تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 5 من 9 الأولىالأولى 123456789 الأخيرةالأخيرة
النتائج 41 إلى 50 من 82
  1. #41
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    سكتوا شوي وماحسوا الا بصدمه بالسياره .. وصرخوا كلهم لان الطريق مظلم شوي مافي سيارات ابدا الا سيارتهم وسيارة اللي صدمهم
    شوق بخوف : بسم الله ايش هذا
    جلالي : يووه ماما .. هذا واحد يصدم احنا من ورى
    رغد : وقف على جنب بسرعه
    شهد : يارب سترك
    وقفوا ووقف اللي صدمهم ..
    شوق : لحظة لاتنزل ياجلالي يمكن هو ينزل يجي
    شهد : انا انزل اتفاهم انتم خوافات
    رغد : نسيتي قبل شوي كنتي بتموتين وانتي تبكين
    شهد : خوذي ميشو .. نزل جلالي ونزلت معه
    الولد يصفر : ياهوو اسفين ياقمر ماشفنا السياره
    شهد بقهر : لا ياشيخ جيب ايش طوله وايش عرضه ماشفته وين عيونك
    الولد الثاني : ياحلو الصدف ويش اسمك ياكيكه انتي
    شهد : احترم نفسك وانقلع مانبي شي .. لفت بتروح .. مسك يدها دفته بقوه واعطته كف
    شهد : ياقليل الادب ياحيوان .. نزلت هنادي
    هنادي تشمر : هيه انت وهو خير خير .. نزلوا ثلاثه من السياره وخافت شهد لانهم بنات ومعهم سواق وهم شباب
    الولد: والله حسبنا ان اللي بالسياره رجال وبنتفاهم معه ونعتذر طلعوا وردات اللي بالسياره
    هنادي بصوت حاده : ورده بعينك تشبك بشوكها وماتطلع قول امين
    1: مقبوله منك ياقميل
    شهد تمسك هنادي : خلاص روحوا بسبيلكم .. سيارتنا احنا نصلحها ... قرب منها الولد
    2: لالا.. لازم نوصلكم لحد بيتكم .. نزلت شوق لانها خافت عليهم
    شوق : شهد هنادي ادخلوا خلاص .. بنروح
    4: مشاء الله شله بالسياره .. مسك يدها وسحبها بأتجاهه
    شهد تحاول تحرر يدها : اتركني يامعفن وجع بعينك
    هنادي تحاول تحرر يد شهد : اتركها ياقليل النخوه والرجوله
    3: اقول خلوها تروح معنا بالطيب والا بناخذها بالغصب
    شوق ارتجفت من كلمته وصرخت عليه: حرام عليك .. انتم الغلطانين .. اترك اختي
    شهد تبكي : قلت لك اتركني .. اتررركني
    4: مو بكيفك الغلط عليكم انتم
    جلالي : خلاص .. كل واحد في روح طريق
    مسكه واحد منه وبكسه
    رغد خافت وهي تشوفهم وجلست تبكي وريم وسحر
    شوق : اتركنا بحالنا ماعندك اخوات تخاف عليهم
    2: مابقى الا عوانس يتكلمون روحي بس ياشيخه ..
    شافت هنادي سياره واشرت لهم ... وبسرعه وقفوا وارتبكوا الاولاد وبعدوا شوي عن البنات وشهد تمسكت بشوق وهي خايفه منهم
    عبدالله معصب : ويش في خير يالاخوان ويش صاير بينكم
    شهد تبكي بحضن شوق : كانوا بيأخذونا معهم
    يوسف جن جنونه وطير عيونه فيهم : تتمرجلون على بنات .. مسك اول واحد قباله وخنقه .. وريني رجولتك يالله
    1: احنا صدمناهم واعتذرنا
    هنادي : عمى بعينك ياكذاب
    عبدالله يبعد يوسف : خلاص كل واحد يروح بطريقه .. أتجهوا الاولاد لسيارتهم وراحوا
    هنادي بعصبيه : ليش خليتهم يروحون المفروض تجي الشرطه تسحبهم
    يوسف : عسى ما أأذوكم
    شوق : لا الحمدلله انتم ربي ارسلكم لناجزاكم الله خير ... نزلت رغد حتى تشوف عبدالله اللي شبة عليه
    رغد : شهد انتي بخير
    شهد : أيوه .. الحمدلله
    يوسف : يالله خواتي اركبوا السياره واحنا بنمشي وراكم يمكن السياره توقف بعد الصدمه او شي
    عبدالله عيونه تعلقت برغد وقال : احنا وراكم .. وراح للسياره ولحقه يوسف .. وركبوا البنات سيارتهم ووصلوا للبيت
    شوق : وربي انهم عيال فيهم الخير مو مثل هذولك
    سمر : بقول لعمي عنهم
    شهد صرخت عليها : حسك عينك تقولين والله ماعاد نطلع مع الباب
    ريم تهدد سمر : شهد معاها حق لا تقولين له شي سامعه هذا بيننا مانبي احد يعرفه
    الكل : اوكي
    راحت لغرفتها اخذت لها شور بعد التعب اللي تعبنها والتفكير المزمن فيه صورته ماتفارق خيالها نظرته لها وتفحصه كأنه يشوفها لاخر مره تنهدت تنهيده طويله طلعت من قلبها .. اصرت على رأيها وتمسكها بقرارها رغم المعاناة والألك اللي تحسه ينهش قلبها خانتها دمعتها اشتاقت له .. تحس انها تودع الدنيا ببطئ في غيابه وصدوده عنها توقعت انه بيركض وراها ويترجاها لكن خابت ظنونها وتوقعاتها .. حبت تغير تفكيرها وتشغل نفسها أتجهت للكمبيوتر وفتحت المسن حقها .. لمحت اسمه ( عـــآشــــقــهــــآ )
    حركت الماوس له وفتحت محادثه ترددت تكلمه او لا صعف وحزن وأنكسار أكتساها فجأه سجل خروجه قطعت تفكيرها فيه وتصفحت بهدوء وروقان

    :::
    :::
    :::
    بعد مرور اسبوعين
    بالمدرسه
    هنادي تضحك : هههههه والله جلالي قالي كذا
    عبير عصبت : حرام عليك يابنت ويش بتسوين فيه
    هنادي : خليه يستاهل هذا وازود بعد
    عبير : مسكين ماجد .. خليه يروح بحاله الولد توظف
    هنادي تعقد حواجبها : توظف؟! وأذا .. والله مايروح قبل لاأنتقم منه
    عبير : هنو خلاص ياعمري سبيه بحاله
    هنادي بحقد : اتركه ... واخلي الكف يمر بسلام لالا ياروحي لا
    عبير : بكيفك ياحلووه ... بس انا خلاص مابي اشاركك بشي احس بتأنيب الضمير
    هنادي : براحتك شي راجعلك
    عبير تكشر : زعلتي يادوبه
    هنادي : وي انا ازعل .. ومن مين منك ... اقدر انا
    عبير : ياروحي انتي .. وباستها على خدها
    عبير تسحبها مع يدها : تعالي نلعب
    هنادي شقت الابتسامه وجهها : يالله ..
    بجانب ثاني
    لينا جلست بتعب : وربي تكسر ظهري من الوقفه حسبي الله عليها بس عشان ماجاوبت توقفني كذا
    سحر : احد قالك اسرحي.. ولا بحصه رياضيات .. عينك قويه
    لينا : والله مانمت جايه مواصله تعبانه حدي
    سحر تمسح عيونها : حتى انا بصراحه سيف طول اللي يسولف معي
    ريم : انتي الخبله معطيته وجه قفلي جوالك
    ريم تفكر : يبي لي اقفله بالليل
    لينا تتذكر هزاع : وه بس ياليت هزاع يكلمني والله لا اطنش المدرسه وام المدرسه كلها
    ريم : والله بتندمين على كل كلمه قلتيها وربي طفش وغير كذا غثاء
    سحر ترفع يدها : الحمدلله الذي عفاني مما ابتلى به كثير من الناس
    لينا ترفع حاجب وتنزل حاجب بشكل يضحك .. ومبتسمه وغمازاتها باينه :بكره نتزوج قبلك ونتدلع ونتغنج وانتي وتطالعينا وتحسدينا
    سحر فتحت عيونها على الاخر : احسدكم .. وعلى زواج .. اعوذ بالله اصلا انا اكره شي اسمه عيال تجون تقولون لي زواج
    ريم : وسامر ولد عمتي كمان تكرهينه
    سحر تغيرت ملامحها وبردت من كلمه ريم لها : سامر !!. كان مجرد اعجاب وصحيت على نفسي كنت اتوهم أني احبه .. كلها فترة مراهقه وعدت علي
    لينا تسند راسها على الجدار : ممكن أعجاب .. بس احنا كنا عارفين كل شي عنك وعنه انتي كنتي تموتين ... قاطعتها
    سحر بحده وصرامه : كنت .. وكان فعل ماضي بليز قفلوا على السيره
    ريم مستغربه تغيرها وحدة كلامها : تيب نغيرها .. بس لاتعصبي علينا
    لينا لفت على ريم وهي تبتسم وتدقها بالكلام : والله في ناس ميتين عند ناس ويتمنون رضاهم وهم ولا دروا فيهم
    ريم فهمت قصد لينا وضحكت : قولي لهم الخط مشغول يتصلون مره ثانيه يمكن يحالفهم الحظ
    سحر بعصبيه : ترى فاهمتكم زين .. ومعاذ اخوك يا لينا قولي له اني مرتبطه او مخطوبه خلي الامل اللي عده يموت
    لينا بتكشيره واضحه : بس حرام كسر الخواطر .. خصوصا انه شاريك سحوره
    سحر بعناد : انا موضوع الحب والزواج اخر همي .. مأجلته الين اخلص الجامعه
    لينا بتحطم : الله يوفقك ويرزقك
    ريم تأمن على دعوة لينا بقلبها ..( ويش وراك ياسحر .. مخبيه عني شي هو اللي مكدرك والسبب سامر )

    بـالجامعه
    كانت شهد ماشيه بطريقها تدور ريماس تبي تكلمها وتجلس معها مشتاقه لسوالفها وأخبارها
    سمعت أحد يناديها بأسمها من بعيد ..كأنها عرفت صاحبة الصوت البغيضه ..كملت طريقها بدون ماتلف لمصدر الصوت ومطنشه ولا عبرتها ..
    ..: شـــــــهــــــــــد !!... مسكتها مع يدها ولفتها عليها
    شهد لفت عليها وحطت عين بنظره قويه حاده وبصوت حاد : نـــــعــــم .. أي خدمه
    فاتن ولمعه الحزن البراقه بعينها : أبي اتكلم معك
    شهد تسحب يدها من يد فاتن قالت بصوت حاد جدا : الكلام اللي بيننا انتهى .. ولاتتعبين نفسك وتجيني مره ثانيه لاني بكل بساطه ماعدت اشوفك ...
    وطلت فيها من فوق لتحت ولفت عنها وكملت طريقها لانها ماهي طايقتها ولا طايقه تشوف وجهها للي يذكرها بالايام الماضيه .. ويذكرها بمدى تفكيرها المحدود ..
    شافت ساره تاشر لها من بعيد ومشت بأتجاهها
    شهد بأبتسامه : ويش فيك تناديني
    ساره : اخيرا لقيت احد عبرني ويسولف معي تعالي عازمتك على عصير طازه
    شهد تضحك : كلي فادك ياحلووه .. ويش عندك
    ساره : طفشاااااااااااانه مووووت سولفي وقرقري وبربري على راسي
    شهد : من عيوني .. شفتي اخر شي صار لي شنو
    ساره بحماس : شنو
    شهد : هذي سلمك الله فاتنووه ...

    :::
    :::
    :::
    فهد وقف وصرخ بصوته اللي تردد صداا بقاعه الأجتماع : تـــــــــســـــــيب ... وقالبين لي المكاتب كوفي .. وبهرجه لاخر شي ... واخر شهر راتب تستلمونه بارد مبرد على قلوبكم ...
    سلطان يحط الملف عند يد فهد اللي معصب ولا يشوف طريقه اللي قدامه : سلطان
    سلطان : هلا طال عمرك ..
    فهد يطالع ويتأمل وجيه الموظفين : كل واحد مخصوم من راتبه ... وعقوبات تنفذ فيهم كلهم من اصغر واحد الى اعلى واحد .. واضافة لساعات الدوام ... " بصوت حاد " .. مو بشركتي يصير الأهمال ... كل واحد على مكتبه يالله ..ومابي أي اعتراض
    بعد ماطلعوا كل الموظفين قفل سلطان باب مكتبه الكبير وبقى لوحده مشى ببطئ وهو يتامل مكتبه الواسع .. سكر باب غرفة الاجتماعات شاف كرسيه خلف المكتب .. جلس عليه وكله تعب وأرهاق .. تذكر كلمه رنت بأذنه ..
    {.. أنـــا أسف اســتاذ فهد .. أنـــت مريـــض بـــ... }




    غمض عيونه بألم .. تمنى جده يكون عايش يشكي له همه وضيقه وتعبه .. وينه ووين الحياه كل ملذاتها تحت طوعه وأمره .. ولكن فقد أهم عامل ترتكز عليه الحياه وهو { من كان مع الله في الرخاء .. كان الله معه بالشده } .. وين صلاته ؟! وين استغفاره ؟!. وين صدقاته ؟!. مسلم بالاسم فقط .. فكر بنفسه وحاله كل يوم يزداد سوء .. تفكيره شيطاني بحت .. مقتصر على شهواته .. أراداته .. أمنياته اللي يحققها حتى لو كانت تكلفه انه يلوث نفسه بالوحل .. تذكر لــــيــــان .. تذكر مصيبتها الكبيره اللي ماله يومين داري فيها وبالصدفه عرف هذا الشي .. تذكر ندى البريئه ذات الضعف والأنكسار ... وشخصيتها الأنهزاميه .. تــــذكر الــتــي أرقت نومه وأسهرت ليله .. تذكرت من كلماتها كالرصاص تتردد في مسمعيه ...

    {..شـــــــــــــوق..}
    بدأ العد التنازلي مالا يقل عن 12 يوم باقي عن زواجه منها
    نسى كل شي حوله وركز نظراته على هدفه المهم بحياته .. حطم حياته في يوما من الايام .. وبقى ان يدفن جثمانها حتى يريحها من ألــــم الحياه
    سحب جواله من على مكتبه وضغط على رقمها اللي يحمل اسم ( حقيرتي ) .. دق مره ومرتين ولاجاه رد منها

    كــانت بالمطبخ
    سمعت صوت مشاري يبكي .. اخذت رضاعته وراحت له بغرفتها وشالته من سريره وغيرت له ملابسه ونظفته ورضعته .. دق جوالها وكان بعيد على الكمودينه .. شالت ميشو وجلست على سريرها أول ماشافت أتصاله جن جنونها .. كل اوقاته تكون غير مناسبه .. تركته وماردت عليه

    شوق

    جيت من المطبخ على صوت مشاري اللي صحى من نومه وكان يبكي مرره .. توقعته جوعان وسويت له حليب حتى يرضعه .. وشلته من سريره وكان عيونه منتفخه من النوم ضحكت على شكله الملائكي الساحر اخذته ودخلنا الحمام وبدلت له ملابسه ونظفته حتى يصحصح وينتعش .. بعد ما طلعت وانا الاعبه مع باطن رجوله واحرك اصابعي حتى اشوف بسمته الله تنسيني الدنيا ومافيها .. "الأم "شعور الام اروع شعور بالدنيا تمنيت اني أكون أم واحد ينادي بكلمة ماما .. ذاك الوقت يمكن انسى كل عذاب السنين وتمنحى اسوء ذكريات الزمان المريب .. فكرت فيه فكرت بأنتقامي منه أربكني تفكيري المجنون .. لو حملت منه وصار أب اولادي ويش بيكون مصيري معاه .. هو أخر من افكر واتمنى انه يكون شريك حياتي أو يشاركني بحق خاص فيني
    سمعت صوت ميشو وهو يلعب ويحرك يده بعشوائيه وكان شعري منسدل على وجهي وهو بحركه لا أراديه منه بعده عن وجهي .. بسته على خده .. وابتسمت واخذت رضاعته ورضعته ... قاطع أنسجامي مع أنيس وحدتي ميشو صوت جوالي كنت على طرف السرير والجوال عالكمودينه بالطرف الثاني .. وقفت ومشيت له بكسل وخمول جلست جنب الكمودينه وأخذت الجوال وأنا متأففه من وقت الاتصال الغلط .. أول ماشفت اسمه ارتجفت .. حست الآه تخنقني .. وصوت بحاته المخيفه تتردد على مسمعي .. خفت ارد عليه ويجرحني كالمعتاد بكلامه القاسي .. احاول اتمنع عن مواجهتي معه حتى لو بالكلام لان كل واحد فينا يحاول ينبش جروح الثاني .. أنا بالنسبه له ورقه مكشوفه وخسرانه ولا يهمه اقتنائها .. لكن هو اكبر علامات الاستفهام تلتف حوله .. غموضه غريبه هدوء غريب ...ونظراته اغرب .. لما يطالعني احسه يطالع لشي بعيد المدى . وراه عالم مختفي بوسامته القاتله وجاذبيته الآسره وغناه المغري .. واحساسي انه عالم كل قذورات وذنوب وقرف عالم الله وحده يدري ويش فيه من خلل ..
    أنقهر منها هذي المره الثالثه اللي يدق فيها وماترد
    فهد وأعصابه فايره مره : هين ياشوق شغلك عندي .. تطنشيني والله لا أخليك تندمين

    دق عليها للمره الرابعه ويتمنى ماترد حتى يسوي اللي براسه .. كان معميه الحقد والعصبيه والكره .. جاه صوتها الهادئ البعيد والناعم : الــــــــــــو

    فهد ببحته المعهوده : تطنشين ؟!.. سمع صوت طفل يبكي

    شوق ببرود : كنت حاطته سايلنت والحين شفت ضوه ورديت

    فهد بحده : لاتكذبين علي

    شوق بقهر : وانت ويش خصك اطنشك والا ما أطنشك .. لهذي الدرجه مقهور اني حقرتك ياسخيف

    فهد يضحك بشر : مقهور ومنك .. قلوا الناس اللي أنقهر منهم

    شوق بقوه عين : اتصور كم مره قلت لك لا تدق عليا .. بعدين مستعجل على ويش كلها اسبوعين وتشوفني قدامك .. والا ماتقدر على فرقاي

    فهد يتكي على كرسيه ويحط رجل على رجل ويلف على الشباك الزجاجي وراه وهو يتأمل البحر قدامه : فرقاكِ يوم عيدي ياحقيرتي .. تصدقين انتي متخيله اني ميت عليك

    شوق بقرف : بالله عليك قلت شي جديد والله

    فهد : اقول جهزتي نفسك للزواج ؟!..

    شوق مقهوره منه ومن حبه للسيطره : مالك خص

    فهد ابتسم على كلامها اللي حس منه انها أنقهرت : لاتنسين انك تجهزين نفسك لي أنا مو لأحد ثاني

    شوق تسكت مشاري اللي يبكي في حضنها : انا مو فاضيه لسخافاتك وغبائك .. مع السلامه

    فهد رفع حاجبه : تسكرين قبل انا لا اسكر .. تبيني اكسر لك راسك

    شوق : يمه خفت منك ومن كلامك .. أعلى مابخيلك اركبه ..

    فهد يضحك بشر : بركبه وادوسك صدقيني ..

    قفلت بوجهه ولا أهتمت بكلامه لانه يكرره ولا شافت شي منه عرفت انها يحاول يحاصرها ويكرها فيه بزياده حتى يربكها اكثر واكثر .. شالت مشاري وراحت بالصاله وقفلت جوالها نهائيا حتى مايزعجها








  2. #42
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    صحت العشاء ومالقت احد غير ريم وسمر وسحر ... جلست بطفش وتملل ومسكت الريموت تقلب بالقنوات
    ريم : خير خير ليش معصبه

    رغد : مالي خلق شي .. متى يجي كلام نواعم
    سمر بسرعه : 9 ونص بتوقيت K.s.A
    رغد تطالع ساعتها : باقي نص ساعه .. تيب انا رايحه غرفتي
    سحر شحطت عيونها : ليش مستعجله .. اجلسي البرنامج مابقى له شي ويجي
    رغد : بشيك عالمسن واجي
    ريم بترد عليها ودق جوالها بنغمه مخصصه له
    سمر : وبدأ القلق .. تكفين ريم روحي الغرفه كلمي سيف
    ريم تمد لها لسانه : رايحه بدون ماتقولين حتى أخذ راحتي معه
    سحر بقهر : نفسي اعرف الساعات اللي تكلمون بعض ويش تقولون غير كلام فاضي
    ريم تمشي ووصلت عند باب الغرفه : شي مايخصك .. هههههههه
    رغد ابتسمت على خفيف وهي تشوف سمر وبحضنها ميشو : انتبهي له بروح الغرفه وأجي
    رغد
    اول ماجلست على جهازي تمنين اشوفه على المسن .. كنت ناويه اكلمه لو حصلته .. لكن خابت ضنوني يوم مالقيته متصل .. كلمتني ريماس وهي تحكيني ويش صار معاها اليوم هي وفاتن .. ما اهتميت بالموضوع لأن بالي مشغول مره فيه .. ارتجفت من نغمه تسجيل الدخول وشفته متصل . اول مافتحت المحادثه ..
    رغد : عبدالله .. ماجاها رده
    رغد : عبدالله .. رد علي
    عبدالله : نعم ويش تبين ؟!
    رغد سكتت شوي بعدها كتبت : شنو ويش ابي .. ابي اكلمك
    عبدالله : ادري تبين تكلميني .. بس ويش بغيتي مني
    رغد حست انه حاصرها : ولا شي بس كنت بسلم عليك .ز ماعاد ذكرتنا حتى لما تشوفني مسن ماتغلط وتلكمني
    عبدالله : انتي اللي ماتبين أكلمك .. مو قلتي لي لا تكلمني..
    رغد : اوكي انا أسفه باي
    عبدالله : باي .. وطلع وطلعت بعده
    رغد نزلت دموعها من القهر .. نفسها تصارخ وتكسر كل شي حولها .. فتحت درجها وقفلته بأقوى ماتملك من قوه فتحت دفترها وجلست تتصفحه حتى تنسى كلام عبدالله .. قرت قصيده كانت كاتبتها باللون الرمادي على صفحه ورديه وملصقه عليها قلوب ريش رمادي ووردي .. لان من طبيعتها اي صفحه تكتبها لازم تضيف من لمساتها عليها
    احبك كثر ماقد صار احبك رغم ما قد ماصار
    احبك كثر مادنيا الزعــــل والصــــــــــد
    مهجوره
    احبك كثر ماتمطر
    بصــــدري من غلاك امطار
    احبك كثر
    ماصارت اراضــي العشــق ممطوره
    احبك كثر ماتفتـــح شبابيك الربيـــــــع أزهار
    احبك كثر ماغنت عشـــان الصبـــــح
    عصفـــوره
    احبك كثر ماتاقف
    على جنب الطريق أشجار
    احبك كثر
    مايقسى الشتـــــاء وتهاجـــــر طيوره
    احبك كثر مافي الارض بنت تلفت
    الأنظـــــار
    احبك كثر مايرتاح
    عطـــــر بصـــــــــــــــدر مغروره
    احبك كثر ماجاب المساء في معطفه
    زوار
    احبك كثر ماجانا
    الصبــــــــــــح يشبهـــــك نوره
    احبك كثر ماتهدي كفوف الوصل من
    تذكار
    احبك كثر ماشـــــالت يدين
    العاشــــــق زهوره
    احبك
    كثر مانقراء عن الفارس عن المغوار
    احبك كثر مانسمــــــع ولا شفنا ولا
    أسطــــوره
    احبك كثر
    ماتلعب بدنيـــا العاشقين أقدار
    احبك كثر ما .. ذا الحــــــظ يلعـــــــــــــن
    قصوره
    احبك كثر ماعاثت
    رياح بحسبة البحــــار
    احبك كثر
    ماالبحــــــار يعشق نسمــــــة بحوره
    احبك كثر مايتحلف اللي منشغل
    باعذار
    احبك كثر مافي الناس
    نــــــاس بجـــــد معذوره
    احبك كثر ما ملت قصايدنا من التكرار
    احبك كثر ما الشاعــــر تمنى حـــــــب
    جمهوره
    احبك كثر ماشفنا
    على وجه الزمن آثار
    احبك كثر
    ماقلنــــــا عن الاحــــــــــوال مستوره
    احبك كثر مادارت بذهن الحالمين
    أفكار
    احبك كثر مافي الخير
    نـــــــاس بالخيــر مذكوره
    احبك كثر مانرمى حكايات الحطب للنار
    احبك كثر مانسمـــع حكايـــــات حب
    مشهوره
    احبك كثر ماضاق
    السجين بلعنة الاسوار
    احبك كثر
    ماهــــــــــاج البحـــــر واجتاحته ثوره
    احبك كثر ماننسى و احبك كثر
    مانحتار
    احبك كثر مايسهــــــــر
    محب وفي يـــده صوره
    احبك
    كثر ماتقطع شفاتك في العسل مشوار
    احبك كثر ماخـــدك يخلــــــي الشمس مبهوره
    احبك كثر ماروج عليك الحسن من
    أخبـــــار
    احبك كثر ماصدرك
    يـــــــدوخ الورد بــ عطـــــوره
    احبك كثر مافي عينك من السحر والأغوار
    احبك كثر مافيك الغـــــــــــــــــلا ماوقت
    سطوره
    احبك والزمن ساكن
    واحبك لو زماني دار
    احبك يامدينة
    حب وســـــــــط الصـــــدر معموره

    احبك والتفت شاعر لعينك وانطرت
    أشعار
    حلف مايمسى الليلة قبــــــل
    ما يكتب شعوره
    ورتبتك
    بصدري وأنت تستاهل وراعي دار
    تفضل
    قلب اوراق الغلا وايديك مشكـــــــــــــوره
    وذكرتك وانت لو مثلك ذكرته هلت
    الانوار
    وقمت أجمع من أشواقي قصايد
    عشق منثوره

    تلبست الجمال
    وقلت ابهديك القصيد ازرار

    غلاك وصدق حبك ماترك لي نفــــس مكسوره
    انا عاشق جمال وما خفاني في الجمال أسرار
    انا لامن كتبت اعطيك واعطي العشق بك دوره

    كتبتك في القصيد ابيات من
    حسنك عليك تغار
    حروف العشق طفلة في
    ثياب العيــــد مسروره
    لقيتك والدلع والثقل شلــــــــــــه والحسن ثرثار
    يقول أشيـــــــــــــاء كثيره للعيون ويثبت
    حضوره
    كفاية لو تطل
    ويفــــــــــــــــــــرح بطلتك دار وجار
    كفاية لو تشوف النـــــــــاس في نظرتك
    مأسوره
    غرامك يغري حروف
    سقاها الصدق منك امطار
    كتاباتي
    بتشهـــــــــــــــــد للغرام وتحفظ عصوره
    احبك مهما ابتعد عنــــــــــــــــــي بسبة
    الاقدار
    احبك و
    احبــــــــــــــــك لو حبي توصله لك طيوره
    احبك رغم ماقد صار .. احبك حيل مهما
    صــــار
    احبك دام انا طيب
    .. واراضي العشـــق ممطوره
    قفلت دفترها وهي تتنهد بصعوبه نفسها ترجع كل شي زي ماكان بس أقتناعه باللي تسويه يمنعها عن كسر القانون .. إنسدحت جنب دفترها وهي تلعب بشعرها وتفكر فيه أسر عقلها وأحساسها وكل مافيها .. طبت عليها هنادي وهي فرحانه شلت تفكيرها من فجعتها وقلبها ينبض بسرعه
    هنادي : تفكرين هاه .. قومي شوفي فستان شوق حق الزواج
    رغد عصبت : ياغبيه وقفتي قلبي على بالي صاير شي .. أوووووت كوكلي
    هنادي : لا تسبين بالانجليزي .. اذا بتجين تعالي ياكمخه .. والا خليك باللي تفكرين فيه احسن لنا ولك
    وقفت وهي مقهوره منها .. كانت ناويه تمسكها وتكفخها لكن هنادي شردت للصاله وهي تضحك على شكلها
    شهد : ويش فيك تركضين
    هنادي : جت الخبله رغد .. احسها ناويه علي بالشر
    ريم : ويش مسويه لها أنتي
    هنادي : ولا شي بس نافخت عليها
    رغد جت مسرعه : لا تهربين لاني بلحقك لو تروحين للمريخ
    هنادي تحاول تنقذ نفسها : توبه .. السماح يا اخت العرب
    مسكتها رغد وهي تشد شعرها وتلفها يمين ويسار مع كل كلمه تنطق فيها : لو عمرك تدخلين مثل القدر المستعجل بتنكفخين اوكي " هزت راسها بمعتى أيوه " .. ولو عمرك ترفعين صوتك والله لا اتوطى ببطنك اوكي " هزت راسها بمعنى أيوه " .. ولو عمرك تتريقين كمان بسوي فيك الويل وبتشوفين مني سواد الليل
    هنادي : خلاص خلاص .. طيب ماعاد بعترض طريقك
    رغد تفكها أخيرا وتجلس قبال شوق وتقلب فستانها : والله حلوو يابنت ايش هالذوق
    شوق ابتسمت : عجبني مره وشريته
    شهد تميل فمها وبطفش : قلت لها فصلي بس هي رافضه وعجبها هذا وأخذناه
    سحر : صراحه ذوق لا يعلى عليه بالمره .. والموديل جنان ولمعتها قويه مره
    شوق : ايه انا اخذته بس عشان اللمعه
    ريم بمكر وخبث : ويش رايك اخذه انا
    شوق تتخصر : ياسلام نصب عيني عينك .. هجدينا بس
    هنادي ترفعه وتحطه على جسمها وتدور وتغني : طلي بالأبيض طلي يازهرة نيسان .. طلي يا حلوه وهلي
    رغد : تكفين لاتغنين .. ترى يعتزلون الفنانين من صوتك البشع
    هنادي : اقول انطمي شوقه يالله قومي قيسيه وافردي شعرك بنشوف كيف عليك
    شوق بدون نفس وكسل : اممم اجلوها شوي
    الكل وبصوت واحد فجعها : لا
    شوق : طيب طيب .. بقوم اقيسه اعوذ بالله منكم .. على فكره ياشهد انتي وسحر وسمر ..
    شهد : ويش ؟!
    شوق : بكره بشتري هدايا لجدتي وخالاتي وخوالي .. بنروح لهم لنا سنين ماشفناهم .. وبعزمها على زواجي هذي جدتنا عيب نتركها
    سحر بزعل وتكشيره : روحه معك ماني رايحه .. تبين خوالك يهينون كرامتنا زي أخر مره
    شوق : عيب عليك ياسحر .. هم اهلنا مالنا غيرهم
    سحر : لو تنطبق السماء على الارض ما اروح مستحيل انسى ايش سوو فينا بعد موت امي .. وكلهم كوم وكلامهم علينا وعلى بنات عمي كوم ثاني .. انا اكرهك كره الويل ولا اطيقهم ونفسي اقتلهم واحد واحد واولهم عجوز النار جدتك
    شهد تحط رجل على رجل وبلامبالاه : بتروحين لوحدك روحي انا مابي كرامتي تنداس ومن مين من ناس حثاله امثال خوالك الدشير
    شوق عصبت : عيب عليكم .. ماعندكم ذرة احترام .. الكافر اللي هو الكافر نتعامل معه بأحترام وهذول اهلنا ونتكلم عليهم كذا .. اعوذ بالله استغفرك ربي
    رغد بحقد وكره دفين : حنيتي لهم ياشوق .. حنيتي للي سبووا لعمي جلطه ومات بسببهم ..
    شوق توقف وبزعل : ماحنيت عليهم بس لازم نروح ونسوي الاصول والواجب ونعزمهم
    شهد : انتي حره استأذني من عمي وروحي لوحدك ..
    سحر : زي ماقالت شهد روحي لوحدك .. احنا بنجلس
    شوق بقهر : بروح لوحدي .. وراحت لغرفتها وهي مقهوره من اخواتها ومن كلامهم
    اول ماعلقت فستانها بالدولاب اللي اخذ مساحه كبيره ودخلت الحمام وأنتم بكرامه تأخذ لها دش سريع بعد مشوار السوق اللي اتعبها .. طلعت تنشف شعرها قدام المرايا وتحط لوشن لوجهها وجسمها .. جلست على سريرها وفتحت لاب توبها قبل تشتغل عليه دق جوالها .. اخذت جوالها أول ماشافت رقمه تاففت وترددت او ماترد .. أستقرت انها ترد عليه وتشوف اخرتها معاه
    شوق : الـــو
    فهد : الســـلآم عليكم
    شوق : وعليكم السلآم ... نعم ويش تبي
    فهد بطفش وتملل : مابي شي بس متصل كذا أبي انكد علييك من بدري
    شوق ولعت منه : تحسبني فاضيه مثلك
    فهد : لا ياسيدة الاعمال .. اللي يسمعك يقول ماتفضين من الشغل .. ويش بيكون شغلك غير الجلسه والسوالف
    شوق : تراني ماني فاضيه لسخافتك وغبائك المعتاد .. وميه مره قلت لك لاتكلمني بس انت ماتفهم وصعب القى لغه اكلمك فيها
    فهد : والله اضن اني افهم عربي وانجليزي وفرنسي كمان
    شوق : اشك لانك ما تفهم الا بلغه الحمير .. وقفلت بوجهه الجوال وحدها متنرفزه منه ومنقهره رمت جوالها بقوه على الارض لكن عمره طويل ماصار له شي .. عصبت اكثر وقامت تصارخ
    ..: حتى الجوال ماهو راضي يفكني منه .. حــــــــقــــــيــــرررر

    ؛؛؛






  3. #43
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    البـآرت الــتــآســـع عـــشـــر




    ابسكت دام صوتي مايردّك لو سمعت الصوت


    .وابرحل بعد ما الملم بقايا آخرآلامي
    تعبت اجمع حضوري في غيابك واحتفي بالتوت


    تعبت أرسم ملامح غربتي وآجدد أحلامي . !




    ريم تضحك : هههههههه ويش فيك ياشوق متوتره
    سحر : يحق لها .. زواجها بعد خمس ايام
    شوق معصبه ووجها احمر مرره وقفت بسرعه وبدون أي كلمه راحت للغرفه وجلست على كرسيها وهي تهز رجلها بتوتر وخوف العد العكسي بدأ بالنسبه لها .. كل شي جاهز ملابسها .. فستانها .. وباقي الكماليات .. دخلت عليها شهد ورغد
    رغد تغمز لها وبأبتسمامة مكر : ويش رايك نرتب ملابسك بالشنطه ياعروس ..
    شوق تعلق عيونه وتجمدت برغد وهي تطالعها بنظره ماعرفوا تفسيرها نزلت راسها وتاشر لهم بيدها ( عروس .. أي عروس وأنا انتظر موتي وحكايه عذابي ) : سووا اللي تبون
    شهد تجلس على السرير وهي تبعد شعرها بنفخة هواء منها : طيب تدرين ويش ابوي قال لنا
    شوق لفت عليها بسرعه وبأهتمام : ويش ؟!
    رغد تتكي على التسريحه ويدها ورى ظهرها : يقول زوجك الحبيب .. بيرسل لنا طياره تأخذ ملابسك لجده والخدم يرتبونها لك يعني لاتخافين .. وكمان قال انه حجز فندق هنا لمدة اسبوع عشان تأخذين احتياطاتك
    شوق بأرتباك وبداخلها براكين بتتفجر من تصرفاته الغريبه : والمطلوب ؟؟!!
    شهد بحده وعيونها مفتوحه على الاخر : يعني مافهمتي شي ... راح نحط لك شنطتين وحده نوديها للفندق ووحده بتسافر
    رغد تضحك : الله على الزمن شنطة شوق غير يرسلونها بطياره وخاصه كمان .. واحنا ماعمرنا حلمنا نسافر حتى بالسياره
    شهد بحالميه : ربي يعوضنا ونأخذ اللي يلفون فينا العالم
    رغد : احلمي ياحبيبتي .. الحلم ببلاش
    شوق ببرود : بترتبون الأغراض والا لا
    شهد توقف وتروح للدولاب : اكيد يالله يارغد
    رغد بحماس تجيب الشنطه الكبيره : يالله انتي اكوي وانا ارتب بالشنطه
    شهد تتامل الدولاب والأغراض: والله يبي لها شناط مو وحده
    شوق : عن البربره الزايده ورتبي انتي وهي
    .. بعد ثلاث ساعات من التعب والترتيب .. دخلت عليهم هنادي تطلب شوق تسوي عشاء
    رغد : أشوى انك صرفتيها ازعجتنا .. لاتحطون ذا وحطوا شي ساتر .. اول مره اشوف عروس تلبس كم طويل
    شهد تضحك : الاخت هذي حتى على زوجها مطوعه ههههههههههه
    هنادي : أهم شي الشنطه اللي بتاخذها للفندق نبي نرتب لها الاغراض ونخبيها عنها والله غير تأخذ بجامتها الهريانه
    رغد تقفل باب الغرفه بالمفتاح : اي والله نبهتيني .. امشوا والله لاحط لها كل شي فاصخ خخخخخخخ
    هنادي : خلونا نسوي فيها مقلب .. حتى ماتلاقي شي تلبسه هههههههههههههههههههههه
    شهد بحنيه : والله حرام .. قسم غير تسفل فينا
    رغد تغمز لها : ماعليك والله ماراح تفضى لنا فهد بيشغلها عنا هههههههههههههآآآي
    هنادي تآخذ قميص فوشي : هذا اول ماينحط بالشنطه لاني مره شفتها رمته فوق الدولاب وسمعتها تتكلم وتقول الخبل اللي يخلي شهد ورغد يقظون معه
    رغد وشهد انفجروا ضحك : ههههههههههههههههههه
    رغد وهي ترتب بالاغراض وترصها بالشنطه وتساعدها شهد وهنادي : والله صدق طفشناها ننشب بحلقها غصب تأخذ اللي حنا نبيه حرام ماخلينا لها شي تشتريه على ذوقها حتى البناطيل على ذوقنا خخخخخخخخ
    هنادي : من جد مفتريات ..
    شهد بثقه : بس كلها ذوق مره صح
    هنادي : معك حق .. بس اخلصوا بسرعه حتى ماتحس بشي
    رغد ترتب العطور والكريمات على جنب : خلاص مابقى شي .. خلصنا
    شهد بتعب ترمي نفسها على السرير : الحمدلله اخيرا مابغينا
    رغد تقفل الشنطه وتحطها على جنب : اي والله تعب .. الحين بروح اريح بأخذ لي غفوه
    هنادي : انا بطلع للمكتبه ناقصتني اغراض
    رغد : ابيك تجيبين لي دفتره حلو وسبيشل مو عليه سيارات ودبابات
    هنادي تبتسم : طيب بجيب على زوئي
    شهد : اقول رغد ترى بتخسرك فلوس على الفاضي
    رغد : بعطيها فرصه عشان نشوف ذوقها
    هنادي تطلع مع الباب وهي تضحك عليهم : لا جبته قيمووني اوكي
    رغد : أوكي


    :::
    :::
    :::


    بـــجده


    خالد : كيف التجهيز النفسي والمعنوي
    فهد وهو يداري نفسه مايبين شي لأحد كعادته المعتاده : زي ماتشوف
    خالد يجلس قباله على طاولة الكافي : طيب يافهد اذا ماتبيها ليش خطبتها من الاساس .. مو أنت اللي ماتأخذ شي الا بقناعه تامه منك
    فهد : وأنا مقتنع فيها
    خالد يحط عينه بعين فهد ونظره قويه : انا افهمك اكثر من اي شخص .. فيك شي أكيد تحبها
    فهد طالعه بنظره جامده بعدها ضحك بسخريه .. مسك كاس الكوفي وأخذ منه رشفه طويله وصمت دام بضع دقائق : من جدك تتكلم أنت ؟!. أنا احب ومين شوق .. قلوا بنات الدنيا
    خالد أنجن من كلامه مافهم منه ولا شي وشعلل القهر بعيونه : أجل أيش فيك كذا .. طول الفتره اللي فاتت وانت سرحان وملامحك باهته وباين عليك التعب .. ماكنت كذا الا من بعد ماخطبتها
    فهد ببرود قاتل : مالي خلق أي شي
    خالد : على الاقل افردها وأضحك ياخي .. وانت معبس ومكشر
    فهد : يعني اتقطع ضحك
    خالد : شايف حتى اخلاقك صايره مرره ضيقه ..
    فهد : والمطلوب ياخالد ادوشتني والله
    خالد يرجع على ورى ويتكي على الكرسي : خلاص انسى .. سو اللي تبيه انا تعبت معك
    فهد سكت ومارد عليه .. لانه عارف قصد خالد .. ولكن كان يداري نفسه ويخبي اي شي يخصه بينه وبين نفسه


    خالد


    هالانسان اللي قدامي احس احيان ان قلبه ميت ومايحس بأحد حتى نفسه .. وأحيان احسه يخبي عنا اسرار واسرار محد يعرفها غيره هو .. غامض وغريب وعالمه كاسيه الظلام .. أنا اقرب شخص له ما اقدر افهمه وافهم طريقة تفكيره المجنونه ... رغم كل اللي يسويه ما يعترف بشي اسمه ندم الندم منزوع من قاموس حياته
    جلست قباله أتأمله .. شارد الذهن .. ملامحه جامده .. عيونه ثابته على مكان واحد وهو رجوله .. حسيت ان رجله فيها شي .. ترددت اسئله أول ما أسئله لكني كسرت الصمت اللي سرى بالمكان
    خالد : فهد .. رجلك تعورك ؟!
    فهد فاق من سرحانه : هاه .. لالا مافيني شي
    خالد : ايش بك سرحان وبالك مشغول في شي شاغلك
    فهد : ابدا مافيني الا العافيه .. بس افكر بيوم الزواج
    خالد يحط يده على يد فهد : لاتخاف صح بتتوتر بس طبيعي خلك هادي .. اخبرك صاحب مواقف
    فهد يضحك : الله كريم .. يالله نروح للشاليه اكيد القروب هناك
    خالد : اوكي .. نروح ماورانا شي
    فهد يطالعه بنص عين : الساعه 11 وربع .. مابترجع بيتك
    خالد يضحك ويفخم صوته : انا رجال البيت ارجع متى ما أبي .. واسهر برى بكيفي
    فهد بأبتسامه خبيثه : قول زوجتك طاردتك ومطلقتك بالثلاث اليومين هذي
    رد عليه وهو يمشون متجهيين للسياره : تبي الصدق المدام حامل وتعبانه .. وبعدت عني تقول تبي ترتاح شوي عند مامتها
    فهد انفجر ضحك : هههههههههههههههه قول كذا من الاول .. الف مبروك اذا ولد غصب عنك تسميه فهد
    خالد يغمز له : هو يجي بالأول وبعدين نختار الاسم واللي يعجبك بعد
    فهد يركب السياره هو وخالد .. وقبل يحركها : والله شاد همتك ياخويلد ..
    خالد يلف وجهها على الجهه الثانيه : ويش على بالك متزوج العب .. امش بس امش
    فهد يحرك السياره وبدأ يسرع : متخيل شكلك بعد سنه وانت شايل حليب ورضاعه وتدف عربية البيبي خخخخخ شكلك يضحك
    خالد يرفع حواجبه وبضحكه : عقبال عندك .. والام شوق
    فهد يكشر ويميل فمه على جنب : اي وحده بالعالم عادي تكون ام عيالي لكن هي لا ومستحيل اخليها تحمل مني
    خالد فتح عينه على كبرها : أجل تحمل من الشارع يامجنون
    فهد : الاولاد بخليها تشيلهم من راسها ... مستحيل اربط نفسي معها باطفال .. يالله مستحملها انا .. كيف لو تصير امهم .. أنجلط
    خالد سكت وهو مصدوم من كلامه : بكيفك حياتك وانت حر فيها بس تأكد ان عمرك يركض مابقى كثر اللي راح ..
    فهد : توني صغير وبعز الشباب والرجال مايعيبه الا جيبه
    خالد : فهيدان ترى عمرك الحين خلاص بــ 30 .. عارف يعني ويش بالثلاثين .. يعني مابقى لك شي محد ضامن حياته ..
    فهد يغير الموضوع : المهم دق على وليد شوف فينهم
    سكت خالد وطنشه وهو يتأمل الطريق بعيونه


    :::
    :::
    :::


    هنادي تسحب يدها : اتركني يادلخ
    ماجد وعيون تطلق شرار وصلتها معه لحد مايقدر ابد انه يستحمله : هيه انتي على بالك الدنيا سايبه .. ترى ماعرفتيني .. والله ياهنادي لا ادوسك برجلي سامعتني
    سحبت يدها بقوه وهي تدفه بكل قوتها على الجدار اللي وراه وهو منصدم من قوتها الفظيعه .. قربت منه وسحبت حديده كانت طايحه على الارض حطتها على وجهه وضغطت على خفيف حتى يحس بالالم
    هنادي : تلعب معي مين ياشاطر .. ترى الكف مامحيته من بالي وراح ارجع حقي منك ياحثاله
    ماجد يطالعها بنظرات احتقار دفها بعيد عنه : مستواي ماهو مستوى بنات حثاله مثلك .. على بالك ماعرفت مين خرب فراملي ويبيني اموت .. والا اللي ينسم كفر سيارتي كل جمعه اصحي وفوقي من حياتك القذره اللي انتي عايشتها .. ناسيه ( لعن الله المتشبهين من الرجال بالنساء .. والمتشبهات من النساء بالرجال )
    هنادي ولعت من القهر بأقوى قوه ملكتها اعطته كف : وناسي كلام الرسول [ من وجدتموه يعمل عمل قوم لوط ، فاقتلوا الفاعل والمفعول به ]
    ماجد ارتجف من كلامها شخصت عيونه وتعلقت فيها .. سكت ماقدر يرد عليها .. طالعت بنظره اربكته ومشت وتركته لحاله .. اول مادخلت السياره صارت تتنفس بسرعه فظيعه .. كأنه بذلت مجهود كبير ماقدرت عليه ابد .. طلبت السواق يتوجه للمكتبه حتى تجيب الاغراض اللي تبيها واللي طلبتها رغد


    أول مادخلت البيت رمت الاغرآض بالصآله .. ورآحت لغرفتها ورمت نفسها على السرير .. ثوآني وسمعت صوت المؤذن .. راحت للحمام وأنتم بكرامه وتوضت وصلت .. وجلست على سجادتها تسبح دخلت ريم وشافتها أنصدمت من شكلها
    ريم : هنادي .. علامك ؟!
    هنادي تلف عليها وتطوي سجادتها : ولآشي ياريومه .. أسمعي انا بنآم تعبانه مره اليوم الظهر مانمت ..
    ريم : أوكي .. نآمي .. طلعت وتركتها لحالها ترآجع حساباتهآ
    بآلصآلــه
    شوق بأستغراب : الله الهادي .. يمكن متأثره بشي
    سحر : ما أظن .. المهم شوفي فستاني خيطيه لي حتى يثبت علي يوم الزوآج
    شوق : هاتيه يالله خليني اخلص منكم ..
    رغد نعسانه : شكلي بشخطها نومه أحس بتعب فظيع
    سمر : نامي احد ماسكك
    شوق : اصبري أتعشي بعدها نامي ..
    رغد : على قولتك بأستنى العشاء جوعانه حدي
    سحر : وين شهد مختفيه
    ريم : مع ميشو بالحمام الله يكرمك
    سحر تضحك : والله عشنا وشفنا شهد مهتمه بطفل الله أكبر
    شوق بنص ضحكه : بكره نشوف ويش تسوين بعيالك
    سحر : اكيد بهتم فيهم
    رغد : وميشو ولدنا لازم نهتم فيه
    سحر بصوت حاد : هو أنا قلت غير كذآ
    شوق : ابد ماقلتي شي ...
    دق التلفون.. وتسابقت ريم وسمر مين ترد أول ..
    ريم ماسكه السماعه : هاتي .. أنا أكبر منك
    سمر : بس انا مسكتها أول
    ريم بعيون شرانيه : أحترميني على الأقل
    رغد : ردي انتي او هي .. بسرعه
    سمر تطالعها باستهزاء : خذي يا مجنونه .. وجلست على الكنب اللي جنبها
    ريم : الــو .. ايوه هذآ بيت محمد القايد ... مين أنت طيب ؟.. استنى ... " لفت على شوق " .. شوق كلمي فهد
    شوق طاح الفستان من يدها وأنشلت عن الحركه ثوآني وحست بنفسها وحتى ماتلفت انتباههم رفعت شعرها ورجعته ورى أذنها ضغطت على يدها بقوه ووقفت وحآولت ماتبين لهم شي مشت بخطوآت متثآقله للتلفون وقلبهآ يرجف بدآخلها .. مسكت السماعه حست أن الثوآني بطيئه بمرورها .. أول ماحطت السمآعه على أذنها
    شوق بصوت خافت جدآ : الـــو .. هــلآ .. طيب ثوآني اروح افتحه .. مــع السلآمه ..
    رآحت لغرفتها بدون أي كلمه تنطق فيها قابلتها شهد اللي سألت وين رآيحه ومآردت عليهآ.. لما دخلت الغرفه قفلت الباب زين شافت الجوال وركزت عيونها عليه .. فزعها صوت النغمه اللي أربكتها بسرعه أخذته وردت عليه
    شوق بخوف من نبرته اللي كلمها فيها : هـــلا
    فهد بصوت حآد مره ومعصب : كم مره دقيت ولا رديتي .. "ماجاء منها رد صرخ عليها" .. جــــــآوبــــي !!
    شوق بارتباك لخبط كيانها : ماكنت بغرفتي والجوال بغرفتي
    فهد بصوت صاعق فجر أذنها : عذر اقبح من ذنب
    شوق بخوف ساري بعروقها وألم : والله العظيم كنت بالصاله ماكنت بالغرفه
    فهد : اسمعي كلامي زين ... بكره بيجون خدم يأخذون اغراضك ويجيبونها هنا سامعتني .. جهزي الأغراض لانهم بيجون ساعه وحده بس ماراح يطولون
    شوق : كل شي جاهز ..
    فهد ضحك أنقلب حاله خلال اجزاء من الثواني : يعجبني انقيادك للأوامر .. وتنفيذك لها حرفيا
    شوق أنقهرت منه وصرخت عليه : ماني بزر تنفخ علي سامع ..
    فهد عقد حواجبه : مسرع تغيرتي توك تهبلين .. والا تحبين تكسير الراس
    شوق : أنـــتــ... . قاطعها بصوت حاد وكلمه متنهيه القرار
    فهد : انتهى كلامي .. وصوتك يزعجني .. وسكر بوجهها
    طالعت بالجوال وشافت مدة المكالمه 8 دقايق مازادت ابدا حطت جوالها على الكمودينه ونامت على وسآدتها ودموعها سبقتها لوسادتها ملاذها الوحيد والأمن ..
    شوق ( ليه ياربي يصير فيني كذا ويش سويت بحياتي من ذنب تكون هذي عواقبه .. آآآه ياربي هذي البدايه أجل ويش بتكون النهايه .. أكيد موتي على يده .. يارب اكفني شره وابعده عني كمآ بعادت بين المشرق والمغرب ) ..






  4. #44
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    قبل تحط رآسها على مخدتها .. سمعت نغمة رسايل جوالها .. فتحت عينها بتعب والنوم غالبها .. قرت المسج اللي واصلها من اللي كانت تنتظره ايام وأيام ..

    يآ برودڪْ، يوم للفرقآ نُويت . .


    ج'ـَيتنيّ بـ ڪلمة موآدعْ .. والسلآم !


    والله إنّي من قسآهآ مآ قويتْ !!


    ڪآنتْ بـ ع'ـَينيّ تسآويْ ألفْ ع'آم !


    يآخ'ـَيْ إرح'ـَمْ من تولّـعْ .. مآ دريت ؛
    إن هج'ـَـَر المسلمّ لـ المسلمّ ح'ـَرآآم !!


    لآ شعوريا ردت عليه بمسج وحطت جوالها على كمودينتها وغمضت عيونها ... وهي تتخيل طيفه قدآمه يضمها لحضنه ويتأسف منها .. ويكونوا مع بعض مدى الحياه تتخيل تلاميحه الوسيمه وجهه ,طوله, كلامه ونبرة صوته .. سمعت صوته يهمس بأذنها : رغـــــد .. رغـــــــــــــــد
    فتحت عيونها تدور مصدر الصوت كان وهم وهي صدقته .. تمنت انه جنبها الحين تشوف وجهه تكلمه ويرد عليها .. أنتبهت لجوالها اللي يدق .. بتعب وتكآسل سحبته وشافت رقمه فز قلبها من مكانه ارتسمت البسمه على شفاتها أول ماشافت رقمه حست الدنيا تضحك لها وفاتحه لها أحضانها لكن بداخلها شي مخالف وضد المشاعر اللي حست فيها .. ترددت ترد عليه او ماترد لكن قلبها كان هو المؤثر الوحيد عليها .. خارت قواها ردت عليها وهي تكبت شوقها ولهفتها وجنونها لسماع صوته
    رغد بنعومه : الـــــوو
    عبدالله : سلآم
    رغد : وعليكم السلآم .. اهلين
    عبدالله : هلا فيك .. كيف حالك
    رغد : عايشه .. ماشي حالي وأنت ؟!!
    عبدالله : بخير الحمدلله ..
    رغد : عساه دوم
    عبدالله سكت شوي لما ماحصل منها رد قال : ويش المسج اللي رآسلتيه
    رغد : أنت ويش المسج اللي رآسله
    عبدالله أستغرب من كلامها : يعني دقه بدقه
    رغد : أممممم لا .. بس تقدر تقول رد على رسآلتك
    عبدالله سألها سؤال وماتوقعته يسأله أبداً : ويش تبين مني الحين ؟!
    صدمها سؤاله ردت عليه بتلقائيه : أنت ويش تبي مني ؟!
    عبدالله احتد صوته وبدأ يعصب منها .. لكنه يحاول جاهداً أنه يتمالك نفسه : لاتردين على السؤال بسؤال ..
    رغد عصبت : وليش تسالني سؤال بايخ زيك ..
    عبدالله : أبي اعرف طلباتك وابشري باللي ينفذها لك
    رغد بزعل : أنا ما أغصبك على شي .. كلامي واضح معك اذا تحبني تدل بيتنا تعال وأخطبني وأذا على بالك بصير مثل أي وحده واركض وراك فأنت غلطان ..
    عبدالله : اخطبك ؟...هذا اللي تبينه !!
    رغد بصوت متنرفز من كلمته : بينت على حقيقتك ياكذاب أنكشف المستور انت زيك زي غيرك " قامت تبكي بحده " .. كل كلمه قلتها لي تكذب فيها ياحقير .. انا الغبيه اللي صدقتك وحبيتك وفتحت لك قلبي والا انت ماتستاهل وماتعرف تحب ياخاين " صارت تشهق وتبكي بشكل هستيري وماتركت له مجال يرد عليها بالكلام "
    عبدالله صرخ عليها : مجنونه أنتي .. اسمعيني على الأقل خلي لي فرصه
    رغد تبكي : ويش تبي تقول ياكذاب .. على بالك بصدقك ياحمار
    عبدالله تنرفز وضغطه وصل مليون : ياغبيه .. أفهميني خليني اقولك اللي بقوله
    رغد بعصبيه وهي تمسح عيونه بعشوائيه زي الأطفال : ويش بتقول يا أفندي ؟!
    عبدالله :أنا كلمة أبوك .. وامي موافقه .. بس ابوك أجل الموضوع شوي عشان زوآج بنت عمك .. وأمي وأختي بيحضرون حتى يشوفنك ... فهمتي الحين
    رغد سكتت كلامه صدمها نزل عليها زي الصاعقه ماتدري ويش تقوله ... لكن اللغه اللي عبرت فيها بهذي اللحظه هي لغه الدموع نزلت دموعها بكثره ملت وجهها الصغير الناعم جرحت خدودها برفق ونعومه.. صوت بكاها يتردد صداه بغرفتها وعقلها ما صدق كلامها او بالأصح ما أستوعبه
    عبدالله بصوت حاني : رغد ليش تبكين ؟
    رغد بصوت متقطع من البكاء : أحــ.ـلــ.ـف ..أنــ..ك..صــ.آدق
    عبدالله : والله العظيم .. وأسئلي ابوك بعد اذا منتي مصدقه
    رغد : فرحانه ماني مصدقه اللي تقوله .. ائــهههههـئ
    عبدالله يضحك : طيب لا تبكين .. زغرطي أرقصي أفرحي مو تبكين وتعكرين علينا
    رغد : والله لو اشوفك غير أضمك من الفرحه
    عبدالله بصوت فرحان وسعيد : صدق .. والله اجيك الحين
    رغد تمسح دموعها ولعبت بشعرها لان عادتها اذا استحت تلعب بشعرها : صدقت .. أكذب عليك
    عبدالله : ايوه ارجعي رغد حبيبتي وقلبي وعمري وكل دنيتي .. رغد اللي حبيتها وحبيت روحها وبرأتها .. وجمالها وأنوثتها ورقتها
    رغد أستحت .. وهي تشوف وجهها بالمرآيا منتفخ وعيونها وخشمها حمراء حاولت تغير الموضوع : قفل الحين لاني تعبانه وأنت زدت علي بكلامك اللي احرجني
    عبدالله : افااا .. اسف ياروحي .. والله أسف
    رغد : ههههههه خلاص قبلت أسفك
    عبدالله : ياقلبي عليك .. روحي غسلي وجهك بتايد خخخخ
    رغد بتكشيرة دلع : طس بس .. بااي
    عبدالله : كوابيس سعيده .. قصدي احلام تعيسه
    رغد فطست ضحك عليه : يالله عاد عطيتك وجه .. من اليوم بصير ثقيله .. باي
    عبدالله وهو يضحك عليها وعلى فرحتها : باي حبيبتي
    جلست بالغرفه ماهي مصدقه الخبر اللي قاله لها .. ضحكت بصوت عالي زي المجنونه .. كانت توهآ داخله شافتها تضحك .. شكت ان عقلها جرى له شي
    شهد بخوف وصوت باكي : رغد ويش فيك .. ليش تضحكين
    رغد تضمها وتدور فيها وتناقز : خطبني خطبني
    شهد تبعدها وعيونها مفتوحه على الاخير : من اللي خطبك ؟!
    رغد : عبدالله .. خطبني وكلم ابوي .. بوست شهد على خدودها .. فرحانه بطير من الفرح راح أنجن ماني مصدقه
    شهد فرحت لفرح رغد ضمتها : مبرووك الف مبرروك ..
    رغد نزلت دموعها من الفرحه ومسكت يد شهد ونظرتها حزينه كسيره : نفسي امي كانت معي وتفرح لي ياشهد .. ورمت نفسها بحضن شهد اللي ضمتها بقوه ونزلت دموعها بعد وتأثرت بكلام رغد لان ام رغد ربتهم كلهم من أولهم الى أخرهم
    شهد : الله يرحمها يارغد ادعي لها اكيد هي فرحانه لك
    رغد وهي بحضن شهد : أحس بتعب فظيع ياشهد .. تعبانه مره ..
    شهد تطبطب عليها : أهدي ياقلبي .. ضمتها الي أن هدت ونامت بحضنها لانها تعبانه مره .. بعدت عنها ولحفتها .. وطلعت للصاله تشوف مشاري اللي لقته نايم بحضن ريم بعد ما لعبته


    :::
    :::
    :::
    اليوم اللي بعده كانت شوق مجهزة نفسها تبي تروح لجدتها في بيت خالها
    شهد : تبين تروحين خلاص
    شوق وهي كاشخه واخر اناقه ومجهزة الهدايا اللي مشتريتها لجدتها : ايه بروح ..
    سحر : ذنبك على جنبك
    شوق : انا بعزمها على زواجي ومأخذه معي بطاقات دعوه خاصه لهم من اللي سواها لي فهد
    سمر جت من غرفتها : انا جاهزة يالله نمشي
    شوق : يالله شيلي معي من الاكياس
    شهد : والله حرام تشترين لها ساعه وبكم بذيك القيمه وكمان سلسال ذهب ماتستاهل جدتك .. ولا خالاتك اللي ماتزوجوا وباقين عندها
    شوق : انا بسوي اللي علي
    رغد : يارب يكفيك شر مرة عمك العقربه صفيه الدب ذيك
    شوق : الله كريم .. ربنا معي
    ريم : حصني نفسك أخاف يعينونك
    شوق : كل شي مقدر ومكتوب من رب العالمين .. يالله مع السلامه انا تأخرت قلت لهم بعد صلاة المغرب وتاخرنا
    سمر: هيا .. باي بنات
    شهد خايفه عليهم : أنتبهوا لنفسكم
    راحوا لبيت خالهم ابو سعد بالعزيزيه .. اللي جدتها ساكنه بعمارته بالدور الاول .. ومأجره بيتها وعمارتها حتى تستفيد من الأيجار .. أول ماوصلوا سموا بالله وضغطوا على المايكروفون .. وانفتح الباب اوتماتيكي
    دخلوا وكان مدخل العماره مظلم شوي والضوء خافت
    سمر تمسكت بشوق : يمه .. كأنه مكان مشعوذين بسم الله حتى عمارتهم تحسينها مهجوره وساكنيها جن
    شوق : عيب عليك اسكتي لا أحد يسمعنا
    وقفت قبال الباب وقبل تدقه فتحته خالتها هيفاء
    شوق تنزل غطايتها والطرحه : السلام عليكم
    هيفاء : وعليكم السلام .. حياك الله ياشوق تفضلي
    شوق : زاد فضلك ياخالتي .. نزلت عبايتها وعلقتها
    هيفاء تطالع بسمر : مين هذي اي وحده من خواتك
    شوق : هذي سمر اصغر وحده
    هيفاء : ايوه .. بسم الله عليها كبرت اذكرها وعمرها 5 سنين وبعدها ماعاد شفتها الا قبل خمس سنين
    سمر ( يالله خمس سنين ماشفناهم ولا شافونا اعوذ بالله ويش القطاعه هذي لاحول ولاقوة الا بالله )
    شوق : وين جدتي وبقية خالاتي
    هيفاء بأبتسامه : بالمجلس يستنونك
    شوق تمد الاكياس : تفضلي ياخالتي .. الهدايا ماهي من قدركم ..
    هيفاء : ليش تعبتي نفسك .. وكلفتي على عمرك مالها داعي
    شوق بأبتسامه عذبه : لا عادي
    هيافء : تفضلي للمجلس
    <<~ هيفاء اخر العنقود من خالات شوق .. وانسانه متواضعه وطيبه لكن مشكلتها اهلها اللي يتحكمون فيها ويسيرونها على اهوائهم ..
    دخلوا للمجلس .. شافت خالاتها وخوالها مجتمعين .. بعضهم عرفتهم وبعضهم لا لانهم متغيرين وهي من زمان ماشافتهم
    شوق وسمر : السلام عليكم
    الكل : وعليكم السلام .. أتجهوا لجدتهم اللي جالسه بهدوء وسلموا عليها وباسوا راسها .. وسلموا على الكل والبعض تنفر روحهم منهم لان اشكالهم ماتطمن .. ونظراتهم تخوف وترعب
    خالها نواف : والله كبرتي ياشوق وتغيرتي
    شوق : اي والله ماحد يبقى على حالته ..
    جدتها : مين اللي معك
    سمر بثقه وغرور : أنا سمر
    نايف : سمر !!.. كبرتي وانا اذكرك تلعبين بحوشنا
    سمر : بس انا مذكر .. دقتها شوق بخفه
    جدتها : كيف حالك ياشوق وكيف حال عمك وبناته وخواتك
    شوق : الحمدلله كل شي بخير
    جمال : ويش سر الزياره الغريبه هذي
    شوق : والله جايه اسلم عليكم وعلى جدتي وأعزمكم
    هند : تعزمينا على شنو
    شوق : على زواجي يوم الخميس
    تغيرت وجيه الكل .. وانصبغت بالالوان حتى جدتها .. انصدموا بكلامها
    عماد : انتي بتتزوجين ؟!
    سمر بقوه : ليش ويش ناقصه ماتتزوج ..
    جدتها : والله يابنتي البنات العذارء ماتزوجوا واختك تتزوج ...غريبه
    سمر حطت عينها بعين جدتها وشوي تأكلها : واختي احسن من مليون وحده وربي رزقها وربي كله عوض
    هيفاء : ماقلنا شي الله كله عوض
    جمال يطالع شوق اللي ملتزمه الصمت : ومين خطبك ياشوق اكيد واحد شايب كبير بعمره .. ومحد خطبك غيره
    شوق أنقهرت منه ومن كلامه اللي فاهمه مقصده : خطبني فهد الجابر .. حست بشعور غريب وهي تنطق اسمه على لسانها اول مره تحس بأنه كان لها نعمه حتى تغيظ فيها اعدائها رغم كرهها له
    نواف : لاتقولين من عايلة صالح الجابر التاجر المعروف
    سمر تميل فمها بغرور وتطالع بعيونها للسقف : الا هو .. وازيدك بعد صالح الجابر ابوه
    طالعوا ببعض منصدمين .. وعلامات الصدمه باينه عليهم
    جدتها : والله وقام حظك يا شوق
    شوق : الحمدلله
    هند : ما اصدق اكيد تكذبون
    سمر : تعالي الزواج وبتتاكدين بنفسك ..
    جمال : وداري انك مو بنت والا كاذبين عليه
    سمر عصبت عليه : تحسبنا زيكم حقيرين .. الحمدلله ربنا عوضنا ورزقنا من واسع رحمته
    نايف : احترمي نفسك يابنت ولا تنفخين علينا
    سمر : اصلا انتم ما تستحقون الاحترام .. والا في عيال يحجرون على ابوهم قبل يموت حتى يورثونه وهو حي وبعد يطلعون كلام على بنت اختهم اللي شرفها من شرفهم شوف الحين خواتك كلهم عوانس واعمارهم فوق 35 وانتم رافضين تزوجونهم عشان رواتبهم ووظايفهم .. بالله عليكم أنتم رجال
    شوق بحده : سمر اسكتي
    جدتها : وبعد لسانك طويل .. أظن شريفه ماعرفت تربيك
    شوق : ماله داعي الغلط على عمتي الله يرحمها ياجدتي ..وسمر ماقلت شي كذب كل اللي قالته صدق
    هيفاء : خلاص هدوا نفسكم ياناس
    نواف يوقف : انا طالع مكان به بنات القايد ما اجلس فيه
    سمر توقف : بالمهفى الله لا يحفظك .. امشي شوق .. اصلا شهد وسحر معهم حق يوم ماجوا لانهم عارفين طبع الكلاب اللي هنا .. جاء جمال وكله حقد عليها وعلى كلامها ولسانه السم مد يده اللي قربت من خدها .. لكن مسكته شوق بقوه
    شوق : ما اسمح لك تمد يدك على اختي .. وتركتها بقوه .. وانا حاولت مره ثانيه بقطعها لك
    سمر تسحب شوق : امشي .. مايستاهلون اننا نجيهم
    جدتها : الله لا يردكن انقلعوا
    شوق تضحك بسخريه : الله يلطف فيك ياجدتي ..قلبك اسود وعمرك على وشك ينتهي ولسى الخبث ماليه بعرف ويش القلب اللي داخلك .. ما اعتبرتي بطلاق جميله وموت ابو سعد .. الله يسامحك ..
    واخذت اختها وطلعوا برى لان السواق يستناهم .. رجعوا للبيت
    سحر شافت وجه شوق والضيق باين عليه : اكيد سمعوكم كلام
    سمر تجلس : الله ياخذهم هذيك العايله وربي عمارتهم كأنهم بيت مشعوذين
    شهد: ههههه الله على تشبيهاتك
    شوق: حصل خير اهم شي سوينا الواجب وهم احرار وماعاد بروح لهم لاخر يوم بعمري
    رغد : زين انك اقتنعتي الحين ..






  5. #45
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    بعد أربع أيام .. يوم زوآج شوق وفهد
    بعد المغرب كل البنات كآنوا بالقاعه عدآ هنادي وشوق اللي كانوا بالبيت حتى الكوافير تزبط شوق


    كانوا البنات جالسين بالغرفه يلبسون ويكملون كشختهم ويجهزون فستان شوق ومسكتها وأغراضها
    مها تحاول تسكر فستانها : تعالوا ساعدوني
    ريم تسمك السحاب : انحفي ويتسكر .. كل اسبوع تسمنين اكثر انتبهي لنفسك
    مها مستعجله : اقول سكريه وانتي ساكته
    سحر : والله بطنك راجعه ياخت العرب لاتكونين حامل
    مها تضحك : بسم الله عليك .. كشفتي الموضوع
    رغد تترك الكحل من يدها وتلف وهي فاتحه فمها : من جد حامل
    مها : يس حامل لي شهرين .. وبس شوقه اللي تدري
    شهد تسوي نفسها زعلانه : مالت عليكم .. مسويات كبار علينا
    مها : ويش عرفكم بسوالف الكبار انتم .. انطموا بس ولاتقولون لاحد
    سمر ميته ضحك : لاتقولين خايفه من العين
    مها بغرور وهي تلبس صندلها الواطي : ايه خايفه على عمري .. بندر حبيبي مو مقصر علي ويحبني وميت فيني ..
    ريم : قصدك شايبك هههههههههه .. غصب يحبك
    مها كشرت : اسكتي لا اسب زوجك سيف مدري خنجر
    البنات : ههههههههههه
    سحر : والله لقيتيها
    رغد تبوسها على خفيف حتى مايروح روجها وتخرب مكياج مها : الله يتمم لك ياقلبي .. ونشوف واحد يقول ياخالتوو
    مها تشيل ميشو : عندنا مين يقول ياخالتوو
    رغد تلف عنها وتكمل كشختها : فديته ياناس يزنن
    شهد : اتركوا ولدي يالله حطوه بفرشته لاتنكدون عليه وينفجع من اشكالهم اللي كأنها كدمات
    ريم تطالع بنفسها بالمرايا : بالله ويش رايكم قمه النعومه والجمال فيني .. مو زيكم ياساتر
    شهد : انطمي اقول وهاتي الكريم بحط
    مها : يالله أخلصوا حتى نجهز كل شي لشوقه لما تجي
    رغد : كلنا لبسنا وخلصنا انا بطلع برى
    سحر : حتى انا أكيد ندى ودانا وصلوا
    رغد توقف وتزبط فستانها : يالله نمشي
    بآلبيت
    هنادي تتأمل شوق اللي جالسه على كرسي تسريحتها والكوافيره وراها تركب الطرحه على شعرها بحركه نآعمه .. نبض قلبها بسرعه أخر لحظات توآجد شوق معهم.. بتروح لحياه مستقله عنهم حياه خاصه فيها لحالها بتعيشها لوحدهآ بعيداً عنهم .. برقت دمعه بعيونهآ منعتها من الخروج وتمآلكت نفسهآ
    شوق : هنوو .. بالله اعطيني كأسة مويه ريقي ناشف
    هنادي بابتسامه صافيه : من عيوني بدلعك اليوم بس عشانك عروس
    شوق بغصه : ههههه تيب دلعيني بس الليله
    هنادي تكلم الكوافيره : كم باقي وتخلص ؟
    الكوافيره : خلاص بس اسوي الخطوات الأخيره
    شوق : يعني اكلم السواق يجي لان القاعه بعيده شوي
    الكوافيره : كلميه مايوصل الا وانتي مخلصه
    هنادي تشوف الساعه : أشوى على بدري خلصنا .. حتى يمدينا نروح هناك
    شوق : كلمي جلالي وهاتي المويه بسرعه
    هنادي : من عيوني .. ورآحت
    بالقـآعــه
    ندى تسلم على البنات : ياهلآ وغلآ تو مانور القصر
    سحر : بوجودكم فيه نورتوا المدينه بجيتكم
    دانا : أخباركم ويش مسوين بدراستكم ؟
    شهد تجلس على الكنب : الحمدلله انتم أخباركم
    دانا : بخير كيف حماسكم للزواج
    رغد : بالنسبه لي متحمسه حدي .. جلسوا كلهم على الكنب يسولفون
    ندى : وأخيرا فهد بيتزوج ويفكنا ..
    البنات : ههههههه
    سمر : ليش هو رافض من أول
    دانا : يقول مالقى بنت دخلت مزاجه بس أختك غيرت كلامه
    ندى : ما الومه صراحه شوق تجنن
    شهد تضحك : الله الله على الكلام الخطير هذا
    جآت ليان بفستانها الفوشي وهي تطالع بالبنات وبداخله شاكه انهم من أهل العروسه : ندو كلمي جدتي تبغاك
    ندى : تيب اللحين بروح لها . بنات هذي بنت أختي ليان
    رغد توقف تسلم عليها وبعدها شهد وريم وسحر وسمر : هذي ليان اللي نسمع فيها وماشفناها
    ليان تبتسم : شفتي كيف ؟!.. بس يالله أخيرا تقابلنا تحمست اشوفكم من كلام دانا وندو عنكم
    سمر : انتي قدهم
    ليان : أيه قدهم .. وجلسوآ يسولفون مع بعض



    [أمـــآ عند قلبها الجريح ]
    كانت تنتظر خبر وفاتها خبر رحيلها عن الحياه تتمنى الزمن يوقف ولا تعدي لحظاتها بسرعه .. بعد ساعات قليله بتكون معه ولحالهم يجمعهم مكان واحد لها يومين ماذآقت طعم النوم ولا تهنت فيه كل احلامها كوآبيس
    وهو بطلها .. والأن وآقع مر وحقيقه صعبه ومذاقها حاذق تأملت الطريق وبعيونها دمعه حبيسه
    شوق ( معقوله بترك المدينه اللي عشت فيها كل عمري بتركها واعيش بمكان ثاني ما أعرفه ولا أعرف اصحابه بروح لدنيا ثانيه ناس وعائله غريبه عني ماجمعتني بهم الايام قبل هذا اليوم .. فــهـــد !! هو بس اللي بيكون معي بكل حالاتي .. آآآه يارب صبرني وأكتب اللي فيه الخير لي )
    هنادي : شوق وين سرحتي
    شوق : ماسرحت .. اتأمل الشوارع
    هنادي : ترى قربنا وكلمة مها وانتي ما دريتي وتقولين ماسرحت
    شوق : ويش قالت لك طيب
    هنادي : جهزت لك كل شي حتى الفستان فاردته على الكنبه حتى ما يتكرمش .. أول ماتوصلين تلبسك هو
    شوق : وويش قالت ثاني
    هنادي : وتقول فهد أرسل واحد للمحل حق الورد اللي أنتي حاجزه من عندهم وجاب اغراضك من هناك
    شوق كشرت وأنقهرت منه لأنه يتدخل بكل شي يخصها كأنه ملكيه خاصه فيه : عمى بعينه
    هنادي : شوق ويش تقولين انتي .. الولد شكله يبيك ومتعب نفسه عشانك
    شوق : كرهته من قال بينزف ويبيني انزف معه بالغصب .. أنتي عارفه أني رافضه الزفه
    هنادي تضحك : افرحي ياختي انه بيحسسك أنك عروس
    شوق تلف على الجهه الثانيه وتشوف القاعه الكبيره اللي دخلوا مع بوابتها الكبيره : هيا وصلني كلمي مها تفتح لي الباب الخلفي ..
    دخلت غرفتها ونزلوا عنها العبايه وشيلتها .. وعلقوها جنب المرايا
    شهد : يالله نلبسك الحين
    شوق : لالا أنا البس من حالي
    رغد : اليوم شيلي فكره الاعتراض من راسك أحنا بنلبسك الفستان ثقيل ولازم احد يساعدك
    شوق حمر وجهها ونزلت راسها : بس بتشوفون جسمي .. أستحي
    شهد بغمزه وضحكه لئيمه : ويش بنشوف ياحظي .. امووت عليك ياباريس هلتون
    مها أول مادخلت مع الباب : والله انها أطلق من مليون باريس وطقتها .. الـــــف الصلاه والسلام عليك ياحبيب الله محمد .. " كلهم بصوت واحد " .. كـــــــللللــــــوش ..
    شوق حمرت خدودها بزياده ولمعة الدموع بعيونها ونزلت راسها
    رغد : بس بس الحين تخربين كل شي .. امسكي نفسك
    شوق تضحك حتى تبعد الدموع عن عيونها وتتصنع البسمه قدآمهم : يالله طيب تحمست افصخ قدامكم
    شهد توقف وتصفر : وهــذآ المطلووب .. وشالت الفستان .. على بالها خفيف ..
    شهد : أعوذ بالله مو فستان مدرعه أسرائليه من ثقله
    رغد تساعدها : اقول لاتغير راسها .ز خلينا نخلص عشان نطلع برآ الساعه 10 والناس بدوآ يجون
    مها تجلس على كرسي فردي : شدوا همتكم وانا بغمض عيوني .. ولا تصير عيونكم طويله .. غضوآ ابصاركم
    رغد وشهد يطالعون بوجه شوق وهي فاهمه قصد مها وميلت فمها على جنب .. وهي تنزل بلوزتها : يالله دخلوه من فوق وبعدين أنزل البنطلون من تحت
    رغد انفجرت ضحك : ياقديمه أنتي .. ذكرتيني بحركاتي انا وشهد لما كنا بالثانوي خخخخخخخ
    شهد تضحك وهي تتذكر : تذكرين لما نعطي ظهرنا بعض واللي تخلص بالاول تلف وعاد حظها اذا لقطت شي
    رغد : ايه اذكر ارتبش وبسرررعه البس اخاف تطالعيني ههههههه
    شهد : حافظتك انتي .. لو تضيعين بعلمهم بوصفك خخخخخ
    رغد كشرت : أنطمي .. والله لا اكسرك
    شهد بتقهرها : بقول فيها وحمه على شكل فراوله شكل عمتي الله يرحمها كانت متوحمه عالفراوله
    مها ضحكت : جد فيك وحمه فراوله رغد
    رغد بضحك : ايه بأخر ظهري .. موقعها غبي مره
    شوق تطالعهم وهم طاقينها حنك : الى متى وانا متفصخه يالله بسرعه عاد طولتوها وانا حدي مستحيه
    شهد تمسك رغد الفستان وحطوه على الارض حتى تلبسه بالعكس .. وجلست على ركبها شهد وسحبت بنطلون شوق .. ورغد رفعت الفستان بسرعه ووصلته لنص خصرها
    شوق عصبت وحمر وجهها مرره لدرجه ان ملامحها تغيرت وعقدت حواجبها : هين يا شهد .. اوريك
    رغد : ماشفنا شي .. ويالله عاد عن الحياء ... وهمست لشوق بأذنها وأنصرعت ضحك .. وشهد تسكر الفستان لها من ورى
    شهد بنص عين : اقول رغيد .. ويش رايك تنقلعين برآ والله أبرك .. اربكتي أختي بكلامك الأباحي
    رغد تمد لسانها وتجلس على الطاوله وتحط رجل على رجل : والله اختي وانا حره اقول لها اللي ابي مابيننا شي
    شوق تجلس على الكرسي : اسحبي من تحت احسه طاير بحلقي والحديد اللي فيه يعورني
    شهد تتخصر : طيب اوقفي لسى ما ربطت لك الشرايط اللي بظهرك
    شوق توها تتذكر : اشوف لما جلست حسيت ظهري ماهو مغطى بشي
    رغد : أصلا هو مغطى بشي كلها شريطتين ساتان ونربطها من ورى موديل لا أكثر
    شوق : طيب برآآ يالله بكلم مها بشي خاص
    شهد تغمز : وصايا الأخت لاختها ليله زفافها
    مها تسحبهم لبرآ : برافوا عليك .. قو أووت نآآو .. وقفلت الباب بالمفتاح جت وجلست على الكرسي اللي جنب شوق وهي تبتسم لها بحب وحنان
    مها : أمريني ياقلبي ويش تبين
    شوق بتردد وخوف اجتاح كيانها لازم تقول لمها كل شي من الأول للأخير لكن كيف بتشرح لها بالوقت الضيق هذآ أو تفهمها ويش تفكر فيه.. كيف تفصح لها عن مخاوفها وألآمها .. ويش بتبرر لها أشياء كثيره تبي تقولها لكن تخونها قوتها ويعجز لسانها عن الكلام
    مها بنظرة شك وأستغراب : شوقه ويش بتقولين .. قولي ياقلبي
    شوق وهي منزله راسها قالت : بقولك شي محد يعرفه .. فــــهــ...


    ::
    ::
    كانوا واقفين بمكان الأستقبال وقبالهم اهل فهد
    ( أم رياض ؛ أم ليان ؛ ام دانا ؛ وزوجة رياض مريم ؛ وأختها ليلى )
    سمر : مين اللي لابسه سماوي وتخينه ( سمينه) شوي
    ندى : هذي زوجة أخوي رياض اسمها هند واللي جنبها أختها ليلى
    ليان : ترى أخوات جده جايين بالطريق
    دانا : وعماتي وجدتي كمان بالطريق
    ندى توقف : شوفي جدتي وصلت تعالي نروح نسلم عليها .. عن أذنكم بنات
    سحر لمحت عبير وامها وخالتها : تفضلي .. جت عبير يابنات
    هنادي أول مالقطتها : أنا رايحه لهم ..
    عبير ماعرفت هنادي وهي مشبهه عليها : مين
    هنادي بدفاشه : ماعرفتيني
    عبير ميته ضحك : هنو .. ياحركه من متى الميك آب والحركات الحلوه
    هنادي تأشر لها بيدها وتسلم على امها وخالتها : بالله ياخالتي ماني قمر
    ام عبير ميته ضحك على خبال هنادي : تهبلين وأنا خالتك ..
    هنادي تطالع بعبير : بالله تعلمي من أمك ياكمخه
    ام عبير : وين مها وعماتك
    هنادي : عماتي بالأستقبال ومها عند شوق .. تخبرين مسويه عنندها خبره وتدرسها
    ام عبير تضربها على ظهرها بشويش : أستحي يابنت لاحد يسمعك بس
    بالغرفه
    مها توقف مصدومه : شوق متأكده من اللي تقولينه
    شوق ماسكه نفسها عن البكاء : ايه متأكده .. خايفه يامها قلبي خايف منه
    مها تمسك يدها : راح الوقت علينا ياقلبي وانتي غلطتي وتسرعتي بقرارك بس مقدر اقولك الا الله يكون بعونك
    شوق : قولي ويش اسوي الحين انا مرتاحه شوي انكم حولي بس خلاص كم ساعه وبروح الفندق اخاف يسوي فيني شي أو يقتلني
    مها طلعت عيونها قدامها : يقتلك ؟.. وين عايشين حنا .. لاتخافين هو انسان واكيد مابيأذيك بس انتي لانك تكرهينه وماتتصورينه ماراح تتقبلينه
    شوق : مها دليني ساعديني .. قولي أي شي
    مها : انتي لاتعاندينه سوي اللي يبي منك .. ولاتنسين ان الملائكه تغضب عليك لو نام وهو زعلان عليك مايحتاج اعلمك
    شوق تجلس : بس ما أتقبله يامها .. كل ما اشوفه اتذكر يوم خطفي انا يادوب اتحمل صوته كيف بتحمل وجوده جنبي وبغرفه وحده بعد .. ماقدر ماقدر وحطت يدها على راسها .. جلست مها وصارت بمستواها
    مها : انتي ذكيه واكيد بتفكين نفسك منه .. بس الايام الاولى بالتاكيد بتكرهينه بزياده لكن بعدين بتتعودين عليه
    شوق: انا اكرهه يامها .. اشوفه بصورة شيطان أول ما أشوفه كبدي تلوع علي ..
    مها تبوس يدها : الله ما يتركك ياعمري .. أنتي توكلي عليه وهو بيكون سندك وعونك
    شوق تتنهد : امين يارب .. اقلقتك معي روحي الحين انتي وخليني لحالي
    مها توقف : انا واثقه بعقلك ياشوق .. راح ارجع لك بعد شوي
    شوق : تيب سكري الباب وراك ….طلعت وسكرت الباب وراها وجلست وحيده .. ينهش الخوف والالم والرعب قلبها .. بكل صوت تسمعه يرجف قلبها خوفها وهمها الوحيد يكون صوته
    :
    ابي اعرف وش أخطائي واللي أجبرك تجتاح؟؟
    وتتمادى في تجريحي وب القسوه تجازيني !!
    تجرعني العذاب ألوان وكفي ل عينيصار مراح !!
    رويت الكف من عيني وكف جاني يهددني !!
    اجر الصوت ب أعماقي أداريوالدمع فضاح !!
    وإذا قالوا :
    علامك ؟؟
    قلت :
    شي وطاح في عيني !!!!






  6. #46
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    بـآلقاعه
    بدأ الدق والرقص والبنات واهل العريس وقرايبه بالكوشه يرقصون
    سحر تدق ريم : شوفي ام سيف وبناتها كلهم
    ريم تلمحهم : ايه اللي على الطاوله الورديه ..شفتهم بروح اسلم عليهم تعالي معي مابي اروح لحالي
    سحر توقف وتمسك يد ريم : يالله مشينا نكسب معرفه
    أتجهوا لأهل سيف
    ريم كانت لابسه فستان وردي قصير ومنفوش كله تطريز بالصدر وطبقات خفيفه كان شكلها انيقه وناعمه وشعرها كله ناعم ومنسدل على أكتافها وبحركه بسيطه من قدامه بارزه ملامح وجهها الدائريه الناعمه
    سحر كانت لابسه فوشي صارخ زايد بياضها بياض .. طويل والظهر كله مفتوح الى الاخير ومفتوح من فوق الركبه الى الاخير وداخل فيه اللون التفاحي
    ام سيف : ياهلا بزوجة ولدي .. مشاء الله تبارك الله كل يوم تحلوي اكثر
    ريم بحياء قاتل : عيونك الحلوه ياعمتي كيفك وايش اخبارك
    ام سيف : من شفت وجهك الحلو صرت بخير ياعمري .. كيفك ياسحر وكيف اخواتك
    سحر : الحمدلله كلنا بخير
    ام سيف : مبروك زواج شوق
    سحر وريم : الله يبارك فيك
    ام محمد : عقبال القماري .. سكتوا بحياء
    سحر : نستأذنكم الحين ياعمتي
    ام سيف : تفضلوا ياحبايبي .. وساميه ترمي عليهم نظرات اشكال الوان وريم مطنشتها وسحر ترد لها النظره بعشره
    ريم تدقها : شوفي مين قدامنا
    سحر تتلفت : وين .. أول ماطاحت عينها عليها شهقت .. جدتي ويش جابها
    ريم : اكيد تبي تشوف شوق وزواجها
    سحر : الله ياخذها وكمان جايبه العايله كلها البنات وزوجة خالي وبناتها الطاوله انزحمت منهم
    ريم : ويش عليك .. شوفي القاعه كيف فخمه والا الكوشه خرافيه صراحه والتصوير والسينما اللي بتنعرض خليهم يتحسرون على أنفسهم زين
    سحر : انا خايفه على شوق مرة
    ريم : ربك معاها لاتشيلي هم .. جاء صوت من وراهم
    ..: بناات .. لفوا وشافوا لينا
    ريم : قلتي عندكم زواج ماراح تجين
    لينا تتخصر : لاتقولون هذا زواج شوق
    سحر : الا زواجها ليش تسالين
    لينا تضحك وتضمهم : لان فهد يصير اخو هزاع من ابوه
    ريم بصدمه : لا ." سكتت شوي.. تمزحين
    لينا : والله وربي يشهد علي
    سحر تبتسم : يعني انتي تصيري سلفتها
    لينا تتنحنح : شفتي الدنيا دواره
    ريم : والله معك حق امشي نروح نرقص ونطلع كل اللي براسنا
    لينا تحمست : يالله والله فيني رقص غير طبيعي
    بالكوشه دانا شافت لينا جايه مع سحر وريم
    دانا : لينا تعرفينهم
    لينا والبسمه ماليه وجهها : يس هذولا صديقاتي العزيزات ..
    ندى : احيان الصدف حلوه
    شهد : أقولك ندى البنت الحامل هذيك اللي لابسه سكري واحمر مين ؟!
    دانا : قصدك اللي جالسه على اول طاوله
    شهد : أيوة لافته نظري شقراء وعيونها زرقاء تهبل مرره مشاء الله
    دانا : هذي تصير زوجة صديق فهد الروح بالروح وفي كمان امهات اصحابه مجتمعين على طاوله وحده لانهم يعرفون بعض من قبل
    رغد : اها بس ماتوقعت المعازيم يكونوا كثار كذا
    ليان : اللي بالرياض اغلبهم جايين .. غير اصحابه وامهاتهم واخواته ومعارفكم انتم يعني كنت حاسبه يكونون الناس كذا
    ريم تهمس لشهد : جدتك جات وخالاتك وزوجات خوالك
    شهد : الله يأخذهم لاتجيبين سيرتهم أنا رايحه لشوق
    رغد : بروح معك يالله
    أما هنادي وعبير بعالم ثاني من الفله والوناسه وطايقنها صحبه مع بنات عم فهد اللي تعرفوا عليهم
    ريناد : ماعمرك سافرتي برآ
    هنادي : ياحليلك ياليتني اروح مكه وهالمره تبيني اسافر برآ والله انتي تحلمين كثير
    غيداء : والله ياشيخه انتي بنت خطيره ماعندك تكبر ومتواضعه تعجبني شخصيتك
    هنادي : ايه كثير معجبيني فيني ويقولون متهوره وحقت أكشن
    ريناد : ومين هذول
    هنادي : اللي يقرون الروايه
    غيداء : اي روايه؟!
    هنادي : اقصد اللي يعرفوني ماعلينا يالله نطب نبي نهز الكوشه هز
    عبير : يالله
    هديل بطفش : اخيرا حنيتي علينا وتبين نرقص انسه عربج
    هنادي : قمي قدامي ارقصي وانا برقص معك ياكسوله
    هديل : اخص يالنشيطه بس غريب عليك اليوم
    هنادي : اليوم الطاقه ميه الميه
    حنين : اجل بنشوف ابداعاتك
    هنادي : يووه بتشوفون اللي ماعمركم شفتوه يالله طبينا
    البنات : طبينا <<~ ياحبي للكلمه ذي تحسستني بالحماس
    ::
    ::
    بغرفتها كانت متوتره من دخول ام ليان اللي قالت لها ان فهد بيدخل عشان يجلس شوي وبعدها يبدون التصوير بعد نص ساعه
    شهد تفتح الشنطه : أهم شي الروج عشان بالصور يطلع واضح مو باهت
    رغد : يالله حطي لها انا بجيب العود ابخرها فيه
    شوق : لالا جابته عمتي ام سامر قبل شوي
    رغد : اوكي اجل بس باقي العطر من بعيد حتى تصير ريحتك وآآآو
    شوق اتنرفزت مره وهي يادوب مستحمله : يالطيف على زنك يارغد خلصيني بسرعه شهد هاتي مويه عطشانه مره
    شهد : طيب طيب هدي انتي .. واعطتها كاسة مويه
    روقت اعصابها وهي تمثل عليهم الراحهةطلعوآ بعد مافتحوا الباب الخلفي وكانت الغرفه كبيره مره وشوق جالسه على الكرسي باخر الغرفه
    شوق كانت تطالع بيدها وتحديدا بالدبله اللي بأصابعها كانت تتأملها وسرحانه فيها وقلبها دقاته كأنها طبل من شده خوفها وتوترها ( اليى متى بعيش كذآ هذي اولها الله يستر من تاليها أكرهك يافهد أكرهك بكل مافيك حتى زواجك مني كان بالغصب غصبتني على أشياء كثيره أخذت مني كل شي بالغصب .. من أي طينه أنت ليش ماتحس فيني وبألمي اللي كلها بسببك والحين بيكون سببها لاني معاك آآه رحمـآك يا الله )
    غمضت عيونها بقوه ولفتره أخذت نفس طوويل مره وحست بريحة عطر رجالي قوي أنتشر مع كل جزئ اوكسجين بالغرفه فتحت عيونها وشافته واقف جنبها ماحست بدخوله ولا بحركاته بدأ صدرها يرتفع وينخفض بشكل واضح خوفها بزياده لانها شافته فجاءه تعلقت عيونها فيه ومارمشت أبداً
    طالعها بنظره أعجاب وأبتسامه رضا كانت كالملاك بفستانها الأبيض .. طاهره ,نقيه, وصافيه كالثلج أسرت عيونه بسحرها وجمالها الخرافي .. علامات الجمال مرتسمه على وجهها الباسم بأبتسامه أستغربتها وبنبره ما سمعتها من قبل قال :مــبـروك
    سكتت ماتبي ترد عليه يبارك لها وهو يدري انها موافقه وبالغصب كمان حتى تحافظ على حلم عمها ضحت بباقي عمرها واختارت انها تعيش معه رغم علمها بأن السعاده لن يكون لها حيزاً ولا متنفساً في حياتهم
    وقف قبالها وطبع بوسه هاديه ورقيقه على جبينها التذعت من لمسته الخفيفه لها زاد توترها وأرتباكها وكذلك خوفها منهةمتأكده ان هدوئه يسبق عاصفته القادمه جلست جنبها بثقه وعزة .. هيبته طاغيه على كل شي فيه .. شخصيته القويه مرتسمه على أنحناءات وجهه رجولته متمحوره على هيكله الخارجي
    وسامته وجاذبيته الآسره لا ترها لانها مشوهه في نظرها كان بأجمل حالته بثوبه ومشلحه وشماغه
    وهو جالس جنبها كان الفرق واضح بين طوله وجسمه الرياضي العضلي وجسمها القريب للقصر ونعومتها ..
    شوق ( ويش هالجسم توي انتبه له وربي أني مثل النمله عنده بأصبع يطيرني .. هذا كيف اقاومه ياربي ويش البلوى اللي ابتليت فيها )
    قرر يكسر الصمت : ليش سآكته
    شوق : مآظن في شي يستآهل أتكلم معك فيه
    فهد أبتسم على جنب : الأيام جايه وبنلآقي اللي نسولف يه
    شوق تلف عنه : طيب لو سمحت لاتتكلم لان صوتك ينرفزني
    فهد : وانتي شوفتك توترني
    شوق : احلى بشاره والله
    دخلت ندى بعد مادقت الباب
    ندى تسلم على فهد وشوق : الف مبروك
    فهد : الله يبارك فيك عقبالك
    ندى تغمز له : على يدك زوجني
    فهد : أبشري عريسك جاهز
    شوق تطالعه بنظرآت احتقار ( ياثقل دمك على قلبي اووف منك )
    ندى : يالله أتركم الحين عشان ام ليان كلمت المصوره اللي انت قلت لها عليها
    فهد يجلس على كرسيه : زين زين أذا وصلت خليها تجي سيدآ هنا
    شوق ( أي مصوره ؟ هذا مصدق نفسه" حست بقهر وفضول يقتلها كلامه كله الغاز فضلت السكوت وجلست جنبه )
    طلعت ندى وتركتهم لحالهم وكل واحد ناره تأكل صدره من جهه لف عليها وقال بصوت رآيق
    فهد : اعطيني كأس مويه من على الطاوله
    لفت عليه بعفويه وطيرت عيونها فيه وقال بنبره حاده : أشتغل عندك أنا دور أحد غيري يخدمك ياسي السيد
    فهد يضحك : طيب لا تعصبين لازم تكوني ريلاكس قدام أخواتي والمصوره
    شوق بكره : لاتتفلسف علي
    دخلت أم رياض ومعها المصوره
    ام رياض تسلم على فهد وتبارك له ولشوق
    فهد : الله يبارك فيك ياخالتي
    ام رياض تتفحص شوق : مشاء الله قمر عروستك يافهد
    فهد يطالع شوق ويمسك يدها ويستغل حياها من ام رياض : ايه ياخالتي الله يخليها لي
    ام رياض تضحك : امين يارب تتهنون مع بعض
    شوق تضغط على يده بقوه تحاول تخليه يترك يدها : امين ياخالتي
    ام رياض : الله الله بفهد ياشوقه حطيه بعيونك هذا مثل عيالي واغلى بعد
    طالع بشوق وهو ينتظر ردها وتحولت ملامحها للون الاحمر الحاد من كلمة ام رياض نزلت راسها وهي ترد عليها بصوت خافت وخجول
    شوق : ان شاء الله بعيوني .. وبداخلها تتوعده وتكرهه كره الويل حست بنظرآت انتصاره عليها وشماتته وهو يضحك على شكلها
    ام رياض تتوجه للباب : اخليكم تتصورون على رآحتكم
    فهد : لا أوصيك ياخالتي تشيكين على كل شي وتشرفين عليه
    ام رياض : ابشر وأنا أمك لاتوصي حريص .. وطلعت وقفلت الباب ورآها
    فهد يطالعها بنظرات غريبه : بعيونك هاه
    شوق : لاتأخذ بنفسك مقلب مجرد مجامله لخالتك
    فهد يقلب عيونه : ايه مره صدقتك داري ان نفسك تموتيني
    شوق : الحمدلله عارف قدرك عندي .. جات المصوره بعد ما جهزت الخلفيه البيضاء
    المصوره : يالله ياعروسه نأخذ لك صوره لوحدك
    ::
    ::
    شهد تطالع رغد بنص عين : مصدقه ان أهله بيجون
    رغد بخيبة أمل : والله قالي وارسلت له مسج وقال ايه
    شهد توقف : روحي معي أشرب مويه بدل جلستك لحالك
    رغد توقف : يالله نروح
    وهم ماشين بالممر الزجاجي شافت بنت تأشر لهم
    رغد كانت لابسه فستان طويل ناعم وفيه فيونكه تحت صدرها لونه أبيض وسكري وذيل طويل من ورى ومن قدام ماسك وكانت بارزه أنوثتها وجمالها الرباني
    شهد كانت لابسه فستان احمر توتي طويل عاري مره وضيق والطاغي عليها جمال ملامحها الحاده
    شهد : هلا حبيبتي
    البنت : لو سمحتي تعرفين وحده اسمها رغد تقرب للعروس
    رغد فتحت عيونها : أنا رغد ياحلوة تامرين بشي
    البنت : أنا نوره أخت عبدالله
    رغد شخصت عيونها فيها وأبتسمت لها وسلمت عليها وباستها على خدها : هلا حبيبتي كيفك ويش اخبارك
    نوره : بخير عساك بخير أنتي كيفك عسى ماتعبتي
    رغد تحرك شعرها بدلع : لاتعب ولا شي طمنيني عنك
    نوره : الحمدلله بخير سلمي على امي .. وأشرت على امها وسلمت عليها وباست راسها
    ام عبدالله : ياحبيبتي ويش اخبارك .. جلست جنبها وهي تبوس يدها
    رغد : بخير ياخالتي انتي ويش اخبارك عساكِ بخير
    ام عبدالله : بخير يابنيتي .. مبروك ماسويتوا
    رغد : الله يبارك فيك عقبال نوره واخوانها
    ام عبدالله تمسك يدها : عقبالك يايمه مع وليدي يانك دخلتي قليبي وارتحت لك
    رغد حمرت خدودها من كلام خالتها وأبتسمت بحيا : بحياتك ياخالتي الله يخليك لهم ولايحرمهم منك يارب
    شهد ميته ضحك على شكل رغد اللي خجول وهي تبوس خالتها ( من الحين الرضا يارغيد والله طلعتي على حقيقتك تبين رضاها عليك هههه وآي على شكلك يضحك )
    رغد تغمز لشهد : تعالي سلمي على خالتي .. سلمت شهد على ام عبدالله وجلسوا معها شوي



    حط يده البارده ورى ظهرها العاري وقرب شفايفه من خدها الوردي توترت من قربه لها ولمسته اللي قشعرت جسمها انفاسهم مختلطه حس بلفحت أنفاسها الحاره اللي حرقتع بحرارتها حطت عينها بعينه ولقته مركز نظره عليها تلاقت عيونهم كانت نظراته تعبر عن شتاتها وخوفها وعذابها بقربه كآنت نظراته حاده وشرسه وحارقه
    المصوره : ولا حركه ..وأخذت لهم لقطة بعدت عنه وهي تأخذ لها نفس طويل بعد توترها منه
    رجعت لهم وطلبت منها تطبع بوسه على خده لكنها رفضت وبشده
    المصوره : هو جوزك لا تستحي
    شوق : عارفه بس لاتطلبين حركات جريئه مني
    فهد ضحك : بوسه تسمينها جرائه .. دعست على رجله بكعبها حس بالالم لكنه كبت صرخته وطالعه بنظره صاروخيه لكنها ظربت بعرضها الحائط وطنشته ومشت الي برآسها بعد محاولات أقناعها وطلب المصوره منها التجاوب أخذت كم صوره عاديه جدا لهم مع بعض وتركتهم لحالهم
    فهد بنظرات ناريه : ماراح اعدي لك أي شي سويتيه
    شوق بعناد حطت عينها بعينه : لا تعديها ترى مابتخوفني بتهديداتك الغبيه
    فهد رفع حاجبه وبحده قال لها : لا تستعجلين على رزقك بتأخذين اللي فيه النصيب
    شوق تصد عنه وتعطيه ظهرها ونفخت بقوه : أووف
    طنشها وشرب من العصير اللي بالكاسه وهي تطالعه بكره وحقد نفسها تميحه عن الوجود كلها غل وبغض لشخصه
    ::
    ::
    بالكوشه
    بنت عمة فهد : ويش اسمك انتي
    ريم : أنا ريم
    ..: ايوة ريم اخت العروسه
    ريم : يب اختها
    دانا : تعالي لمياء معي نسولف على جنب ابيك بسالفه
    لمياء : طيب يالله
    ريم ( ياسمجها ذي الادميه تجيب المرض بكلامها ونبرتها ووع ) : أقول لينا تعرفيها ذي
    لينا تهز راسها وهي تشرب عصير : يس يس اعرفها تصير بنت عمة ندى
    سحر : أقولكم .. بروح لشوقه ماشفتها اليوم مره كيف شكلها وهي عروس بسم عليها
    ريم : يالله طيب نروح لها صراحة احس اني بفقدها
    سحر ودموعها بعينها بس تقاومه : اجلي المناحه بعد الزواج عشان نبكي براحه حتى لو تلخبط الميك آب
    ريم تدفها : قومي يالله نروح لها






  7. #47
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    الساعه 12:22
    كآنت لحالها بالغرفه بعد التصوير رجع لقسم الرجال يستقبل المعازيم من كبار الشخصيات اللي يعرفونهم كانت ترآجع نفسها وحساباتها وتخطط لكل خطوه تنوي عملها معاه قطع تفكيرها دخول البنات اللي جلسوا شوي معها يسولفون ويبعدون عنها الربكه والخوف



    جااء موعد الزفه الساعه 1:40


    مسك يدها وأنفتح باب من غرفتهم الكبيره الى غرفه ابهرتها طاوله ذهبيه كبيره والجاتوه على شكل طبقات وبالاعلى صورتها وصورة فهد يوم الملكه أنصدمت من الفخامه الموجوده وما أنتبهت للي تصور بكاميرة الفيديو وقفوا قبال الطاوله ومسكوآ سكين الكيك الذهبيه وقطعوآ الكيك ببطئ

    همس بأذنه : حاسبي على حركاتك ترى في كاميرآ تصور والناس بالقاعه يشوفونا
    أول ماسمعت كلامته خافت وأرتجفت بشكل غير طبيعي
    شوق : لا تسوي حركه تنحسب عليك
    فهد يهمس لها بحده : امشي حتى نروح ونكمل الزفه لا تستفزيني
    كملت معه وهي ساكته ولا تقاوم بأي كلمه حتى ما تسوي شي قدآم الناس .. طلعوآ عند الدرج المعزول عن الكل وصوت الزغاريط والموسيقى الكلاسيكه تعج بالقاعه كسى القاعه الظلام عدآ اضاءات الشموع الخافته وروائحه العطريه الساحره اللي أنتشرت مع الاوكسجين تسلط الضوء على المكان اللي يطلعون معه .. وأنفتحت الستاره البيضاء ..
    وطلع وهو ماسك يدها بهدوء وقفوآ جنب بعض بدت الأغاني يرتفع صوتها والأضواء مسلطه على أبطال الحفل


    شـــــــوق & فـــــهـــــد


    طلعت بفستانها الابيض الآمع كان ماسك على صدرها ومن تحت صدرها الى أخر خصرها شفاف ومطرز بكرستالات تعكس الاضاءه عليها وتلمع .. والظهر من ورى كله فاتح بالوسط فيه شريطتين على شكل ورده صغيره والفستان منفوش وذيله ورآها .. كان شعرها لونه بني منفوخ من فوق ومنزله خصل على وجهها طويله على جنب .. وشعرها كله ملفلف ونازل من ورى شوي الى حد رقبتها والطرحه مدخله بطريقه غريبه وهاديه على شكل ورده كبيره من الخلف والشعر حولها بخصل طويله وقصيره عشوائيه ...طويله تسحب وراها وميك أب متداخله الالوان الفوشيه مع الاسود والرمادي ومسكتها على شكل كره كبيره نازل من سلاسل كرستاليه مليانه ورد وعليها صور شبكتها


    ؛؛


    آمـــا هو كان كاشخ كشخه نجديه بطوله وشموخه وهيبته مسوي دقن أمارتيه ودآمج معها سكسوكه مبينه ملامحه الحاده القتاله... بسماره وبشرته البرونزي .. وآقف جنبها مثل الأمير بطلته ونظراته السهميه لف يدها اليمين على يده وشبك أصابعه بأصابعها مسكت نفسها لا تصرخ عليه .. كآنت يدها باردة زي الثلج وخفت برودتها بعد ماحطها بكفه الدافيه بلعت ريقها وهي تحس بشعور غريب ومشاعر متضاربه .. مشوآ خطوتين بطيئه ووقفوآ عند الدرج اللي مربوط بشريط ابيض وورده بالوسط وجنبه تحفه اسطوآنيه وفوقها صدفها زجاجيه ودآخلها ورد وردي ومقص وولاعه .. لف عليها وقابلها وأشر لها بأصباعه وبدلوآ مكان الدبل .. وقلبها شوي ويوقف بين ضلوعها والكل يرآقب مسرحيتهم الفاخره برومنسيه وحالميه وأمامهم امراء حفلهم .. مسك المقص وشاركته بمسكه وقصوآ الشريط . نزلوا على الممر الشفاف والاضاءه من تحتهم ورحة العود والبخور امتلت بالقاعه .. مشوآ ببطئ الى أن وصلوآ للكوشه وفيها بالوسط دائره وقفوآ عليها وهي تدور فيهم حتى يشوفونهم كل المعازيم بجميع الجهات
    ريم ودمعتها على خدها : بسم الله عليها تهبل زي الملاك بالفستان الابيض
    ندى : عيني عليها بارده لا اله الالله تجنن
    ليآن تهمس لدانا : ماتوقعتها بالجمال هذا صدق ماتعرفين توصفين
    دانا : ويش رايك فيها ؟!
    ليان : صراحه حطمت توقعاتي الحين تلاقين زوجة رياض طاقه من الغيره
    دانا : احس حتى تعرف ان في احلى واجمل منها اشيفه عمرها علينا بجمالها
    ليان : اووش خليني اركز .. يابنت خالك خرت علومه خخخ
    دانا : والله ما ألومه من الزين اللي جنبه ..
    بآلجهه المقابله
    جدتها : قطع هالمخطوفه ماخذه له مزيون
    هيفاء : ادعي لها يمه حرام عليك البنت ماتستاهل والحمدلله ان ربي عوضها
    هند بقهر وحسد : ويش لاقي فيها الخبل .. الله لايبلانا من زينها شوفيها كيف تفجع
    هيفاء : حرام عليكم .. اعوذ بالله منكم .. تحسدون بنت اختكم اليتيمه
    صفية زوجة ابو سعد : هذي يتيمه حنا اليتامى .. ماخذه لها ولد شباب وغني وكل الزين فيه ويش تبي اكثر من كذا .. ضحكت لها الدنيا بنت الفقر .. ياليته يدري عن حالتها اول بنت الفقر
    عند عماتها ومها
    هديل تبكي : يمه ماني مصدقه ان شوق بتروح عنا
    حنين نزلت عيونها هي وخلود : يمه ويش بيصير ببنات خوالي
    ام سامر : خلاص لاتقلبونها مناحه البنت بتروح مع زوجها وبتشوف حياتها الى متى بتعيش مع اخوآتها
    مها بحزن وهي ماسكه نفسها : بنفقدها كيف بتكون حياتنا من بعدها ..
    جات ستي بعباية رغد وشهد اللي جالسين بجنب مظلم حتى محد يلمحهم
    رغد ضامه شهد اللي كابته دموعه : شوي مها رآحت ولآ بكينا
    شهد تدفن نفسها بحضن رغد : خايفه عليها أختي واعرفها ضعيفه
    رغد : شوفي زوآجها كيف .. أن شاء الله مايقصر عليها ويحطها بعيونها
    شهد من قلب : يآرب


    جلسوآ على الكرسي وتصوروآ مع بعض وبحركات حلوه لكن شوق ماقدرت تعارض أبداً خصوصا ان بالها بمكان ثاني بعد ماخلصوا من الزفه وجلسوآ على الكوشه جات ندى ودانا وليان وسلموا عليهم ورقصوآ على طلب خاص منهم مع أمهاتهم وام رياض ومريم زوجة رياض ..
    جوآ اخوات شوق وعماتها وبنات عماتها متلثمين وسلموآ عليها وعلى فهد
    هنادي بقوة عين : فهيدان حط بالك على شوق ترى نبيها
    فهد ضحك ومسك يد شوق باسها : شوق بعيوني لاتوصوني عليها
    ام خلود : يا يمه يافهد ماتحتاج وصايه بنتنا أمانه عندك
    مها : وخلها تزورنا ترى مانستغني عنها
    فهد : ابشروا من عيوني .. كل شهر بجيبهها لكم ..
    جات شهد ووقفت لها شوق وحطت المسكه على الكرسي وضمت شوق وجلست تبكي على كتفها وطاحت لثمتها وهي تشهق وتبكي ماتبي تبعد عن شوق وضمتها سمر من الجهه الثانيه وجلست تبكي اكثر من شهد
    شوق تحاول تهديهم وهي ماسكه نفسها : خلاص حبايبي .. ليش تبكون بدال ماتفرحون لي
    شهد تبعد عنها وتمسح خدودها اللي ساح عليها الكحل : بتروحين ياشوق مين يصحينا ويهتم فينا .. بتتركين فرآغ كبير محد بيسده أبدا
    شوق : ياعمري ياشهد انتم كبرتم وصرتم بطولي وتعتمدون على انفسكم
    سحر تبعد هم وعيونها حمراء : انتي امنا ياشوق ربيتينا كلنا .. بفقد امي مرتين .. مره بموتها ومره بفراقك .. أخذتها شوق بحضنها وجلست تبكي معاهم .. قام فهد ومشى خطوتين ولحقته أخته
    ام دانا : وين رايح يافهد
    فهد منزل راسه بالارض : بطلع استنى شوق برآ خليها مع اهلها شوي اخواتها منهارآت
    ام دانا تمسك يده وتطلع معه حتى تشوف له الطريق الى ماطلع برآ


    ام خلود تسحب شوق من بين اخوآتها وبنات عمها : يالله عريسك ينتظرك برآ تأخرتي عليه
    تأملت القاعه مابقى فيها غير اهلها واهل فهد .. مشت مع عمتها والبنات ورآها تسمع أصوات بكاهم وشهقاتهم دخلت الغرفه ولبسوها عماتها عبايتها وغطوها
    شوق وهي قريبه من الباب : بنات لاتتركوني تعالوآ لي بالفندق
    كلهم بصوت : بنجيك
    شهد ماسكه مشاري بحضنها ومشت معها للباب : شوق نحبك ياشوق
    شوق : وأنا كمان والله احبكم رآح افقدكم .. مهآ روحي معاهم للبيت لاتتركيهم لوحدهم
    مها تمسح دموعها : أبشري بروح معهم
    رغد : أنتبهي لنفسك ياشوقه .. أي شي تحتاجينه كلمينا
    شوق : اهم شي تعالوآ لي لاتتركوني لحالي
    عمتها تفتح الباب وهي تطلعها : يالله ياشوق .. عمك اقلقني يقول تأخرتي
    شوق تطلع مع الباب وتشوف السياره اللكزس مشرعه من أولها الى اخرها ولونها ابيض وتشريعتها جنان
    فتح لها بندر الباب ودخلت بعد محاولات قاسيه لدخول فستانها للدآخل السياره .. تحركت فيهم السياره وهو جالس جنبها وصوت الميوزك الخفيف طاغي على الجو الساكن دآخل السياره
    قلبها يرجف داخلها كيانها أمتلى زلازل وبرآكين مابينه وبينها الى فاصل بسيط مسافه لاتقل عن عشرات السانتميترآت .. وصلوآ لآفخم فنادق المدينه ( المدينه هليتون ) اللي يطل على الساحه الرئيسيه للحرم ويطل على بوابه الملك فهد وهي البوابه الرئيسيه للحرم .. نزل سوآقهم وفتح لها الباب وجاء سلطان مدير أعمال فهد وفتح له الباب
    فهد : مشكور ياسلطان
    سلطان : الف مبروك ياطويل العمر .. أي شي تبيه كلمني على طول
    فهد : ان شاء الله لاتنسى اللي وصيتك فيه
    سلطان : لاتخاف ياطويل العمر ان شاء الله بالوقت اللي حددته يكون موجود
    فهد : مشكور .. توجه للباب اللي كانت تنزل منه شوق وساعدها لان فستانها مضايقها مسك يدها ودخلوآ مع البوابه الكبيره الراقيه وأنتبهوآ لهم كل الزوار والمعتمرين اللي جالسين بصالة الأستقبال وهم يبتسمون على أشكالهم الحلوه وورآها السوآق اللي يشيل لها الذيل الطويل .. دخلوآ بالانصنصير لحالهم وطلعوآ لجناحهم الخاص فيهم .. مسك البطاقه ودخلها في المكان المخصص لها وأنفتح الباب تلقائي .. فتحه لها على كبره ودخلت لدآخل الجناح .. قفل الباب ومشى ورآها .. نزلت عبايتها وطرحتها وجلست على الأريكه الفخمه جلس قبالها وهو يتأمل وجهها الملائكي .. رفعت وجهها وتلاقت عينها بعينه نزلت دموعها بغزاره وماقدرت تكبت شهقاتها أكثر وهي تتذكر خواتها غطت وجهها بكفوفها وأنهارت بالبكاء .. سحب شماغه وحطه على الطاوله جنب الحوض الدائري الصغير اللي موجود فيه ورد وأسماك ومنظرها يجنن ..
    فهد ببرود : خــــآيــــفــــه !!
    مسحت دموعها وأحتاس وجهها وأنعدم الميك آب .. وقفت ورآحت للغرفه شافت الغرفه اللي مجهزينها للعرسان السرير لونه احمر وعلى اطرافه ورد أبيض وريحة العطور ترد الروح شافت السله الخشبيه اللي مجهزينها رغد وشهد لما رتبوآ ملابسها بالدولاب وفوقها المنشفه ولوشن جسمها والشامبو وباقي اغراضها اللي تحتاجها .. سكرت الباب وهي مقهوره ماله مفتاح يعني ببطاقة الجناح يفتح الباب نزلت فستانها وعلقته على جنب واخذت المنشفه ولفتها على جسمها وأنصدمت لما شافت الروب الفوشي القصير المجهز مع الاغراض وكمان اللي تكره بالذات .. فتحت دولابها وهي تسب وتلعن بالبنات وثقت فيهم وهم متقصدين يحطون كل شي قصير وعاري لها
    شوق بعصبيه : غبيآآت .. على بالهم زي أي عروس .. أأأخ بس لو تطيحون بين يدي
    حمر وجهها من القهر سحبت سلتها ودخلت الحمام وأنتم بكرآمه حتى تأخذ لها شور طويل
    :::
    :::
    ببيت ابو مها
    كلهم يبكون عليها البيت ماله حلى بدونها وبدون حسها
    مها تهديهم : كل وحده فيكم هذا مصيرها .. المفروض تفرحون
    رغد تبكي وتشرب مويه : بس شوق كيف بنعيش بدونها البيت مثل المقبره بدونها .. فاقد حسها وصوتها
    سحر : بنفقد القرآن بصوتها وخشوعها .. وأذكارها كل صباح ومساء
    شهد منهاره مره : انت تعبت لا أم ولآ أخت شفت العذآب مرتين
    مها تضمها لصدرها : هونيها ياقلبي اهم شي سعادتها مع زوجها أدعو لها
    الكل : الله يوفقها
    هنادي ماسكه نفسها لاتبكي وتكابر على نفسها : يالله عاد زودناها .. شفتوآ فهد يوم باس يدها بعد مابدلوا الدبل
    سحر : يس والله فطست ضحك
    تغير جوهم وقاموآ يحكون بعض عن اللي سمعوآ واللي شافوآ
    سمر : سمعت وحدها تقول الولد مزيون وهي مزيونه اجل عيالهم ايش يطلعون
    شهد تضحك من بين دموعها : يطلعون زيي
    هنادي : أعوذ بالله عشان تنتحر شوق .. ويش تبي فيك يطلعون عليك
    شهد : تبوس يدها وجه وقفى اذا طلعوا علي صح مهاوي
    مها تحط يدها على بطنها : واللي ببطني تتوقعون يطلع على مين
    رغد بضحكه رجتهم : يطلع على جلالي خخخ
    مها كشرت : تحلمين انتي .. بيطلع قمر زي امه
    هنادي تطالعها بنص عين : قمر .. قصدك بقر زي امهم ههههههههآآآآآآي
    مها : اقول انا ويش مسويه لكم تكرهوني .. لو أني رايحه لبيتي اكرم لي من تريقتكم فيني
    ريم : خليك وآثقه من نفسك يالبطه مو أي شي يهزك
    مها : على قولتك اصلا هناديوه عياله بيطلعون مصارعين وقطاعين طرق
    هنادي تمد لسانها : مناك بس تحلمين
    شهد تبوس مشاري : شوفوا المزيون ذا اروح ملح على عيونه وضحكته
    رغد : ترى بزوجه بنتي مو تسحبين علينا ..
    شهد تصرفها : طيب طيب نشوف عاد اذا ميشو يبيها بنزوجهم واذا مايبيها بكيفه اهم شي راحته
    رغد تكشر : هين ياشهيد انتي وولدك خليه ينفعك
    :::
    :::






  8. #48
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    :::
    :::
    طلعت من الحمام وهي تنشف شعرها الطويل لما طلعت شافته وآقف عند باب الدولاب ويلبس بلوزة البجامه حقته اول ماحس بوجودها ورآه لف عليها
    وهو يطالعها من فوق لتحت خافت من نظرته وطنشته وهي تتجه للمرآيا أخذت الفرشه وصارت تمشط شعرها وتحرك للكرسي اللي تحت الشباك وجلس وترك بلوزته مفتوحه وماقفل ازاريره كانت وآقفه قباله والمسافه شاسعه بينهم ركزت على شعرها وهي تمشطه وحست بعيونه تأكلها أكل
    خصوصاً ان قميصها قصير لنص الفخذ ولونه لايق عليها ومعطيها انوثه وزايد سحرها
    اتوترت بدآخلها سرت حراره بجسمها من نظراته لها بان الارتباك والخوف عليها نظراته الحاره اربكتها وزادت براكين كرهها له انقهرت من خواتها وتفكيرهم الغبي
    شوق ( حسبي الله عليكم ياشهد ورغد انا الغلطانه اللي سلمتكم الخيط والمخيط .. وهذا بعد عيونه اربع اربع وجع يوجع بطنه ماينزل عينه الله ياخذه اكررررررررهك يافهد نفسي اذبحك وافقع عيونك هذي )
    من كثر توترها صارت تهز رجلها بقوه تركت شعرها سايح على وجهها وحطت طوق فوشي على شعرها ماحست بنفسها الى تحط روج وردي وكحل وبالها مو باللي تسويه بالها مع فهد اللي ملعق عيونه عليها وماينزلها حتى لما يلمحها تميل فمها بتضجر

    فهد

    لما طلعت من الحمام بخفه ماحسيت فيها ابدا لما شافتني البس وقفت بمكانها وحسيت بحركه وراي لفت وشفتها بأبهى صوره على طبيعتها بدون أي مكملات جماليه
    كانت بعيونها نظرات صدمها وهي تشوفني موجود بنفس الغرفه .. كنت ابي اطفشها بالكلام لكن لما طاحت عيني عليها بجمالها الرباني غيرت رائي
    خصوصا انها كانت تبكي على خواتها وباين انها خايفه مني ومن نظراتي لها .. مشت للمرآيا وعيوني متعلقه فيها ماني قادر اتحكم بعيوني .. كانها سحرتني بنعومتها وسحرها وعيونهها الواسعه اللي شبكتني جلست على الكرسي وانا اتاملها وهي تسرح شعرها بهدوء وكانها متوتره من وجودي
    طنشت وتقصدت اني اطالعها حتى اوترها بزياده اللون الفوشي زايد بياضها وجاذبيتها لكن مانسيت انها طاهره من الخارج فقط .. لكن من الداخل فهي نجسه
    كل شي فيها مجرد خدعه للنظر جمالها رقتها كلامها كلها اسلحه تساعدها في حربها معي .. لكن رغم كل شي فيها لازالت ابغضها واكرها .. وبحقق هدفي من زوآجي منها وهو المتعه بس ..

    متعه × عذآب × شبه حياه ..

    رآح ادفعها ثمن كل جرح بصدري وكل جرح بروحي ..
    شكلها طفولي رغم عمرها فيها براءه تحسسني بالذنب انا عديم الاحساس معها احس بالذنب وأحس برغبه الانتقام .. لكن انتقام من نوع ثاني .. انتقام ممتع لي وعذاب بالنسبه لها .. قررت أكلمها واجس نبضها
    قلت لها ببرود قاتل : شوق
    شوق بمثل بروده : نعم .. ويش تبي مني
    فهد بأبتسامة خبث : ترى أذن الفجر
    شوق مشت لأتجاهه وهي تطالعه بتفحص ولأول مره تتأمل شكله... بشعره الطويل الي نص رقبته وبشكل عشوائي وعيونه السوادء الجارحه وصدره المفتوحه وعضلاته البرونزيه البارزه تعلقت عيونه فيها يتنظر ردة فعلها .. سحبت السجاده من ورآه لانه مانتبهه انها ورآه وأخذت عبايتها وفرشت سجادتها وبدت تصلي
    حط يده على دقنه وهو يطالعها .. وقام ورآح للصاله ينتظر تخلص صلاتها
    بعد ربع ساعه رجع للغرفه كانت توها شايله السجاده طبقتها وحطتها على الكرسي وهي تشوف الطاوله اللي عليها شموع .. طفى الأنوار كلها وشغل الابجورآت .. لفت عليه بصدمه وتجمدت بمكانها وطيرت عيونها فيه
    مسك يدها وسحبها وهي تطالعه بأستغراب
    شوق تسحب يدها : هيه هيه .. ويش تبي
    فهد يلف يده على خصرها ويطالعها بعيون شرانيه : هذا سؤال تسئله عروس لعريسها
    شوق تدفه عنها : فهد لاتقرب مني ترى وربي مايصير لك شي طيب
    دفها على الجدار ولزق فيها : ويش بتسوين يعني بتضربيني
    شوق خافت منه ونزلت دموعها وهي تضربه على رجله : قلت لك بعد عني بـــــــعــــ....
    فهد يحط يده على فمها : لاتصارخين .. لاني ماراح ارحمك لو تموتين قدامي .. وسحبها بقوووه
    شوق تعارضه وتحاول تحرر نفسها منه : اتررركني
    فهد بنظرات شرسه : ترحمي على عمرك


    ؛؛؛






  9. #49
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    الــبــآرت الـــعـــشرون


    يا ( مگآنہ |
    هو وِع’دني
    بِ ( انّہ !
    دايم ينتظرني
    . . . * مثل م’ا أنا وعدتہ [ اني ] برجع لہ وٍ احححححٍ ن ’’
    ( ليہ ؟
    | خ’يّب |
    هقوٍتي فيہ , وطعنّي

    تسّمعٍ ’ إنتْ شششٍ لوٍنْ هآ الطعٍ نہ تئَََََََنْ


    صباحية الزوآج
    صحوآ البنات كلهم وجلسوآ بالصاله
    جلست بتأفف : دآيم شوق تهاوشني عشان أكل
    رغد تطالع البنات : مين اللي يسوون فطور اليوم
    ريم : بليز انا بثالث فكوني من شغل البيت
    شهد تشرب ميشو الحليب : اقول من اليوم بنسوي جدول شوق اللي تكرف وتغسل وتطبخ رآحت ياحلوين
    دخلت مها وبيدها ورقه مرتبه الاشغال بين البنات : يالله شوفوا الجدول وينطبق من اليوم بدون اعتراض ســـآمعين
    هنادي تهز راسها : ياربي .. من اليوم
    مها تعطي رغد الورقه : يالله شوفوه بروح اسوي قهوة لأبوي واجهز فطوره
    سحر : والله ضعنا بدون شوق هذا وماصار 24 ساعه على روحتها
    سمر تروح للمطبخ : ظلم ليش انا اول يوم
    ريم : ارضي يالله مافي اعتراض
    شهد تنوم مشاري وتوقف : اللي عندها ملابس تبيني اغسلها تقوم تحطها عند سلة الغسيل ماراح اركض وراكم سامعين
    سحر تميل فمها : من الحين الدكتاتوريه
    شهد تتخصر : على بالكم انا زي شوق ببالي طويل واترجاكم ترجي انا اغسل الملابس يوميا اللي عندها شي هي تجيبه لكن انا امشي وراكم تحلمون
    هنادي : طيب الله يرجك
    رغد : وانا علي الطبخ تعرفوني احب الطبخ
    ريم : وانا الكنس وتمسيح السيراميك
    هنادي: وانا اجازة طول العمر خخخخخ
    سحر : تحلمين انتي نطلع لك شغله
    رغد تفكر : اممم انا اقولك انتي مسئوله عن نظافه الجدار والتحف والمرايا كل يوم تمسحينها حتى ماتغبر
    هنادي : يالطيف هذا شغل يومي لنا كلنا
    ريم : ايه ويش على بالك انتي
    هنادي شوي وتبكي : وكانت شواقه تسويه ولحالها صدق احنا مفتريات
    رغد : زمن الدلع ولى وراح ... دخل ابوهم وهو جاي من المسجد
    ابو مها : السلام عليكم
    الكل : وعليكم السلام
    ابو مها : ويش فيكم اصواتكم لاخر البيت
    سحر : والله يايبه اننا نقسم شغل البيت بيننا
    ابو مها : وين قهوتي وفطوري .. " سكت شوي بعدها قال ".. يوم شوق في اجي القى الصينيه جاهزة قدامي
    هنادي تبتسم : كلنا كنا مدلعين الحين مافي دلع شكلك يايبه من اليوم بتدخل المطبخ خخخخخ
    ابو مها : ماهي بعيده والله يابنتي .. بس عندي بنات سنعات صح والا انا غلطان
    كلهم صاروا يطالعون ببعض ونفسهم يتشققون من الضحك : ايه صح
    ابو مها وهو يحمسهم : طيب يالله ابي فطور يشبع كل شي بالمطبخ حطوه
    رغد وشهد يروحون للمطبخ : من عيوننا
    ابو مها يطالع بمشاري : يازينه وهو نايم .. من زمان ماشفت اطفال
    ريم : يبه انت تحبه زينا يعني
    ابو مها : والله انه اغلى منكم عندي .. دخل قلبي الله يسامح امه وابوه اللي تركوه
    سحر : اي والله ماعندهم قلب
    سمر دخلت : ماكلمتوا شوق
    الكل : لا
    سمر : يبه نبي نروح لها
    ابو مها بحده : لا عيب وانا بوك مايصير نروح لها من اول يوم استنوآ شوي
    سحر : بس حنآ مشتآقين لها حيل يبه
    ابو مها : تحملوآ .. تحملوآ كلها يومين ونروح لها
    سمر تتخصر : طيب مها كلمت بندر وبتروح لها المغرب .. ليش هي ايه وحنآ لا
    ابو مها : يايبه مها كبيره وعاقله ومتزوجه بتروح تشوف تحتآج اختكن شي والا تبي شي مايصير نتركها
    ريم تهاجمه : آها هذآك قلتها مايصير نتركها تكفى تكفى يابوي ودينا لها
    ابو مها بأصرار : لا يعني لا وانتهى الكلام
    سحر : ليش الظلم .. مايصير كذآ يبه والله ظلم
    سمر تبكي : أنا اشتقت لها يكفي أنها بتعيش بجده ومانشوفها الآ بالقطاره
    ابو مها حن عليهم : اممم بكلمها وأشوف اذا فاضيين نروح بعد العشاء .. هجموآ عليه كلهم اللي تبوس يده واللي تبوس رآسه واللي تدعي له
    ابو مها يضحك : هههههههه اثاري شوق غاليه عندكم .. اضن اغلى مني
    هنادي بسياسه : حشاك يابو مهاوي انت اغلى وآحد بلا منازع بس حنا نمثل عليك ونحزنك حتى نكسب تمشيه حلوه
    ريم : يبه يبه ويش رايك نروح نصلي العشاء بالحرم وبعدين نروح لها
    ابو مها : الله تشوفونه بس مابي ماخبل ابيكن بنات عاقلات انا وآثق فيكم ومخليكم على رآحتكم .. يابناتي انتم اغلى من كنوز الدنيا عندي .. ابي اشوفكم بأعلى المناصب واهم شي دراستكم
    سحر : يبه انا ابي ادرس طب .. تكفى لاتعارض رغبتي
    ابو مها فرحان : افا عليك انا ودي وحده فيكم تكون دكتوره .. كيف اوقف بطريقك انتي وخواتك وصية الغالي الله يرحمه
    ريم : الله يخليك لنا يبه
    دخلت مها وبيدها الصينيه : وهذي احلى قهوه بالعالم لاحلى ابو مها بالدنيا
    هنادي تتلفت : الجوال وينه عز الله بيتسمم ابوي من قهوتها
    الكل : ههههههههههههههه
    مها : اسكتي يالرفله
    هنادي : لالا حنا نبي ابوي ماحنا مستغنين عنه
    :::
    :::

    صحت من النوم على صوت أذان العصر كل قطعه بجسمها تألمها ..الم فظيع يسري بجسدها تذكرت اللي صار ضمت الشرشف لصدرها وهي تبكي جسمها كله أثآر جروح وخدوش .. عذآب نفسي وجسدي بآلنسبه لها أمتلت مخدتها دموع دموع حزن × الم × عذآب .. ماتقدر تحرك ظهرها .. بطنها تحس بشي ينهشه بدون رحمه .. لفت برآسها على الجهه الثانيه شافت ملابسها بحال يرثى لها ممزقه وكل قطعه بجهه .. وحشيته مستحيل تنمحى من بالها شافت فيه وحش ينهش لحمها بشرآهيه اغتصبها مره ثانيه ولكن بالحلال .. حاولت قد ماتقدر انها تستند على الكمودينه اخذت ملابسها ولفتها على جسمها وبكل صعوبه وقفت وتحركة للدولاب عيونها مغطيها الدمع ماتشوف طريقها تتمسك بكل زاويه او شي بطريقها ماتقدر تحرك رجولها من الألم اللي تحس فيه .. فتحت دولابها وطلعت لها لبس تلبسه واخذت منشفتها ودخلت الحمام وأنتم بكرآمه جلست بالبانيو وفتحت المويه اختلطت دموعها بقطرآت الماء .. حست برغبه جامحه للأستفرآغ .. وفعلا استفرغت (أكرمكم الله) بكت وبكت لحالها امتلى قلبها كره فوق كرها وحقد زاد اضعاف مضاعفه عليه
    حاولت تمحي أثار لمساته ووحشيته اللإنسانيه دعكت جسمها بالجل بقووه لكن هيهات كان متقن رسماته على جسدها الضعيف والناعم .. قوتها ولاتضاهي قوته ولكن هناك من هو اقوى منه وأنتقامه اقوى من أي انتقام .. غطتها قطرآت الماء البارد يمكن أن تطفى نار جوفها وتطهر نجاسة فعلته
    طلعت بعد معاناه اتعبتها جلست على السرير وهي لابسه تنوره قصيره شوي وبلوزه كت اضافة نعومه على نعومتها .. لازالت دموعها على خدها الوردي ضلت ربع ساعه على حالتها .. سمعت جوآلها يدق شافته على الطاوله ورآحت له بكل كلافه عليها شافت رقم مها حاولت تتمالك نفسها ولا تبين لها شي
    شوق : الـــو
    مها بصوت ساخر : الوآآت ياقميل وينك عن الجوال مليون مره دقيت عليك
    شوق : كنت نايمه توي صاحيه
    مها : حركآآآت توك صاحيه .. المهم ترى بعد العشاء بنجيك اوكي
    شوق : حياكم الله
    مها ماتطمنت لصوتها : شوق فيك شي .. فهد أذآك بشي
    شوق نزلت دموعها لكن بنفس الصوت : لا ابداً مره طيب معي
    مها ودخلها الشك : شوقه قولي الصدق فيك شي
    شوق : لا والله بس مجرد تعب عادي .. مهاوي تكفين جيبي لي معك مسكن راسي وبطني يؤلموني من أمس
    مها على نيتها : اوكي ياقلبي .. بجيب لك انتبهي لنفسك ولاتسوين شي احنا مابنطول عندكم
    شوق : طيب
    مها : بااي
    شوق : مع السلامه .. جلست على الكرسي وحطت رآسها على الطاوله وجلست تبكي
    دخل عليها وشافها على وضعيتها هذي كمل طريقه بأتجاهها وحط الكيس اللي بيده على الطاوله جنب رآسها
    رفعت رآسها ودموعها على خدها وشعرها مبلول وبنظرات شراريه طالعت فيه ..جلس على الكرسي قبالها وكأنه انسان بريء طالعها ببرود
    فهد : هذي ادويه لك استعمليها
    رمت الكيس على وجهه باقوى ماتملك وقالت له من بين اسنانها بنبره واضح فيها الكره والحقد : مابي شي منك ياوآطي
    ركز عيونه عليها وبنظره ناريه عقد حاجبه : المره هذي بكيفي امشيها لكِ لكن انتبهي على تصرفاتك يامدآم شوق لا أنهيك عن وجه الأرض
    شوق وقفت واعطته ظهرها : اللي مثلك قاتل محترف مو غريبه عليك القتل لانك تقتل القتيل وتمشي بجنازة
    عصب من كلامها وقف ورآها وبصوت خافت منه : اول من قتلته انتي !! والحين رجعت احييتك عشان اعوض الناقص بحياتي فيك
    لفت عليه وبكل قوتها صرخت بوجهه : انا ماني محطة تفريغ تفرغ فيني .. ولاتحسب اني بسكت لك لالا ياشاطر رآجع حسابتك أول
    فهد يمسكها مع دقنها بقوه ويقرب وجهه من وجهها : لاتصرخين بوجهي عشان لاتندمين
    شوق تبعد يده بقوه عنها : لاعاد تلمسني يا أنجس خلق الله
    وتفلت بوجهه وبعيونها حقد طالع فيها بنظره بركانيه وبأقوى مايملك صفعها كف طاحت على الأرض من قوته وهي مصدومه من كفه لها غطى شعرها وجهها نزلت دمعه حاره من عينها احرقت خدها مشى بخطى واثقه منتصره وقف قبل يطلع من الغرفه وبدون لايلتفت لها
    فهد بصوت تصدعت من جدار الغرفه : هذآ أبسط شي اسويه لك ياحقيرتي .. وطلع لصالة جناحهم
    مر وقت وهي على الارض تبكي بصمت دموعها جرحت خدها مكان صفعته لازآلت علامته وآضح والمه كسى قلبها وانكسر كل شي فيها هذي هي كل محطة في حياتها يمر شخص يشوه معالمها الجميله

    آآهـ يا كبر القهر لا صار ما باليد حيله..
    والجروح من( القــرايب) والخطا مني وفيني!!
    ان نويت اشفي غليلي ما لقيت اية وسـيلهـ
    كيف ابلقى دام جرحــي سبته طعنه يميني؟!
    وان نوت تبكي عيوني صارت( الدمعــهـ ) بخيله!!
    يآكبرها لامن تجمـــع هم قلبـــي وهم عيــني
    ياهمـــوماً بي تعدت حدهـا صارت ثقيلــهـ
    اخذي مني كم ســؤال ولو سمــحتي جاوبيني
    ليه من بعد (الوفـــاء والطيــب) وفعولاً جليله
    من يدين اللي حشمته أول طعـــوني تجيني؟؟
    وليه لاضاق الفضــا في عيــن من خانه دخيله
    مالقيت الا (المــلامه) انتهيها وتبديني؟
    ياهمومي ياجــروحي يا صدى الروح العليله
    والله ان الـــظــلم قهره قيّد لسانـــي ويديني!!
    يوم قيل ناظر حسودك زاد في قوله وقيله
    ما طــرالي غير قولت آآآخ يا دنيــا ارحميني
    ان تكلمت وحـــكيت وجبت برهاني ودليله
    ما تضــرر كود منهو قد لفانــي منتخيني!!
    وان سكــت وقلت هانــت هــم وسنيني تزيله
    اكتشفت ان (السنين) تزول والهم محتويني!!
    بس لجــل اللي انتخى في جد جــدي والقبيله
    والله اني لاشــرب المــر واتحــمل ما يجيني
    ودام ما بالكون (صــدراً) ارتمي به واشتكيله
    ودام مابــه عين تقـــرى حزني اللي مبتليني!!
    ما لي الا بيت شـــعراً اذكــره في كل ليله
    لا انتهى جـــدال المعاتــب بين قلبي وبين عيني

    وقفت لملمت بقايا شتاتها وانكسارها مسحت دموعها وغسلت وجهها حتى تبعد أثر الدمع عن خدها رجعت للمرآيا مكان صفعته حمراء لونه لون الدم مررت يدها عليها نغزها الالم غمضت عيونها وحاولت تتجاهل الالم ومشطت شعرها واستشورته حتى اخواتها مايشكون بشي وخصوصا عمها ومها اخفت اي معالم بوجهها بالميك آب والكحل .. لكن فتحت بلوزتها اللي بارزه كل صدرها كيف تخفي اي جرح وخدش فيه حاولت وحاولت لكن كلها فاشله جلست على السرير وعيونها متعلقه على الباب تنتظر دخول اهلها مستحيل تطلع وتقابله .. أذن المغرب وهي ماحست بمرور الوقت صلت وكالعادة دعت ربها بعد صلاتها طوت سجادتها بعد ماخلصت وهي تسبح وتستغفر ربها فتحت الدولاب تطلع صندلها ارتجفت من دخوله عليها وهو يطالعها بدون أهتمام متجاهل وجودها
    فهد : ترى ابوي واهلي بيجون .. مابيك تبينين أي شي لهم لو تزلين بشي ترى ماراح اتسامح معك ابد سامعتني .. طنشته ولا ردت عليه ومشت وهي تعطيه ظهرها
    صرخ عليها بصوت وحشي : سامعتني !!.. بعد طنشته ولا ردت عليه وجلست على الكرسي تشرب مويه طلع من الغرفه وهو معصب منها
    شوق ( الله يكسر يدك يافهد الله لايعطيك عافيه ياحيوان ياسافل ) حبست دمعتها بعينها وقررت تتجاهله وتطلع تجلس بالصاله حتى تنرفزه بوجودها






  10. #50
    عضو فضي
    الصورة الرمزية بدويه برستيج
    الحالة : بدويه برستيج غير متواجد حالياً
    رقم العضوية : 94248
    تاريخ التسجيل : 19-03-12
    الجنـس : انثـى
    المشاركات : 315
    التقييم : 16
    Array

    افتراضي رد: رواية ياخاطفي وين القى عزتي في زمان المذله كاملة


    رغد تكلم الجوال : ايه طالعه مع اهلي
    عبدالله : لوين ؟!
    رغد : بنروح لأختي اذا جينا أكلمك اوكي
    عبدالله : اوكي عشان اقولك رائي الوالده فيك
    رغد حمر وجهها : صدق اوكي اول ما أرجع بكلمك
    عبدالله : اوكي يازوجتي الغاليه .. احرجها بكلمته وولعت خدودها
    رغد بصوت مستحي : يالله باي
    عبدالله : باي ياحبي
    اول ماسكرت غمضت عيونها بحالميه وحب لعبدالله اللي سكن روحها وقلبها وعقلها .. استولى على كل شي بدنياها تفدآه بعمرها كله .. حبته بجنون وملك شي ماقدر اي احد يملكه برغد
    شهد تطالعها بعيون غريبه : رغيد فتحي عيونك وكملي كشخه مالي خلق تأخرينا
    رغد : انا خلصت بس باقي المسكره والروج على بالك زيك بطيئه
    شهد : ما أقول الا الله يرفع عنك .. يالله بس اخلصي علينا
    رغد تجلس على كرسي تسريحتها : طيب طيب لا تزعجيني .. خذي عباتك وسفرقي عني ( يعني انقلعي هع )
    شهد تأخذ عباتها : هين يارغيد يالعجيز ومدت لسانها وطلعت
    رغد فتحت عيونها على الاخير وبيدها الماسكرآ : صدق انا عجوز .. خبله شهد انا اوريها

    بالصاله

    مها : يالله يابنات ورآنا مشوآر طويل
    ريم تلف طرحتها : انا خالصه
    سحر : وانا كمان
    مها : والبقيه ابوي وجلالي تحت يالله يابنات .. وجوآ كلهم ورآحوا

    :::
    :::
    :::

    كانت جالسه مع ام رياض وندى وليان ودانا اللي جايين مع جدتهم وجدهم
    ام رياض : ألف مبروك يابنتي
    شوق بخجل وحياء : الله يبارك فيك ياعمتي
    ندى : تصدقين انتي احلى بدون ميك آب
    ليان : لالا بصراحه بميك آب وبدون تجننين
    شوق استحت من كلامها : تسلمون .. كلكم ذوق
    دانا : وين خالي فهد وجدي
    شوق : بالغرفه الثانيه .. قبل تكمل كلامها دخل فهد ومعه أبوه اللي فيه شبه من فهد
    ابو رياض : السلام عليكم .. وقفت شوق وهي منزله رآسها من الحياء
    الكل : وعليكم السلام
    ابو رياض : مبروك يابنتي
    شوق وهي منزله رآسها : الله يبارك فيك
    ابو رياض : عسى ما أزعجناكم بجيتنا
    فهد : افا عليك يبه المكان مكانكم
    ابو رياض يجلس بالمكان اللي كانت جالسه فيه شوق .. وجلس فهد جنبه على مسافه بعيده شوي
    ابو رياض : اجلسي يابنتي جنب زوجك ليش وآقفه
    شوق تطالع عمها اللي واضح فيه الحنان : بأقهويك ياعمي
    ابو رياض : ارتاحي يابنتي ندى تقهوينا .. وجلست جنب فهد بس حاولت تبعد عنه لكن الكنبه ضيقه
    تحس بالم يطعنها ببطنها وظهرها ماتقدر تتحرك منه كثير لكن تجامل قدآمها وهي تتعذب بدآخلها
    ابو رياض : يالله يام رياض بنروح
    فهد : بدري يبه اجلسوآ
    ابو رياض : بننزل الحين الحرم نصلي مابقى شي على الصلاه وبعد تأخذ رآحتك مع عروستك
    فهد : بس باقي وقت على الصلاه
    ابو رياض : ماعليه ياولدي بنروح ورآنا سفر بكره .. وقفوآ الكل .. وأتجهوآ لباب الجناح وورآهم شوق وفهد ودعوهم .. رجعت بسرعه وجلست على الكنب وحطت يدها على بطنها وهي تتألم بقوه لما دخل الصاله وشاف لون وجهها الاصفر خاف يصير فيها شي .. قرب منها ووقف جنبها
    فهد وهو هادي : ويش فيك ؟!
    رفعت رآسها وهي تقول له بألم : يعني ماتعرف .. كله منك أتألم
    فهد جلس جنبها وحط رجل على رجل ورجع راسها على ورى ولف يديه ورى رآسها : والله اذا هذآ اللي تاعبك فهو شي عادي لازم تتعودين .. طلت فيه ببرود ونظرة احتقار ونزلت رآسها
    فهد : اذا مره تتالمي اوديك المستشفى
    شوق : شكرآ مايحتاج مستشفى .. وقفت بتروح الغرفه وتعلقت عيونه عليها وقال لها بصوت هادي
    فهد : روحي غيري ملابسك أحسن لك بدل الدم اللي ماليها .. لفت عليه والشرار يطلع من عيونها
    صرخت عليه : حـــــــقـــــــــيـــــررر.. طنشته ورآحت للغرفه

    ::
    ::
    ريم : يبه هذآ الفندق اللي فيه شوق وفهد
    ابوها : ايه هو ذآ
    هنادي : اخص ياشوق حركات بالهليتون
    مها : بلا حكي فاضي وهيا على البوابه وبهدوء
    شهد شايله ميشو اللي يبكي بحضنها وهي تحاول تسكته : بنات شيلوآ شنطتي
    رغد : امشي انا اجيبها معي
    سحر اول وحده وصلت عند الانصنصير وهي تضغطها عشان ينفتح لهم : هناديوه شوفي العلامه طالع والا نازل
    هنادي تشوف الاسهم الحمراء : شكل هذا الشريط ياسحر حق سوق الاسهم <<~ فايقه تستعبط البنت
    سحر انقهرت منها : يالمسوآك فتحي عيونك
    هنادي تضربها على رآسها : مسوآك ابرك منك يالدب القطبي
    سحر عصبت وحمر وجهها : انا دب قطبي .. وضربها على بطنها بكوعها
    هنادي عصبت : هيه على بالك يدك خفيفه والله لاصقع رآسك بالجدار الللي ورآك
    سحر تحط يدها على خصرها : فيك خير مدي يدك وشوفي ويش بيصير لك
    هنادي تدفها بقوه : هاه وريني ويش بتسوين ياكودليزآ رايس ياتكر انتي
    سحر وصل ضغطها مليون ومسكتها من ورى وسحبت طرحتها وهي ناويه تصفقها : والله لا اوريك يامعفنه
    هنادي تدفها عنها : يابقره بعدي يدك لا اوريك حركة التكوأندو الجديده
    سحر تضربها على ظهرها ودموعها بعيونها : استقوي علي يابويه
    هنادي فار الدم بعروقها : انا بويه يــــ... وقبل تكمل كلامها جاء ولد وقال
    ..: عيب عليكم تتهاوشون
    هنادي : وانت ويش خصك اقلب وجهك عنا
    الولد : على أي صفحه ههههههه
    سحر تضربه بكعبها على رجله : ابعد عنا لا أجمع عليك خلق الله
    هنادي تسحب سحر لجوآ الانصنصير وتقفله : خلاص اهجدي عاد
    سحر : طيب الله يرجك ... سكتوآ شوي
    هنادي : اقول اي دور غرفة شوق
    سحر : مدري احسبك تدرين
    هنادي : ابوي وينه تركنا ورآح وخواتي
    سحر خافت : يمه ما أدري يا هنادي
    هنادي : اووف خلينا نرجع تحت الحين .. ورجعوا للدور الاول يدورون ابوهم شافوآ ابوهم يكلم الجوال من بعيد .. واتجهوآ له
    سحر : يبه وين رحتوآ ندوركم حنا
    ابوهم يقفل الجوال : وانا ادوركم خبري فيكم يوم دخلنا مع البوابه
    هنادي : احنا نحسبكم ورآنا
    ابو مها : يالله خوأتك يستنونا عند المصاعد ... ومشوآ بأتجاههم

    كآنت بغرفتها بعد مابدلت ملابسها لبست بنطلون برمودآ أسود وبدي لون منقاوي طويل شوي لاخر خصرها ومفتوح على شكل v من عند الصدر وتحته حزآم اسود والظهرعلى شكل دمعه طول الظهر.. كان استر شي في الدولاب رفعت شعرها ذيل حصان ونزلت خصل عند اذنها وخصله على وجهها تعطرت وحطت بلاشر مشمشي وروج وردي لامع وكانت بأروع شكل .. رجع لها الالم بظهرها وبطنها بس على أخف شوي
    سمعت صوت الجرس وعرفت انهم اهلها لان مها كلمتها قبل دقائق تحملت على نفسها وطلعت من الغرفه شافته متجهه للباب
    شوق : لحظة انا بفتح الباب .. لف عليها وهو مستغرب من كلامها
    فهد : يمكن السيرفيس روم
    شوق : لا هذول اخواتي وعمي
    فهد : بكل الحالات انا بفتح الباب
    شوق تعارض : بـــس اخــ...
    فهد يلف عنها ويمشي : اخواتك ماراح اكلهم .. ومشى للباب بثوبه وشعره كان عشوائي ومعطيه جاذبيه فتح لهم الباب ودخلت شهد ومعها مشاري وعلى باله شوق اللي فاتحه الباب
    شهد بتعب : خذي خذي ميشو تعبت وانا شايلته .. ولما مدت يدها اخذه فهد وهو منزل راسه وتفشلت منه ودخلت بسرعه جوآ .. ودخلوآ بعدها البنات وابوهم
    ابو مها : السلام عليكم
    فهد : وعليكم السلام ... حياكم الله ياعمي
    ابو مها : الله يحيك ياولدي .. كيف حالك وكيف عروستك
    فهد : بخير جعلك بخير ياعمي .. ودخلوآ للصاله وشوق تسلم على خواتها اول ماشافت عمها رآحت سلمت على عمها وباست يده وجبينه
    مها : مبروك يافهد ....فهد منزل راسه ومشاري على يده
    فهد : الله يبارك فيك يارب .. عقبالك .. ضحكوآ كلهم على كلمته
    هنادي بلقافه : هذي سبقتكم وتزوجت
    فهد : اجل عقبال البقيه
    ابو مها : امين يارب .. اعطى مشاري لابو مها .. واخذ شماغه وعقاله
    فهد : انا طالع حتى تاخذون راحتكم مع شوق
    ابو مها : والله ماتطلع .. البنات يروحون مع اختهم لجوآ
    شوق : انا بأخذهم لغرفتي
    رغد تهمس لها : طيب الجاتوه والبيتفور وين نحطه
    شوق تاخذه منهم : روحوآ الغرفه انا اجي لكم بعد شوي .. ورآحوا وهي اتجهت للزاويه اللي على شكل مطبخ وحطت الجاتوه بصحن دائري ووزعت الباقي .. وأخذت الصينيه ومشت قد ماتقدر وبظهرها يألمها .. حطتها على الطاوله وهي تطالع بفهد اللي اسمه واسمها على الجاتوه
    ابو مها : الله يرضى عليك يابنتي ويوفقك يارب
    شوق : امين يارب لاتنساني ياعمي من دعواتك
    ابو مها : والله يابنتي البيت من دونك مايسوى كلنا فاقدينك
    نزلت راسها ووقفت : انا بروح للبنات تامرني بشي عمي
    ابو مها : سلامتك ... رآحت للغرفه ولقتهم كلهم جالسي ينتظرونها
    مها : ياهلا والله بشوآقه
    شوق : هلا فيك
    سحر : وحشتينا يابنت هذا يوم واحد بس كانه سنه
    شوق : توي ادري اني غاليه
    شهد : والله فقدناك مرره
    هنادي تتطالعها بتفحص : بنت .. قصدي ياحرمه ويش فك شكلك تعبانه
    شوق : لاتعبانه ولاشي بس ماشبعت نوم
    رغد عينها على صدرها : شوق ويش الجروح هذي اللي بصدرك تفجع
    شوق تضم البلوزة على صدرها : كافي اسئله ياكثر اسئلتكم
    مها تضحك : احرجتو عروستنا اهجدوآ شوي
    ريم بخوف : يعني لو اتزوج بيصير فيني كذا حتى النوم ما انام
    شوق عصبت : لالا ماراح يصير كذا بس اسكتوا ياربي
    هنادي : حنا نب نتعلم منكم
    شوق : هناديوه اسكتي ابرك
    شهد تغمز لهم : خلاص يابنات اسكتوآ
    سمر شافت الكيس اللي جابه فهد لشوق وطلعت من علبة دوآ ورفعته : هيــــــــــــه .. كلهم لفوآ عليها
    سمر : شوقه ويش ذا الدواء
    شوق عصبت وصرخت عليها : اتركيه حق فهد
    سمر ترجعه وتحط الكيس على الكمودينه : طيب خلاص اعوذ بالله كاننا ارتكبنا جريمه
    مها تهدي شوق : ويش فيك متوتره هدي بالك
    شوق تهمس لها : انا تعبانه مره مالي خلق احد وهم ذبحوني بالاسئله ليش وايش اووف
    مها تستهبل : طيب ليش
    شوق عقدت حواجبها : بموت انا منكم بموت
    رغد : يالطيف .. حكينا ويش صار معك هيا تكلمي
    شوق : ماصار شي اول ماجيت غيرت ملابسي ونمت وماصحيت الا العصر من التعب لي يومين مانمت زين .. والمغرب جوآ أهل عمي وقبل تجون بشوي رآحوا
    مها : وكيف كانوآ
    شوق : شكلهم مره طيبين من كلامهم وتعاملهم معي وانا زوجه فهد مو ولد ام رياض
    سحر : ايه مبين انهم طيبين حتى زوجك شكله تحطيم يجنن مشاء الله
    شوق تطالعها بأستغراب وبداخلها ( عساه يموت ان شاء الله من زينه الله يأخذه ويفكني منه ومن شره )
    رغد : ياويلك هذا زوجها ماتسمح لاحد يتكلم عليه
    شوق : قفلوآ على السيره .. سمعت صوت فهد يناديه قامت بتأفف وهي يادوب تمشي حتى ماتبين شي لاهلها .. وطلعت له
    شوق : ويش تبي ؟!
    فهد يعطيها مشاري : خذي هذا مدري ايش يقرب لك
    شوق : مو لازم تعرف .. وأخذت مشاري ولمست يده بدون قصد وأرتبكت من لمسته طلعت بعيونه وهو يطالعها بتفحص طنشته ورجعت للغرفه .. خلت ميشو بحضنها تلاعبه
    مها تهمس لها : شوق خوفتيني عليك ترى قبل شوي بالعافيه وقفتي .. في شي يألمك
    شوق : لا مافي شي
    مها تحاول تسحب منها الكلام : قولي ويش سوى لك زوجك الغبي
    شوق : ماسوى شي
    مها : ماهي علي هذي الحركات .. والاثار اللي بصدرك تقدرين تقولين ويش هي
    شوق بتأفف : مهاوي بليز ترى من صدق تعبانه وماني قادره اتكلم لا تزني علي
    مها : اوكي برآحتك .. بس حطي شي ببالك اني خايفه عليك واي شي تبينه كلميني على طول
    شوق : اوكي اوعدك اذا احتجت شي بقولك

    :::
    :::
    فاتن مستغربه تغير اخوها : وين بتأخذني يافايز
    فايز بطيبه : بنروح نتمشى من زمان ما أخذتك بتمشيه
    فاتن تطالعه بنص عين ولفت على ابوها : غريبه مالك عاده تأخذني
    فايز : يعني الاخ مايصير يغلط ويمشي اخته ويعشيها بالمكان اللي تبيه
    فاتن: يصير بس ابوي يمكن يحتاج شي
    فايز : توك مخلصه من اغراضه واظن ابوي ماهو معترض
    هز ابوهم راسه وهمهم بكلمات فهمتها فاتن وأبتسمت له ووقفت تلبس عبايتها
    فايز : يمكن نتأخر يبه .. لاتخاف علينا
    دخلت وطرحتها على كتفها : يالله فايز أنتهيت
    فايز يوقف : مع السلامه يبه .. وطلعوآ للسياره بعد ماحرك السياره ومشى لمكان بعيد طلع كيس من تحت الكرسي ومده لفاتن
    فاتن تطالعه بأستغراب: ويش فيه الكيس
    لف عليها بنظرات خبيثه وماكره : شوفي يافاتن تنفذين أي شي اقوله لك بالحرف الوآحد ومابيك تنطقي كلمة لا مفهوم
    فاتن بدت تخاف منه : ليش ؟
    فايز يركز على الطريق : اقولك ليش .. انا مطفر وجاتني فلوس بارده مبرده 10 الالاف ريال مابي اضيعها وانتي سبب الفلوس هذي
    فاتن نزلت دموعها : ويش يعني انا السبب
    فايز ضحك ضحكة شيطانيه : هههههه بتفهمين كل شي بالشقه ..
    :::
    :::

    :::
    رجعوآ من عند شوق مبسوطين وفرحانين .. دخلت غرفتها وقفلت الباب دقت عليه بلهفه وشوق وحب ملئ قلبها
    عبدالله : أهلين
    رغد : هلا وغلا .. أخبارك
    عبدالله : تمام .. بشري عسى انبسطتي عند اختك
    رغد : الحمدلله أنبسطنا كلنا .. بس طلعنا عينها ورجعنا
    عبدالله : ماطولتوآ صح ؟!
    رغد : يس ماطولنا .. كلها نص ساعه ورجعنا .. المهم طمني عنك انت
    عبدالله : من اسمع صوتك اصير بألف خير ياروحي
    رغد : من جد عبودي اشتقت لك مره .. طول الوقت افكر فيك نفسي ارجع بسرعه حتى اكلمك
    عبدالله : ياعمري عليك يارغودتي .. تصدقين فقدتك الفتره اللي فاتت
    رغد ترمي نفسها على سريرها : ومن سمعك انا اكثر كل وقتي افكر فيك .. حتى بكاء بكيت عليك يادب
    عبدالله : ههههههه تستاهلين انتي اللي انقلبتي علي
    رغد : الحين تصحح الوضع .. على فكره رجعت كلمة أبوي
    عبدالله : لا بعدي ماكلمته مره ثانيه . عشان عمي مسافر وبعد يومين يرجع ويكلم ابوك ويحدد معه موعد
    رغد بفرح : أنتظر هاليوم بفارغ الصبر يا عبودي
    عبدالله : بنكون اسعد زوجين بالدنيا ..
    رغد بحياء : أكيد دام نحب بعض بنكون أسعد اثنين بالعالم
    عبدالله : ماقلت لك امي واختي ويش قالوآ عنك
    رغد تحمست : ويش قالوآ ؟
    عبدالله : امي ميته عليك وأختي بعد تقول حبتك انتي وشهد
    رغد : والله يشهد علي اني حبيتهم .. وغلاتهم من غلاتك ياقلبي
    عبدالله : أنا استأجرت شقه قبل شهر ونقلنا فيها انا وأمي واخوآني .. بدل ماهم بالقريه لحالهم
    رغد : صدق .. كويس بس مدارسهم ايش صار عليها
    عبدالله : نقلتهم كلهم للمدينه والحمدلله الحي اللي استاجرت فيه مدارس البنات والاولاد قريبه من بيتنا
    رغد : الحمدلله .. على فكره عبودي اختك سنه كم
    عبدالله : ثاني ثانوي علمي
    رغد : مشاء الله شكلها اصغر ..توقعت انها بثالث متوسط
    عبدالله : ههههههه ياويلك لو تسمعك يمكن تموت
    رغد : بسم الله عليها ..
    عبدالله : رغـــودتي
    رغد : عيوني !!
    عبدالله : أحــــــبــــــكـ
    رغد حمرت خدودها وردت عليه : وأنا أمــــــوت فــــيـــكـ
    بغرفه ثانيه من بيت أبو مها
    ريم : هههههههههه خطيره النكته
    سيف : هذي اخر نكته بالسوق
    ريم : الله الله .. اكسكلوزف يعني
    سيف : تقدرين تقولين كذآ
    ريم : ويش اخبار خالتي بعد الزوآج أمس
    سيف : الحمدلله ماعليه بس تقول انك كنتي ملاك
    ريم بحياء : وي هي قالت كذآ
    سيف : أيه والله قالت كذآ .. مايدرون انك بكل حالتك ملآك بعيوني
    ريم : تسلم لي عيونك ..
    سيف مصدوم : ويش قلتي .. عيديها
    ريم بجرآئه : تسلم لي عيونك
    سيف : ايوه خليك كذآ جريئه ترى ذبحتيني بالحياء
    ريم : الحياء شعبه من الايمان
    سيف : وه فديت اللي تعرف تتكلم .. خبطي فيني يابنت محمد
    ريم : عقبال مايطير عقلك بالمره
    سيف : ههههههه ماهي بعيده والله
    دخلت عليه ساميه وشافت يكلم الجوال ويضحك وقفت قباله وهي تتخصر وبصوت عالي متقصدته
    ساميه : هذآ اللي فالح فيه طول اليوم تكلم ست الحسن والدلال .. حتى الأكل ماتاكل
    سيف يغطي الجوال بيده : ساميوه اتقي شري وانقلعي عن وجهي
    ساميه : قوم قوم كلم أمي تبيك بموضوع مهم
    سيف : قولي لها ربع ساعه وأجي
    ساميه : بالله ماتمل من صوتها كل يوم تكلمها .. من زينها ياربي لك الحمد
    سيف بعصبيه : أطلعي من غرفتي وشغلك عندي بعدين
    ساميه تلف عنه : صحصح وشوف كيف صاير بنت محمد توديك يمين ويسار على كيفها وهي لسى ماجات بيتك ياحظي ..
    سيف صرخ بأعلى صوته : أطـــــــــــلـــعـــي برآ
    ورجع للجوآل ونطق بأسمها لكنه كان يسمع صوت بكاها
    ريم : يلا باي
    سيف : ريم ليش تبكين
    ريم : مافيني شي بس طحت على الكرسي
    سيف : قولي الصدق ياريم .. سمعتي كلام ساميه أختي
    ريم تنرفزت : ابي افهم شي وآحد ياسيف ليش اختك تكرهني .. مو بس اختك أهلك كلهم مايحبوني على بالك ماني حاسه بالشي هذآ .. نظراتهم وتلميحاتهم حتى بنات اعمامك انا ماعمري أذيتهم بشي ليش هم يأذوني خصوصا اختك ساميه
    سيف : ماعليك ياحبيبتي أهم شي انا وانتي ماعليك بأحد ولاتهتمي بكلامهم ..
    ريم : انا ماني مستعده اجي لبيت ناس كارهيني .. وفهم أختك أني مالي ذنب تكرهني وتحقد علي
    سيف : لاتهمك ساميه طبعها كذا شرانيه .. لكن قلبها طيب وبسرعه تتأقلم مع الناس
    ريم : ايه باين مرره .. وخصوصا يوم تجلس مع كوثر .. انا مضطره اقفل الحين ابي اكمل شغلي
    سيف : انتبهي لنفسك ياعمري
    ريم : وأنت بعد .. يلا سيآآ
    سيف : سيآآ .. رمى الجوال على سريره وطلع معصب ووجه أحمر ومتنرفز صرخ بالصاله وهو يدور على ساميه .. نزل للصاله التحتيه .. وشافها جالسه عند أمها
    سيف مسكها مع شعرها ووقفها : مليون مره قلت لك لا تتدخلين بيني وبين ريم
    ساميه تحاول تفك يده عن شعرها : مالت عليك وعليها .. اتركني ياغبي تمد يدك علي عشان هذيك اللي سمعتهم بالأرض .. أعطاها كف قدآم امه وكان ابوه توه دآخل وشافه يوم ضرب أخته
    سيف بعصبيه : أحترمي نفسك ياساميه وثمني كلامك قبل تقولينه لا أخليك تندمين على اليوم اللي أنولدتي فيه ســـآآمعــه
    ابو سيف : خير ويش صاير
    سيف يتنفس بسرعه : يبه شوف ساميه انا ماعدت اتحمل شرها
    ابو سيف : ويش مسويه أختك .. جلس سيف وقال لأبوه كل شي قالته ساميه واللي قالته له ريم
    ابو سيف بحده : ساميه .. أول وأخر مره اسمعك تتكلمين عن زوجة أخوك كذآ والا انا اللي بتعامل معك بشي ماتتوقعينه
    ساميه بقوه : انتم تدرون أني اكرها لاتلوموني
    ابوها : الكره بالقلب .. أحترمي شعورها على الأقل
    ساميه تصرفهم : يصير خير .. وطلعت لغرفتها

    بآلبيت
    سحر أتنرفزت من اللي قالته ريم : ماعليك منها لاتسكتين لها أبدآ ترى كذا بتتمادى معك
    ريم : تعرفين اني اكره المشاكل ولا أطيقها بس ساميوه ذي عقربه شكلها بتكرهني بعيشتي
    هنادي : اقول ماعليك منها دوسيها الغبيه ذيك لو أنا مكانك كان أدبتها
    ريم بتأفف : والله اني احب سيف .. طيب ويحبني ومثقف ومتعلم بس اخته الله يأخذها
    سحر : أجل طنشيها
    شهد : ماعليك طنشيها اللي مثلها ماينفع الذوق معها
    سحر : بقوه بعد
    ::
    ::
    بالفندق دخل عليها وبدون نفس قالها
    فهد : البسي عباتك
    شوق عقدت حواجبها وبنظره ناريه : وليش ؟!
    فهد : بنروح نتعشى بمطعم
    شوق تكمل قرائه المجله : بس أنا شبعانه مابي أكل
    فهد يجلس على الكرسي اللي قبالها : زين والله وفرتي علي 300 ريال
    شوق بنظرة احتقار : وبخيل كمان .. مالت عليك بس
    فهد : كأنك زودتيها شوي .. ترى ساكت لك بمزآجي والا الكف ما أثر فيك
    شوق بحقد دفين : عسى يدك لشلل اذا مديتها علي مره ثانيه .. ومابتردد بدعواتي عليك
    فهد : انتي يالنجسه تدعين ههههههه اخر زمن والله
    شوق ارتفع ضغطها منه وأنقهرت زياده ولعت من كلامه : ما النجس غيرك انت انا اطهر منك مليون مره
    فهد ببرود يرفع رجله وحطها فوق رجله الثانيه : اموت عليك يالطاهره انتي
    شوق رمت المجله على الطاوله اللي فاصله بينهم : ايوه اطهر منك غصب عنك ..وقفت وأعطته ظهرها
    جاء ورآها وهو يلعب بشعرها وطفشها وهي تبعد عنه
    فهد : انا رآيح اطلب عشاء حدي جوعان .. طنشته ورآحت للصاله تقلب بالقنوآت وهي متأففه منه ومن ثقالة دمه وكلامه اللي مثل السم
    بعد ماسكر التلفون وطلب عشاء من مطعم الهيلتون جاء وجلس بالصاله وهو يطالع التلفزيون ويشوف البرنامج الديني اللي تتابعه
    فهد : لاتكئبينا غيري القناه .. اعطته نظره احتقار
    شوق : اذا مو عاجبك اطلع برآ
    فهد رفع حواجبه بأستغراب : قلت لك غيري يعني غيري احسن لك ولي
    شوق تطنشه : مارآح اغير.. واللي بتسويه سوه
    فهد عصب وقف ومشى بأتجاهها تعلقت عيونها فيه وهو جاي بجهتها ..قبل لايلفظ بكلمه وحده دق الباب .. هزتها نظرته الوحشيه وملامحه المخيفه .. ومشى للباب ودخل العربه اللي فيها الأكل جلس على الكنب وجلس يأكل .. تقرفت منه ورآحت للغرفه وهي شايله عليه مره

    :::
    :::

    ..: تنفذين كل كلمه يطلبها من الرجال سامعتني
    صابها برود وتجمد استحل على مشاعرها ودموعها ما نطقت بكلمه وحده أنصاعت لكلامهم مافي لها أي مفر او مكان تهرب منهم .. دخلت الشقته ووقفت على جنب لوحدها
    فايز بأبتسامه عريضه : متى نستلم المبلغ
    ...: أهم شي تكون على الطلب
    صديق فايز : على طلبك والبنت وردة .. بس نبي اللي أتفقنا عليه محتاجين نصرف أمورنا
    مد لهم الظرف الموجود داخله الفلوس : وهذآ اللي أتفقنا عليه .. تقدرون تطلعون
    فايز : مثل ما أتفقنا الساعه 1 نجي ونأخذ البنت نرجعها لبيت أهلها
    ..: أوكي الساعه 1 دقوآ على جوالي .. يالله برآ لو سمحتم
    قفل الباب وطالع بالبنت اللي قدآمه ولسى لابسه عبايتها
    ..: نزلي عبايتك " سكت شوي " ..شكلك خايفه وأول مه تدخلين هذآ العالم
    فاتن رفعت غطايتها وانصدم يوم شاف دموعها .. خافت من شكله وهو لابس الشورت بس .. وأيقنت ان في هذآ المكان ستفقد هويتها .. جلست على الكنبه ونزلت عبايتها
    فاتن : أذا تبي اي شي خذه وخلصني ..
    طالعها بأستغراب وجلس جنبها وهو يتودد لها : ويش اسمك طيب
    فاتن تمسح دموعها وتتظاهر بالقوه : فاتن ..
    ..: انا اسمي تركي .. طيب يافتو ليش تبكين خايفه مني يعني
    فاتن تهز رآسها بلا ونزلت رآسها ولا طالعته
    تركي يطالعها بتفحص شكلها متجهزه بلبسها المثير وشعرها السايح وعطرها لكنه مو مرتاح أبداً
    تركي مسك يدها : امم جاهزه الحين .. لفت عليه زي المقروصه ودمعت عيونها وتعلقت عيونها فيه وهي تبكي
    تركي استغرب منها : فاتن ويش فيك اذا جايه غصب عنك انا مستحيل أأذيك
    فاتن انهارت وهي تبكي : اتركني بحالي .. حرآآم عليكم
    تركي صدقت توقعاته وعرف انها مغصوبه : الحقير فايزونوآف هم اللي جابوك صح
    هزت رآسها بمعنى ايوه وكملت بكاها .. حاول يهديها لكن ماقدر الا بعد نص ساعه من دوآمة بكاها المستمر







صفحة 5 من 9 الأولىالأولى 123456789 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

المواضيع المتشابهه

  1. طويلة : رواية جرحني و صار معشوقي كاملة
    بواسطة MOZA_FCB في المنتدى قصص الحب و الرومانسية و الغرام و العشاق
    مشاركات: 15
    آخر مشاركة: 15-03-04, 09:16 PM
  2. رواية همس الموت , كاملة
    بواسطة دلع الامارات أنا في المنتدى قصص الطويلة , الروايات
    مشاركات: 11
    آخر مشاركة: 14-09-29, 08:07 PM
  3. رواية لمى في شقة شباب / كاملة
    بواسطة بنت الشيوخ 2003 في المنتدى قصص الحب و الرومانسية و الغرام و العشاق
    مشاركات: 23
    آخر مشاركة: 14-09-04, 11:44 AM
  4. رواية أجمل غرور كاملة
    بواسطة بنت العين 2 في المنتدى قصص الطويلة , الروايات
    مشاركات: 31
    آخر مشاركة: 14-03-03, 10:03 AM
  5. رواية . الريم اللعوب كاملة
    بواسطة نظرة عناد في المنتدى قصص الطويلة , الروايات
    مشاركات: 22
    آخر مشاركة: 12-08-22, 11:57 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •