بالغرف
    فيصل..اوكي يالله سلوم
    سلمان ويحط ايدينه على خصره ....والعصير
    فيصل ويضحك....مشاء الله عليك ماتنسى خلني اروح للغرفه واذا نزلت نعمل العصير
    سلمان..عنوده تسوي لنا
    العنود بسرعه ..خلاص دقايق ويكون جاهز بس عصير ايش
    فيصل..لامشكوره سلوم مو قلنا احنا بنسوي
    العنود..لاخلاص انا بسويه
    ابتسم فيصل ..يعطيك العافيه برتقال الله لايهينك
    طلع فيصل وظلت العنود مستغربه من نفسها كيف قدرت تكلمه بسهوله رغم انه هو كان عادي هو فيصل بأسلوبه مع الكل
    غدير بصوت عالي ..العنود
    العنود وخافت ....غدير حرام عليك لاتدخلين كذا خوفتيني
    غدير وتضحك..اول قولي لي من المحظوظ الي امه داعيه له الي تفكرين فيه
    العنود باابتسامه وتحط العصير عالطاوله ....سر مابقول لك
    غدير وعينها عالي تعمله العنود..والله انك رهيبه عامله لنا عصير
    العنود..روحي بس مصدقه نفسك العصير مو لك
    غدير..لمين مو لك بس لانه كثير
    العنود وهي معطيه غدير ظهرها..لسلوم وفيصل
    غدير ورافعه حاجبها ....سلوم طيب بس فيصل شلون متى قال لك
    العنود وتحاول تكون طبيعيه ....دخل بالصدفه هنا وقال سلوم انه يبون عصير وتبرعت اعمله
    غدير..العنود بديت اشك فيك
    التفت العنود..شلون وليه
    غدير..مااعرف لكن تصرفاتك تدل على شئ واحد تحاولين تنكرينه
    العنود..غدير افهمينيانا مالازم الحب الحب مو لي انا مااقدر احب
    فيصل..احم احم
    تغطت العنود وبعدت عن الباب
    غدير..تعال فيصل من قدكم عصير لكم وانا على بالي لي
    فيصل ..شكرا العنود
    اخذ كأس وطلع استغربت غدير من رد فعله لكنها لمحته مع شباك المطبخ المعتاد مادخل للخيمه وقف برا والكأس معه وشكله كان
    سرحان ويفكر
    غدير..عنوده العصير فيه شئ فيصل له عشر دقايق واقف
    العنود..غدور بطلع للبنات
    غدير..اهربي مني لكن لاتهربين من نفسك
    طلعت غدير والعنود عند البنات

    عالساعه ثلاث الفجر اتصل فيصل بالبنات وقال لهم يجهزون يالله بيمشون الحين الكل طلع وجهزوا البنات والحريم والكل طلع
    وركبوا البنات والشباب مجتمعين بجهه ينتظرونهم يخلصون وبعد ماقفل فيصل باب البيت معلن اكتمال العدد كل الشباب اتوجهوا لسياراتهم


    راح فهد لسيارته وركب مع امه وخلود ولاانتبه ان عبير مو موجوده الا بعد دقايق لما التفت على خلود ..
    فهد مستغرب..وين عبير..؟؟
    ام فهد..طلبتها ام نواف قالت اركبي معي ماعندي احد يسولف معي
    فهد..غريبه ام نواف
    خلود..لابالعكس ام نواف طيبه وحبوبه
    أم فهد..إيه والله انا أول يا ولدي ما نشوفها إلا من متى لمتى بس الحين بعد ماعرفنها بنت الحلال
    طيبه وبحالها
    فهد..هههههههههههه وعبير بالله شو قالت مسكينه
    خلود بخاطرها تقول انت المسكين...شتسوي استحت تقول لا
    فهد ويلتفت جهة فيصل..الحين فيصل من يكلم ليه مايركب

    اما حمد ركب السياره وهو مبسوط ومبتسم
    حمد ..السلام عليكم
    الكل..وعليكم السلام
    حمد استغرب سكت وضحكت نجلاء بصوت واطي لان شكله استغرب
    حمد ..هلا والله معنا بنت العم شلونك ساره
    ساره ومبسوطه لانه عرف صوتها ..الحمد لله
    حمد..طيب الثانيه مين عشان اسلم
    اماني وهي فرحانه لساره..اماني
    حمد ومبتسم..هلا والله شلونك اماني
    اماني ..بخير الحمد لله
    حمد فتح الشباك ..فيصل خلصنا بعدين المكالمه
    فيصل ..ههههههههههههههههه حمد عطني شاحن قفل جوالي
    حمد..تعال خذه
    فيصل وينزل راسه ..اقول حمد ترى خواتي معك انتبه
    حمد..يعني انا واختي مو مهم
    فيصل..هههههههههههههههههههه لا مهم بس ولو خواتي اهم
    حمد..خلصنا يالله فيصل
    فيصل ..طيب يالله

    ركب فيصل السياره ..السلام عليكم اسف عالتأخير
    الكل..وعليكم السلام
    سلمان..فيصل بروح عند اماني وساره
    فيصل..افا وانا من يجلس معي
    سلمان فرحان لان فيصل يبيه يجلس معه ....طيب بجلس
    حرك فيصل السياره وشحن جواله ورفعه واتصل والكل ساكت
    فيصل..هلا اسف قفل جوالي عموما انا الحين ماشي خط مثل ماقلت ولاراح اقدر اشوف الموضوع الا اذا رجعت والحين مضطر اقفل تأمرين على شئ
    الكل انصدم واولهم ام فيصل الي التفتت على فيصل الي ابتسم لها
    فيصل..الله يسلمك مع السلامه
    ام فيصل..من هذي ..؟؟
    فيصل ويضحك..زوجتي
    ام فيصل ..ايه هين تتزوج من غير مااعرف
    فيصل ..بدور بنت عمتي
    غدير بصوت مستنكر ....بدوور
    فيصل يقلدها..ايه بدوور
    ام فيصل ..شعندها تكلمك
    فيصل..انتي عارفه الغاليه ان عمتي طلبت مني اشوف لها بيت بالرياض
    واتصلت علي بنتها تسأل اش صار
    ام فيصل ولاعجبها الكلام..ايه خير ان شاء الله
    غدير..فيصل بتسكن بالرياض هي
    فيصل..ماسألت ولايهمني
    غدير..طيب متى بتجي لطايف
    فيصل..يعني قالوا لك اربع وعشرين ساعه معها شيعرفني
    غديرعرفت انه خلاص قفلي عالموضوع يعني ..خلاص اسفه
    سكتت غدير وفيصل سكت والعنود ظلت تفكر ياترى هي بدور الي كلمته قبل بس هذا ماريحها بالعكس بدور بالنسبه للعنود تعتبر الضد الفرق واضح بين اسلوب العنود واسلوبها طريقة لبسها ولبس العنود كلامها وكلام العنود يعني بدور بالنسبه لفيصل بنت حلوه دلوعه والاهم انها ماهي قويه بس
    قوتها بدلعها اما العنود لا القوه اكتسبتها من وضعها ظلت العنود تفكر وتفكر لكن بلحظه انتبهت انها تعمل مقارنه بينها وبين بدور يعني هي وبدور بمنافسه بس على ايش حاولت تطرد الموضوع من بالها حتى ماتعترف نفسها وهربت كالعاده بالسوالف مع سلوم ..

    مرت فتره تقريبا ثلث ساعه والصمت اقرب لأغلب السيارات مافيه احد عارف يبدأ بالكلام حمد خايف يحكي وينصدم من رد فعل ساره واماني استحى يتكلم معها اما نجلاء كانت سرحانه وتفكر اول مره تتسافر من غير شوق اختها تعودوا يسافرون هي وشوق مع حمد وحست كيف السفره هاديه مافيها سوالف وضحك كيف تحس بالفراغ الكبير الي تركته شوق بعد
    حمد..يعني ثمان ساعات بنظل ساكتين والله ملل
    نجلاء وهي تضحك..خوفتني
    حمد باابتسامه..الله الشيخه سرحانه اقول بنات العم لايكون خوفتكم انتم بعد
    اماني..لاوالله بس صدق طفش هذا وتونا مالنا الا ساعه
    حمد..هههههههه اوقول اماني وشرايك نجيب سلوم معنا
    اماني..سلمان اكيد نام مسهرينه عشان اول مانمشي ينام
    نجلاء..ساره نمتي
    ساره..لا اسمعكم
    حمد..طيب شاركينا
    ساره استحت وسكتت اما حمد شغل الرادوا وسكت وسافر كل واحد بخياله الي يفكر بمستقبله والي بواقعه والي بأحزانه

    اما عند ام نواف كانت مبسوطه وتسولف وتضحك مع نواف الي مبسوط مع امه كثير وعبير ماكانت عارفه كيف تسيطر على احساسها لحظه تترجم لابتسامه ولحظه تكون دمعه قربها من نواف حسسها بالخوف الخوف من فقدان هالانسان الي حلمت فيه سنين ..
    ام نواف..عبير يمه انتي ليه ماتوظفتي
    نواف..عفوا عفوا بس انتي ايش تخصصك حتىاكون معكم عالخط
    عبير ومبسوطه ..حاسب الي
    نواف..حلو ليه ماتوظفتي
    عبير..كل الوظايف الي حصلتها بعيده كثير عن بيتنا وفهد صعب عليه يوصلني فظلت اجلس بالبيت
    نواف..خساره الا اقول بنت العم شرايك تشتغلين معي
    عبير مستغربه..شلون
    نواف ..الله يسلمك انا من فتره كنت ادير الشغل من البيت من خلال الكمبيوتر وبصراحه تعودت على هالطريقه وابي اعمل حفظ وتسيق واخال بيانات واتفاقيات وتحفظ لكن تحتاج شخص مختص اولا وثانيا شخص اثق فيه لان الاوراق مهمه كثير لكذا هي بالبيت مو بالمكتب
    ام نواف ومبسوطه..والله زين بس وين تشتغل فيه
    نواف..بالبيت كل الملفات توصل لها هي تنظمها وتحفظ وكل جديد يوصلها وهي ترفقه مع الملف المناسب له
    عبير متردده ومتفاجئه ..مااعرف
    نواف ..شوفي عبير خلي هالموضوع علي انا اول شئ بقول لفهد اذا اوكي بعدها انتي تعطيني رأيك وعلى فكره عادي لو ترفضين
    عبير..لا الفكره حلوه بس نشوف فهد اول
    نواف..اوكي وبصراحه تكون خدمه ماانساها لاني طفشت من الاوراق والملفات المبعثره
    انبسطت عبير وظلت تفكير كيف بتكون حياتها وهي تشارك نواف حتى الملفات الي يقرأها ظلت تبتسم لنفسها وهي بحالة فرح كدرها شوي خوفها من رد فعل فهد على الموضوع ..

    سلمان..عنوده قولي لي قصه بنام
    العنود ..سلوم حبيبي نام غير قصه يالله
    سلمان وهو زعلان ..لا قولي
    غدير..سلوم تعال اقول لك انا
    ضحك سلمان ونام على رجل غدير وعلى رتم واحد .. ..كان يامكان فيه ولد شاطر اسمه سلمان
    سلمان ويجلس وهو معصب..لا ماابي عنوده قولي انتي غدير ماتغني
    فيصل...هههههههههههههههههههه غدير بصراحه انا مضطر اصارح صديق عمري واقوله خطيبتك ام فاشله
    غدير استحت وانقهرت بصوت واطي ..يحمد ربه
    فيصل..ماسمعت عيدي غدور
    سلمان وهو زعلان ..عنوده قولي
    ام فيصل ..يابنتي قولي له خليه ينام
    العنود بصوت واطي لغدير ..خالتي رهيبه تخيلي اغني بس اتخيل شكلي
    غديرومبتسمه ..عادي خلينا ننام كلنا
    العنود ..سلوم تعال اقول لك..حبيب انا تعبانه مااقدر اغني انت غمض عيونك واقرأ قرآن وتنام
    سلمان..بس عشان انتي تعبانه
    ابتسمت العنود وحضنت سلمان الي دقايق ونام وفجأه دق جوال فيصل الي استغرب الرقم ورد
    فيصل..هلا والله
    فيصل..هلا والله بوفهد شلونك عاش من سمع هالصوت
    فيصل..خير ان شاء الله بشر ياشيخ يالله قول
    طلع فيصل ورقه صغير وبدأ يكتب وبعد شكر الرجال وسكر الخط
    فيصل باابتسامه..هذا الله يسلمكم واحد بالجريده موصيه اول ماتوصل لهم النتايج يقول لي قبل ماتنزل
    ام فيصل..بشر نجحوا البنات
    فيصل..نجحوا وبيضوا الوجه
    العنود بسرعه ....كم جابت اماني
    فيصل وهو مبتسم ..خلود ..88% والعروس وزين منها والله 85 %
    غدير..فيييصل لاتحرق اعصابنا واماني
    فيصل ويضحك ..طيب ربع ساعه واقول لكم
    ام فيصل..فيصل يالله عاد
    فيصل..هههههههههههههههه طيب رحمتكم بقول 90%
    ام فيصل..مشاء الله عليها الله يوفقها
    فيصل..اوكي الحين بشرتكم بكلم على حمد اقوله
    غدير..طيب بكلم خلود
    فيصل ..اوكي

    قطع الصمت بسيارة حمد صوت الجوال ..
    حمد..هلا والله
    فيصل..هلا بشر شلون خواتي
    حمد..وان شاء طوال الوقت بتتصل تقول شلون خواتي
    فيصل..هههههههههه لازم اتطمن بصراحه مااضمنك لاتسرع
    حمد...فيصل شسالفتك اليوم ماانت طبيعي
    فيصل..هههههههههههاي طبيعي ميه بالميه وعندي لك بشاره ولاماني بعد
    حمد مستغرب..بشاره لي ولاماني
    اماني..النتائج طلعت
    حمد..مشاء الله كل العائله ذكيه
    فيصل..قول مشاء الله يااخي
    حمد..مشاء الله المهم بشر
    فيصل..شوق جابت 85%
    حمد..والله شوق زين منها
    نجلاء ..كم جابت
    حمد..85 %
    نجلاء..طيب قوله انا ببشرها
    حمد..سمعت ..؟؟
    فيصل..وموافق وسلموا عليهم
    اماني..وانا
    حمد..هههههههههه نسينا اختك
    فيصل .. اول قول مشاء الله
    حمد..فيصل ترى بسكر الخط الحين طفشتني مشاء الله
    فيصل ..احم لحم
    حمد..اللهم طولك ياروح
    فيصل ..خلاص شفيك قبل مانمشي كنت مبسوط المهم 90%
    حمد ويصفر ..مبروك يالدافوره 90%
    فيصل..وتلومني ليه قلت قل مشاء الله
    حمد..اقول فيصل انا اقترح نوقف اخاف بصراحه تكمل كذا احس انك مبسرط بزياده
    فيصل..حمد م السلامه
    حمد..هههههههههههه مشاء الله المهم يالله بنكلم شوق مع السلامه
    سكر حمد والتفت على نجلاء..الله يخليك حمد انا بقولها
    حمد..طيب بس بحط سبيكر مابفوت فرحة شوق بسمعها
    نجلاء طيب اتصل ..اتصل حمد وردت عليه شوق
    نجلاء..هلا وغلا بهالصوت
    شوق وبصوت عالي ..نجولي حبيبتي شلونك وحشتوني شلونكم شخباركم
    حمد..هههههههههه شوي شوي شوق
    شوق..هلا والله بااخوي حمد مشتاقه لكم برجع خلاص
    نجلاء..شوق شخبارك
    شوق..طيبه ومبسوطه بس ودي ارجع اشتقت لكم
    حمد عشان يقهرها..شوق احنا بالطريق رايحين لطايف ومعنا اماني وساره
    شوق..ساارونه اموون شلونكم
    اماني وتقرب ..بخير انتي شلونك
    شوق. بخير اموون حبيبتي .مابتتكلم عطوها التيلفون بقولها كلمه بس
    حمدوهو رافع حاجبه ....منهي
    شوق..ساره بسرعه
    اعطت نجلاء الجوال لساره..هلا شوق شلونك
    حمد انهار لما سمعها تحكي ابتسم وسكت ..شوق..سارونه خساره فاتتني هالحظه بس لاتنسين اي شئ اذا رجعت قولي لي
    ساره..اقول سلمي على محمد باي
    رجع حمد حط عالسبيكر ..شوق عندنا لك بشاره
    نجلاء..نجحتي شوق مبروك
    شهقت شوق..احلفي كم جبت
    نجلاء..كم تتوقعين
    شوق وبصوت كئيب..بالسبيعين صح
    نجلاء ..لا ياحلوه 85
    شوق وصرخت ..محمد نجحت حمودي تعال
    حمد..هههههههههههههههه اقول ارفعي السبيكر لايجينا غير حمودي اخاف يجي شئ ثاني
    نجلاء وتضحك....شوق حبيبتي خلي محمد المهم انتبهي لحالك والف مبروك حبيبي
    شوق..الله يبارك فيك وسلمي عالكل نجلول حبيبتي وسلوم سلمي عليه كثير وبوسيه لي
    نجلاء..يوصل مع السلامه
    سكرت نجلاء وصاحت
    حمد..نجلاء لخاطري لاتصيحين سمعتي صوتها ومبسوطه ليه تصيحين
    نجلاء..خلاص بسكت
    حمد..كفوا اقول اماني اي تخصص بتدخلين
    اماني..ودي بحاسب
    حمد..حلوو الا اقول ساره انتي ايش تخصصك
    ساره بصوت واطي ..علم نفس
    حمد..حلوو هالقسم يقولون الا راح تكوني ارشادي او اكلينكي
    ساره..الى الان ماقررت بس اتوقع اكلينكي
    حمد..حلو يعني ننتظرك زميله معنا بالمستشفى
    ساره..زميله قويه انت جراح
    حمد..لا انا حمد ولد عمك
    سكتت ساره وابتسمت اماني ونجلاء لان حمد قالها بصوت شوي مختلف وكأنه حاب يوصل رساله
    ساره..والنعم فيك
    حمد..ماعليك زود يابنت عمي الظاهر بيوقف فيصل بالاستراحه لانه اذن الفجر بننزل نصلي
    وقف فيصل وحمد وفهد ونواف والكل بدأ ينزل وقبل ماتنزل ساره ونجلاء
    حمد..ساره
    التفت..نعم
    حمد..طوال الطريق وعيني عليك ويدك بنفس الوضع وين كلامنا الي قلنا
    نزلت نجلاء بسرعه وتركتهم
    ساره..طيب
    حمد..وياليت تكسري الحاجز
    نزلت ساره بسرعه ونزل حمد وراح لشباب اما ساره ماقدرت تمشي تسندت عالسياره وانتبهت لها خلود وراحت لها
    خلود..ساره شفيك تعبانه
    ساره وتتنهد..خلود حمد بيذبحني اكرهه اذا كان دكتور
    خلود..طيب تعالي نصلي ويصير خير
    مشت خلود وساره لكن حمد كانت عينه على ساره لانه خاف لما وقفت وتطمن لما شافها مشت للبنات









  10. #20
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    تــابع <<<<<<


    اول مادخلو البنات غرفة الاستراحه على طول باركوا لناجحين وبعدها التفت خلود عليهم
    خلود..يالله بشروا بنات
    عبير وهي مبتسمه...لو اقول لكم شطلب مني نواف ماتصدقون
    الكل ..ايش
    عبير..اشتغل معه
    غدير..ههههههههههه اقول يالحبيبه شلون تشتغلين معه
    عبير..سالفه طويله مامعنا وقت انتي سارونه شصار معك
    نجلاء ومعصبه..مابيصير شئ ماتتكلم بس ساكته ياعمري يااخوي حاول اخرتها سكت
    ساره..يكفي اسمعه
    نجلاء وهي تضحك..طيب لاتصيرين انانيه خليه هو يسمعك
    ساره..يمكن مايحب
    اماني بصوت عالي..سارونه لاترفعين ضغطي بدلعك حرام شكله يحيبك
    ساره..طيب خلاص بقوم اصلي
    نجلاء..وانتم غدور كيف جوكم
    غدير وتبتسم...فيصل مبسوط ويسولف وسلوم اول مامشينا نام
    العنود..ههههههههههههههههه حبيبي سلوم اقول غدير شقال عنك
    غدير..لا بعدين خلينا نصلي لايعصب فيصل

    صلوا البنات وطلعوا لسيارات وكملوا طريقهم حاولت ساره تسولف وشوي شوي قدرت تكون اكثر جرأه وتتكلم
    ساره..نجلاء متى تطلع نتايجك
    نجلاء..طلعت لي مادتين والباقي مابعد وانتي
    ساره..لا مااحب اشوف نتايجي يعني بعد اسبوعين بشوفها
    حمد وهو منسجم معهم..افا يعني مو واثقه
    ساره وهي مستحيه..لا طبعا واثقه لكن احب اشوفها كامله
    حمد..الله عالفجر وجماله
    نجلاء..حمد مادريت
    حمد..خير
    نجلاء..غدير انخطبت
    حمد..الا صح قال لنا فيصل اليوم سعد رجال الله يوفقها ان شاء الله عقبالكم يارب
    نجلاء..لا اول انت بدور لك بنت الحلال وتتزوج بعدين انا اتزوج
    ساره سكتت بتسمع رد حمد ماتعرف حست ان قلبها انقبض لما قالت نجلاء بتدور له وحده ماتتخيل حمد يكون لغيرها ابدا
    حمد باابتسامه..لا نجول لاتتعبين نفسك لان انا الي اخترت لنفسي
    نجلاء وتناظر حمد..اخترت
    حمد ويضحك..لا بختار
    نجلاء ..عيني بعينك قول مايسمعون نايمين ساره واماني انا اختك علمني
    حمد..لا عادي لو بقول قلت هو بنات عمي وأكيد بيفرحون لي
    انصدمت ساره ومسكت يد اماني وحتى نجلاء ماتوقعت رد حمد ايش يقصد بكلامه
    حمد..ساره
    ساره بصوت مبحوح..نعم
    عقد حمد حواجبه ..شفيك تعبانه شفي صوتك
    ساره..لا مافيه شئ
    ابتسم حمد لانه عرف من صوتها رد فعلها ..طيب بنأخذ رايك عندنا اغنيتين الاول لنوال قول احبك والثانيه لعبد المجيد تنتظر كلمة احبك شتحبين منها
    اماني وهي تضحك حبت تحرجه لانه بيحرج ساره بطلبه ....مايصلح اختار انا
    حمد.. ; يصلح بس انا ابي ساره تختار
    ابتسمت نجلاء وسكت وحتى اماني اما ساره ماكانت عارفه شو تقول تحس قلبها بيوقف ويدها ترتجف وكل الي تتمناه انها ترتمي بحضن اختها وتصيح
    حمد ..يالله ساره
    ساره بصوت واطي..الاولى
    ارتفعت عيت ساره والتقت بالمرايا بعين حمد وغيرتها بسرعه وبهالثواني تكلمت العيون تكلمت بلغة الصمت بلغة الحب وصلت رساله منعها الخوف او العادات او الشك وصلتها نظره سريعه من عيونهم
    سكتت ساره والكل سكت ولاسمعنا الا صوت المبدعه والمتألقه دائما نوال ..

    اما بسيارة نواف ام نواف شكلها غفت وعبير استحت من وجودها وحاولت تعمل نفسها نايمه بس ماتقدر
    نواف..عبير
    عبير بخوف..نعم
    نواف ..ممكن اسألك سؤال
    عبير بخوف اكثر ..تفضل اسأل
    نواف ..عمتي لطيفه تغيرت او بس انا الي اشوف هالشئ
    عبير كانت تتمنى تصيح ليه يانواف ماحصلت الا انا تسألني..لا تغيرت كثير زمان كانت قاسيه حييل
    نواف..قاسيه حيل شكل القسوه كانت موجهه لك بيوم منها
    سكتت عبير شوي وبعدها قالت..القسوه ماهي من عمتي لطيفه ولاحصه ولا من اي شخص
    نواف مستغرب ..اجل
    عبير..القسوه ماكانت الا من رضانا احنا بها
    نواف..اسف بس اثرتي فضولي انا بصراحه عشت فتره طويله برا يعني ماعشت معكم
    عبير..افضل لك
    نواف..اوكي بس خلاص بنغير الموضوع ولاابي نبرة الحزن بصوتك احنا مسافرين ونبي ننبسط بكل لحظه
    عبير..اسفه اذا ضايقتك
    نواف..افا لاتقولين كذا انا الي سألت المهم قولي لي عبير ايش حلمك بهالحياة
    عبير ودها تصرخ وتقول حلمي سعادتك انت وبس ..احلامي بقلبي اخاف تطلع وتصطدم بالواقع المر وبعدها اكون فقدت الحلم والواقع
    نواف..عبير اول ماتصحى امي بشكرها تعرفي ليه
    عبير بااستغراب ..ليه ..؟؟
    نواف مبتسم..لانها اختارتك رفيقة الرحله معنا
    استحت عبير وسكتت اما نواف سكنت وبعدها رجع يسولف مع عبير الي اثارة فضوله بكلامها الي يحمل حزن وخوف امل وتردد ظل يسولف وهي تحس انها مسافره لعالم حلو ومختلف عالم عمرها ماتخيلت انها ممكن تزوره لو لمدة ساعه فكيف ثمان ساعات كان الوقت يمر بسرعه ولو بكيفها كا ن وقفت عقارب الساعه ومنعتها من التقدم ودها تعيش عمرها تتكلم معه تسمع ضحكته وتحس بوجوده معها حلم السنين يتحقق حتى لو لساعات بالنسبه لها وجودها معه يعني لها فرحه انحرمت منها سنوات ورجعت لها كأنها ارض انحرمت من المطر واستبشر البذر برجوعه ومزونه ..

    اما سيارة ام فهد كانت خلود وفهد وامها سوالف وضحك لكن فجأه حست خلود ان هذا الوقت مناسب مره انها تكلم فهد
    خلود..فهد ماراح تتزوج ..؟؟
    ام فهد..ياليت والله تفرحني ولدي
    فهد ويضحك ...ليه عندك عروس خلود
    خلود وتبتسم..عندي بس انت موافق
    فهد..موافق صعبه مو الحين لكن من البنت
    ام فهد..ليه ياابوي ماتعرس
    فهد..اول شئ اذا رجعنا لرياض عندي لكم هديه حلوه وبعدها نشوف ونقرر موضوع الزواج المهم خلود من البنت
    خلود..وليه الاهتمام
    فهد..هههههههههههه بس اشوف ذوقك
    خلود..نجلاء بنت عمي
    ابتسم فهد وسكت اما امه قالت..ونعم نجلاء ماعليها قصور
    خلود..شرأيك بذوقي
    فهد..بنات العم مانقول فيهم شئ ونعم
    خلود...يعني
    فهد..نوقف وننزل نخبطها من حمد ههههههههههههه خلود قلت لك زواج الحين لا
    خلود..يعني معترض عالزواج مو عالزوجه
    فهد..المهم الحين باقي لنا اقل من ساعه ونص ونوصل خلاص هانت
    سكتت خلود وعرفت قصده يعني اسكتي وسكتت وابتسمت وارسلت لنجلاء مسج كتبت فيه
    " عندي لك خبر حلو اذا وصلنا.. فكري لحد مانوصل " ارسلت المسج وقفلت جوالها عشان تخلي نجلاء تفكر وتتخيل ايش الخبر وظلت تتأمل الطبيعه الحلوه على بداية الطايف ..

    اما بسيارة ام صقر ..كانت العمه لطيفه ساعه تسولف وساعه تضحك مع صقر
    صقر..هالغاليه مابقى شئ ونوصل
    ام صقر..الله هالسفره بتكون احلى شئ سويته بحياتي الله يطول بعمرك ياابوي
    صقر..ويخليك يمه ولايحرمنا منك المهم الغاليه لاتنسينا تبي عروس خلاص بتزوج
    ام صقر..هذي الساعه المباركه ابشر اذا تبي من بنات عمك
    صقر..والله ياليت مشاء الله عليهم عيال عمي رجال واكيد خواتهم مثلهم وبنات اصول ويكفي انهم بنات عمي
    ام صقر..ان شاء الله خليني اشوف الي تناسبك
    صقر..خذي راحتك الغاليه

    اما سياره فيصل كانت ام فيصل خلاص تعبت وحاولت تنام والعنود وغدير يسولفون وسلمان يصحى شوي وينام شوي
    غدير..فيصل بقول بيت شعر ورد علي بيت حسب اخر حرف اوكي
    فيصل ..اوكي يالله ابدي
    غدير ..
    يمين الله لاابعثرها مشاعر فيك اذتني ..ولأوريك ا نجوم الليل مختلفه عن نجومي
    ولاوطي شيمتك بأرض حروفك فيها سبتني ..ولااخلي الموت يمطر بك مذله داخل غيومي
    (لشاعره جرح العيوف )
    فيصل...قويه غدوور
    يغار الما ويتعطش لهمسة صوتك الرقراق ..وانا العطشان وكل شئ اشوفه في عيوني ما
    يغار الورد لانبت غلاك بدفتري اوراق ..وانا الوراد واسقيك الكلام الشاعري واضما
    (الشاعر احمد المطيري )
    غدير ..اممممممم الاف العنود ساعديني
    فيصل..مانبي اغاني غدور لانها سهله
    غدير..لحظه
    العنود بصوت واطي ..اجيك وهمومي مثل هضبة طويق
    غدير ..خلاص انا وانتي فريق قولي
    ضربتها العنود غدير..طيب اخر حرف
    العنود..الميم
    فيصل..لا لازم اسمع البيت
    غدير..يالله قولي العنود
    العنود بصوت واطي ..
    أجيك وهمومي مثل هضبة طويق ..وأروح منك كل الامال قدام
    ومشيت في درب العمر دون توفيق..لامال لاراحه ولاأرضيت الأنام
    ابتسم فيصل وسكت وكأنه يحاول يتذكر بيت شعر وبعدها قال
    فيصل ..
    مأبي تدرين أني ..
    كنت ذيك اللحظه ..محبط ..منكسر..مسكين
    وانتي ماتدرين ..
    ياعيوني ..أنا اسف
    كنت ذيك الليله ..
    جاحد ..نعمة الوصل وحنانك
    وماتيسر لي من رضاك ..وماك
    وسحر الياسمين ..
    أنا اسف .واعتذر لك
    أعتذر لاحساس شوقك
    صبح قلبك..والعطر ..والجمر ..والتين !
    انا اسف كثر مافاتني ذاك المساء
    من حنانك والحنين ..
    كثر ماعمري نقص ذاك المساء
    نور ..وسنين
    كثر مااخطي عليك ..وانتي دايم تغفرين
    ( المبدع مسفر الدوسري )
    غدير ..وتصفق الله عليك صراحه مره حلوه
    ام فيصل ..ماوصلنا
    فيصل ويبتسم..صبحك الله بالخير يالغاليه وصلنا قومي شوفي الجو والخضار وعاد الوجه الحسن انتي اختاري
    غدير..ههههههههه طبعا انا
    سلمان..فيصل هذي الطايف
    فيصل..ايه حبيبي هذي الطايف تونا داخلين لها
    سلمان..فيصل فيصل نارنار ببيتهم
    فيصل ويلتفت ..وين
    سلمان يأشر على بيت شكله قديم شوي واحد الغرف فيه شابه نار
    دق اشاره ووقف فيصل
    مسكته امه. وبكل خوف ...وين فيصل بتروح لنار
    فيصل ..يمه ارجوك يمكن احد بداخل البيت
    فتح الباب ونزل ووقف الكل بعده
    وراح يسرع بااتجاه البيت الي انفتح بوقت وصول فيصل وطلعت حرمه ومعها طفل وتصيح كلمها ودخل بسرعه للبيت
    وبسرعه لحقوه الشباب ..
    ((نجد أنا والفخر والمجد أنا ...ماأبي غير من راسه عزيز ))

    ((أنـا الحسـا أنـا النـخــيل ... أنـا الـعيــون الجــاريــه ))

    ((أنا الجنوب دربي عسير... واصبح لابو تركي يسير ))

    (( أنــا الـحـجـــــــاز ..ســـيدي ولادونـك حـجـاز ))

    (( وأنا مــــــكـــــــه ..أنــا مــهــد الــــهـــــد ى ))

    (( أنـــا طـــيــــبــــه ... مــديــنه من هــــدى ))

    (( وأنا الطايف أنا ورد الهدا ...وأنا جده على خدي ندى ))

    (( أنــا الشــــمــال ....صــــعــــب المـــنال ))

    كل بلادي

    (( تبوكها مع جوفها لك تستخيل ..وشعيب عرر بالموده لك يسيل ))

    (( ومن نجران ومن جيزان ..وقــلب البـــاحه لك ولـــهان ))

    ((أنا اليوم ..واليوم أنا
    أناعهد الفهد أحلى العهود..جيل الفهد جيل الفهود
    يافهد ياشيخنا ...في يمينك سيفنا
    اضرب القاسي يلين ..يتبعك شعب أمين ))

    ((حـــكامــنا منا ..ياســــأل عــــنا
    المليك المفتدى.. والعضيد المقتدى
    عز الصديق الي تحاشاه العدا
    عبدالله سهم الفرسان ..والسيف القاطع سلطان ))

    أهديه لهم ولحبات رمال وطني وذرات هواءه واوراق اشجاره وقطرات بحاره
    اهديه لأطفاله وشيوخه شبابه ونساءه ..اهديه لكل من أحب أرضك الطاهره
    واهديه لكم احبتي اصدقاء القصه المبدعين ..دائما










صفحة 2 من 5 الأولىالأولى 12345 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 4 (0 من الأعضاء و 4 زائر)

المواضيع المتشابهه

  1. طويلة : رواية جرحني و صار معشوقي كاملة
    بواسطة MOZA_FCB في المنتدى قصص الحب و الرومانسية و الغرام و العشاق
    مشاركات: 15
    آخر مشاركة: 15-03-04, 09:16 PM
  2. رواية همس الموت , كاملة
    بواسطة دلع الامارات أنا في المنتدى قصص الطويلة , الروايات
    مشاركات: 11
    آخر مشاركة: 14-09-29, 08:07 PM
  3. رواية لمى في شقة شباب / كاملة
    بواسطة بنت الشيوخ 2003 في المنتدى قصص الحب و الرومانسية و الغرام و العشاق
    مشاركات: 23
    آخر مشاركة: 14-09-04, 11:44 AM
  4. رواية أجمل غرور كاملة
    بواسطة بنت العين 2 في المنتدى قصص الطويلة , الروايات
    مشاركات: 31
    آخر مشاركة: 14-03-03, 10:03 AM
  5. رواية . الريم اللعوب كاملة
    بواسطة نظرة عناد في المنتدى قصص الطويلة , الروايات
    مشاركات: 22
    آخر مشاركة: 12-08-22, 11:57 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •