تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 4 من 5 الأولىالأولى 12345 الأخيرةالأخيرة
النتائج 31 إلى 40 من 49
  1. #31
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    اما في بيت ام نواف العمه حصه والعمه لطيفه كانوا مقررين يسافرون لكن ام صقر ماوافقوا عيالها واضطرت انها تجلس اما بدور بعد معاناة اقتنعت امها يجلسون اسبوع بس وطلبتها انها تنام عند احد البنات
    العمه حصه..وين بتنامين
    بدور..ودي اروح عند خلود وعبير لاني اعرفهم اكثر وبيت ام فيصل مااعرف احس شكلي غلط
    العمه حصه..كيفك الي تبين خلي السواق يوديك
    بدور بخيبة امل..لحالي اروح مع السواق
    العمه حصه..انا تعبانه مافيني اطلع اوصلك
    ام صقر..انا بوصلك
    بدور باابتسامه..تسلمين خالتي شوي واكون حاهزه
    استغربوا خلود وعبير لما اتصلت بدور وقالت انها بتجي وتنام عندهم لكن تقبلوا الموضوع بالنهايه ..وصلت بدور بالبدايه كانت محرجه لكن بعدين بدت تسولف مع البنات وتضحك وحتى مع ام فهد والغريب ان شالها على كتفها وتغطت عن فهد وهالشئ اسعدهم كثير وتأكدوا انها تغيرت لان حتى طريقتها بالكلام تغيرت ولبسها محتشم ..
    خلود..بدور شرايك تجلسين عندنا كل الاسبوع
    بدور ..اخاف اضايقكم
    عبير..لاشدعوه انتي بنت عمتنا
    بدور..بنات بقول لكم شئ ولاتسألوني ليه مكن
    البنات..ممكن
    بدور..اسفه اذا اخطيت بحقكم
    عبير وتناظر خلود..انسي يابدور حياتنا علمتنا ننسى الجراح ونسامح خلاص الحين احنا بنبدأ صفحه جديده
    بدور..ودي الكل يتقبلني نجلاء وشوق خصوصا لاني جرحتهم كثير ..
    خلود..شوق ونجلاء حبيبات مايزعلون واكيد مافي خاطرهم شئ عليك
    عبير..يالله بروح اشوف شغلي
    خلود..صح فهد اعطاني ورقه فيها ايميل نواف وقال اعملي ايميل خاص لشغل وارسليه على بريد نواف اوكي
    عبير..اوكي اخذ الورقه وراحت للغرفه لكن مو حتى تعمل ايميل او تشتغل حتى تتأمل نواف من خلال شغله من خلال خطه من خلال بعثرة اوراقه ..وظلت على هالحال مايقارب الساعه بعدها بدت تشتغل ولاحست الا عالساعه عشر بالليل قفلت كل شئ وطلعت تسهر مع البنات ..

    اما نجلاء كانت سهرانه مع اخوها حمد الي كان خايف من موعد ساره بكرا
    نجلاء..حمد شفيك
    حمد باابتسامه..ولاشئ
    نجلاء..حمد ليه ماتتزوج عالاقل زوجتك تجلس معي
    حمد ..هههههههههه ان شاء الله بس خلينا اول نشوف الوضع
    نجلء..اي وضع
    حمد باابتسامه..وضع ساره
    نجلاء مستغربه..ليه شفيها ساره
    حمد..يعني ماانتي فاهمه لان الي بتزوجها هي ساره
    نجلاء وباابتسامه ومصدومه ..احلف
    حمد مبتسم ..لا اكذب نجول شسالفتك كل ماقلت لك شئ قلتي احلف
    نجلاء..لابس استغربت يعني بتتزوج ساره
    حمد..يس وياويلك ان وصلني خبر ان احد عرف حتى شوق
    نجلاء بخيبة امل...ليه
    حمد..نجلاء انا دكتور ساره وصدقيني احساسي تجاها مفصول نهائيا عن مسؤليتي كطبيب لكن بهالموضوع لازم اتاكد من صحة ساره وهل هي قادره على الزواج بهالمرحله لكذا ترددت اني اخطبها
    ساره..بس حمد اذا انخطبت وانت ساكت يمكن توافق
    حمد باابتسامه..لاتخافين فيصل يعرف بالموضوع ومن زمان مكلمه لكن طلبته يسكت مايقول لاحد حتى نتأكد من صحة ساره اول ..
    نجلاء... الله وناسه .طيب ساره فيه خطر على صحتها
    حمد..اتوقع انه تحتاج عمليه ونسبة نجاحها كويسه 80% يعني بعدها بتكون بأذن الله كويسه لكن المشكله كيف تقتنع هي
    نجلاء..ياحياتي عليها اكيد بترفض اذا هي تخاف من الابره كيف العمليه
    حمد...الله يعين بكرا بتدخل ونشوف الوضع والله يصبرنا على دلعها
    نجلاء..ههههههههههههه الحين اذا دلعها مو عاجبك ليه تتزوجها
    حمد وهو قايم بيطلع..فيه فرق اذا دلعها وانا زوجها واذا دلعها وهي مريضه وانا دكتور
    نجلاء بصوت عالي ..حمد بكرا بروح لشوق وديني قبل ماتروح
    حمد ..ان شاء الله

    في بيت ام فيصل غدير كانت بعالم ثاني عالم ملئ سعاده وفرح تفاءل وامل ..لكن هذا مانساها احتياج اختها لها فااعتذرت من سعد ولاطولت معه وراحت تسهر مع اختها وتخفف عنها مع الكل الكل انبسط وحاولوا ينسون ساره الي كانت تحاول تداري لكن بالاخير ماقدرت وبكت وقالت لهم ان احساسها بالوجع هالمره مختلف وهالشئ خوف البنات عليها لكن بلاخير هدت وتركوها تنام وترتاح..

    الصباح طلعت ساره وام فيصل مع محمد للمستشفى لان فيصل كان عنده موعد مهم ..وصلوا للمستشفى وقابلهم حمد وعملوا اجراءات ساره ودخلت للغرفه لكن هالمره بااحساس الضعف الظاهر احساس فقدان الامل ..احساس الخوف والتردد..السواد والالم ولاول مره تكلم حمد بهالاسلوب وقدام امها واخوها..

    ساره بتردد..حمد انا بمووت صح
    حمد الي تفاجئ من كلامها رد بسرعه ...لا ساره الاعمار بيد الله سبحانه ماهو انا ولااي احد يقدر يحددها بعدين هالضعف مابيساعدك لازم ياساره تكونين متفاءله خلي ايمانك بالله قوي
    ام فيصل حضنت ساره الي ماقدرت وبدت تصيح
    محمد..سارونه مايصير كذا حبيبتي
    حمد..ساره امسحي دموعك واذكري الله وحالتك من قال انها خطر لاننا رجعنا لا مو خطر بس تحتاجين فحوصات ولازم تنعمل بنفس المستشفى اخليك ارتاحي وراجع لك حتى نبدأ بالفحوصات..
    طلع حمد ومحمد وتركوا ساره امها تقرأ عليها قرآن لحد ماهدت شوي..

    مر هاليوم حزين كئيب على بيت ام فيصل ..كل الموجودين حسوا أن البيت انطفت انواره لان ام فيصل ماهي موجوده ..وساره تعبانه وفيصل شكله مرهق ومن دخل وهو سرحان غدير كانت متوتره واماني خايفه اما شوق اتصلت بحمد وتطمنت على ساره وطمنتهم لكن الجوو الحزين غلب على الكل وحتى سلوم الي كان على غير عادته هادي ولايلعب ..

    بالليل الكل دخل غرفته ينام والعنود نامت عندهم لان ام فيصل طلبتها ينامون طوال الفتره الي هي بالمستشفى مع بعض في بيتها ووافقت العنود ..

    بالليل فيصل مو قادر ينام احساس بخووف بالفقدان احساس بالمسؤليه احساس بالضعف احساس دمر اعصاب فيصل من كثر التفكير حطم هالصمت واتصل بسعد الي حاس فيه من سمع صوته حاول يسولف معه لكن مافيه فايده فيصل يتكلم بشكل عشوائي وكأنه يحاول يمنع الاحساس بالاصوات داخله اصوات نابعه من طفله صغير من اخت دلوعه من ابنه هاديه اصوات من ضحكه بريئه من انسانه مختلفه قاطع عليه سعد
    سعد..فيصل تكلم يااخوي ريحك نفسك
    فيصل ..آه ياسعد قلبي معورني عليها والله لو تشوف البيت احسه نار تحرقني احس جدرانه ارضه كلها فاقده الحضن الدافي سلوم والبنات الكل الحزن مرسوم عليه وانا مااقدر اتحمل والله
    سعد..فيصل انت عمرك ماكنت ضعيف شفيك
    فيصل ..سعد تعبت انا بشر اختي بنتي الي بالمستشفى امي الي غايبه عن البيت خواتي الي الحزن مرسوم على وجيهم مااقدر مااكون ضعيف
    سعد..فيصل انت بالنسبه لهم مصدر القوه تحمل طول عمرك تكابر اي احساس بداخلك هالمره لازم تكابر الضعف لازم تكون قوي حتى تساعد اهلك
    فيصل ..الله يعين يالله سلوم عندي وبدخل البيت اكلمك وقت ثاني فمان الله
    سعد..الله معك وهونها يااخوي وتهون وربك كريم
    سعد ..والنعم بالله

    الصباح صحت العنود وسلوم ونزلوا حصلوا شوق
    شوق..صباح الخير
    العنود..صباح النور صحيتي
    شوق..توه محمد طلع مع فيصل بيمرون ساره بعدين عالشغل
    العنود..اوكي غدير ماصحت
    شوق..لا تعالي بكلمك شوي
    العنود..خير
    شوق..جوو البيت مو عاجبني حالة الاكتئاب مسيطره على الكل اذا قدرت على محمد صعبه اقدر على فيصل لكذا لازم اماني وغدير يتفاءلون حتى يقدر فيصل على الاقل يبتسم لو تسمعين محمد كيف يحكي عن حالة فيصل امس
    العنود ..ولايهمك شوق الكل بيضحك واولهم فيصل
    شوق باابتسامه ..شلون
    العنود..فيصل مايقاوم سلوم بخليه يجلس معه وان شاء الله يقدر ينسيه شوي
    شوق..اوكي الحين بطلع اصحي البنات
    العنود..اوكي

    خلود وعبير بدوا يتقبلون بدور عن قناعه مو مجامله خصوصاً بعد مااأعتذرت لهم وقالت انها ندمانه على كل الي صار ..انشغلت عبير بملفات نواف ومع اهلها بتأثيث بيتهم الجديد ..اما خلود قربة من بدور اكثر من عبير لانها تسهر معها كثير..
    بدور..خلود انتي زعلانه من امي
    خلود وسكتت ..لا
    بدور..اعرف انك زعلانه ومو انتي بس الكل لكن حاولوا تسامحونها
    خلود..الله يسامح الجميع الا ماقلتي لي كيف دلال وامل
    بدور..تصدقين دلال مثلي مسكينه
    خلود..شلون مسكينه
    بدور..انا ودلال كنا مغترين بجمالنا كثير وكل شئ تقوله امي او خالتي ننفذه لما قالوا لدلال انها تتزوج وافقت وهي ماتعرف شئ عنه الا شكله ولاكان يهمها لكن بعد الحادث امي وخالتي استحوا عيب عند الناس يرفضون ولكن دلال كانت تربيتهم المهم عندها المظهر لكذا كلمت نواف بطريقة بنت دلوعه مراهقه كل الي يهمها نفسها ورفضت بعدها حاولت امي وخالتي يعدلون الموقف بس نواف رفض
    خلود..يعني هي ماكانت تحبه
    بدور..بذاك الوقت دلال كانت تحب الشكل الحلوو وبس كانت فارغه من اي معاني ثانيه وانا كنت مثللها الى وقت قريب
    انبسطت خلود وكان ودها تقول لعبير كل شئ بهالوقت لكن استحت تترك بدور واجلت الكلام اذا نامت بدور ..

    اما عبير كانت بغرفة فهد تسولف معه عن بعض الامور الي طلبها نواف وقبل ماتطلع
    عبير..فهد ابي جوالك ثواني ممكن
    فهد..ممكن بس من بتكلمين هالوقت
    عبير..بكلم نجلاء
    اعطاها فهد الجوال وعمل نفسه مشغول بالاوراق وهو كل تفكيره عند الكلام الي تقوله
    عبير..ليه ماتردين على تيلفون البيت
    نجلاء..بغرفتي بنام
    عبير..تنامين الحين مكلمتني العصر توك صاحيه
    نجلاء..ماسمعتي اختراع اسمه حبوب منومه
    شهقة عبير..مجنونه تعملينها نجلاء اتصلي على تيلفون البيت بسرعه
    نجلاء..مالي خلق
    عبير..نجلاء مايصير ليه ماتجين تسهرين عندنا
    نجلاء..لا حبيبتي بيت فيه اخوك مابجي اخاف يطردني
    عبير..هههههههه صدق بدور عندنا
    نجلاء..احلفي يالله بكلم حمد اقوله
    عبير..بتظلين خبله بالله باي
    سكرت عبير..شكرا فهد
    فهد بعدم اهتمام..بتجي نجلاء
    عبير..بتسأل حمد بس مااعتقد يوافق لانه بالدوام والله كاسره خاطري بيت كبير مافيه الا هي
    فهد..اذا حمد ماعنده مانع اطلع معك نجيبها
    عبير مستغربه وقالت بعفويه ندمت عليها..مااتوقع هي توافق
    فهد رافع حاجب..وليه ان شاء الله
    نجلاء..تستحي اكيد
    فهد..براحتها

    طلعت نجلاء واتصلت بنجلاء الي رفضت وقالت تنام احسن ولاتحس بعطف او رحمه من فهد ..

    اما في بيت ام فيصل دخل سلوم يركض ووراه فيصل ..





    سلوم..عنوده بنام عند فيصل
    العنود انبسطت لان توصيتها لسلمان نجحت ....طيب
    فيصل ..السلام عليكم
    الكل ..وعليكم السلام
    شوق..فيصل وين محمد
    فيصل..براا بالحديقه ماعنده احد
    طلعت شوق والتفت فيصل على غدير
    فيصل..غدير ابي قهوه لو سمحتي
    غدير..ان شاء الله
    فيصل..العنود السواق بكرا مسافر ومفاتيح غرفته معي تحبين اعطيك اياها
    العنود..لا ماابيها
    فيصل ..اموون شو الاخبار
    اماني..ضيقة خلق البيت من غير خالتي وساره
    ضربتها العنود بيدها وتنهد فيصل وقال..الله كريم

    اما بالحديقه جلست شوق مع محمد الي واضح انه مرره تعبان
    شوق..محمد خير شصار..؟
    محمد بعد لحظة صمت..مااقدر ادخل البيت ولااشوف امي الحزن المرسوم على وجيه خواتي يذبحني آه ياشوق
    شوق بخوف..محمد حياتي ارجوك لخاطر ام فيصل لاتعمل بنفسك كذا كلها كم يوم وترجع خالتي وساره وينورون البيت
    محمد..يارب

    بالصاله كانت العنود واماني وسلوم جالسين بنفس اماكنهم انفتح باب المكتب وطلع فيصل بسرعه
    وهو ينادي محمد بصوت عالي و شماغه على كتفه وشكله مو على بعضه ورمى مفاتيح
    فيصل وهو طالع..العنود اقفلي الباب وانتبهوا لحالكم انا رايح لساره تعبانه
    طلع فيصل وطلعت غدير بعد ماسمعت صوته لحقته ولارد عليها كل الي سمعته انه قال لمحمد ساره حالتها خطره وطلع مع محمد وتركوا الكل في حالة انهيار تام ماعدا العنود الي حاولت تكون قويه وفشلت ..
    وصل فيصل ومحمد بحاله الله العالم فيها وبسرعه راحوا لغرفة ساره حصلوا الاطباء وبسرعه محمد راح لامه الي كانت بحاله سيئه جداً ..اما فيصل بادره حمد بسرعه
    حمد..مافيه وقت للأسئله بننقلها لغرفة العمليات روح وقع الاوراق وادعي لها
    مشى فيصل ورجع ومسك حمد من اكتافه ..حلقتك بالله تبذل كل جهدك هذي ساره الغاليه
    حمد..فيصل انا دكتور والمريض يهمني سواء كان قريب لي او لا توكل على الله
    راح فيصل ووقع الاوراق وساره انتقلت لغرفة العمليات ..
    سأل فيصل عن موعد العمليه قالوا مايقارب خمس ساعات ..رجع والحزن كله مسيطر عليه وحصل امه منهاره اخذها بحضنه وظلت تصيح وهو يحاول يكون قوي ويطمنها حاول يقنعها ترجع ورفضت ودخلت للغرفه وتوضت وبدت تصلي ..

    اما محمد كان بحالة صمت وفيصل بحالة توتر
    اتصل فيصل بالبيت وكل كان منهار ردت العنود
    العنود..فيصل طمني شلونها
    فيصل بصوته كل الحزن..ادعوا لها دخلت لغرفة العمليات المهم العنود لااوصيك البيت قفلي اباب وخليكم عند التيلفون
    العنود..ان شاء الله
    فيصل ..مع السلامه
    العنود..سكرت وجلست تصيح لان ساره مثل اختها وتعني لها هالعايله الشئ الكثير مو كفايه انها لقت لها خوات واخوان وام حنونه وطيبه ..

    بالمستشفى كان فيصل جالس ينتظر ومحمد راح له
    محمد..فيصل ساره مابيصير لها شئ ان شاء الله
    فتح فيصل عيونه والتفت على محمد الي ارتمى بحضنه وبدى يصيح ونزلت دموع فيصل بعد محاوله فاشله لمنعها
    فيصل..كل شئ بيد الله الله يقوما بالسلامه
    محمد..لا ساره مابتتحمل العمليه شلون لازم ندخل معها
    فيصل ويهدي اخوه..محمد اذكر الله العمليه مطوله تعال وانا اخوك خليني نصلي ركعتين وندعي الله

    راح محمد مع فيصل يصلون وتركوا ساره بغرفة العمليات الله سبحانه الي عالم بحالها ..








  2. #32
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء الثالث والعشرون ...







    صلى فيصل ومحمد ودعوا الله يرحمهم ويقوم اختهم بالسلامه.. احساس الاحتياج.. احساس الخوف.. الامل.. القوه.. الضعف احاسيس ..كانت تتصارع بداخل كل واحد منهم مهما كان الشخص قوي وذو نفوذ وشهره ومال مهما كان جامد متبلد من غير احساس لحظة المرض كل شئ ينتهي لحظة العدو الاول للأنسان المرض مايقدر اي واحد يتحكم بمشاعره لحظة تمر الثانيه فيها كانها دهر وفعلاً هذا الي صار لفيصل ومحمد الي ظلوا يدعون الله لأختهم ..ظلوا يعدون الثواني قبل الدقايق ويشوفون الحزن مرسوم والامل غايب يشوفون الفرحه تودعم والالم يعانقهم يشوفون الامنيات تتحطم والاماني تتبعثر ..لحظات بكت السعاده والراحه وتألمت الذكريات ..هذا حالهم بالمستشفى اما ..
    بالبيت الوضع كان متوتر الكل بحالة بكاء وخوف الكل ماهو عارف هل بيشرق بحياتهم يوم يحمل فرح او يوم تكون ساره نور بيتهم غابت عن الحياة ومن يوصلون لهالنقطه يدخلون بحالة بكاء شديده ماتوقف الا اذا ذكروا أن الله رحيم بعباده وان شاء الله بيرحمهم ..ويقوم اختهم بالسلامه وترجع شمعه تنور بيتهم وترجع ضحكتهم وفرحتهم ..

    اما ببيت ام فهد البنات كانوا سهرانين ومبسوطين عبير وبدور وخلود اما فهد كان نايم وقطع عليهم صوت التيلفون ورفعته خلود
    خلود..الو نعم
    المتصل..السلام عليكم
    خلود باابتسامه..وعليكم السلام
    المتصل..هلا خلود فهد جواله مغلق موجود
    خلود وعصبت لانه حتى ماسأل عنهم..ايه نايم
    المتصل..طيب صحيه وخليه يجي لمستشفى الامن ساره بغرفة العمليات
    شهقت خلود والتفتوا عليها البنات ..احلف شفيها شلونها
    المتصل..مو وقته يالله باي
    خلود..سلطان وقف لحظه البنات بالمستشفى معها وخالتي
    سلطان..لا اهلي طالعين لهم بقول لهم يمرون عليكم بسرعه خلي فهد لازم نكوون مع العيال

    سكرت خلود وصاحت والكل صاح خوف على ساره لانها طيبه ولاتستاهل لكن هذا قضاء وقدر ولازم نرضى فيه ونحمد الله الذي لايحمد على مكروه سواه ..

    طلع فهد للمستشفى وصادفه نواف وسلطان وصقر ولاحصلوا فيصل ولامحمد اما ام فيصل الام الي بنتها بغرفة العمليات
    الام الي تعاني وتتعذب وحبيبتها تتألم الام الي تمسح دموعها من دون احساس الام الي تشوف الحزن يقترب رفضت وسوسة الشيطان لها و سلمت امرها لله وجلست على سجادتها تناجي الواحد الاحد تدعي الرحمن الرحيم ..ام فيصل رغم خوفها ايمانها بالله صبرها ..وظلت على سجادتها من دخلت بنتها للعمليات على امل انها ترجع لها ..

    بالبيت شوق حاولت تتصل بمحمد لكن جواله مغلق وحتى فيصل
    اماني وهي تصيح ..شلون لازم نعرف
    غدير وهي تصيح..بتصل بسعد
    العنود..ايه بسرعه
    اتصلت غدير ..
    سعد..هلا وغلا
    غدير وصوتها تصيح ..سعد
    سعد..عيونه غدير شفيك
    غدير..سعد ساره بغرفة العمليات وفيصل ومحمد تيلفوناتهم مقفله
    سعد..اوكي انا طالع لهم وبطمنكم انتبهوا لحالكم واذكروا الله ومابيصير ان شاء الله الا كل خير
    غدير..طمني بسرعه
    سعد..خير ان شاء الله

    وصل الكل بيت ام فيصل وحاولوا يهدون البنات من حالة القلق الي هم فيها
    العمه لطيفه..لا اله الا الله يابناتي مايصير اختكم ان شاء الله طيبه
    العنود..ان شاء الله
    ام نواف..عبير يمه اتصلي بنجلاء البنت لحالها بالبيت
    شوق..كلمتها بس مافيه احد يجيبها
    ام نواف..بروح انا اجيبها وحده منكم تجي معي كلمي قولي لها حمد الي عامل العمليه واكيد بيطوول

    طلعت ام نواف وعبير وجابوا نجلاء الي شاركت الكل حالة الحزن والخوف والتوتر الي عايشينها ..

    وصل سعد وحصل اول شخص نواف وسلم عليه والتفت على جهة فيصل وحصله واقف عند الباب بحالة حزن وشكله كبر عشرين سنه اما محمد كان جالس ورأسه للأرض وحالة تصعب عالواحد ..قرب لفيصل ورفع رأسه فيصل
    سعد..لا اله الا الله
    فيصل..بكل الحزن .. لااله الا الله محمد رسول الله
    سعد..فيصل يااخوي تطمن والي الله كاتبه بيصير
    فيصل ويأشر ..سعد انا بخير روح لمحمد
    التفت سعد على محمد وراح لعنده يهديه وبعدها اتصل بالبنات وطمنهم وظلوا الكل بحالة صمت فيصل بنفس المكان واقف محمد رايح راد والكل بحالة قلق وتوتر ينتظرون موعد الفرج من الرحمن الرحيم

    مرت اللحظات بطيئه عليهم الكل يتمنى هالباب ينفتح الكل خايف الكل ضايع الكل يشوف الموقف قدام عيونه .
    الكل يحس الساعات الي مرت عمر محمد وفيصل الثانيه كانت سنه الدقيقه كانت عمرهم كله كان الدقايق تحرق اعصابهم ينتظرون الامل يرجع من هالباب الي له ست ساعات جامد ولاهو حاس بمشاعر تحترق تتعذب تنتظره ينفتح ...وبلحظه انفتح الباب ..طلع حمد وقف راح له فيصل محمد الكل وقف عنده
    فيصل ويمسكه مع كتفه..حمد تكلم
    حمد وبكل تعب..نجحت العمليه تستاهلون سلامتها
    محمد جلس عالأرض وبسرعه نزل له نواف ولااعطاه فرصه وقال له يروح يبشر امه
    فيصل..حمد شلونها بشوفها
    حمد ويحط يده على كتف فيصل..تطمن تحتاج 24 ساعه بالعنايه المركزه ادعي الله انها تعدي على خير
    فيصل وتوتر اكثر..شلون حمد مو تقول نجحت العمليه
    حمد ..فيصل تطمن صح كانت صعبه لكن الحمد لله نجحت
    فيصل والتفت ومشى عنهم
    فهد..فيصل وين رايح
    سعد اشر لفهد يعني اتركه عرف ان فيصل محتاج يكون لحاله والكل احترم رغبة فيصل

    بغرفة ام فيصل دخل محمد وفزت لدخلته وحضنه وهو يقول نجحت يمه العمليه صاحت ام فيصل وصاح معها محمد مهما كابر مايقدر وهو بحضن امه حس انه ارتاح وارتاح من كل همومه وتعبه وهو بحضنها وحس ان امه تحملت كثير وبدأ يهديها وطلعت معه
    ام فيصل ..حمد حمد يمه بشرني
    حمد باابتسامه..الحمد الله على سلامتها خالتي
    ام فيصل..حمد احلف ان بنتي بخير
    حمد..خالتي ساره بخير وبكرا بتشوفينها لكن الحين صعب العمليه ماهي سهله
    ام فيصل ..ياربي ياقلبي يابنيتي
    حمد؟..هههههههه خالتي الله يعينا عليها بتزعل علينا
    ام فيصل..الله يقومها بالسلامه وتزعل واراضيها تسلم ياولدي والله ماقصرت
    حمد..واجبنا ياخالتي الحين شرايك تروحين ترتاحين وبكرا ترجعين
    ام فيصل..واترك بنيتي
    محمد..يمه معه حق يالله اوصلك ونطمن البنات كلهم حالتهم الله العالم به
    بعد محاولات رجعت ام فيصل مع محمد وكل العيال طلعوا ماعدا سعد الي راح لفيصل وحصله بسيارته
    سعد..فيصل
    رفع فيصل رأسه وانصدم سعد فيصل يصيح...اذكر الله يارجال مافيها شئ الحمد لله
    فيصل ..ست ساعات كانت دهر كانت عمري كله سعد حسيت روحي بتطلع تمنيت امسك يدها اقولها لاتخافين احنا جنبك كلنا تمنيت احضنها واطمنها قبل لاتدخل تمنيت اعطيها قلبي ولاتعيش لحظة الم مااقدر خواتي نور عيوني خواتي هم سعادتي ابتسامتهم هي فرحتي ودمعتهم نار تحرقني سعد اليوم تمنيت اصرخ اصيح اقول للعالم اختي داخل بنتي تعمل عمليه بقلبها الطاهر قلبها البريئ قلبها الصافي تمنيت اجلس عالرض مثل طفل صغير وامي تحضني تمنيت وتمنيت ماقدر ماقدر الا اني اكوون قوي ودي اصرخ
    حط فيصل رأسه وحس سعد ان فيصل تعبان وتركه شوي بعدها حاول انه يهديه والحمد لله قدر ونزل معه عند حمد داخل المستشفى ..

    وصلت ام فيصل للبيت والكل استبلها وبكت وبكوا معها وطمنتهم الكل تعبان وناموا عندهم بالبيت لكن ام فيصل كانت تنتظره ماشافته بالمستشفى ولارجع للبيت طلعت فتحت المكتب ولاحصلته ولابغرفته دخلت على غدير وحصلتها هي والعنود وعبير صاحين ونزلوا معها ..

    ام فيصل..مايصير جواله مغلق وين ولدي ماشفته
    غدير..يمه اصحي محمد اسأله
    ام فيصل..وين نجلاء نايمه
    عبير..ماادري ليه تبين شئ خالتي
    ام فيصل..اتصلي بفهد شوفي
    اتصلت وحصلت جواله مغلق
    ام فيصل..ياربي الكل نايم وين راح
    العنود..غدير اسألي سعد
    ام فيصل..لا اخاف يكون نايم
    غدير..اذا نايم بيقفل جواله بجرب
    اتصلت غدير ورد عليها
    غدير..هلا سعد
    سعد..هلا غدور يسعد لي هالصباح
    غدير واستحت..سعد فيصل معك
    سعد بخيبة امل..شدعوه قلت اشتاقت لي لا فيصل الله يسلمك توني تركته من ساعه بالمستتشفى رفض يرجع وجلس عند ساره
    غدير..ايووه لان امي قلقانه ماقدرت تنام لانه مارجع
    سعد..طيب غدور خالتي عندك
    غدير..ايه
    سعد..هههههههه خساره كنت ناوي استغل الفرصه واسولف سلمي عليها وبكرا لنا كلام ثاني
    غدير باابتسامه..ان شاء الله مع السلامه
    سكرت غدير وطمنت امها الي دخلت غرفتها تنام رغم انها مو مرتاحه ولاقادره تغمض عينها وبنتها بالعنايه

    غدير..ياعمري يافيصل تلاقين حالته بالارض لكذا مارجع للبيت
    عبير..اذا محمد حالته كذا شلون فيصل
    العنود..الله يعينهم اختهم وبعدين ساره غاليه عليهم
    غدير..الله يقومها بالسلامه
    الكل ..آميين

    الساعه ثمان بالمستشفى مر حمد على فيصل وحصل مازال صاحي
    حمد..مانمت
    فيصل..وانت قدرت تنام
    حمد باابتسامه..ماقدرت اطلع من المستشفى
    فيصل..كيفها حمد
    حمد..تطمن فيصل تتوقع اني اكذب صدقني انت تعرف ساره شو تعني لي وتعرف شثر عانيت بهالعمليه لانها لانسانه تعني لي تطمن يااخوي
    فيصل..يعني حمد بتتحسن
    حمد..ان شاء الله
    فيصل..طيب بشوفها بمسك يدها يااخي حرام عليك ارحمني
    حمد..مااقدر فيصل قلت لك روح نام وتعال بالليل ويمكن اخليك تدخل وبعدين لااحد يجي لانها بتصحى عالفجر وبنطلعها لغرفه عاديه فيعني ماله داعي احد يجي
    فيصل ..بروح ابدل قبل مايصحى احد وارجع واعطيهم خبر واذا صار شئ اتصل على جوال محمد جوالي مااعرف وين حطيته
    حمد..اوكي فيصل

    وصل فيصل البيت وحصل امه الي حظنته وبكت وحاول يمزح معها
    فيصل ..يمه ترى ناقصني حنان الله يخليك دمعه زياره مااتحمل اخاف امووت
    ضربته امه..بسم الله عليك
    فيصل..هههههههه الغاليه وين العالم نايمين
    ام فيصل..سلوم راح يلبس مع العنود وغدير واماني بالمطبخ والبنات فوق والباقي بالمجلس
    فيصل وهو يضحك...ملاهي اهم غرفتي فاضيه
    ام فيصل ..الله يطمني على اختك ويفرحني فيك
    فيصل ويضحك..ن شاء الله ابشري لو تبيني اعرس الحين موافق
    ام فيصل مستغربه..صدق موافق
    فيصل..بس بشرط الحين بهالحظه
    ام فيصل..تلعب علي روح غير اشوف
    فيصل ..مايهون علينا زعلك ابشري الغاليه الي تبينه بيصير بس عطينا شوية وقت
    ام فيصل..طيب يالعنيد ولارحت الزينه روح دور لك بنت ثانيه ولابتلاقي وحده مثلها
    فيصل رافع حاجب..راحت الزينه
    ضحكت ام فيصل وهي طالعه..ايه راحت اذا مالحقت عمرك مابتنتظرك
    فيصل بالنهايه عرف ان امه تجره بالكلام..يمممممممه بعدين ترى تعبان واخاف اقول كلام اندم عليه عن اذنك
    اخذ له شور سريع فيصل وطلع وهو مازال يفكر بكلام امه ياترى الزينه الي تقصدها امه هي نفسها الي ببال فيصل ..او الزينه عندها هي الي جمالها ظاهر وشكلها حلو ياترى اذا الزينه الي ببال فيصل والي هي الحلوه الحبوبه الصريحه الواضحه المرأه بكل ماتعني الكلمه له ..ممكن تروح ولمين ظل فيصل يفكر هل امه فعلا هالمره عرفت فيصل من اختار او اخطئت حاول يتوصل لرائي يقنعه ماحصل الى ماوصل المستشفى وطلع حمد بعد وصولها لمدة ساعه ورجع حتى محمد مر على فيصل تطمن على ساره ورفض انه يجلس لازم احد منهم يظل بالبيت ورجع محمد والكل ينتظرون الصباح حتى يشوفون ساره ابتدا من دكتورها حمد وانتهاء بسلوم الصغير ..

    الساعه ثنتين الفجر طلعت ساره من العنايه المركزه لغرفتها وجلس عندها فيصل وحمد
    فيصل ماسك يدها..حمد متى تصحى
    حمد..تصحى شوي وترجع لكن الحين بتبدأ تصحى لكن مو تمام عالصبح ممكن تصحى وتقدر تتكلم شوي
    جلس فيصل مع حمد يسولفون عند ساره وانتبه فيصل لها فتحت عينها وراح لها
    مسك يدها وبكل حنيه..سارونه حبيبتي الحمد الله عالسلامه
    حمد..مابتقدر ترد عليك
    ساره وتناظر حمد وفيصل وبصوت متقطع ومرهق قالت كلمه وحده ورجعت نامت ..يمه
    فيصل..حمد اكيد كل شئ تمام
    حمد..تطمن فيصل بطلع انا اشوف شغلي واذا صار شئ بلغني يالله عن اذنك
    طلع حمد وترك فيصل مع اخته الي ظل يتأملها بحنان الاب وبلهفة الاخ لحد الفجر بعدما بدت ساره تصحى
    ساره..شصار احس اني تعبانه
    فيصل..حبيبتي انتي سويتي عمليه ومع الايام بتتحسنين
    ساره..عمليه امي وينها
    فيصل..لاتخافين انا معك وامي بتوصل بعد ساعتين
    ساره..ابي موويه
    فيصل يفكر..طيب بسال حمد ماقال لي شئ بخصوص الاكل

    وصل حمد لغرفة ساره وتطمن عليها وساره ماكانت بوضع يسمح لها تفكر بأي شئ كان احساسها بالتعب نساها انها بواجه مع حمد ان الي عمل لها العمليه هو الشخص الي تحبه هو الانسان الي تخاف وتتوتر بحضوره ..تطمن حمد وطلع يكمل شغله وبعدها وصلت العائله وبدأ الكل يصيح واولهم ام فيصل وغدير واماني والعنود وسلوم اما فيصل ابتسم وطلع صادفه شوق ومحمد سلم عليها ورجع للبيت ينام لانه مرهق تعبان ..

    المغرب امتلت غرفة ساره كل عماتها وبنات عمها عندها ومرتاحين لانهم تطمنوا عليها ..

    العمه حصه وهي قايمه بتطلع ..يالله ماتشوفون شر ان شاء الله اسمحوا لي بمشي الصبح بسافر لشرقيه
    ام فهد..تو الاجازه ليه ماتجلسون
    ام بدور..لا خلاص عندنا التزامات هناك
    ام نواف..طيب خلي بدور عند البنات
    ام بدور..لا تروح معي بعدين وش يفكني من ابوها يالله مع السلامه

    طلعت بدور وامها بعد ماسلمت بدور على الكل وودعتهم طلعوا للبيت مع سواق ام نواف اما الباقي ظلوا عند ساره لحد الساعه تسع وطلعوا

    ام فيصل ..شوق اتصلي بمحمد يمر يأخذكم
    غدير..يمه انا بجلس مع ساره
    ام فيصل..لا انا الي بجلس مع بنتي وانتم روحوا للبيت
    العنود..ان شاء الله خالتي لاتهتمين
    ام فيصل ..غدير انتبهي للبيت واخوك اكيد بيصحى مو تدخلين لغرفتك وتنسين العالم
    غدير باابتسامه..ليه الفضايح يمه ابشري بعمل له كل الي تبين
    اماني..لاتخافين خالتي فيصل بعيونا
    ام فيصل..تسلمين يابنتي وانتي العنود ناموا مع بعض بالبيت
    شوق باابتسامه ..خالتي اشوف وصيتي الكل الا انا يعني انا حرمه سنعه مايحتاج توصيني
    ام فيصل وهي تضحك..انتي الله يعينك على محمد
    شوق ..والله محمد مافيه مثله
    ام فيصل ..الله يسعدكم يمه يارب
    شوق ..آمين
    اماني..الا صدق ليه نجلاء ماجات معنا
    شوق ..حمد من غيره ماوافق قال روحي بيت خالتي ام فهد
    ام فيصل ..افا ليه
    شوق..مو عن شئ بس يقول حتى فيصل ومحمد يأخذون راحتهم اما فهد وقته معروف واغلبه برا البيت
    ام فيصل ..خليه يجي اوريك فيه
    شوق..هههههههه لاخالتي بعدين يعصب علينا
    ام فيصل ..لا مابيعصب
    وصل محمد وطلعوا البنات معه وظلت ام فيصل مع ساره الي كانت ساكته بصعوبه تتكلم حاولت ام فيصل معها تأكل ماوافقت وبدت تحس انها تتعب وطلبت حمد ودخل عندهم
    ام فيصل..هلا يمه حمد
    حمد..هلا خالتي شلونكم بشروني
    ام فيصل..حمد ساره ماكلت شئ ولاتتكلم
    حمد وقرب عند ساره..ساره تحسين بشئ
    ساره وتأشر على قلبها ..
    حمد..ساره تكلمي لو بصوت واطي الالم كيف اذا اكلتي او تكلمتي
    ساره ..اذا تحركت
    حمد..لا ان شاء الله يوم بالكثير يومين ويخف هذا كله بسبب العمليه بس لازم تأكلين وتتكلمين حتى لو فيه صعوبه اول شئ
    ام فيصل..طيب يمه مايصير تجلس
    حمد..يصير خالتي بس بعنايه وهدوء يالله ساره
    مسك يدها وحاول يسندها مع الممرضه وجلست
    ام فيصل ..متى بتطلع
    حمد..والله ياخاله لازم اقل شئ اسبوع اذا ماكان اكثر
    ام فيصل ..الله يسهل المهم انها تصير بخير
    حمد باابتسامه..خالتي مافيها الا العافيه بس تتدلع عليكم
    ابتسمت ساره وام فيصل واستأذن حمد وطلع وهو مبسوط لاسباب كثيره اهمها ابتسامة ساره ..الي عوضته عن التعب الي حس فيه ..

    في بيت ام فهد كانت نجلاء تساعد البنات بتجميع باقي اغراضهم لانهم بينتقلون بهاليومين للبيت الجديد ..مجموعة صناديق وشنط وعلب واشياء كثيره كانت مجموعه بالمجلس لكن نجلاء لفت انتباهها علبه داخل صندوق هالعلبه كانت مفتوحه من غير احساس امتدت يدها وطلعت الدفتروهي تعرف انه من اغراض فهد وانفتح على صفحه بداخلها كرت انصدمت لما شافت الكرت هذا كرت الهديه الي ارسلتها له ورجعها كانت بتسكر الدفتر لكن ماقدرت الا بعد ماقرت الرساله المكتوبه امامها انصدمت ..خافت ..كان ودها تعترض ..تصرخ ..ترجع لبيتهم ..ترتمي بحضن دافي يضمها لكن لا نجلاء انتي لازم ماتكوني ضعيفه هاللكلمه وصلت لقلبها قبل عقلها قفلت الدفتر وطلعت حاولت تتصنع لكن بالنهايه ماقدر استأذنت وقالت انها مصدعه وبتنام بفراشها بكت من غير صوت بكت بدموع كان ممكن تدمرها لو ماقاومتها ظلت تدعي الله يطلع الصبح وترجع بيتهم من غير ماتشوفه والله حقق لها املها ورجعت للبيت من غير ماتشوفه اول ماوصلت دخلت غرفتها وبدت تصيح بشكل هستيري بشكل يقطع القلب ويصعب عالواحد حاولت تسكت ماقدرت لكن سبحان الله ربي دلها على الحل بنظره سريعه على المصحف تعوذت من الشيطان وتوضت وقرت قرآن وبدت تهدا شوي شوي..وان كانت دموعها بدت تنزل من غير استأذان وبأي وقت ..






  3. #33
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    اما في بيت ام فيصل البنات بعد مارجعوا من المستشفى جلسوا مع بعض وكان معهم محمد
    محمد..خلاص عاد افردوها ساره طيبه مافيها الا العافيه
    شوق ..والله كسرت خاطري شكلها تعبان
    محمد وهم مبتسم..بس هي وانا ماكسرت خاطرك حني علي بشاي بعصير أي شئ
    شوق..ههههههههههه محمد مو وقته انت شرايك تحن علينا وتجيب لنا عشاء من برا
    محمد ويناظر شوق ..تعرفين ايش المشكله
    شوق بحماس..ايش
    محمد..اني مااقدر اقول لا لك مااقدر
    غدير بصوت عالي..انتم بس موجودين احنا
    محمد...ههههههههههههه مقصوده حبيبتي عشان تنتبهون لنا
    اماني..بروح اصحي فيصل ونتعشى مع بعض
    العنود..يالله سلوم نروح نبدل
    سلوم..ونرجع هنا
    العنود..طيب
    شوق..العنود ارجعي مو بس سلوم
    سكتت العنود وطلعت وطلب محمد لهم اكل ونزل فيصل ورجعت العنود والكل كان موجود ..
    فيصل..السلام عليكم
    الكل..وعليكم السلام
    فيصل..شلون ساره
    محمد..تطمن كل شئ اوكي كلمت حمد قبل مانرجع وقال الى الان تمام الوضع
    فيصل..غدور ابي قهوه
    غدير..هههههههههههه لا امي قالت لاتعملون له قهوه اول مايصحى
    فيصل باابتسامه..طيب عصير
    محمد..شوي ويوصل العشاء
    فيصل..لا مااشتهي بشوف شوية اشغال وبطلع للمستشفى
    سلوم..بروح معك فيصل
    فيصل..لاحبيبي مايصلح انت صغير لازم تنام بدري
    سلوم..طيب بكرا بروح معك
    فيصل..طيب حبيبي
    اماني..فيصل تسجيلي بكرا بروح انا مع السواق واخذ الشغاله معي
    فيصل ويفكر..ماتروح معك غدير او العنود
    اماني..لا ماله داعي يصحون من الصباح بعدين كل البنات بيكونون موجودين هناك
    فيصل باابتسامه ..امووون انا بوديك اوكي
    اماني..طيب بس مو تعب عليك
    فيصل..تعبكم راحه
    غدير..عادي فيصل انا اروح معها
    فيصل..لا خلاص اصلا الصباح ماعندي شغل الشيخ مستلم الشركه
    محمد..شرايك انا اوديها وانت تروح الشركه
    فيصل..لا انا بروح للجامعه تصدق من زمان مارحت لها
    محمد..هههههههههههههه ايوه اطلع على حقيقتك
    فيصل..لاتفهمني خطأ يعني الواحد يروح يشوف له بنت الحلال
    غدير..وبنت الحلال بتشوفها من فوق عباتها
    فيصل..هههههههههههه اقول اشوفكم اخذتوا الموضوع جد بنت الحلال الله يستر عليها الا صدق عمتي اتصلت علي
    وانا نايم لاتقول انها سافرت
    محمد..الله وليه هالاهتمام بكرا سفرها
    فيصل..كويس متى
    محمد..الصباح
    فيصل ..افاا الظاهر اموون بتروحين مع السواق لان عندي موضوع مع عمتي قبل ماتسافر
    غدير..خلينا من عمتي الحين مين بنت الحلال
    فيصل.. مشاء الله مانسيتي كل شئ بوقته حلوو غدور ان شاء الله ازوجك واتزوج بعدك
    اماني..صدق فيصل
    فيصل..عاد اذا وافقت بنت الحلال
    غدير..وليه ماتوافق انت كل البنات يتمنونك
    فيصل باابتسامه..بس هي غير كل البنات
    محمد..ههههههههههههه فيصل الظاهر مازلت نايم اخووي من هالشيخه الي خلت اخوي شاعر
    فيصل..اقول بدخل مكتبي اشوف شغلي وكأس عصير تحملونا لحد ماتوافق بنت الحلال
    دخل المكتب وترك الكل بحيره من كلامه وحتى اخوه محمد الي استغرب من كلامه اما العنود كلامه ذبحها لكنها سكتت وعملت نفسها مو متأثره رغم انها تتعذب وتنطعن بداخلها ..

    خلود دخلت تنام اما عبير مسكت الملفات وظلت تسأل نفسها ياترى ياعبير اخطيتي لما وافقتي تشتغلي معه..؟؟ ياترى اخترتي لعذاب لنفسك لقربك منه..؟؟ ياترى هالملفات هي الي بتقربك من حلم سنين طوال..؟؟ حاولت تتوصل لاجابه لكن ماحصلت وفضلت انها تبدأ بالشغل ولاتضيع الوقت بحلم او توقعاتك يمكن تكون مستحيله ..


    بالمستشفى كانت لحظة وصول فيصل فرحه لقلب امه ولقلب ساره الي ابتسمت له وسلم عليها ولاخلا كلمه حلوه ماقالها لها ..
    ام فيصل..خلاص يمه هي دلوعه يكفي
    فيصل ويمسح على رأس ساره..هالزين يستاهل الدلع
    ام فيصل..طيب اذا انا نقدر ندلعها ولد الناس بيقدر بكرا على دلعها
    فيصل باابتسامه..بيقدر وانا متأكد
    ام فيصل ..وشسالفه ليه واثق من كلامك
    فيصل..هههههههههه يمه ماادري من صحيت وانا اقول كلام مااعرف ايش هو خليني اسكت
    ام فيصل..الحين ماتقول لي متى بتعقل وتعرس
    ساره..اذا طلعت صح
    فيصل باابتسامه..يمه بعرس ارتاحي بس اذا ماطلعت مثل ماتوقعت بتزوج ثانيه عليها
    ام فيصل..بعد هذا الي ناقص تتزوج على الشيخه
    ساره..من هي
    ام فيصل..من هي يعني
    فيصل وخاف من ثقة امه..يمه لاتقولين اذا قررت انا بقول
    ساره..يعني تخبون عني
    فيصل..ساره حبيبتي امي ببالها وحده وأنا شبه مـتأكد انها مو الي انا ابيها لكذا ماابي تقول اسمها
    ام فيصل بصوت حاد
    ..طيب الظاهر حمد وصل تغطت ام فيصل ودخل حمد معه الممرضه
    حمد..السلام عليكم
    فيصل..هلا وعليكم السلام هابشرنا دكتور
    حمد..مشاء الله الظاهر مروق اليوم
    فيصل..صح واضح لهالدرجه
    حمد..تقريبا
    فيصل..كيف سارونه
    حمد ويلتفت لها..الحمد لله تمام بس لازم تأكل
    فيصل ..وغيره
    حمد..وتبتسم وترتاح وتبطل خوف
    فيصل..هههههههه هذي صعبه
    حمد..افا
    ام فيصل..حمد يمه مايصلح تطلع للبيت
    حمد..لازم لمدة اسبوع نتأكد من وضعها كل ثلاث ساعات
    فيصل..خلاص تعال لنا كل ثلاث ساعات
    حمد يناظر فيصل بطرف عينه..طيب
    فيصل..هههههههه النفس مو تمام خير ياولد العم
    حمد سلامتك
    فيصل..اذا خلصت شغلك اتصل علي
    حمد..اوكي تأمرين شئ خالتي
    ام فيصل..سلامتك ياولدي

    مر اليوم بطئ على ساره ونجلاء الي الاولى المرض اتعبها والثانيه لحزن دمرها ..وعلى الباقي اليوم كان ممل كئيب مافيه احساس ..بالليل وصل محمد ولاحصل غير شوق بالصاله
    محمد..مساء الخيرات
    شوق باابتسامه..هلا والله مساء الورد
    محمد ويجلس جنبها..وين الشعب
    شوق..عند العنود بالبيت الثاني
    محمد..شوق شرايك نطلع نغير جوو احس اني مخنوق
    شوق..والبنات
    محمد...قولي لهم يالله بطلع ابدل اوكي
    شوق ..اوكي
    طلع محمد واتصلت شوق بالبنات ورفضوا وطلعت لحالها مع محمد حاولوا يغيرون شوي عن جوو الحزن الي يمر فيه البيت ..

    ببيت ام فهد خلود وعبير كانوا جالسات يسولفون ..
    خلود..وبعدين معك
    عبير وتتنهد..خلود ماابي لاتحاولين زواج مابتزوج افهموا
    خلود..على امل ان نواف يحس يعني
    عبير..خلود افهميني مااقدر لو هو متزوج يمكن افقد الامل الحين لا
    خلود..عبير انا فاهمتك واعرف انك تحبينه بس الى متى ناس كفوا ولاينردون رديتيهم ماتخافين يسألك فهد بيوم ليه هالرفض
    عبير..خلوود والي يرحم والديك فكينا تعالي خلينا ندخل النت
    خلود..طيب بس بشرط نسولف مع نجلاء
    عبير..لا واذا نواف كان فاتح ايميله
    خلود..وانتي خبله ليه ماعملتي له حظر عشان ترتاحين
    عبير باابتسامه..مايطاوعني قلبي
    خلود..واحنا شو رجعنا وراء غير قلوبنا امشي نشوف وحظنا
    عبير..طيب اذا كان موجود انتي كلميه مو انا
    خلود طيب يالله
    دخلت خلود وعبير وحصلوا نجلاء وبدت السوالف ولا حسوا الا ..## نــــــواف ## قام بتسجيل الدخول ..عبير قامت بتروح من الخوف وخلود ارتبكت بس جلست تكلم نجلاء لحد ماسلم نواف
    ## نواف ## ..السلام عليكم
    عبوره ..وعليكم السلام
    ## نواف ## ..كيف الحال بنت العم
    عبوره..بخير الحمد لله
    ## نواف ## ..مابزعجك بس قلت اسلم
    عبوره..الله يسلمك

    عبير ..خلود ليه ماقلتي انك خلود
    خلود..خلاص عبير ماصار شئ سكت سلم وانتهى الموضوع
    نجلاء طلعت واتصلت عليهم وردت عليها عبير
    نجلاء..موجود الى الحين
    عبير..ايه
    نجلاء..عبير فهد عطاني كف لما رد الهديه اذا تبين نصيحتي استأذني واطلعي بكرامتك

    وفعلا استأذنت وطلعت بهدوء وناموا بعدها ونجلاء بحالة حزن وعبير بحالة خوف من مستقبل مجهول وارتياح لأحساس لحظه عابر..
    اما في بيت ام نواف كان سلطان وصقر وامهم جالسين ..

    ام صقر..صقر يمه ان شاء الله اذا طلعت بنت عمك بالسلامه شرأيك نخطب لك
    سلطان..مشاء الله ام المعرس
    صقر..لا يمه اجلي الموضوع
    ام صقر..ليه والله ساره بنت حلوه وان شاء الله انها طيبه
    صقر وبسرعه..لا يمه ساره ماتصلح لي
    ام صقر..اجل مافيه الا خلود
    سلطان..احم احم
    صقر يناظره ويبتسم..هذي نفكر فيها
    سلطان وساكت يناظر اخوه الي شوي وماقدر وضحك بصوت عالي ورمى عليه سلطان المخده
    ام صقر..وجع يوجع عدوك انت وياه شفيكم
    صقر..ابد الغاليه الظاهر ان الشيخ يبي بنت العم
    ام صقر ومستغربه تناظر سلطان..تبي خلود
    سلطان ومتردد ..ليه ماتناسبني
    ام صقر..سلطان ليه بتتزوجها
    سلطان..بصراحه انامااحس اني متهيء لزواج بس بنت عمي وببالي ودي تكون زوجتي
    ام صقر وعصبت..خل عنا الكلام الفاضي بنات اخوي ماهم لعبه اذا قدرت تتزوج وتفتح بيت ووقتها هي مانخطبت يصير خير
    سلطان وعصب ..يمه ارجوك
    ام صقر وبصوت حاد..خلاص انتهينا من الموضوع ولاابي احد يعرف فيه
    طلعت ام صقر وطلع سلطان معصب من البيت للمطار وسافر عالجبيل وهالوضع اتعب صقر كثير وقرر انه يكلم امه لما تهدأ الامور اما سلطان وكل امره لدلال اخته لانه مايرد عليه ..

    مر يومين عالموضوع وسلطان مازال قافل جواله ولايرد عليهم وامه تطمنت لما كلمت دلال وعرفت انه قطع اجازته ورجع يكمل شغله ..اما صقر بعد ماحس ان امه هدت بعد الي صار فاتحها بالموضوع
    صقر..الغاليه طالبك لاتعصبين علي
    ام صقر باابتسامه..يالله سمعنا وش عندك
    صقر..سلطان ليه ماتبين تخطبين له خلود
    ام صقر وتتنهد..لان بنات الناس ماهو لعبه عند اخوك
    صقر مستغرب..ومن قال ان سلطان يلعب
    ام صقر..أنا ماشفته شلون يتكلم وبعدين مااحد بالدنيا يعرف عيالي مثلي اخوك بيتزوج خلود عشان يفرض كلامه عليها لانه ماقدر سلطان طيب صح بس انه عصبي ولايحب احد يعانده وخلود ماقصرت معه تعطيه الكلمه بوجهه
    صقر..هههههههههههه طيب يمكن يبيها وعاجبته
    ام صقر..خلي الحين واذا رجع بعد فتره فتح الموضوع يصير خير بس الحين لا
    صقر..الغاليه الزم ماعلينا انتي وسعي صدر وكل شئ بينحل
    ام صقر..ان شاء الله الا سمعت ان ساره طلعت اليوم ابيك توديني لهم لاني خلاص برجع لدمام وبشوفها
    صقر..ماغيرتي رأيك يمه تعالي معي للخرج
    ام صقر..يمه انت بشغلك وش اسي بالخرج انا
    صقر..يالله هانت ان شاء الله يطلع النقل وتجون عندي بالرياض
    ام صقر ..ان شاء الله ربك كريم

    بمجلس نواف كان حمد وشكله عايش بعالم ثاني وكأن هموم الدنيا على رأسه
    نواف..حمد يعني الى متى بتظل ساكت قول شفيك
    حمد ..نجلاء اختي
    نواف..شفيها
    حمد..ماادري حالة حزن غريبه وكل ماادخل تمسح دموعها حاولت افهم تقول مافيني شئ حتى شوق قلت لها تكلمها تقول ماقدرت تفهم شئ ابداً منها
    نواف..طيب خليها تروح عند ام فهد او ام فيصل عند البنات تغير
    حمد..قلت لها ماوافقت ويالله اقنعتها تروح تشوف ساره
    نواف..يااخوي هونها وتهون وان شاء الله كل شئ بينحل برحمة ربك
    حمد..ياارب انا بطلع نواف بمر فهد وبعدين بروح لدوام
    نواف..طيب ياليت توصل معك هالملفات لهم
    حمد ويغمز لنواف..للحين تشتغل معك اختصر المسافات
    نواف وعاقد حواجبه..مافهمت شتقصد
    حمد..لاتلف وتدور انت فاهم
    نواف..فاهم ولاابي اتزوج يالله الله معك
    طلع حمد ونواف ابتسم لكلام حمد وطلع غرفته يرتاح

    رجعت ساره للبيت والكل انبسط وارتاح كانت تعبانه لكن رجعتها للبيت غيرته رجعت البسمه والسعاده له الكل كان فرحان واجتمعوا العصر ببيت ام فيصل وبدت السهره عند البنات لكن شوق كانت عينها على نجلاء الي تبتسم من غير نفس ولااحساس وكأنها تبدلت وصارت انسانه ثانيه كأن البسمه انذبحت داخلها وحالتها معلنه الحداد عليها هاله من الحزن سيطرت على ملامحها ..وضيقت خلق اختها الي اخذتها وطلعت لغرفتها
    شوق ..نجلاء حرام عليك تكلمي
    نجلاء ..مافيني شئ حرام عليكم
    شوق بتردد ..حتى لما رجع فهد الهديه ماعملتي كذا
    نجلاء غمضت عيونها وسكتت شوي وقالت..شوق مافيني شئ ارجوك لاتخليني مااجي هنا ثانيه
    شوق..خلاص براحتك بس الي باعك بيعه مو انتي دائما تقولين كذا
    نجلاء باابتسامه..طيب يالله نرجع للبناات
    رجعت نجلاء وشوق لكن حالة الحزن بانت للكل واولهم ام فيصل الي سألت شوق وطلبت من نجلاء تنام عندهم لكنها رفضت حتى مع اصرار ام فيصل ..
    بالليل ودعتهم العمه لطيفه بدموعها لانها مسافره لدمام والكل طلع والعنود اخذت سلوم وراحت واماني دخلت الغرفه مع ساره ولاظل غير محمد وشوق وغدير وفيصل وامه ..
    محمد..فيصل وينك اليوم ماحصلتك بالشركه
    فيصل..كان عندي مشوار ضروري
    ام فيصل..الا تعال ماقلت لي متى بخطب لك
    الكل استغرب والتفتت غدير على فيصل وبصوت عالي..بتتزوج اخيرا
    محمد..مبرررررروك
    شوق..مبروك فيصل
    فيصل..هههههههههههه الله يبارك فيكم بس للحين ماعطينا الموافقه يالغاليه
    ام فيصل..اعرفك موافق صح
    ابتسم فيصل لامه وغدير قالت..من العروس اهم شئ
    سكت فيصل وناظر امه الي ماتكلمت واحرجته
    محمد..شفيكم سر يعني
    ام فيصل..مابتقول منهي العروس يافيصل
    فيصل باابتسامه..لا انتي يالغاليه قولي لي من البنت الي تقصدينها وانا موافق
    ام فيصل..اخاف ماتعجبك
    غدير..ومن مايعجبه اختيار ام فيصل
    ام فيصل تبتسم..بقول بس كيفك اذا مو موافق قول
    فيصل ..ان شاء الله
    ام فيصل ..العنود
    الكل التفت على فيصل يشوفون ردت فعله ....؟؟؟؟








  4. #34
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء الرابع والعشرون ........


    الكل التقت على فيصل يشوفون ردت فعله ..
    فيصل لما قالت امه اسم العنود ماقدر يرفع عينه ظل منزل رأسه ومر امامه مواقف كثيره ايتدت من اول مره شافها لما دخلت على ابوه وهي متوشحه بالسواد ولاواضح منها شئ الى ضحكة سلمان لما حضنها وهو طالع من المدرسه مرورا بلقاءه معها بالبيت الي كان العقل والثقل سيد الموقف منها وتوقف عند اللحظه الصدفه الي خلته يشوف عيونها وغيرها من مسلسل المواقف الي ماانتهت لكن لما تذكر موقف احمد والي صار بالطايف وكيف فسر الموقف على كيفه وبعدها فسر مشاعره رفع رأسه وعينه بعين امه الي كانت مقابله له ..
    ابتسم وهز برأسه وضحكت غدير وقامت جلست جنبه والكل بارك لفيصل
    ام فيصل ..فيصل مقتنع
    فيصل باابتسامه..مقتنع ياام فيصل
    غدير وهي طالعه..بروح ابشر البنات
    طلعت غدير وشوق وام فيصل استأذنت ولاظل غير فيصل ومحمد الي عينه على فيصل
    فيصل مستغرب ..شفيك..؟؟
    محمد يبتسم..نتكلم بصراحه
    فيصل ..تفضل
    محمد..مابقول لك شئ الا كلمه وحده الفتره الي سكنت العنود معنا مااعتبرتها الا مثل غدير فياليت تكون مقتنع بقرارك
    فيصل مستغرب..شتقصد..؟؟
    محمد..انت عارف قصدي فيصل
    فيصل ..تطمن محمد لاتشيل هم وتأكد قراري مقتنع فيه 100% المهم بطلع للمجلس سعد بيوصل من بلغته عن موافقتي وهو طالع وقال جاي ولاشفته للحين
    محمد ..بالتوفيق اخوي الله يسعدك
    فيصل..وياك يارب

    طلعت غدير وشوق ودخلوا عالبنات بغرفة ساره
    غدير..بنات عندي لكم خبر حلووووو
    اماني..يالله خلينا نفرح
    غدير..فيصل بيتزوج..
    ساره..احلفي قال منهي البنت
    شوق..ماتتوقعون ابدا
    اماني..لاتقولين بدور
    غدير..ههههههههههههههههه فاتك امي كانت بتعملها بفيصل لكنها قررت تقول له اسم العروس مباشره
    ساره..شلون مافهمت
    غدير..يالشاطره امي فاهمه فيصل وعارفه ان فيه وحده بباله لكنها حبت انه هو الي يقول اسمها فاابتدت تلمح له على وحده غير مافيها من صفات البنت الي يبي وهو خااف لكن اليوم قالت بقول الاسم واذا ماعجبك لاتوافق
    شوق..والله انا رحمته شكله كان خايف انها ماتكون هي وبعدين يرد خالتي
    اماني..يوووووووووه طفشتونا قولوا من البنت
    غدير..العنود
    جلست ساره وسكتت اماني وابتسمت غدير وشوق
    غدير..عاادي مثلنا لما قالت الاسم امي ماتوقعت بيوافق
    شوق..لكن الفرحه كانت بعيونه واضحه
    اماني مبسوطه..والعنود عرفت
    شوق..لا راحت لها خالتي الحين
    ساره..خساره كان ودي اشوفها وهي تقول لها
    شوق ..احم انا اقول بتوافق لانها تحبه
    غدير..وانا بعد العنود بارعه بمدارات مشاعرها لكن ماهي قادره تسيطر على خوفها على فيصل وهالشئ فضحها
    اماني..الله ياليت توافق
    ساره..ان شاء الله
    شوق..يالله بروح لنجلاء تامروني على شئ
    غدير..سلمي عليها وقولي لها تمرنا من زماان ماشفناها تغيرت كثير
    شوق وتتنهد..اه عليك يانجلاء الله يهديها يالله مع السلامه

    بالشرقيه وصلت ام صقر وكانت دلال وامل بناتها باانتظارها وبعد السلام والدموع اجتمعوا يسولفون عن الايام الي قضوها بعيد عن بعض..
    امل..يمه شلونهم البنات
    ام صقر ..طيبين ماعليهم
    دلال ..وساره شلونها
    ام صقر..ان شاء الله انها احسن
    دلال ..الله يعافيها يارب هالغاليه بشرينا لقيتي عروسه لصقر
    ام صقر ..لقيت بس ماوافق الله يهديه
    امل بحماس..مين
    ام صقر..يعني ماقال لكم سلطان لقيت له ساره بس قال ماتنفع لي وخلود ولاوافق
    دلال ..يايمه الله يطول بعمرك شلون تخطبين له خلود واخوه يبيها
    ام صقر..وانا وشو عرفني انه يبيها الا بعد ماقلت وبعدين اخوك ماهو كفوا زواج تعلميني فيه
    دلال ..لا يمه كان متضايق حيل يمكن صادق
    ام صقر ..يمكن الله يهديه وينه ماجاء يسلم علي والا زعلان
    امل..لا يمه عنده شغل وقال سلموا على امي والمغرب بيكون موجود
    ام صقر..الله يوفقه يارب

    بالرياض وتحديدا عند العنود كانت ام فيصل تسولف معها والعنود مو حاسه بشئ لان ام فيصل دائما تسولف معها
    ام فيصل..اقول العنود
    العنود..سمي ياخالتي
    ام فيصل باابتسامه صادقه..جايك خطاب
    العنود مستغربه..لي انا
    ام فيصل..ايه لك زين وعقل ولاتبين احد يتقدم لك
    العنود مبتسمه..تسلمين ياخالتي
    ام فيصل ..ماسألتي مين
    العنود..خالتي انا ماابي اتزوج
    ام فيصل انصدمت..ليه
    العنود مرتبكه ..لان ....يعني خالتي ماابي تفهمين قصدي خطأ بس سلوم واماني
    ام فيصل باابتسامه..العنود بنتظرين سلوم لين يكبر يعني يابنتي انا بقول لك من المتقدم لك وانتي اعتبريني مثل امك لان الله العالم انك مثل بنتي
    العنود ساكته ولاهي قادره ترد على ام فيصل الي كملت كلامها
    ام فيصل..وبعدين بخصوص سلوم واماني بعيونا بس لين تروحين لشهر العسل وترجعين لانهم بيكونون معك
    العنود مستغربه...شلون مافهمت
    ام فيصل ومن غير ابتسامه حتى متأثر على العنود او تحجرحها..المتقدم لك فيصل ولدي
    لحظه صمت ماقدرت العنود تستوعب الي قالته ام فيصل معقوله فيصل يتقدم لها ليه الحين وكيف ومتى قرر
    ام فيصل ومسكت يد العنود..انا بطلع واخليك فكري على راحتك ولاتستحين منا حتى لو رفضتي بتظلين بنتي واخت لفيصل
    طلعت ام فيصل وتركت العنود الي طلعت لغرفتها وقفلت الباب عليها ..

    بالمجلس كان فيصل سرحان ينتظر سعد وتفكيره كله عند العنود وشو موقفها هل بتوافق او كيف بيكون موقفه لو رفضت
    سعد..ههههههههههههههه هذا وانت توك بأول الطريق الله العالم وين وصلت
    ابتسم فيصل..اقول تعال اول سلم وبارك لي لاني وافقت
    سعد ويغمز له..بس هي ماوافقت توها
    فيصل...اقول خلي عنا التشاؤم وتعال
    سعد..فيصل انا اعرفك مااعطيت موافقه الا انك فكرت كويس وتأكدت انك مقتنع صح
    فيصل..صح
    سعد..حلو طيب اختيارك للعنود ليه..؟؟
    فيصل..بصراحه حسيت انها مناسبه لي
    سعد..ماتعودت على هالمدارت منك
    فيصل..لا مو مدارات لكن انت تعرف اني صادفتها مره عجبتني هذا اولا وثانيا اخلاقها كويسه واهلي يحبونها وتحبهم وثالثا سلوم وهذا مهم عندي
    سعد..طيب مانقدر نقول رابعا مشاعرك تجاهها كيف
    فيصل باابتسامه..شوف اكون كذاب اذا قلت احبها لكن الي اعرفه اني اميل لها يعني احساس الراحه تجاهها
    سعد..حلو وهذا المهم يعني نقول ان شاء الله انك بتسعد بنت الناس
    فيصل..ههههههه الظاهر انا مو هام احد الكل يوصي عليها قول ان شاء الله هي تسعدني
    سعد..اقول يالواثق اول خلها توافق بعدين تكلم
    فيصل..احم بتوافق
    سعد..الله الشيخ واثق من نفسه
    فيصل ..الا ماقلت لي شرايك بالبيت الي شفته

    اما العنود كانت بعالم ثاني لاهي حاسه بأشئ من الي حولها ولا لاحظت غدير الي ميته من الضحك عليها
    غدير وهي تضحك..خلاص حرام
    العنود يدها على قلبها..غديروه متى بتعقلين
    غدير..عيب احترميني لسببين اولا اني بكون حرم سعد يعني امرأه متزوجه وثانيا والاهم اني بكون عمة عيالك
    استحت العنود وضحكت غدير ودخلت عندها
    غدير..شرايك ..؟؟
    العنود ساكته لدقايق بعدين رفعت راسها..غدير بسألك بامانه فيصل اختارني او انتم قلتوا
    قالت غدير كل الي صار للعنود الي ردت عليها..مااقدر اقول اني مو مبسوطه وبعد مااقدر اقول اني خايفه
    غدير مستغربه..اول شئ ليه الخوف ..؟؟
    العنود..غدير انتي حسبة اختي ولاراح اقول انك اخت فيصل لا لاني اثق فيك غدير فيصل تعامله مع الكل يخوفني منه لاتقولين شلون لاني مااعرف احساس اني خايفه وبس
    غدير..العنود المفروض العكس فيصل كل الي عمله المفروض يحسسك بالامان من اول مارفض انكم تكونوا لحالكم الى رجعته من الطايف
    العنود..لا مو كذا غدير صعب تفهميني انا عشت حياة صعبه مااقول لك اني حلمت مثل اي بنت اني بكبر وبتزوج يمكن هذا اخر شئ كنت افكر فيه لكن بالفتره الاخيره ابتديت افكر خصوصا لما وثقت ان سلوم واماني بين اخوانهم لكذا حسيتها بتكون صدمة عمري اذا كان الشخص الي بتزوجه مو مثل مااتوقع او اتمنى
    غدير باابتسامه..العنود فيصل انسان يراعي الله بكل اموره لاتخافين ان شاء الله بيسعدك الحين قولي لي فرحانه انه خطبك يعني ايش وانتي تقولين مايعني لك قبل ..؟؟
    العنود مبتسمه..لا مااقدر اقول انه مايعني لي لا بلحظه اعترفت لنفسي اني ........احبه لكن بعد الاعتراف حاولت ابدأ انسى او افقد الامل بهالحب لاني توقعته يميل لبدور
    غدير..الكل توقع كذا حتى امي عشان كذا استخدمت هالاسلوب معه كانت تتمنى انه ينطق هو بالاسم لكن ماقدرت وقالت هي اسمك لانها على قولها تعرف ولدها وتعرف من يميل له لكن شكت وحبت تتأكد
    العنود..انا بفكر اكثر
    غدير ..هههههههه قصدك تتغلين اكثر
    العنود مبتسمه..ليه لا والا مايليق علينا
    غدير..يليق ونص ولك مني مااقول شئ ولااعلق واقول تفكر خليه يحس شوي يالله نروح بيتنا
    العنود..لا ياشيخه الحين توه خاطبني واروح
    غدير..هههههههههه لا صعبه كذا اجل قولي وافقت
    العنود..لا انتم خليكم
    غدير..اوكي بكلم ساره اخليها تجي تغير جو عن البيت


    ببيت حمد كانت نجلاء جالسه وهي ساكته وشوق تحاول معها وتحاول
    شوق..نجلاء حرام عليك
    نجلاء تحاول تبتسم..شوق خلاص مافيني شئ
    شوق..طيب عندي لك خبر مااحد عرف فيه الا محمد
    نجلاء وتبتسم..لا تقولين حاامل
    هزت شوق راسها وحضنتها اختها على دخلت حمد
    حمد..خير ان شاء الله
    نجلاء بسعاده..شوق حامل بارك لها
    استحت شوق وسلم عليها حمد وبارك لها
    حمد..الله الله بعمرك تبي بنت حلوه مثل امها
    نجلاء ..بس امها
    حمد ..ولايهمك وخالتها
    نجلاء مازالت مبتسمهز.بس خالتها
    حمد وهو يضحك..وخالها
    غمرت له نجلاء وضحك حمد....لا وعمتها بعد
    شوق وتناظر حمد ونجلاء مستغربه
    نجلاء..انت فضحت عمرك
    شوق..والله اسرار علي ياحمد
    حمد..لا الغاليه مو اسرار لكن قلت اجل الموضوع شوي
    شوق مبسوطه..طيب قول شو الموضوع
    حمد..انا بخطب ساره
    انصدمت شوق وسكتت واستغرب حمد ونجلاء
    نجلاء..شفيك شوق
    شوق وتناظر حمد..اقول الصدق
    حمد ورافع حاجبه..ايه
    شوق..ساره رافضه الزواج تقول انها مريضه ولاتقدر ولابتظلم احد معها
    نجلاء..شو هالكلام بس عشانها طالعه من العمليه الحين
    شوق..لا كانت تحكي بشكل جدي وبقوه اول مره اشوفها بساره
    حمد قام..عن اذنكم
    طلع حمد لغرفته وظلت شوق ونجلاء يتكلمون بالموضوع لحد ماوصل محمد ورجعت شوق ومحمد يبشرون ام فيصل ..

    بالشرقيه وببيت ام صقر دخل سلطان ووقف وراء امه وهي ماحست عليه
    سلطان..نورت الشرقيه يالغاليه
    التفت امه ولاضحكت وقرب منها وحضنها وحب راسها وتأسف..خلاص الغاليه يهون عليك سلطان
    ام صقر..وانا اهون عليك تروح وتقفل جوالك ولاتطمني عليك
    سلطان يبتسم..يمه قلبي كسرتي بخاطري
    ام صقر تدفه وهي تضحك..روح انت وقلبك ماعندك سالفه
    سلطان..يمه احبها
    ام صقر..انت ماتستحي على وجهك
    سلطان..ماقلت شئ اقول الصدق
    ام صقر..وخر خلني اروح اصلي ابرك
    سلطان ويضحك..يمه اذا كلمتي سلمي عليها كثير
    طلعت امه تصلي وهو يضحك ومبسوط لانه يعرف مهما عصبت امه بتوافق بالاخير

    وصل محمد وشوق ولاحصلوا الا ام فيصل الي بدت تصيح وهي تحضن شوق ومحمد بعد ماعرفت بالخبر
    ام فيصل تتوعد محمد..ان سمعت انك مزعلها ياويلك مني
    محمد ..وانا اقدر
    ام فيصل ..الله يسعدكم يارب ويوفقكم
    محمد وشوق..آمين

    طلعت ام فيصل ترتاح بغرفتها وتركت محمد وشوق بالصاله وبعدها طلعوا لغرفتهم










  5. #35
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    خلود كانت تتصفح مجله وعبير مشغوله بالنت تضبط الشغل وصلت لها رساله عالبريد فتحتها وهي منسجمه مع الشغل لكنها وقفت وبدت تقرا
    " السلام عليكم ورحمة الله وبركاته

    ارجوا ارسال ملف الصادرات ...............................
    شكرا
    نواف

    استغربت عبير كيف نواف موجود عالنت ولادخل والا ليه استخدم هالاسلوب العاده اذا موجود بس يقول السلام ويطلب الشغل لكن هالمره غير طنشت الموضوع وبدت تكمل الشغل

    اما نواف كان مشغول وعنده عيال خاله ولاقدر يفتح الماسنجر لكنه محتاج الملف وبعد ماطلعوا دخلت امه عليه المكتب
    ام نواف..بكلمك اجلس
    نواف..افا الغاليه شفيك
    ام نواف..سكر هالكمبيوتر واسمعني
    نواف..تأمرين سمي الغاليه
    ام نواف...عبير انخطبت
    نواف..لا والله الله يسعدها
    ام نواف عصبت..وبعدين معك
    نواف مستغرب..يمه شفيك
    ام نواف..اسمعني هالمره البنت ردته لكن المره الجايه مااضمن
    نواف وبدأ يعصب ..يمه ارجوك قلت لك قبل ماابي اتزوج
    ام نواف ..وش تنتظر البنت ومعها ولد
    نواف وخلاص ..يمه ارجوك
    ام نواف وهي معصبه وطالعه..اذا بتطيع امك خذ من يحبك ولاتأخذ من تحب
    طلعت وسكرت الباب وتركت نواف مصدوم من كلامها

    انتشر خبر حمل شوق والكل فرح لهم وبارك لهم وهالخبر حول البيت لحالة فرح وترقب وانتظار ..

    اما سلوم كان طوال لوقت يايلعب مع العنود او عند ام فيصل لكن طفشت مسكين وظل ياطالع للبنات يانازل عند ام فيصل
    سلوم..خالتي بنروح للملاهي
    ام فيصل ..ان شاء الله اذا جاء فيصل او محمد قل له يودينا
    سلوم..بروح اكلمه
    ام فيصل وهي تضحك..لا تعال عندي الحين بيجون
    وشوي ودخلوا وعلى طول قالها سلوم
    سلوم..فيصل بنروح للملاهي
    فيصل ويبتسم..نروح طيب
    محمد..انا مابروح مع السلامه تعبااان
    ام فيصل..بس زوجتك خلها تروح معنا
    محمد ووقف..لا يمه شوق خبله بعدين تلعب
    فيصل..ماتسوى روح معنا وبكلم الكل ونطلع نأخذ لنا شاليه ونغير جو
    محمد..اوكي بس بنام عالاقل ساعه
    فيصل..حلوو وانا بكلم اشوف العيال
    محمد..لاتنسى النسيب
    فيصل ..الاول النسيب
    ام فيصل..الا صدق ساره متى موعدها
    فيصل..بكرا الصبح خلي حمد يختصر ويكشف عليها هناك
    ام فيصل..هههههههههه اخاف تموت علينا من الروعه
    فيصل..بنتك يمه مدلعه بزود
    ام فيصل..تستاهل مو هذي كلمتك
    فيصل..صح تستاهل وكل خواتي يستاهلون
    ام فيصل وهي مبتسمه..بس خواتك
    فيصل..وشيختهم وشيختنا كلنا ام فيصل
    ام فيصل..ايه طيب وغير ام فيصل
    فيصل..ههههههههههههه مابنقول خلينا نعرف الرد اول
    ام فيصل ..ياخوفي ماتقول الحين مابروح معكم
    فيصل..افا ليه
    ام فيصل..امس خاطبها وتبي البنت تركب معك
    فيصل..اها طيب خلاص مع محمد
    ام فيصل ..البنات عندها بروح اقول لهم

    طلعوا كلهم للثمامه وانبسطوا وخصوصا سلوم الي لعب وضحك وانبسط وغير عن جوو البيت
    فيصل..الا حمد ماقلت لي متى مسافر
    نواف ..وين ان شاء الله
    حمد..لبيروت عندنا مؤتمر لمدة اربع ايام
    فهد..وبتجلس اكثر
    حمد..على حسب اذا نجلاء بتروح معي جلست اسبوع واذا لا برجع
    محمد..افا واحنا وين رحنا البيت بيتها
    فهد..صح يااخي كلنا موجودين ليه تأخذها وانت عندك شغل
    حمد..انا ماعندي مانع بس هي مو موافقه
    فيصل..خير ان شاء الله الحين خلونا نسري عندنا شغل الصبح
    فهد..انا مأخذ اجازه
    محمد..احم وانا بعد
    فيصل..من قال
    محمد..ههههههه تعباان فيصل
    فيصل..مشكلتي اني طيب
    حمد..ومشكلة الحبيب انه بعالم ثاني
    الكل التفت على نواف الي يفكر ولاهو معهم ابدا
    نواف..يالله نمشي
    فيصل ..نواف شفيك
    نواف...سلامتك
    فهد..وام نواف ليه ماطلعت
    نواف ويناظر فهد بطرف عينه..معزومه
    فيصل..يالله نمشي
    طلعوا وهم عند الباب التفت فيصل على نواف وقاله يجي معه للبيت

    طلع الكل واكد حمد على فيصل بخصوص موعد ساره وبعدها كل واحد راح لبيته وصل فيصل ومعه نواف ودخل المجلس محمد ماطول دقايق وتركهم ولاظل غير فيصل ونواف
    فيصل..مابتقول شفيك..؟؟
    نواف يتنهد..ولاشئ
    فيصل..مزعل الوالده
    نواف..مازعلتها هي زعلت
    فيصل ..شلون تجي
    نواف..الوالده تبيني اتزوج وانا ماابي
    فيصل ويبتسم..وهذا هو الموضوع بس
    نواف..المشكله امي مختاره البنت وبصراحه انا مابي اتزوج بغض النظر عن البنت
    فيصل..اول شئ انا مابقنعك لكن بقول لك شئ انا الحين وافقت اتزوج ونتنظر الموافقه من العروس
    نواف ويعدل جلسته..والله مبروك
    فيصل..الله يبارك فيك وعقبالك بس اسمعني لما كنت رافض الزواج كنت رافضه لاسباب كثيره اولها مسؤلياتي لكن الحين غير محمد تزوج والله يسعده وغدير قريب زواجها وساره حالتها احسن من اول وغير كذا انا بأخذ خالة اخواني يعني الزواج حل مريح لي كثير
    نواف وهو مبتسم..والله وبتودع العزوبيه
    فيصل...هههههههههه ماقصرت ثلاثين سنه خلاص
    نواف..بس انا غير عنك فيصل
    فيصل..شلون وانت تقول انك ماكنت تحب بنت عمتك
    نواف ..صح وصدقني رفضي مو بسبب دلال وانا قلت لك قبل هي ماتعني لي شئ الا صدمه بوقتها فقط لكن امي اختارت لي عبير بنت عمي
    ابتسم فيصل وتذكر كلام امه بالطايف..ونعم فييها ليه ماتتزوجها
    نواف وعصب..مااقدر فيصل انت شايف رجلي كيف ولاابي احرج بنت عمي ولااحرج فهد
    فيصل ويرفع صوته..اولا بنت عمك وولد عمك فاهمين ولو هم رافضين بيقولون لا
    نواف..لكن وقتها بيكون موقفي انا الي صعب
    فيصل ..اقول نواف هذا سبب الرفض بس
    نواف..فيصل انا ماعندي استعداد اني ارفض مره ثانيه خلاص وحده تكفي
    فيصل..واذا عرفت ان البنت موافقه تتقدم لها
    نواف رافع حاجبه..شلون
    فيصل..مو مهم المهم توافق وتخطبها
    نواف ..ماادري
    فيصل..روح ياشيخ ماعندك سالفه
    نواف ويضحك..لا تعال قولي شلون بتعرف
    فيصل..بعرف وخلاص
    نواف..اقول لك شئ امي على بالها اني احب دلال للحين وهي معصبه قالت لي خذ من يحبك ولاتأخذ من تحب ولافهمت عليها
    فيصل ويبتسم..اذا فهمتك توافق وتخطب بنت عمك
    نواف..يعني فيه شئ مااعرفه
    فيصل..ولايعرفه الا انا وامي وامك
    نواف..افا والله اسرار بينكم وانا اخر من يعلم
    فيصل..لا لكن امك بالصدفه سمعت عبير وغدير اختي يتكلمون مااذكر تفاصيل الكلام لكن البنت تميل لك
    نواف وساكت ومستغرب وشكله خلا فيصل يضحك عليه..خلاص خلصت السالفه وين رحت
    نواف..فيصل صادق بكلامك
    فيصل..ايه صادق وامي قالت لي وطلبت مني اقنع فهد يوافق تشتغل معك عبير عااساس انها تقرب بينكم لكن المسكينه على بالها ولدها يحس
    نواف ..اقول انا ابي افهم الموضوع كامل
    فيصل..يكفي الي فهمته ان البنت اذا تقدمت لها مابترفضك خلاص الباقي افهمه بعدين
    نواف ..اقول بروح البيت
    فيصل..ليه
    نواف..بفكر بالموضوع واشوف
    فيصل..سلم عالوالده وفكر كويس اوكي
    نواف..اوكي يالله فماان الله
    فيصل ..الله معك

    طلع فيصل من المجلس ولاول مرره يلتفت على بيت اخوانه لاول مره يحس بااحساس مختلف تجااه هالبيت لاول مره يحس انه منحرج بنظراته للبيت لاول مره يتمنى يدخل هالبيت بعفويه ..ابتسم لتفكيره ودخل للبيت ولاحصل احد ودخل غرفته يناام

    وصل نواف للبيت وعلى طول فتح جهازه وفتح الماسنجر وحصل عبير ولاتردد لحظه وسلم عليها على طول
    ## نوواف ##..السلام عليكم
    عبوره..وعليكم السلام
    ## نواف## ..كيف الحال يابنت العم
    عبوره..تمام الحمد لله اسمح لي عن اذنك
    ## نواف ## ..الله معك
    طلعت عبير وارتمت على سريرها وبدت تصيح اما نواف حس انها تتهرب من منه ..
    هدت عبير شوي ودخل عندها فهد الي حس انها كانت تصيح لكنه ماقال شئ ظل يسولف معها
    فهد..الا عبير ماقلتي لي رايك النهائي بالشخص المتقدم لك
    عبير..ماابي ارجوك فهد
    فهد..والسبب
    عبير..ماابي بس
    فهد..لكن الرجال ماينرد كفوا
    عبير..اذا بتغصبني اعمل الي تحب
    فهد..ماهو هذا اسلوبي وانتي تعرفين لكن ابي رد مقنع هذا رابع شخص تردينه من غير اسباب
    عبير وبت تصيح..فهد حرام عليك ماابي اتزوج
    فهد..ليه
    عبير..ساكته ماردت عليه عصب فهد وطلع وظلت عبير تصيح اما فهد عصب وطلع من البيت كله

    مرت يومين فيصل على اعصابه ينتظر رد العنود ..وام فيصل تركت العنود تأخذ راحتها بالتفكير..ساره بعد الموعد مع حمد وهي حزينه خصوصا ان حمد كان معصب ولا له خلق يتكلم حتى ماتكلم مع فيصل الا بشكل رسمي جدا ..عبير من بعد كلامها مع فهد وهي متضايقه ام نجلاء على نفس حالتها ساعه تصيح وساعه تبتسم لكن الراحه فارقتها من وقت ماقرت الورقه..

    طلعت ام فيصل للعنود وجلست تسولف معها وسألتها عن رأيها
    العنود مستحيه..خالتي بقول لك
    ام فيصل..قولي
    العنود..العنود يعني انسي ان فيصل ولدك شوي وقولي لي رأيك لو انا بنتك بتوافقين
    ام فيصل..فيصل يالعنود كفوا ولاينرد ولو الي متقدم مثله لساره والله ماارده وانا اعدك مثل بناتي بس ماحبيت اضغط عليك
    العنود..اجل الي تشوفينه خالتي
    ام فيصل ومبسوطه...يعني موافقه
    هزت رأسها العنود وحضنتها ام فيصل وباركت لها وطلعت تبشر فيصل الي كان بالمكتب ودخلت امه
    ام فيصل ..مبروك يالمعرس
    فيصل مبتسم..وافقت
    ام فيصل..وافقت
    فيصل..اخيرا صدر الحكم
    ام فيصل..بعد ماتبي البنت تفكر
    فيصل..تفكر بس نشفت دمي
    ام فيصل ..مابوصيك لانك عارف
    فيصل ويضحك..المهم انتم توصونها مثل ماتوصوني عليها
    ام فيصل..لا هي شيخة البنات ماتقصر
    فيصل..افا وانا يعني
    ام فيصل ..انت ولدي ونور عيوني
    حضن امه فيصل وحب راسها وصاحت وجلست يضحك عليها وتركته وطلعت

    مر محمد عليه وبارك له قبل مايطلع
    فيصل..وين رايح
    محمد..عند الشباب تجي معي
    فيصل..لا ياشيخ مااحبهم
    محمد..ههههههههه والله انك معقد
    فيصل..طيب ماعليه
    محمد..الا تعال ماقلت لي شفيه نواف
    فيصل..ههههه ولاشي بس معصب شوي
    محمد..المهم يالله فمان الله
    فيصل ..الله معك

    طلع محمد وترك فيصل بالمكتب الي بدأ يفكر كيف بيكون موقفه الحين تجاه العنود ياترى حياته بتتحول للاحسن اولا ..هل العنود بتقدر تهديه السعاده والفرح مثل مايتوقع..او هو بيقدر يعوضها عن كل شئ فقدته بحياتها
    قطع تفكيره جواله وكانت عمته اتصلت تبارك له بعد ماوصل لها الخبر وسلم عليها وباركت له وطلع بعدها لغرفته يرتاح..

    المغرب الكل اجتمع عند العنود وباركوا لها وبدأ التخطيط بعد ماقالت ام فيصل ان الملكه بتكون بعد اسبوعين قبل زوج غدير با سبوعين ..وافقت العنود ووافق فيصل وبدوا البنات يخططون لكل شئ ..
    ساره حالها تحسن عن اول كثير ونفسيتها احسن لكن الي مضيق خلقها تغير حمد عليها وخافت تسأل شوق ولاقدرت الا انها تكتم بداخلها وتسكت ..

    اجتمعوا البنات ببيت ام فهد وكل وحده تقول شو حابه تفصل وشو الون بملكة فيصل والعنود
    غدير..العروس شو اللون
    العنود مبتسمه..احب الاسود
    اماني..لا العنود حرام عليك
    ساره..مو على كيفك العنود
    العنود..بسم الله انا قلت احبه ماقلت اخترته بفصل عنابي شو رأيكم
    الكل..حلووووووو
    خلود..الا صدق عماتي بيحضرون صح
    غدير..اكيد
    ساره..اقول انا مافيني افصل بشتري جاهز
    اماني..وانا وحتى خلود
    عبير..وانتي نجلاء
    نجلاء..عندي فستان حلوو
    شوق..طيب وانا
    نجلاء..لازم تفصلين
    شوق..مالي خلق
    نجلاء..ولايهمك كل شئ بيوصلك للبيت انتي ارتاحي
    غدير..ياسلام ياعيني عالدلال
    عبير..الا صدق بنات امي تقول بكرا بتروح لخالتي ام نواف بتروحون
    العنود..انا مااعتقد
    غدير..ولا انا
    نجلاء..اجل تعالوا عندي
    شوق..اقول بنات يالله نمشي تعبت
    ساره..لابنجلس اتصلي بمحمد يجي يأخذك
    خلود..بدري شوق ارتاحي عندنا
    شوق..بتصل اول اشوف محمد وينه
    غدير..ههههههه خليه يرتااح منك
    شوق..ههههههههههههه حلوه غدور اذا خليتي سعد خليت محمد
    غدير..الا على طاري سعد ذكرتيني بقول لفيصل
    ساره ..شو فيه
    غدير ..الحين تسمعيني اكلمه مالي خلق اقول الكلام مرتين
    غدير..هلا فيصل
    فيصل..اهلين
    غدير..فيصل سعد مر اليوم الظهر واعطانا ملف وبغرفتي نسيت اقول لك
    فيصل مبتسم..بدري يعد ماعصبت عليه وياويلك هو بيعصب عليه
    غدير..لا فيصل قوله انك انت نسيت
    فيصل..هههههه من الحين تخافين
    غدير..لا بس مالي خلق يعصب
    فيصل..مالي دخل بينكم
    غدير..هين بردها لك فيصل
    فيصل..والله
    غدير..هههههه ماعليه اموون اختك صح
    فيصل..عشاني رايق بس
    غدير..ليه فيه سبب وينك فيه
    فيصل..حشا حشا تحقيق
    غدير..يعني نوصل معلومات
    فيصل ..ههههههههههه لاتوصلين شئ الي يحب يأخذ معلومات يأخذها من مصدرها
    غدير وشهقت..لا صعبه الحين بعد اسبوعين يمكن
    فيصل..غدير تعرفين من يسمع المكالمه من اولها
    غدير ويدها على قلبها ..محمد
    فيصل ويضحك..لا يالشيخه زوجك المحترم الي يسمعها
    سعد..اجل مالك خلق اعصب
    غدير..خلاص مع السلامه
    فيصل ويضحك واخذ منه الجوال سعد ..غدور حسبنا بعدين اذا رجعتي
    غدير وجهها صار احمر..والله مااقصد
    سعد..ايه هين يصير خير
    غدير..لخاطري لاتزعل
    سعد..مع السلامه
    غدير والتفتت عالعنود..الله يعينك عليه
    العنود وتضحك..تستاهلين ليه تقولين كلام منتي قده
    غدير..بروح اصلي ابرك لي منك ومن خطيبك

    مرت الاسبوعين بسرعه عليهم الكل كان شغول بالتجهيز لملكة فيصل والعنود الكل مبسوط فرحان من ام فيصل الي مو سايعتها الدنيا من السعاده الى سلوم الي فرحان وبكل براءة الطفوله ان العنود خلاص مابتتغطى عن فيصل ..

    وجاء يوم الاربعاء يوم الملكه وتوترت العنود وصاحت ..تمنت هاليوم تلاقي ام اخت اخ عم خال اي احد حولها اي شخص يحضنها يبارك لها يفرح لها ماقدرت تتخيل انها بتكون وحيده بااغلى ليله عندها ماتخيلت كيف بيدخل فيصل من غير احد ما معه لا اب ولا اخ ولااحد لها ..
    صاحت العنود لانها فاقده العزوه والاهل بهاليوم صاحت لانها تمنت امها واختها عايشه معها بهاليوم لكنها ذكرت الله وتذكرت ام فيصل وكل البنات الي يعدونها وتعدوهم اكثر من اهل وخوات صحت وهي تحاول تداري التوتر والخوف وحصلت ام فيصل تحت تنتظر وفرحت وحضنتها وحاولت تهدي العنود وتحسسها انها قريبه معها مثل امها واختها ..
    ام فيصل..هالعنود محتاجه شئ لاتترددين قولي لي انا مثل امك
    العنود..خايفه
    ام فيصل وتضحك..هذا شئ طبيعي وان شاء الله ربي يسعدكم ويوفقكم
    نزلت اماني وسلمت ودخل سلوم
    سلوم..خالتي اليوم عنوده بتتزوج فيصل
    ام فيصل تبتسم..ان شاء الله
    سلوم..وانا بدخل مع فيصل قالت لي عنوده
    ضحكت العنود وناظرتها ام فيصل ..موصيته يدخل لكن لا انا الي بمسكه وبخليك تجلسين مع فيصل من غير سلوم
    سلوم..لا بجلس معهم
    ام فيصل..هههههه بس شوي وتطلع
    سلوم..طيب ومحمد بيجلس
    اماني..لا حبيبي محمد مابجلس
    سلوم..خلاص عنوده ماتتغطى عن فيصل طيب ومحمد
    ام فيصل وتضحك وتلتفت عالعنود..فهميه
    العنود..سلوم روح شوف التلفزيون والا ماتدخل معي
    راح سلوم وجلست ام فيصل معهم شوي وطلعت وتركت العنود تأخذ راحتها







  6. #36
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    ساعات قليله وتكون العنود حليلة فيصل ..زوجته على سنة الله ورسوله..ساعات قليله وتتغير حياة العنود وتنتقل من حالة الاحزان المتواصله الى حياة الامل والحب والعطاء ..عالم من التضحيه والصبر والفرح..عالم تختفي فيه الألام والاحزان وتتداوي فيه الجروح وتنمسح بحنانه الدمعات..عالم خالي من الكذب والخداع والزيف..عالم كل بنت تشوفه جنه من السعاده والامل والحب..كل بنت تتوقع هاللحظه هب نقطة التحول بحياتها لكن العنود تعتبرها حياتها كلها ..حياتها الي ضاع منها الحلم ..والتخيل ..حياتها الي دمرتها المسؤليه والخوف..حياتها الي حولتها الى عالم اللامبالاة والااهتمام واصبحت كل طاقتها موجهه لاختها اولا وبعدها لعيال اختها ..مسحت العنود دمعتها لما سمعت صوت غدير
    غدير..الله الله شو هالزين يابخت اخوي
    العنود..تسلمين غدور
    غدير..افا ليه لمحة الحزن
    العنود..مااقدر مااتمنى ان اختي معي او امي الي ماشفتها
    غدير وتحضنها..عنوده كلنا اهلك خلاص مانبي دمووع الكل وصل بس ماخليت احد يطلع ابيهم يشوفك اذا نزلتي
    العنود..ههههههههه مافيه فرق هنا او تحت
    غدير..لا فيه فرق المهم دقايق وتجي شوق بالدفتر
    العنود مستغربه ..شوق
    غدير..محمد مو اخوي هو اخوك وهو الي بيجيب لك الدفتر طبعا بتوصله شوق توقعين لا لا لو ادري بتصيحين ماقلت شئ
    العنود..الله يخليكم يارب
    وقطع عليهم صوت شوق ..كلووووووووووووووووش يالله العروس تغطي بيكلمك محمد
    تغطت العنود ووقف محمد عند باب الغرفه وهو شبه مسكر
    محمد..مبروك العنود الله يوفقك ان شاء الله
    العنود بصوت واطي..الله يبارك فيك
    محمد..الدفتر مع شوق وقعي وبنتظرك برا
    وقعت العنود وحضنت غدير وعصبت عليها الكوافير لانها ثالث مره تعدل مكياجها
    بعدها طلعت ام فيصل الي كانت تصيح وحضنت العنود وبسرعه بعدتهم غدير
    غدير..يمه ماصار زواج حرام عشر مرت صحتي انت وياها اليوم
    ام فيصل وتمسح دموعها..يالله العنود انزلي
    طلعت العنود وتفاجأت بالكل ينتظر ونزلت وكان شكلها حلوو وانيق لكن واضح انها متوتره وخايفه وفجأه انفتح الباب ودخل سلوم يركض وقامت له وحضنته وصاحت واماني طلعت لكن صادفها فيصل ومسكها ودخل معها ارتبكت العنود ولاقدرت توقف ظلت حاضنها سلوم ودموعها على خدها
    وصل فيصل عندها ووقفت سلم عليها لكنه كان متوتر اكثر منها خصوصا لما شافها حاضنه سلوم وتصيح واماني تصيح التفت على امه ..
    فيصل..الغاليه قلت لكم مابطول يالله
    ضحكت ام فيصل ولبس فيصل العنود شبكتها وطلع معها للمجلس لحالهم جلست بعيد عنه وظل فيصل يتأمل العنود باانبهار ..توقعها لما لمحه حلوه لكن مو لهالدرجه والي زاد جمالها حياءها ..
    فيصل ويحاول يكون طبيعي وهو مرتبك..مبروك العنود
    العنود وعينها عالارض..الله يبارك فيك
    فيصل..ههههههه يعني مابشوف وجهك
    احترق وجهه العنود من كلمة فيصل ولارفعت راسها لكن قام وجلس بكرسي قريب منها

    فيصل ..العنود
    رفعت العنود راسها..وهي ساكته
    فيصل باابتسامه اربكت العنود..مابطول لكن بقول لك كلمه وحده انا محظوظ انك من نصيبي
    ابتسمت العنود ووقف فيصل قرب منها وقال..اعرف انك مرتبكه لكذا مابقول شئ زياده ولابطلب حتى اسمع صوتك الي ماسمعته الا همس لكن بس اليوم بسامحك وبكرا لا
    ابتسمت العنود سلم عليها فيصل وطلع وظلت العنود بمكانها لحد مادخلوا عليها البنات وبدوا يعلقون عليها لكنها كانت مبسوط طايره من الفرح والامل والحب..كانت حابه تضحك وتغني ..كانت مستعده تهدي اي شخص يكلمها كميه من الحب الي فاض من كثر سعادتها ..
    انتهت الملكه والكل طلع ورجع لبيته ام فيصل صاحت لما رجعت فرحانها لولدها حبيبها فيصل ..الي تحمل وصبر وشال عنها كثير..فرحانه لانه اليوم تزوج انسانه طيبه خلوقه وان شاء الله تسعده ابتسمت ام فيصل وهي تتذكر ايام الشقاء والعذاب الي راحت ومرت ولا كانها صارت ..

    ببيت ام نواف كانوا العمات موجودات هناك لكن بدور راحت مع البناات ونجلاء نامت ببيت ام فيصل لان حمد مسافر الصبح وبتظل عندهم لحد مايرجع ورفضت تروح بيت ام فهد وهالشئ اثار استغراب البنات كلهم ..لكنهم تركوها براحتها ..

    خلود ..بدور شفيك
    بدور باابتسامه..ولاشئ مبسوطه اني تغيرت
    خلود..اها طيب شرايك بالعنود اليوم
    بدور..العنود طيبه وتستاهل كل خير الله يسعدها
    خلود..صح الله يوفقها ..
    بدور..امي تقول خالتي ام فيصل تقول الغداء عندها بكرا بتروحون
    خلود..اكيد بنروح
    بدور ..اجل خلينا ننام

    الكل نام الا فيصل والعنود الي هالليله تعتبر من اهم الليالي بحياتهم فيصل كان متردد يتصل بالعنود او لا لكنه قرر بالاخير مايتصل وارسل لها مسج وكتب لها فيه" تصبحين على خير .."
    انبسطت العنود كثير بالمسج ورغم ترددها ردت عليها ونامت بعدها مرتاحه

    الظهر الكل كان صاحي ومبسوط محمد وفيصل كانوا طالعين ورجعوا عالساعه وحده وقت وصول عيال عمهم ..البنات كلهم موجودين والعمات مجتمعين ومعهم العنود الي لاول مره تحس انها من هالعايله ..

    دخل فيصل للبيت وكان مقرر يدخل من باب المطبخ لكن وصله مسج ووقف وفتح جواله قرأ المسج وصارت الدنيا بعيونه سوداء مافيها نقطة ضوء ثارت اعصابه ولاعاد قادر يتمالك نفسه غير مساره ودخل البيت وبااعلى صوته قال..العنود العنود
    الكل وقف بالصاله واولهم العنود الي خافت من نظرته لها تقدم عندها .







  7. #37
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    الجزء الخامس والعشرون .....


    الكل التفت على فيصل والعنود وقفت خافت من نظرته من صرخته من تقدمه وقف عندها ومد يده بصوت حاد ..عطيني جوالك
    بتردد وخوف واضح مدت العنود يدها له بالجوال..
    فتحه وبدأ يقلب ووقف قرأ ورفع عينه و يده بوقت واحد ولاحست العنود الا باليد الي امتدت وضربتها بكف كان هو الكف الفاصل بين السعاده والحزن..بين التفاءل والتشاءم..بين القوه والضعف ..بين العدل والظلم ..بين القسوه والحنان..
    الكل شهق وخاف ام فيصل ماقدرت توقف ظلت بمكانها وزاد صراخ فيصل عالعنود
    فيصل بصوت عالي ..قولي لي فهميني شلون كيف قدرتي تخدعيني تكلمي ردي خليني اعرف حجم غبائي وثقتي فيك ردي ليه ساكته تكلمي انطقي قولي ليه انك اغبى رجال هالعالم تكلمي

    اما العنود بعد مااستوعبت صدمتها بتصرف فيصل امتدت يدها واخذت الجوال الي رماه فيصل وهو يسب عند رجولها وحطته عالطاوله ومن غير اي دمعه وقفت عند باب الصاله وهي طالعه وقالت . برد يافيصل الله سبحانه وتعالى قال ( يا ايها الذين آمنوا ان جاءكم فاسق بنبأ فتبينوا ان تصيبوا قوما بجهالة فتصبحوا علي ما فعلتم نادمين ) ..
    وطلعت تغطت وغطت عيونها الدموع دخل محمد بعد ماشاف الكل طلع سألهم ماحد رد
    محمد..وين راحوا والغدا شفيكم ردوا
    فيصل طلع لغرفته اماني طلعت تركض بعد العنود غدير وساره دموعهم على خدهم شوق مصدومه ودموعها على وجهها
    محمد بصوت عالي ..شوق شصار
    شوق وبين دموعها..مااعرف دخل فيصل طلب جوال العنود شافه اعطاها كف وطلعت والكل طلع
    محمد مصدوم من تصرف فيصل ..وين جوالها
    اعطته شوق وقرأ محمد المسج بصوت عالي " عودي زوجك المحترم عنودتي مايكلمك بالليل حتى مايخرب علينا سهرتنا اوكي حبيبتي "
    انصدمت غدير وساره محمد وشوق
    محمد..وين فيصل
    فيصل وهو نازل من غرفته ..فيصل طالع ولاابي ولاكلمه لو سمحت
    تركه محمد لانه عرف انه مابسمع منه شئ وهو بهالحال اتصل بسعد وقال الموضوع بشكل سريع لانه يعرف فيصل بيروح له ..
    التفتت على غدير..امي وينها
    غدير.. دخلت غرفتها
    راح محمد فتح الغرفه وانصدم انهار ام فيصل المرأه الي صبرت وتحملت تكون بهالشكل منهاره وتصيح ..

    محمد قرب عند امه ..يمه مابيصير الا كل خير اهدي اهم شئ صحتك
    ام فيصل وهي تصيح بقهر..آه يايمه الي شفته ذبحني
    محمد..كان معصب وان شاء الله كل شئ بينحل
    ام فيصل بصوت عالي..لا لا عصبيته لنفسه شفت ا براهيم بفيصل شفت الظلم شفته لما ظلم البنت اليتيمه شفت اخوك اليوم بصوره ابوك الي ظلمني وذبحني واتهمني ابشع التهم شفت فيصل الي علمته ان الشديد الذي يملك نفسه عند الغضب رامي كل تعب السنين وراء ظهره وداخل بكل وقاحه قدام الكل ويمد يده قدامي انا امه الي علمته كيف يحترم ويقدر يكف يراعي الموجودين ومشاعرهم لكنه مااهتم باامه ولابقلب اخته الي ضرب واهان خالتها قدامها
    محمد يحاول يهدي امه..يمه لازم نعذره مانعرف الي صار
    ام فيصل وهي تصيح..حتى ابوك ذبحني من الضرب وانا مااعرف من ارجال هالعالم الا هو ابوك ذلني وانا ببيت ابوي مكرمه عزيزه ابوك اهاني وهو مايملك علي اي زله واليوم فيصل سواها بس بنت ابوها بنت الاصول ماردتها الا بآيه علمته قدره وخليه يستاهل ماهو كفوا ظفرها
    محمد منصدم..يهون فيصل يمه
    ام فيصل..يهون لاماعرف ماقال الله وقال الرسول يهون اذا ماستر حتى لو يملك دليل يهون يوم انه ذبح هاليتيمه وهي مظلومه
    محمد..شلون عرفتي انها مظلومه
    ام فيصل وهي تصيح ..لاني اعرف الناس مو مثل اخوك الي ضيع نفسه وحياته الي مالها الا يوم باديه ولاني اعرف انها مظلومه شفتها مثلي ضعفيه ماهي قادره تنطق لكن لا صارت اقوى مني وقدرت ترد عليه
    محمد ..خلاص يمه اهدي وتوضي وصلي وان شاء الله مابيصير الا كل خير وانا بطلع اشوف العنود
    دخلت غدير تهدي امها ومحمد اخذ شوق وراح للعنود

    العنود الي انهارت عند باب البيت ولاقدرت تدخل ..العنود الي صاحت سعادتها المذبوحه ..الي خافت على قلبها المسكين..العنود الي انطعنت ماهو من حقير ولاظالم لا بالعكس من شخص اختارته بكل ارادتها يكون زوجها وشريك حياتها..انداست من انسان من اقل من اربع وعشرين ساعه سلمته حياتها ..العنود الي صرخت بااعلى صوتها..حرام يافيصل ذبحتني
    حضنتها اماني ..خلاص العنود عشان خاطري
    العنود وهي تصيح بشكل يقطع القلب..ذبحني اهاني دمرني
    شوق وتدخل وتساعد اماني وجلست العنود بالصاله دخل محمد وجلس
    محمد..اسف العنود بس قولي شو الي صار لازم افهم
    العنود وهي تصيح..شو اقول مااعرف مااعرف شئ
    محمد..اهدي اختي المسج من ارسله لك
    العنود..مااعرف
    محمد..شلون اول مره يوصلك
    العنود..اول مره قلت بقول لخالتي او لفيصل اذا كلمني لكنه فاجئني ...سكتت وبدت تصيح
    محمد واخذ الجوال وشاف الوقت ..يعني من نص ساعه
    العنود..قبل مايدخل بخمس دقايق والله
    محمد..اوكي خير ان شاء الله انا بأذن الله بحل الموضوع وقام بيطلع لكن عند الباب نادته العنود
    العنود..محمد لاتتعب نفسك انا مابرضى بحل غير الانفصال
    محمد..اذكري الله وبعدين نتكلم فمان الله
    طلع محمد ورجعت العنود تصيح
    طلع محمد وشالت الغطى العنود وكانت الدموع مغطيه وجهها وتصرخ وتصيح..آه يافيصل ليه ليه
    اماني ماقدرت تهديها وهي مصدومه بكل الي صار اما شوق قربت من العنود وحضنتها
    شوق ..العنود انتي اقوى من الي صار اذكري الله
    العنود وهي مازالت تصيح..لا مااقدر شلون تطلبيني اسكت واهدى تعرفين شوق الظلم شو احساسه لما انسان يظلمك وانتي موقادره حتى تردين الي عمله فيصل قدام الكل ظلمني هذا هو الظلم حرام عليه ياويله من ربه ..ياويله من ربي كنت مبسوطه فرحانه اول مره احس اني منتميه لهالعايله بشكل رسمي اول مره احس الفرح قريب مني كنت متلهفه على وصوله على كلامه على حتى سلامه كنت احسه مختلف لكن كل هالصبر نتيجته كف قاسي واهانه مدمره من قلب بكل ارادتي اخترته شلون تبيني اهدى وانا اشوف الامل يغيب والحلم ينهار شلون اهدى وانا الي اهاني نفس الشخص الي دافع عني شلون اسكت والانسان الي مسك خط من الطايف لرياض حتى يأدب شخص مايعرفه هو الي يأدبني على خطأ ماارتكبته شلون
    قطعت كلام العنود ام فيصل الي دخلت بكل قوتها المعهوده ولاكأنها الانسانه الي انهارت تصيح من دقايق ..
    ام فيصل ..العنود تعالي يابنتي
    ارتمت العنود بحضن ام فيصل وهي تصيح ودمعت عيون ام فيصل وصاحت معها ..خلاص يابنتي خلاص اسمعي كلامي واطلعي لغرفتك واتوضي وصلي لك ركعتين وارتاحي والي صار انا اقولها لك مابيعدي على خير وانا نوره
    استغربت شوق من قوة ام فيصل والغريب انها لاول مره ماتقول ام فيصل الاسم الي تعتز فيه دايم لاول مره تحس ان ام فيصل ممكن تقسى على ولدها ..
    ام فيصل..شوق يمه روحي شوفي محمد وخليه يتغدأ وانا بجلس مع اماني وسلوم شوي
    طلعت شوق والعنود طلعت لغرفتها ولاظل الا ام فيصل واماني وجات عندهم غدير وساره ..

    بالبيت حصلت شوق محمد بالصاله وشكله مشغول ويكلم وبعد ماانتهى التفت عليها
    محمد ويتنهد..الله يستر كلمت سعد واتفقت معه وقال بيكلم امي الحين يقولها فيصل بيمشي معه لشرقيه
    شوق مستغربه..ليه
    محمد..لازم يبعد وخصوصا عن امي والموضوع ان شاء الله بينحل فهد يعرف واحد بالاتصالات اعطيته الرقم وقال بيشوف مين
    شوق..محمد بقول لك شئ قالت العنود وهي منهاره
    قالت له شوق كلام العنود عن الطايف استغرب واتصل بغدير وسألها وقالت له كل الموضوع بعدها اتصل عليه سعد
    محمد..هلا والله بشر
    سعد..خلاص قالت بسلامته انت خلي بالك منها وانا بشوف فيصل وافهم الموضوع اذا هدأ شوي
    محمد..اوكي وطمني وانا وصلتني معلومه بشوف
    سعد..شو وصلك
    محمد..مااعرف شئ عن ولد جيرانا
    سعد..انا توقعت لكن انت شوف الرقم بااسم مين وعلمني
    محمد..يعني عارف بالموضوع
    سعد..ايه عارف بس مااحد يعرفه غيري والوالده وغدير اوكي فيصل طلع بينا اتصال فمان الله
    محمد..الله معك

    في بيت ام نواف الكل اجتمع وبدأ الكل يتوقع ويفترض لحد ماقالت ام فهد..
    ام فهد..ياناس خلاص الله يهديهم ويصلح بينهم
    ام بدور..الله يهديه
    ام نواف..المهم يالله نتغدأ
    بعد الغدا اجتمعوا البنات وهم متضايقين عالي صار للعنود
    خلود..اخر شئ تصورت اشوفه فيصل والعنود بهالموقف
    نجلاء..انصدمت وكسرت خاطري والله
    عبير..تبون الصدق بتكسر خطري صدق لو نزلت دمعه من عينها لو طلعت من البيت عينها بالارض منذله لكنها العنود دومها من عرفتها واثقه من نفسها ويكفي ردها الي مو سكت فيصل الي سكت اي شخص منا ممكن يفكر فيها
    بدور..بس غريبه شلون تجرا يرفع يده عليها
    عبير..كل شئ بوقتنا جايز قولي الله يصلح بينهم يارب

    على طريق الشرقيه كانت فيصل وسعد والصمت مسيطر عليهم
    التفت فيصل..وقف
    سعد ببرود..ليه
    فيصل وهو مغمض عيونه..بتكلم
    وقف سعد عالجنب ونزل وتبعه سعد وقف ساكت
    سعد..بتقول الي صار يعني
    فيصل ..ابي اقول ليه انا كذا ليه دائما اختياراتي خطأ كنت مبسوط لاول مره احس فيصل ماهو شخص لا بالعكس شخصين لاول مره اتمنى ادخل بيتنا بسرعه لاول مره احس اني مشتاق لاهلي بوجود شخص يعنيني بالدرجه الاولى ولك تتخيل صدمتي فيها
    سعد ويستفزه..ولكذا قلت اضربها تستاهل سببت لي السعاده
    فيصل وبصوت علي..لاتتمسخر علي سعد انت ماشفت ولاحسيت بالي حسيته تخيل انك بأمان الله يوصل لك مسج ومكتوب فيه " ياعريس مبروك اذا انت رجال شوف المسج الي عند زوجتك هذا اذا انت بنظرها رجال "
    سعد.ياسلام وانت غبي اسلوب بدائي مكشوف يهزك
    فيصل وبصوت اعلى..لا لا حرام عليك كان ممكن اقول مثلك لو كان رقمها بااسمها لكن بااسمي وجوالات خواتي بااسمي يعني شلون توصلوا لرقمها والامر انه يدلعها يعني يعرف اسمها لاتقول لي صدفه لا انا الغبي انا
    سعد..ايه انت الغبي لانك خليت هالشخص ينتصر عليك انت الغبي الي سمحت لفيصل يتحول لانسان غبي انسان مايعرف شئ من اساليب التعامل يااخي لنفترض انها تعرفه مو من حقك تفضحها وقدام مين اختك الي هي خالتها قدوتها ليه مااحترمت وجود امك ليه مااحترمت وجود الضيوف ليه خليت انسان واطي ينتصر عليك بكذبه او خلينا نقول انه صدق يااخي انت تصرفت بحماقه وغباء وصدقني لو اختي الي مديت يدك عليها كنت كسرتها لك تعرف فكيف انسانه يتيمه وغير كذا مو متأكد من صحة الي وصلك اقنعني قولي ليه هالتصرف
    فيصل..اقول لك تعرف واحد ويمكن اكثر وتبيني اسكت
    سعد..لا تسكت لكن مايحق لك تعمل الي عملته وخصوصا انك ماتأكدت يااخي حرام تحب اذكرك بشو ردت عليك تحب اقول لك بصوت عالي ردها شو ردها قالت لك (( يا ايها الذين آمنوا ان جاءكم فاسق بنبأ فتبينوا ان تصيبوا قوما بجهالة فتصبحوا علي ما فعلتم نادمين ) ..
    فيصل يقاطعها..بس اعرفه اعرفه ماله داعي تعيده

    رجع فيصل لسياره وهو معصب ومتنرفز ولاعارف كيف يفسر او يشرح كيف سعد ماقدر يفهم موقفه وشو الي صار واربكه كيف قرأ المسج الاول والثاني كيف الشيطان سيطر عليه بالثاوني الفاصله بين المسجين ..ركب سعد وكمل الطريق بصمت لشرقيه

    بالبيت دخلت العنود وتوضئت وصلت ودعت ربي يرحمها ويدلها على طريق الخير ..دعت ربي يكفيها شر كل من فيه شر عنها..دعت الله يطمن قلبها ويبعد عنها الشيطان وسوسته ..دعت وبكت شكت للواحد الاحد شكت لرحمن الرحيم دعت الجبار القوي المتعالي دعت الشديد الغفور ..دعت ربي انه يظهر الحق وينصرها على كل من تجرا بيوم حتى يسئ لها ..
    انتهت صلاتها وجلست تقرا قرآن وحست براحه وارتمت عالسرير ونامت حتى الساعه عشره بالليل نزلت ولاحصلت احد الكل كان بالبيت الثاني ..

    شوي ودخلت شوق ومعها محمد بعد ماتغطت العنود سألها محمد
    محمد..العنود تعرفين واحد اسمه سعود علي او مره سمعتي بااسمه
    العنود..لا
    محمد..هذا الرقم الي انرسل لك منه المسج وبكرا بشوف موضوعه لاني اعرفه
    العنود وبثقه..شوف اخوي محمد انا مقدره لك حرصك لكن انا ولله الحمد انسانه واثقه بنفسي والي احب يوصل لك انك ماتتعب نفسك او تدخل نفسك بمشاكل
    محمد..العنود انتي بمكانتة غدير واماني وساره وحتى لو ماكنتي زوجة فيصل كنت راح اتأكد واعرف اصل الموضوع
    العنود..عموما ماتقصر بس هالجوال ماابيه خذه معك
    محمد..ليه
    العنود..بس انا عشت 23 سنه من غير حماية رجل ولا كان حاميني الا الله سبحانه وتعالى ولما فكر فيصل انه يحميني بجوال بأسمه للاسف حماني من الكل الا نفسه خذه معك ارجوك اخوي
    محمد..خير ان شاء الله اسمحي لي اختي وحبيت اقول لك فيصل مسافر البيت بيتك
    طلع فيصل ومعه شوق وظلت العنود تفكر سافر ..معقوله لهالدرجه ماتعني له شئ ..معقوله مااهتم حتى انه يسألها او يسأل احد ..لهالدرجه يثق انها خاينه معقوله تزوجها وهو مايثق فيها اجل ليه تزوجها شلون
    قطعت تفكيرها غدير الي جلست تسولف معها بكل المواضيع الا الي صار لان العنود رفضت تتكلم بالموضوع ..

    اتصل محمد بسعود واخذ منه موعد العصر بكرا بعد مااتفق ان نواف يكون معه بااعتبار انه جارهم ..والعصر كان نواف ومحمد عند باب سعود
    نواف..انا اعرف ان له علاقات كثيره وانه مو مضبوط لكن كيف وصل للعنود
    محمد..وهذا الي بنعرفه انا مره سألتك عنه لاني اشوفه من فتره لفتره مع العيال لكن علاقتي فيه سطحيه جدا
    نواف..خلنا نتوكل وندخل
    دخلوا عند سعود الي كان مستغرب من حضوره
    محمد..سعود بدون مقدمات رقمك
    **********
    سعود..ايه ليه
    محمد..مسج من جوالك ممكن يسبب طلاق وصدقني انا الحين ماسك نفسي بالقوه
    سعود..وضح محمد
    نواف..انا بقول لك من يومين كانت ملكة فيصل اخو محمد تعرفه صح
    سعود..ايه صح الله يوفقه بس انا شو لي بالموضوع
    نواف..الموضوع وصل مسجين واحد لجوال فيصل واحد لزوجته وهالمسج سبب مشكله كبيره
    سعود..شو المسج
    اعطاه محمد الجوال شاف المسج والرقم ورفع راسه..العنود هي خطيبة فيصل
    محمد وواصل حده..تعرفها
    محمد ..اسمعني محمد وبهدوء انا صح اعرف بنات كثير لكن اسأل كل شخص يعرفني الي محترمه نفسها العمى لعيني اذا رفعت نظرتي لها مااقدر احترمها غصب صدقني رغم اني مثل مايقول الكل صايع الا اني مااعرف الا الانسانه الي تساهلت بنفسها وكرامتها وشرفها وقبل كذا دينها زوجة اخوك الله يشهد اني مااعرفها ولاعمري سمعت صوتها الموضوع طويل ومن عيوني اشرحه لك
    نواف..نسمعك
    سعود..من فتره كان معنا واحد بالشله يوميا اشوفه وبصراحه هو نفسي بالضبط له علاقات وله معارف كثير الهم بيوم دخل علينا وقال خطبت باركنا له لكنه قال لي انه متعرف على بنت وبدأ يمدح فيها لكن يقول عملت المستحيل حتى رضت اسمع صوتها لكنه بيتركها وحب يعطيني رقمها انا قلت اوكي ماعندي مانع المهم مرت الايام ولاصرت اشوفه الا قليل بعدها فاجئني من كم يوم وقال نفس الموضوع انا مااستغربت لانه دائما يتكلم بهالموضوع قال انها بتستعبط عليك لكن بعدين بتكلم قال اسمها العنود وقال لي خلني اخلص لك الموضوع اخذ جوالي امس وبعد مااستخدمه ضحك وقال كلها كم يوم وتكلمك
    محمد وعلى اعصابه..من هالشخص
    لما قال سعود اسم احمد وقف محمد ومسكه نواف وجلس
    نواف..طيب سعود الحين فهمنا انت مالك ذنب لكن بسبب رقمك البنت بتطلق هذا اولا ثانيا من كلامك انت انسان تحترم الانسانه المحترمه وقال له سالفة احمد الاوله ..والحين عندنا طلب
    سعود..ابشر تحبون اكلم فيصل كلمته والحقير شغله عندي
    نواف..لا نبي تعرف لنا من احمد منين جاب رقم زوجة فيصل
    سعود ولحظة صمت ..ابشر ولايهمكم وبعد ماينتهي الموضوع وينحل والله لاوريه شغل الله
    محمد..سعود انتظرك
    سعود..محمد ثق فيني ارجوك وصدقني المحترم غصب عليك تحترمه والله يعلم اني احترمك واحترم فيصل من زماان وابشر بسعدك
    استأذن محمد وطلع مع نواف والكل رجع لبيته ..

    مرت ثلاث أيام كئيبه ..حزينه ..بطيئه ..على الكل العنود حاولت كابر بعد الانيهار الي حست فيه قدام الكل الا قدام اماني الي تشوفها كل ليله ودموعها على خدها ..ام فيصل مالها خلق تكلم او ترد على احد بعد الي صار ..غدير قلبها مع اخوها والعنود والي صار ومن جهه ثانيه زواجها قريب ومشغوله..ساره انعزلت لحالها..اماني تحاول تهدي العنود وتصبرها..محمد يحاول يتصل بفيصل الي رافض يتكلم مع احد ..اما الباقي كانوا عايشين بحالة خوف مايعرفون شو الي صار ولاهم حابين يسألون ويحرجوهم..

    مرت ثلاث ايام ورجع فيصل بعد اصرار سعد وكان لقاءه مع نواف ومحمد بالمكتب ..سلم عالكل وجلس
    نواف..كيف الحال فيصل
    فيصل..بخير انتم شلونكم والاهل كلهم
    نواف..تمام الحمد لله
    سعد..يالله محمد قول لنا الي عندك
    محمد وعينه على فيصل الي تغير وجهه ..بقول الموضوع واتمنى تسمعني لحد ماانتهي بعدها انت حر بتصرفك
    سكت فيصل وقال محمد الموضوع فيصل مانطق ولابحرف واحد
    سعد..يعني بكذا انتم تأكدتوا شلون
    نواف..انا اقول لك بعد مااتفقنا مع سعود انه يعرف لنا مصدر احمد بحصوله عالرقم انتظرنا اتصل فينا وقال لنا انه حاول يستغفل احمد وقدر لان طينتهم وحده وقال عرف الرقم من سواق العنود
    هنا رفع فيصل عينه ..كيف
    نواف..اعطاه فلوس وقدر يأخذ رقمها منه وخصوصا ان السواق معه جوال ويعرف الرقم
    سعد..هذي النتيجه الثقه الغبيه الي اغلب مجتمعنا يعطوها السواق وكانه مو رجل ولابشر ممكن يغريه ايشئ
    قام فيصل..عن اذنكم مشكورين
    محمد..فيصل اذا عالسواق تفاهمت معه وسفرته
    فيصل بصوت عالي..ليه
    محمد..الي صار كفايه وبعدين صاحبته هي الي قالت
    فيصل..ايووه صاحبته
    طلع فيصل وسكر الباب بقوه
    سعد..الله يهديه رفع ضغطي هنااك الشين بفيصل اذا عصب كل الالوان تصير سوداء
    نواف..المهم خلوه يرتاح يفكر بالموضوع ويصير خير
    محمد..ان شاء الله ماقصرتوا كفيتوا ووفيتوا
    نواف..احنا اهل وهذا واجبنا
    سعد..يالله اسمحوا لي بطلع ارتاح
    نواف..وانا بعد
    طلعوا كلهم ولاظل الا محمد خلص كم شغله ورجع والمفاجأه ان فيصل مارجع للبيت لحد الساعه 12 الكل ناام الا ام فيصل الي ماقدرت تنام ولدها مو موجود دخلت غرفتها تنتظره من غير مايعرف لكنه وصل وراح لغرفتها فتح الباب وحصلها جالسه حب راسها وجلس ساكت وام فيصل ساكته ..






  8. #38
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    ببيت ام نواف ..نواف كان بالمكتب سرحان ويفكر ياترى ليه عبير تركت الشغل معه هل احد جبرها او هي ابتعدت لو صدق تميل له كاان مااختارت البعد بالعكس ..
    كلام فيصل سيطر على نواف لدرجة انه يفكر فيه طوال الوقت معقوله عبير تفكر فيه او تميل له تعب من تفكيره وكل مايتوصل لقرار يخاف ويرجع عنه ..دخلت عليه امه
    ام نواف..نواف بروح لبيت ام فيصل
    نواف مبتسم وراح لها ومسك يدها..تعالي الغاليه الى متى بتظلين زعلانه
    ام نواف..من قال اني زعلانه ماتبي تعرس بكيفك
    نواف ويضحك..يمه اول شئ اضحكي
    ام نواف وتدفه..ابعد عني والله انك فاضي
    نواف..اضحكي والا مابقول اني موافق
    ابتسمت ام نواف..موافق تعرس
    ابتسم نواف وحب راس امه..لخاطرك موافق
    ام نواف ..لا توافق لخاطر ماابي ياتتزوج برضاك والا خل البنت عند اهلها
    نواف..موافق بنأخذ الي يحبنا وبنترك الي نحب
    ام نواف ..من تقصد للحين تحبها استح على وجهك البنت تزوجت وعندها ولد
    نواف ويضحك..لا يمه مااحبها ولاعمري حبيتها صدقيني بس ابي اخذ الي تحبني وابي اعرف منهي
    ام نواف..حسبي الله على عدوانك شلون عرفت
    نواف مبتسم..انتي قلتي لي
    ام نواف تضرب صدرها..انا متى
    نواف ويضحك على امه..يمه انتي قلتي خذ من يحبك ولاتأخذ من يحب بس انا مااعرف احد يحبني
    ام نواف..ايه تحبك بعد العرس خلاص اخطب لك
    نواف..لا اول قولي لي من البنت يمكن ماتعجبني
    ام نواف..عبير بنت عمك كامله والكامل الله سبحانه
    نواف..واذا رفضتني
    ام نواف..وليه ترفضك
    نواف..يعني ماتعرفين يمه
    ان نواف..يمه اهلك انا ماعرفتهم وعشت معهم الا قليل لكن بالفتره الي رجعتوا مع بعض عرفتهم وخصوصا عبير وصدقني يمه هالبنيه مايهمها المظهر لا بالعكس لكن انت الاعمى ماتشوف صح ماشفت وجهها ولاابيك تشوفه ولاهذا قصدي لكن ماشفت جمال روحها واخلاقها وتعاملها ماشفت شلون تتكلم وتناقش اهلها والكل المهم ان شاء الله مابترفض
    نواف..توكلنا على الله انا بكلم فهد
    ام نواف ونزلت دموعها وحضنت ولدها ..بس يمه مابعد وافقت اخاف تروح دموعك خساره
    ضربته امه وطلعت لبيت ام فيصل وبشرتها بموافقة نواف ..

    طلعت ام نواف وتركت نواف محتار ياترى اتخذ القرار السليم ..وهل بيكون قادر على تحمل رفض جديد ..هل بيسطر على المه وغضبه خصوصا لما ترفضه انسانه مثل عبير ..انسانه عكس دلال بكل شئ لها هدف ومبدأ ورائي لها قناعه واسلوب انسانه كلامها موزون وواضح ماتعرف اللف والدوران ماترجح ولاترضى بالجرح ..هل بيتحمل رفض عبير ..احتار نواف ولاحصل اجابه لاسئلته وتوجه لمكتبه وطلع الملف وظل يناظر فيه وقال .. سيكون لها ))))))
    "" انها صفحات قلبي ..هي ستمحي المي وهي ستكتب فرحي لذا ما بالداخل سيكون لها وحدها وحدها ستكون اميرة قلبي ""
    ياترى طاهرة قلبك ياعبير بتكتب هالملف ..ابتسم وقرر يطلع من البيت ويترك الموضوع لقدرة الله وارادته ..


    وصلت شوق لبيتهم وطلعت لنجلاء الي حضنتها وهي تصيح وقالت لها عن كلام حمد والشخص المتقدم
    شوق..وانتي مابتوافقين عشان فهد
    نجلاء وهي تصيح..مااعرف
    شوق استغربت..تكلمي شلون ماتعرفين انتي تحبينه او لا ..؟؟
    نجلاء..ماادري
    شوق..نجلاء شفيك انتي متغيره شصاير ..؟؟
    نجلاء وتحاول تمسك نفسها..لما كنت عند البنات في بيت خالتي ام فهد كنت اساعدهم بترتيب اغراضهم ولفت انتباهي ملف لفهد فتحته صح مالي حق بس فتحته وانفتح مباشر على صفحه بداخلها الكرت الي كتبته له مع الهديه الي مارجعه وقريت كلام مكتوب
    شوق بحماس ..خلاص نجلاء بطلي دموع خليني افهم شو مكتوب
    نجلاء وتمسح دموعها..حفظتها وانطبعت بقلبي رغم اني قريتها مره وحده وبسرعه " هالكرت مااقول مااسعدني يانجلاء حتى لو طلبي كان تعليق عابر لكن تنفيذك له مااعجبني لاني افضلك دوم عاليه حتى على عيال عمك ..رديت الهديه وكسرت بخاطرك لكن لمصلحتك ..كنت اتمنى اجبر خاطرك واخطبك لكن كيف تهديني السعاده واحرمك من طفل يقول لك ماما كاان لازم ابتعد واتخذ هالاسلوب معك "
    صاحت نجلاء واستغربت شوق..هالشئ الي غيرك
    نجلاء..ماتخيلت فهد يعاني بصمت ولاتخيلت اني رخصة نفسي لما اعطيته الهديه
    شوق..الهديه غلطه والحمد لله انها عدت على خير لكن المهم الحين انتي شو رأيك
    نجلاء تصيح..تعبانه مو عارفه اقرر او افكر
    شوق..نجلاء استخيري وادعي الله وربي بيدلك على الخير ان شاء الله
    نجلاء..شوق ماادري خايفه ومتردده ساعديني شو اعمل
    شوق..مااقدر اساعدك اذا تقدرين تعيشين من غير طفل وحب فهد يكفيك ارفضي وانتظري فهد
    نجلاء..ياربي ارحمني تعبت يارب يارب
    شوق وتحضن اختها وتقنعها تقوم تتوضأ وتصلي وتطلب الله يعينها ..


    جلست شوق مع اختها وطلعت بعد مااتفقت معها انها تعطي قلبها وعقلها كل واحد حقه من التفكير والمشاركه بااتخاذ القرار ..استخارت نجلاء وطلبت الله سبحانه يدله على الخير ..
    ورغم الحيره والالم ..الحب والانكسار ..الصبر والانتظار قدرت نجلاء سيطر على ضعفها وتبدأ التفكير بشكل متزن بعيد عن العشوائيه والتشتت بالاحساس ..


    رجعوا العمات لشرقيه والكل رجع يتابع حياته ايام قليله وتبدأ الدوامات الجامعه والمدرسه والكل بحالة استنفار استعداد للمدرسه ..

    مر يومين وفيه شخصين ينتظرون قرارات مهمه راح تغير حياتهم ..نجلاء الي قررت مصير حياتها وعرفت تختار ..وفيصل الي اعصابه تحترق بكل ثانيه وهو يطلب امه تكلم العنود ..
    فيصل ..يمه كلميها ارجوك انا ماابي اضغط عليها
    ام فيصل ..انت الي زعلتها راضها
    فيصل ويبتسم..راضيتها واعتذرت لها بس عنيده
    ام فيصل باابتسامه..بعد يزعلها وينتقدها مالي شغل بينكم
    فيصل ..اهون عليك يمه ترى بروح لها الحين لاتقولين عيب خلاص هي زوجتي
    ام فيصل وتضحك..روح اشوف والا هي بتخليك
    فصل..هههههههههههه لاتغرك يمه اول مره اكتاشف انها ضعيفه
    ام فيصل..هذي اماني وين العنود
    اماني مبتسمه..بالبيت
    فيصل..ولاالله حنن قلبها علينا
    اماني..الله الي يعلم
    فيصل ..تعالي اموون قولي لي خالتك تحت معها شالها والا اقول قولي لها تتغطى لان انا الي يقولون اسمي زوجها بروح لها
    ام فيصل ..ههههههههه فيصل اعقل
    فيصل..يمه خلاص مافيها السالفه عقل
    اماني..طيب عادي ليه تتغطى روح لها
    ام فيصل..لا مايروح كذا يمكن ماتبي تشوفه
    فيصل بخيبة امل..افا
    ام فيصل..ايه خلاص يمكن عافتك
    اماني مستغربه من كلام ام فيصل ..هي قالت كذا خالتي
    ام فيصل..ايه
    فيصل وعصب..شلون ومتى يعني مازالت مصره عالطلاق
    ام فيصل..ايه
    فيصل وقف بيطلع..طلاق مابطلق وانا بشوف الموضوع
    طلع فيصل للعنود وضحكت ام فيصل
    اماني..شفيك خالتي
    ام فيصل..خليه يعرف انا ادري العنود بترضى بس قلت اخليه يحس قبل
    اماني..والله انك ياخالتي رهيبه الله يطول بعمرك
    ام فيصل ..تعالي وين سلوم لايدخل فيصل الحين وهو فيه ويعصب ويسمعه
    اماني وتضحك..لا مع محمد طالع
    ام فيصل ..ايه احسن كذا
    اماني..عن اذنك خالتي
    ام فيصل..تفضلي قولي لساره تنزل لاروح انا لها الحين حابسه عمرها بهالغرفه
    اماني ..ان شاء الله

    دخل فيصل لبيت العنود ونادى عليها ولفت شالها عليها ..تفضل
    فيصل وماسك اعصابه..مابطول واخليك تشوفين وجهي الي عايفته لكن طلاق لا يالعنود انسي فكري كويس ارجوك وصدقيني مافيه شخص معصوم من الخطأ
    العنود ساكته متفاجئه من كلامه ولاهي عارفه ترد ..
    فيصل وعصب اكثر..العنود ارفعي رأسك مو لهالدرجه انا دنيئ
    العنود..محشوم يافيصل
    فيصل واتفاجئ لما تكلمت وقال ..اسف يالعنود وارجوك فكري عن اذنك

    طلع فيصل وابتسمت العنود مستغربه من احساسها تجاهه وتبخر غضبها عليه ومستغربه اكثر من كلامه رجعت جلست ودخلت عليها ام فيصل
    ام فيصل وبعد ماسلمت ..طمنيني العنود
    العنود..خالتي ساعديني مااعرف شو اعمل
    ام فيصل..قولي لي شصار حتى اساعدك
    العنود وقالت لام فيصل الي صار مع فيصل..خالتي انا مستحيل انسى تصرف فيصل معي وبنفس القوت مااتخيل ......
    ام فيصل ..كملي لاتسكتين يالعنود ولاتستحين من احساس من حقك ماتتخيلين شو
    العنود..مااتخيل اني اتزوج غيره
    ام فيصل مبتسمه..يعني تحبينه
    العنود وبخجل..مااقدر اقول مااحبه بس جرحه بقلبي قاسي ومؤلم
    ام فيصل..اسمعيني يالعنود فيصل ماهو بطبعه قاسي لكن مشكلته العصبيه الزايده والمفروض اي وحده سواء انتي او غيرك تبحث وتتوصل لطريقه تسيطر فيها على عصبيته وانا واثقه انك بتقدرين لانك تحبينه بتتحملين ولانه يحبك بيخفف عصبيته العنود انا مااقول الي صار منه بسيط او سهل لكن اعتذر منك وبحياتنا مافيه اجمل من التسامح خصوصا اذا نابع من قناعة الحب بقلوبنا العنود يمه فيصل طيب وانتي طيبه وتستاهلون ان شاء الله بتعوضينه ويعوضك عن الاحزان والهموم والمشاكل يمه انا ماودي اضغط عليك لكن فيصل عرف غلطته اعتذر لك واعتقد انه البعد يسبب الجفاء يمه اذا تبين نصيحة ام قلتها لك ولاقلتها له وهو ولد بطني لاتضيعن السعاده بسبب غلطه اخذت حقها من العقاب العنود يمه سعادتك بتسامحك سعادتك اذا اخترتي هالطريق لكن انتبهي ترجعين لفيصل وبقلبك شايله عليه لانك بكذا تكونين تدمرين حياتك
    العنود ..توه كان هنا ومعصب
    ام فيصل وتضحك وقالت للعنود كل الي صار
    حضنت العنود ام فيصل وقالت لها..افهم انك رضيت عليه
    ابتسمت العنود وطلعت ام فيصل تبشر ولدها ..





    التعديل الأخير تم بواسطة kuroro ; 12-07-10 الساعة 03:06 AM

  9. #39
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    بنفس اليوم الكل اجتمع في بيت ام فهد الا نجلاء الي اعتذرت وبعد معاناة مع حمد وافق واقتنع انها تعبانه وبترتاح ..

    عبير..شوق نجلاء وينها
    شوق..تقول تعبانه مالها خلق تجي
    خلود..اها طيب شرايكم نطلع بكرا لاي مكان
    ساره..انا مالي خلق
    شوق..ليه
    ساره..كذا مالي خلق اطلع
    خلود وتبتسم..وغيرها من ماله خلق
    شوق..هههههههههه حتى انا
    خلود..اقول بناات شفيكم الظاهر صابتكم عين ليه كذا صايرين حزينات
    شوق..انا بروح عند خالتي
    العنود..شوق خلي سلمان يجي هنا

    انتهت السهره والكل رجع لبيته وبكل بيت كل فيه حدث مهم ..

    نجلاء كانت تنتظر حمد وبلغته موافتها وبارك لها من كل قلبه وطلعت غرفتها واتصلت بشوق
    نجلاء..وافقت وقلت لحمد
    شوق بخوف..وفهد
    نجلاء..فكرت كثير توصلت لشئ واحد انا ماحبيت فهد انا حبيت الحب نفسه حسيت ممكن هالشخص يكون لي الحب لكن لا كل احساسي تجاهه كاان وهم الحب ماهو الحب والدليل اني لبيت نداء الامومه بداخلي لبيت حلمي اني اكون اسره واطفال افرح لفرحهم واحزن لحزنهم شوق ماانكر اني تمنيت اتزوج فهد لكن من ناحيه منطقيه اتوقع ..صح الحب دائما بالصدفه يكون لكن انا حبي ماكان صدفه ابدا شفت فهد قيمته وقلت هذا الانسان ينفع احبه لكذا حبي ماهو حب هو وهم الحب انا حبيت الحب نفسه مو شخص فهد ..اصعب شئ انك تقيمين انسان وتحصين سيئاته وحسناته وبعدها تقولين حبيتهم لا عمر الحب ماكان كذا الحب انك تحبين الشخص بكل عيوبه لكن انا لا تمنيت يكون فيه شخص مهم بحياتي حب يكون هو قمر ايامي يعطي ليل خصوصيه ولسهر معنى ولدمع قيمه دورت وشفت فهد حبيته ووقت الجد اتفقت مشاعري وعقلي على شئ واحد نداء الامومه بداخلي كاان اقوى بكثير من وهم الحب ..
    شوق..كلامك حلوو وكثير نجول يحبون ويبكون ويتوقعون انه حب حقيقي لكن بعد عثره او موقف تبان الحقيقه لان الوحده تفكر بالمنطق والعاطفه وتتوصل لنتيجه مرضيه المهم حبيبتي الله يوفقك ويسعدك يارب وحمد يمدح فيه وان شاء الله انه بيسعدك وتسعيده الف مبروك
    نجلاء ودموعها على خدها..الله يبارك فيك يالله شوق روحي ارتاحي انا بصلي ركعتين اشكر الله
    شوق..طيب الله معك وبكرا بينا اتصال
    نجلاء..ان شاء الله فماان الله

    اما بيت ام فيصل رجعوا وكانت العنود محتاره ياترى ترجع مع فيصل او محمد لكن ام فيصل قالت لها بصوت واطي ..

    ام فيصل..اركبي مع محمد مابعد بشرته خليه على اعصابه واذا رجعنا ووصلنا علمته
    ابتسمت العنود ووافقت ورجعت مع محمد الي ضاق صدره على حال اخوه الي بان عليه لما اختارت العنود سيارة اخوه وفضلته وعرف انها مازالت مصره على موقفها بالسياره كان فيصل ساكت والكل سكت لانه اول مره مايسولف معهم وصلوا البيت ودخل فيصل اخر واحد
    فيصل ..سارونه تعالي المكتب
    ام فيصل..انتظرك فيصل بغرفتي اذا خلصت
    فيصل..خير يمه تأمريني بشئ
    ام فيصل باابتسامه..لا خذ راحتك وانا انتظرك
    فيصل..ان شاء الله
    دخل فيصل ومعه ساره جلست وجلس قريب منها
    فيصل باابتسامه..سارونه ارفعي راسك وناظريني
    ساره مبتسمه..خير فيصل شفيك
    فيصل..ليه رفضتي حمد
    اتفاجأت ساره ونزلت راسها
    فيصل..حبيبتي حمد من زماان خطبك مني لكن طلب مني مااكلمك بالموضوع الا بالوقت المناسب حتى هالكلام قبل العمليه وكلمني من كم يوم وقال لي انك رفضتي لما سألتك شوق ابي عرف انتي رافضه حمد كشخص او الزواج او مثل ماعرفت
    ساره مرتبكه ومنحرجه ولاهي عارفه تتكلم
    ابتسم فيصل وتسند ..ماراح تتطلعين الا اذا قلتي لي سارونه انا فيصل تكلمي
    سساره وبعد تردد ..فيصل انا تعبانه شلون اتزوج مااقدر
    فيصل..يعني لو كنتي مو تعبانه وافقتي على حمد
    ساره..فيصل الله يخليك صعب اتزوج لاحمد ولاغيره ماابي اي شخص يشوفني حمل ثقيل عليه
    دمعة عيونها وسكتت وظل فيصل يتأملها وبعدها قال..سارونه وفيه احد يحصل له يتحملك ويقول لا حبيبتي حمد شاريك ويغليك وصدقيني لو هو يشك ان الزوج راح يضرك لو واحد بالميه ماكان خطبك مني الشئ الثاني المرض ماهو نهاية الدنيا انتي تعبانه هل هذا يعني خلاص تتوقف الحياة سارونه فكري وانا بالنسبه لي اذا يهمك رائي فيصل حمد ماينرد وشاريك امي تعرف بالموضوع وموافقه وفضلت انا الي اكلمك ومحمد موافق ساره لاتخلين الضعف والشيطان يلعب عليك انتي سارونه دلع البيت ماناقصك شئ وصدقيني حبيبتي صحتك كويسه حبيبتي فكري زين وان شاء الله ردك بيكون الموافقه لان حمد ماينرد يالله سارونه روحي ارتاحي الحين
    ابتسمت ساره ..تسلم الله يخليك لنا ويسعدك
    ابتسم فيصل لها وطلعت وتركته ثواني بعدها طلع لامه بغرفتها ..

    اما في بيت ام فهد كانت المفاجأه الاكبر ..والغير متوقعه ..

    فهد ..عبير خليك بكلمك بموضوع
    خلود..يعني انا اروح
    فهد..يستحسن
    خلود..افا اجلس لحالي عادي يعني بعرف بالموضوع خلوني اجلس
    فهد..لا ماعليه احرق اعصابك كم دقيقه
    خلود..عاادي اصلا انا متعوده عبير انتظرك
    فهد..ههههههههههههه
    ام فهد..خير يمه شعندك
    فهد ويبسم..كل خير عبوره اليوم تقدم لك واحد
    انقبض قلب عبير لانها خلاص قررت ماترفض ابدا سكتت
    ام فهد..مين ياابوي
    فهد ويبتسم..رجال كفوا والنعم فيه ماعليه قصور بصراحه اخلاق واتعليم ومشاء الله يراعي الله بكل تصرفاته
    ام فهد..الله يكتبه من نصيبها
    فهد ويناظر عبير باابتسامه..ماسألتي مين او مايهمك
    عبير..لايهمني واذا هو مناسب الي تشوفه فهد
    فهد..عبوره ماابي شئ غصب عنك كل شئ لازم يكون بقناعتك ورضاك المتقدم لك نواف ولد عمي
    انصدمت عبير ماقدرت ترفع رأسها وابتسم فهد والتفت على امه
    ام فهد..والنعم فيه ولد عمها ولافيه قصور
    فهد..عبير
    عبير والصدمه واضحه ..ايوه
    فهد باابتسامه ..فكري وقرري وانتظر رأيك ولاراح اضغط عليك نواف وتعرفينه وانا اعرفك واثق فيك وبتفكيرك
    طلعت ام فهد وتركتهم يتكلمون لكن قبل مايطلع فهد لغرفته ابتسم وقال كلمه ...عبير رفعتي رأسي الله يسعدك
    استغربت عبير من كلام فهد وخطوة نواف الي فقدت الامل فيها وظلت بمكانها لحد مادخلت خلود
    خلود..عبيررر شفيك
    عبير..وجع روعتيني
    خلود..الله وين وصلتي
    عبير..نواف خطبني
    خلود وسكتت بعدين من غير مقدماات..كلووووووووووووووووش
    طلع فهد الي كان بالمطبخ..هههههههههههه عرفتي
    خلود..حرام تحرمني من هالحظه ليه ماخليتني اشوف شكلها
    ضربتها عبير وسكتت وضحك فهد وطلع غرفته
    عبير وتضحك وفرحانه..مو مصدقه اخيرا اخيرا
    خلود..الله عبير الله يسعدك يارب وصدقيني عمره مابيندم انه تزوجك بس تعالي اخاف تزوجك عشان ملفاته ترتبينها
    ضربتها عبير وطلعت لغرفتها وهي مبسوطه لكنها مع احساس السعاده مانست انها تصلي وتشكر الله انه اعطاها على قد نيتها ..
    دخل فيصل غرفته امه بعد مااستأذن جلس عالسرير عندها
    فيصل..امريني الغاليه
    ام فيصل..شفيك
    فيصل ويتنهد..سلامتك
    ام فيصل..العنود
    رفع عينه فيصل..يمه اعتذرت ندمت لكن مااقدر اطلقها مااقدر يمه ..العنود عرفتها بالاسم لما تكلم ابوي الله يرحمه عنها اثارت فضولي هالانسانه كيف عايشه وشلون مدبره امورها لما وصلت للمستشفى ودخلت عند ابوي منطقها عجبني قدرتها عالرد عجبتني ماتخيلتها بنت بهالعمر ممكن تفكر مثلها ولما تكلمت معه بحضورك اخجلني السواد الي عليها فيه قوه توازي قوت حضورها واحترامها لنفسها كلامها محدد ومختصر اسلوبها واضح ومنطقي ماقدرت غير اني احترمها لما طلبت اكتب البيت بااسم اخواني واسمها اجبرتني انظر لها نظرة الانسانه الي عندها بعد نظر ولاتفكر بالوقت الحالي بس ..ابتسم فيصل وللمره الاولى اقولها لك يمه اول مره الصدفه جمعتني فيها وشفت عيونها عجبتني او اربكتني اكثر او اقرب لاحساسي بوقتها تعرفين يمه لما تشوفين انسانه قويه جدا ماتتخيلينها جميله تحسين كل الانوثه بعيده عنها لكن انصدمت لما شفتها وقت حادث سلوم صدقيني يمه كابرت اعجابي فيها وبشخصيتها وبعد معاناة وتكذيب وتصديق بعد موضوع الطايف والي صار بعد ماقدرت اتغلب على احساسي تجاه نفسي ومشاعري قدرت اعترف لنفسي ان العنود لها مكانه عندي ومكانه كبيره يمه صدقيني لما كنتي تتكلمين عن الخطبه ماتخيلت اتزوج انسانه غيرها يمه صعب بعد مااوصل لهالعمر واتخيل انسانه معينه تضيع مني وبسببي وتهوري يمه صدقيني شفتها بزواج غدير بمكياج وشفتها امس من غير شئ وبكل الحالتين كانت متحجبه وبكل الحالتين حلووه جمالها تجاوز بداخلي المظهر صرت اشوف فيها الروح وجمالها الي صعب اي شخص يتوصل له بسهوله واليوم حسيتها جرحتني قدام خواتي واخوي وكل اهلي لما اختارت سيارة محمد
    ام فيصل مبتسمه..بس عروت قلبي يمه
    فيصل..من احكي له يمه هههههههههههه سعد ماهو فاضي لي
    ام فيصل..العنود ماجرحتك ولااختارت سيارة محمد
    فيصل مستغرب شلون..؟؟
    ام فيصل وتبتسم..قبل مانطلع من البيت لام فهد عرفت من العنود قرارها ولما رجعنا انا قلت لها تركب مع محمد
    فيصل بخيبة امل..يعني مازالت مصره يمه ساعديني
    ام فيصل وتضحك..ههههههههههه والله وحبيت يايمه فيصل العنود راضيه عليك
    فيصل منصدم..شلون وليه مارجعت معي
    ام فيصل..هههههههه انا طلبت منها
    فيصل..وهنت عليك
    ام فيصل..لاماتهون علي بس قلت اخر قرصه لك مني قبل ماترجع لها
    فيصل..ههههههههههه احلى قرصه دامها منك بس تعور يمه
    ام فيصل..قول امين الله يسعدكم ويوفقكم ويفرحني فيكم
    دمعت عيونها وحضنها فيصل..لا الغاليه ماابي دموع ابي افرح
    ام فيصل..الله يديمها عليك اطلع الحين خلني ارتاح ولاتروح للبنت الحين عيب
    فيصل...ههههههههه مابروح بس مو عيب الاتصال
    ام فيصل..لا ماهو عيب اذا ردت عليك
    فيصل..لا بترد ادعي لي الغاليه
    ام فيصل ..الله يوفقك يمه
    طلع فيصل ودخل المكتب وهو مبسوط ومرتاح ومبتسم وتوه بتصل ويدق التيلفون ويرفعها
    سعد..هلا والله
    فيصل..هلا وغلا ومليون مرحبا بالغالي
    سعد..هههههههههه اجل انحل الموضوع
    فيصل ويضحك..توه منحل وتوني بتصل يااخي ليه ماتعرف تختار الاوقات اخاف تنام
    سعد..ههههههه الشرهه على الي متعني وهو بشهر العسل يتطمن عليك
    فيصل..تسلم بس لاتضيع الموضوع اختي شلونها
    سعد ومبتسم..اختك زوجتي وحبيبتي وعيوني ودنيتي
    يقاطعه فيصل..بس بس يااخي قدر اني اخوها
    سعد ويضحك بصوت عالي...خلاص وانا زوجها
    فيصل..ههههههه ادري بس عاد مو تغزل فيها قدامي احترمني والا خلاص
    سعد..المهم خالتي ومحمد والاهل كلهم شلونهم
    فيصل..الكل بخير ونعمه ولاتطولون بسرعه ارجعوا ويالله مع السلامه يااخي عطلتني
    سعد..فيصل شفيك مستعجل اثقل
    فيصل..ايه شعليك مبسوط ومرتاح اقول يالله سلم على غدور وبرجع اتصل فيك اذا انتهيت
    سعد..لا لاتتصل اعرف اول مكالمه بعد الزعل بتستمر ساعات لاتتصل الا بكرا سلم على الكل فمان الله
    فيصل..الله معك


    حاول فيصل يتصل لكنه تحطم ولاردت العنود لانها انتظرت وطول واضطرت تطلع تنام مع سلوم قرر ينام فيصل وبكرا يكون اول ايام الفرح له بأذن الله ..

    باليوم الثاني صحت العنود وفطرت سلوم وطلعت غرفتها اخذت لها دش واختارت لها جلابيه عنابي وتعدلت ونزلت لانها توقعت فيصل بيمر عليهم ...

    اما في بيت ام فيصل نزلت ساره لغرفة امها وارتمت بحضنها وصاحت ..
    ام فيصل..سارونه حبيبتي ليه الحين تصيحين فهميني
    ساره من بين دموعها..مابي اتزوج
    ام فيصل..ماتبين حمد او ماتبين الزواج
    ساره..لا يمه افميني انا ماقدرت اقول لفيصل بس انتي يمه حاولي تفهميني انا تعبانه ولااقدر اتزوج اخاف مااقدر اسعد الي اتزوجه يمه
    ام فيصل تقاطعها..ساره الله عالم بكل شئ وبعد الله كل صاحب اختصاص نحترمه حمد دكتور قبل مايكون ولد عمك او خاطبك قال انك الحين بخير تحتاجين مراجعت لفتره معينه وتقدرين تمارسين حياتك بشكل طبيعي يعني ليه نقول كلام احنا غير ساره يمه انتي بنتي وانا اعرف الي بقلوبكم من نظراتكم وهمساتكم مثل ماعرفت الي بقلب فيصل عرفت ن اول يوم الي بقلبك لحمد ولكذا خليت اخوانك يكونون معك بااغلب المواعيد ماهو لاني مااثق فيك لا انا اثق فيك وبولد عمك بس اخوانك يعزونك يابنتي وحمد رجال عرف ان البيوت لها ابواب وكلم فيصل من زمان وهالشئ خلاني احترمه اكثر واكثر يمه انا قلب رهيف مثلكم مااقول ان احساسك تجاه ولد عمك خطأ لا انتي تربيتي وبنتي بس يمه الصح الي عمله حمد والخطأ الي انتي بتعمليه ساره يمه انا الي هالمره مابنتظر ردك انا اعرف انك تعزين حمد وبعطي فيصل موافقتك وانتي بأذن الله طيبه ولافيك الا العافيه
    ارتمت ساره بحضن امها الي هدتها وارتاحت بعد كلام امها ..







  10. #40
    مشرفة الصف 7
    الصورة الرمزية kuroro
    الحالة : kuroro غير متواجد حالياً
    رقم العضوية : 93686
    تاريخ التسجيل : 11-03-12
    الدولة : ❀ syria ❀
    الوظيفة : لَيْتَ العَالَمْ كُلهُ يَتفِقْ عَلى إزَالَةِ حَرْفِ الرَآءِ مِنْ كَلِمة حَرْب ليَعيشَ الكُلُ بِسَلام
    الجنـس : انثـى
    المشاركات : 1,810
    التقييم : 516
    Array
    MY SMS:

    مهمآ تعآلتْ بنآ الضَحكآتْ .. يبقىْ آلحُزنُ همسً يَدقُ بنآ وجعاً خلفَ كُلِ أبتِسآمةْ ..!

    افتراضي رد: رواية سعودية .. ناداني ولبيته,, كاملة


    طلعت ام فيصل وساره وصادفه فيصل نازل وكاشخ صبح عليهم وقالت له امه عن موافقة ساره على نزلت محمد وبترك لها
    فيصل..مبروك حبيبتي الله يسعدك
    محمد..الله فيصل ليه هالكشخه عالصبح
    فيصل مبتسم..خلاص انجلا الغيم
    محمد ويضحك..ههههههههههههه مبروك الله يسعدك
    فيصل ..انا بتصل بحمد اقوله لاني بصراحه طفشت من هالحاله امس سعد واكيد الحين حمد
    ام فيصل..شفيه سعد غدير فيها شئ
    فيصل يبتسم..هههههه لا الغاليه طلعت منك امس خرب علي سعد اتصل وضاعت علينا المكالمه يسلم عليكم كلكم وغدير بخير ومبسوطه
    فيصل..هلا والله بولد العم والنسيب شلونك
    حمد..هلا بك بشر
    فيصل..قلنا النسيب افهم
    حمد...ههههههههههه ماانا نسيبك من قبل
    فيصل..ههههههههههههههههاي اعذرني يااخوي والله من الصبح مضيع خلاص بشرتك مع السلامه
    حمد..الله شفيك تقل مطرود
    فيصل ويضحك..حرام خلوا الواحد يشوف حاله شوي
    حمد..اها اجل لا خلاص مشكور وشف حالك بس لاتنسانا خلنا نشوف حالنا مثلك
    فيصل..ابشر يالله مع السلامه
    حمد..هههههه الله معك

    محمد..الا صح نجلاء بنت عمي انخطبت
    ام فيصل..الله يوفقها قالت لي شوق امس
    ساره..مبروك شوق
    شوق وفهمت نظرة ساره..الله يبارك فيك وهمس لها مو فهد واحد ثاني
    ساره..الله يسعدها ان شاء الله
    فيصل..انا بطلع عن اذنك
    اماني..السلام عليكم
    فيصل..وعليكم السلام
    سلوم..فيصل فيصل
    فيصل وينزل له..امرلاني سلوم هي خربانه اليوم انا عارفه
    سلوم..بروح للملاهي
    فيصل..بنروح للقمر بس انقذوني حرام
    محمد..خلاص فيصل بدل اليوم بكرا
    فيصل ويناظر محمد بطرف عينه..سلوم محمد تو قال وين سلوم بنروح نشتري سمك روح معه
    سلوم ببراءه..الله يالله محمد بروح معك
    محمد...مسموح فيصل هالمره بس مااخترت الا السمك
    فيصل..ههههههههه ان شاء الله خيار عن اذنك
    طلع فيصل والكل ضحك عليه وجلسوا مع بعض يسولفون ..

    دخل فيصل للبيت عند العنود بعد ماتنحنح عند الباب حصلها بالصاله وهالمره من غير شال وقفت له ..
    فيصل باابتسامه..ليه مارديتي امس
    العنود ومستحيه..ماتوقعتك بتتصل الوقت كان متأخر
    فيصل..بظل واقف عالباب
    العنود..تفضل
    دخل فيصل وجلس قريب من العنود ..ابي اسمعها منك سامحتيني
    رفعت راسها وابتسمت وهزت رأسها
    فيصل مبتسم..هو ابتسامتك تكفي بس ابي اسمعها منك ارجوك
    العنود بصوت واطي ..سامحتك
    فيصل ..لو تعرفين شكثر عانيت هالفتره بس صدقيني رضاك المهم وابتسامتك تكفيني عن
    قطع كلامهم سلوم الي شهق لما شاف فيصل عندهم
    سلوم ومستغرب..مارحت برا
    فيصل ويضحك بصوت عالي لدرجة ان عيونه دمعت ..تعال سلوم
    جلس سلوم على رجل فيصل
    فيصل ويأشر على العنود..شفت هذي شسمها
    سلوم بسرعه..عنوده
    فيصل يبتسم..حلو عنوده هذي اسمها عنودي انا
    سلوم..عنودي انا
    فيصل مبتسم..لا انا يعني انت تقول عنوده وانا اقول عنودي
    العنود احمر وجهها ولاعادت قادره ترفع عينه
    سلوم..يعني انت تقول عنودي
    فيصل..لا انت تقولي عنودك
    العنود بصوت واطي..بس فيصل
    فيصل...ههههههههههه لعيونك ماطلبتي
    سلوم..فيصل بتروح معي
    العنود ورفعت رأسها بااهتمام..وين بتروح
    فيصل يقاطع سلوم..وانا بروح مابتسألين
    انحرجت العنود ..اذا بتقول
    فيصل..مابقول اذا ماسألتي
    العنود..اول اعرف سلوم وين بيروح
    سلوم..بروح مع محمد نشتري سمك مع السلامه
    طلع يركض وترك فيصل والعنود الي كانت منحرجه من نظرات فيصل
    فيصل..والحين مابتعرفين وين بروح
    العنود..وين ..؟؟
    فيصل..بصراحه ماابي اروح بجلس معك
    استحت العنود وقامت ..اجيب لك شئ تشربه
    فيصل باابتسامه..من ايدك شربت احلى عصير
    طلعت العنود وهي بتموت من الحياء ..
    جلس معها فيصل شوي واستأذن وطلع واتفق انه يتصل فيها بعد مارجع لها الجوال ..


    بلغت عبير اخوها موافقتها على نواف الي فرح من كل قلبها بهالموافقه وحمد ربه الي اعطاه انسانه مثل عبير مختلفه بكل شئ ..

    اتفقوا الشباب انه بعد اسبوع ملكت نواف وعبير وبعدها ساره وحمد وبالاخير بااجازة العيد زواج فيصل الي عمل المستحيل حتى يقدمه لكنه رضى بالامر الواقع ..

    بملكة عبير ونواف كانت الفرحه مسيطره على القلوب كل البنات فرحانين لها لانها صبرت وربي عوضها بالانسان الي تحبه ..
    عبير ..خايفه بناات
    خلود..لاتخافين انتي مثل القمر عبوره
    عبير ..ماابي اجلس معه
    العنود..بعد هالانتظار ياعبير ماتبين
    قطع كلامهم وصول نجلاء الي كانت ملكتها قبل عبير بااسبوع وكانت مبسوطه ومرتاحه وهالشئ واضح عليها ووضح للكل ان نجلاء تبدلت من انسانه سيطر عليها الحزن لفتره لانسانه الامل دخل حياتها من جديد ..
    نجلاء..الف الف مبروك دلال وبدور وراي الحين بيدخلو
    دخلت دلال وبدور وسلموا على عبير وهمست دلال بكلمتين بااذن عبير
    دلال ..مبروك انتي الي تستاهلين نواف وهو الي يستاهلك وياعبير انا ونواف عمر الحب ماجمعنا ولو للحظه وحده وهالشئ ثقي منه لاني عمري ماحبيته الا كااخ وبس ومتأكده انه نفس الشئ ينظر لي لكن اهلنا وتخطيطهم الله يسعدك
    الكل نزل ونزلت عبير والكل بارك لها وجاء وقت دخلت نواف خافت عبير توترت صاحت ام فهد وام نواف كل البنات دمعت عيونه فرحه لهالانسانه الي حبت بصدق وربي عوضها ..طلع نواف مع عبير للمجلس لحاله وظلت ثواني عبير ساكته
    نواف باابتسامه..مبروك عبير
    عبير بصوت واطي..الله يبارك فيك
    نواف..لا ابي اشوف هالجمال ارفعي وجهك
    ابتسم لها وكمل وقال..بحياتي صفحات بيضاء ياترى بتكتبيها عبير
    عبير وبخوف..اذا كانت بيضاء اكتبها لكن
    نواف..مافيها لكن عبير قلبي ابيض ماعرف ولادخل فيه انسانه قبلك ثقي من هالشئ ودلال بنت عمتي لااقل ولااكثر عبير بينا تيلفون يالله فمان الله
    وعند الباب وقبل مايطلع ..
    عبير..نواف لاتزعل مني
    ابتسم نواف ورجع لها..عمري مابزعل منك وعمري مابزعل من غيره وحب
    استحت عبير ونزلت رأسها وابتسم نواف..عبير انتي احلى بكثير مما تصورت
    ابتسمت عبير وطلع نواف وهو ينتظر اللحظه الي يكلم فيها عبير ويشرح لها احساسه تردده وخوفه يقولها عن نبضه وعن صدقه تحاها ..يحكي عن اماله وامنياته الي رسمها بعد موافقتها ..يشرح لها موقفه من دلال ويهديها ملف عنوانه سيكون لها ))))))
    حتى تكتب اول معاني السعاده الحقيقه بحياته

    عدت الليله حلوه سافرت فيهاعبير مع السعاده والحب والامل والامني والذكريات..نست سنين الخوف والغيره الالم والدموع ولتذكرت الا لحظة السعاده الحقيقه الي تعيشها وتحلم بااحضانها ..

    مر اسبوع من السعاده على قلوب الكثير ..عبير ونواف الي انتقلوا لعالم الصفاء والمحبه ..نجلاء وعبدالله والي سافرت بدنيا الاستقرار والاحساس بالامان..غدير الي رجعت وهي تحس بالفخر والحب لسعد ..ساره الي متوتره وخايفه لان اليوم هو ملكتها على الانسان الي حبته من كل قلبها

    شوق ..يانااس تعبت خلاص متى اولد
    العنود...ههههههههه الله يعينك ارتاحي طيب
    شوق..شلون ارتاح وزوجة اخوي هالقمر رام يااختي لاتجننين اخوي
    ساره..شوق اسكتي حرام عليك
    نجلاء..ههههههههه لو تشوفين حمد هالدنيا كلها مو سايعته من السعاده
    غدير..يالله سارونه امي تقول انزلي
    نزلت ساره بعد معاناة وجلست واول ماشفت اخوانها داخلين دمعت عيونها وارتمت بحضن فيصل الي ضحك عليها والتفت على حمد
    فيصل..لا خلاص دموع من الحين
    محمد..سارونه عيب فشلتينا
    فيصل..خلاص ساره الحين يهون حمد
    حمد..ليه ناقص عقل اهوون عن هالزين كله
    محمد..احم يااخي توك مابعد لبستها الشبكه
    حمد ويبتسم..ابعد خلني اسلم اول
    سلم عليها وهي بتموت من الخوف والحياء وبعدها طلعت معه للمجلس وجلست بعيد عنه
    حمد ويقرب عندها..اول شئ سارونه مابااكلك
    استحت ساره وابتسم حمد وكمل..مبروك ياعمر حمد
    سكتت ساره ولاردت ..ساره اجبري بخاطري وعبريني ارفعي راسك
    رفعت راسها وابتسمت وابتسم حمد وقال..انا بطلع سارونه وبكلمك بس قبل مااطلع بقول لك شئ
    ساره بااهتمام..تفضل
    حمد وبكل حنان..احبك
    نزلت راسها وطلع حمد وظلت ساره بمكانها من الصدمه مو عارفه تتصرف لحد مادخلت عليها غدير وضحكت عليها وطلعت معها لغرفتها على طوال طلعت تعيش احساس السعاده والفرح ..
    ونفس الشئ حمد رجع للبيت يعيش احساسه تجاه ساره الي يحمله من فتره لها وتكلل اليوم بالفرح والامل..
    مرت الأيام حلوه هاديه رايقه مليانه امان واستقرار ..سعاده وفرح..امل وعطاء..
    ساره مرتاح بوجود حمد الي بدل حياتها من خوف من المرض الى تفاءل ورضى بالقدر وزاد من دلعها دلع..
    عبير الي شرح لها نواف موقفه وفهم حبها له وزاد قدره عندها ومكانتها بقلبه احاطتهم الاماني والاحلام الي تنقلهم من كلمه وهمسه لسعاده وفرح.
    .محمد الي شايل شوق بعيونه وينتظر الساعه الي يكون فيها اب ويحمل طفله بين ايدينه ..
    غدير الي فخوره بزوجها واهتمامه فيها وبأمه ومبسوطه لانها اهدته واهدت اهلها واخوانها خبر حملها الي اعطى البيت جو اكثر من السعاده..
    اماني مبسوطه بوجودها بحضن ام فيصل وبين اخوانه .
    .وسلوم مبسوط ومرتاح مع اخوانه..
    خلود الي انشغلت بدراستها وفرحتها بااختها ..
    نجلاء الي تغيرت حياتها من الم الى امل .
    .وفهد الي عاش بعيد منعزل لحد مادخلت عليه امه







صفحة 4 من 5 الأولىالأولى 12345 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

المواضيع المتشابهه

  1. طويلة : رواية جرحني و صار معشوقي كاملة
    بواسطة MOZA_FCB في المنتدى قصص الحب و الرومانسية و الغرام و العشاق
    مشاركات: 15
    آخر مشاركة: 15-03-04, 09:16 PM
  2. رواية همس الموت , كاملة
    بواسطة دلع الامارات أنا في المنتدى قصص الطويلة , الروايات
    مشاركات: 11
    آخر مشاركة: 14-09-29, 08:07 PM
  3. رواية لمى في شقة شباب / كاملة
    بواسطة بنت الشيوخ 2003 في المنتدى قصص الحب و الرومانسية و الغرام و العشاق
    مشاركات: 23
    آخر مشاركة: 14-09-04, 11:44 AM
  4. رواية أجمل غرور كاملة
    بواسطة بنت العين 2 في المنتدى قصص الطويلة , الروايات
    مشاركات: 31
    آخر مشاركة: 14-03-03, 10:03 AM
  5. رواية . الريم اللعوب كاملة
    بواسطة نظرة عناد في المنتدى قصص الطويلة , الروايات
    مشاركات: 22
    آخر مشاركة: 12-08-22, 11:57 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •