تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 4 من 4
  1. #1
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رواية( ليش يا دنيا اسرارج كثيرة )


    رواية(( ليش يا دنيا اسرارج كثيرة )))
    للكاتبة :وحيدة بزماني

    رواااية اماراااتية رومنسية طررر بين الخيال و الواقع ((مايد & هنادي))
    (( في غيابك ما تغير شي .... بس احس اني فاقدة كل شي...))



    احم احم
    البارت الاول

    انا اسمي هنادي .. من حلات اسمي خخخخخ المهم نشيت من الرقاااد ما بغيت انش بس يوعاااانة و بردااانة مووت . عقب ما تسبحت و صليت الظهر سرت اسوي لي شااي حليب ..انا محد يعدل مزاجي و اييب راسي غير هالشااي و كليت سندويش جبن و عقب فريتهااو و بس شربت الشاي .. سرت اجييك على تلفووني لعله و عسى احصل مسجاات و لا اتصالات و استانست يوم شفت مسج قلت ف خااطري اكيد هذا حبيب القلب امطرشلي مسج بس للاسف طلعت ربيعتي و امطرشه مسج عن مساء الخير
    سويت اعادة ارسال للمسج لحبيبي هههههه

    هيه صح ما عرفتكم عليه احم احم اسمه مايد و طويل و ابيضاني و خشمه حلو وو لون عيونه اسوود و شعره ااسسووود و جسمه عجيب يعني ابشكل عاااام طرررررررررر يايي فديته ....ههه
    نرجع للقصة ..
    سرت انسدح ع كرفايتي مرة ثاانية و قريت قصه البطل ف هالقصة شخصيته غير عن شخصيه مايد واتمنى حبيبي يكون شرااته و تمنيت انه مايد يحبني موت مثل بطل هالقصة يحب البطلة مووت و يضحي علشانهااا..

    نقزت يوم رن الموبايل .. وكان المتصل مايد

    رديت ابسرعه : هلا ...

    ياني صوت مايد من الطرف الثاني : اهلين اشحالج ؟ ..شو تسوين ؟

    طحت ع الشبريه بكسل : كنت احلم ...
    مايد: فيني صح ..
    ضحكت : ههههههههههه لا فالقصة اللي اقراها و بطلهاا..

    مايد يعاتنبي : هناااااااااااادي
    ضحكت : هههههههههه فديت الي يغارون ..

    مايد يتكلم ابجد : انا فعلا ما ادانيي هالشي فيج ...

    سويت روحي زعلانه : يعني شوووه بتزعلني "ودلعت صوتي..

    حرج عليه ابصراحه مب شيء غريب على مايد : انتي اتبين هالشيء ..ولا انا الف مره قلتلج ..ما تطرين هالخرابيط الي قاعده تقرينها و اتحلمين فيها ..

    خذت نفس طويل : ان شااء الله ..شو ها اليوم كل واحد يزاعج مايد قبل شوي امي و الحين انته عفااانا الله

    مايد : متى رقدتي البارحه ..؟؟؟
    هنادي: يوم اتصلت فيك و ما رديت عليه و عقب رقدت ....اممم ليش ما رديت عليه البارحة اتصلت فيك فوق 66 مرة ؟ ف شو كنت مشغوول ؟؟

    مايد: اوكى انا الغلطان الي متصلبج الحين و انتي تحاسبيني ليش ما اتصلت اوووف منج _ باي "وصكر التلفون ابويهي "

    صرخت ابصوت عالي ياربي شو ها البلوه ... رجعت اتصلت به بس ما رد عليه فريت الموبايل ع الشبريه ابكل قوة ..
    اختي فرح دخلت عليه الغرفة و كانت تغني ضاربنها الهوى و يت تسالني بلاج معصبة طنشتها مالي بارظ اسولف وياااها .. اختي قالتلي اتجهز لانه بنسير الستي بعد شووي قلتلها اوكي بسير عشان اغير جووو و انسى زعل مايد .. سرت اتجهز و لبست عبايتي و شيلتي و لبست نعال سطااحي لاني طويله و شليت شنطة سووودة و تعدلت شوي حطيت جلوس وردي فاتح و بودرة و جحلت عيوني قلت يمكن غشووتي اتطيح و اشووف مايد و يشووفني صدفة يا حلوها من صدفة ههههههههه يااااااي .. صحيح انه هو جاسي عليه بس انا احبه و احب قسوته
    فكرت قبل لا اسير الستي اتصل فيه و ارااضيه لانه زعلان يمكن .. وسرت اتصل فيه

    هنادي : طوط طوط طوط
    مايد:هلا
    هنادي:اشحالك؟
    مايد : تماام
    هنادي: اممممممممممممم
    مايد من غير نفس : شووووووووووو
    هنادي: اممم مب زعلان ؟؟
    مايد : لا
    استانست لانه مب زعلان بس حسيته يرمسني من طرف خشمه
    و جان اقووله :ليش ترمسني جذاااا
    مايد و هو يزاعج عليه: عيل كيف تبيني ارمسج هاااا




    رصيت ايدي عالموبايل و همست : مايد دخيلك ... ارمس زين ..
    نقزت ابمكاني و فجيت اعيوني ابسرعه يوم زاعج مايد : كيف يعني ارمسج بالزين ليش شو قاعد اسوي انا !الحينه ؟
    تميت ساكته متفاجاه منرده ......................................"الظاهر وايد محرج مني "
    عقب فتره طويله كنت بيني و بين نفسي اشاور اصكر الخط ابويهه بس بتزيد الفجوه من بيني و بينه ..

    بس سمعته يرمس و باسلوب جاف : شوتبين ...؟؟
    كنت برد بس دمعتي سبقتنيو فسكت ............................."ماشي رد"

    رد بنفس الاسلوب : بتمين جي ساكته ...اصكر يعني ..
    رديت و انا العبره خانقتني : لا ..

    مايد مب مهتم : عيل قولي شو تبين و ليش متصله ...؟؟

    ما كنت عارفه شو اقول لان مايد وايد كان جاسي علي ................"ماشي رد"

    سمعته ياخذ نفس طويل و نطق اسمي بقسوه جنه ما فيه صبر .. هناااااادي


    فضحت مشاعري و صحت له بصوت عالي : انت وايد جاسي ..."وفريت الموبايل بعيد عني و يلست اصيح بصوت عالي .."

    عقب ما انهد حيلي حتى ما اعرف كم من دقيقه او ساعه مرت عليه ..نشيت من مكاني و رحت صوب الموبايل ...ما خاب ظني مايد امصكر الموبايل,
    الظاهرتضايج من حركتي بس بعد انا متضايجه من اسلوبه و دفاشته معاي ..رصيت ع اصابعي امنع نفسي من ادق له او اطرش له اي مسج ..
    و بعدين سرنا الستي دشيت محل اريج و شريت لي عطر و عقب دشيت محل لايف ستاايل و اشتريت حقي هاند باق واكسسوارات و رووج شفايف وردي و برتقالي و بودرة و بس
    رديت من الستي تعباانه هلكاانة جني سايرة مشي بريوولي مب بسياارة مدري ليش واايد اتعب يوم اطلع مكاان وصلت البيت و وصلت لمكاني المفضل و احلى شي و اللي هو كرفاايتي و مخدتي و لحافي فديتهم ههههه و رقدت على طوول من التعب و نشيت اليوم الثااني طلعت تلفووني الي احطيه تحت مخدتي كنت حاسة حبيبي مايد حس بغلطته و و اكيد مطرشلي مسج اعتذاار بس احساسي خابني كالعاادة .. غمضت عيووني و ندمت ليش بطلت عيووني وليش نشيت من الاساااس و كم تمنيت اني ارقد و ما انش موووليه مرة ثاانية








    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  2. #2
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية( ليش يا دنيا اسرارج كثيرة )


    البارت الثااني ((رواية ليش يا دنيا اسرارج كثيرة))
    بيتنا الساعة 10 مساء بتوقيت الامارات
    كنت ملانة كالعاادة و ما عرف شو اسوي و افكرر ف الحب بعد ما نحن تعشينا و عقب ماخلصنا العشى .. حاولت اطرد مايد من بالي بس ما قدرت كنت احاول اندمج معاهم بالسوالفو اضحك ع ضرابة اخواني الصغاار بس خيال مايد ما يفارقني ...
    سرت الحجرة و و حطيت راسي من الصدااع و عقب دقاايق سمعت تلفووني يرن على اغنيه نانسي عجرم انته ايييه و استانست يوم شفت رقم مايد و فركت عيوووني عسب اتاكد انا في حلم و لا في علم لانه دايمن يتغللى و ما يتصل و بسرعة رديت عليه قبل لا يبند و يغير راايه و ما يتصل مرة ثااانية .. بس انا الحينه نفسيتي تعبانه واذا كلمته وتضارب معاي عادي اتصير مشاكل كبيره بيني و بينه ...

    طالعت موبايلي .. ما اصبر عن هالانسان لو شو صار ...رديت ابسرعه بس تميت ساكته من غير ما ارمس .
    حسيت بهزه بداخلي و انا اسمع صوته : راقده هنادي ..؟؟

    يا الله الي يسمع صوت مايد الحينه ما يقول ها الي كان يرمسني من ساعه ..
    بلعت ريجي : كنت راقده

    مايد:ازعجتج ..؟؟

    قلته ابسرعه : لا انت تدري ما بيني و بينك هالرسميات ..مايد لااتسوي فيني جذا انا ابروحي تعبانه ..

    مايد : شو بلاج ..هناديي ..انا وايد جسيت عليج ..؟؟

    حطيت ايدي ع عيني ويلست اصيح ...

    مايد: ليش ليش اتصيحين ..هنادي..
    رديت عليه و انا اصارع دموعي : انت ما اتحبني .. ..

    اول مره اسمع صوته جي : و الله اني احبج و ااموت عليج ..ليش اتقولين جي ..بس لاني زعلت منج ..؟؟

    تميت اصيح .............................................."ماش ي رد"

    مايد: و غلاتي عندج لا اتصيح ..دخيلج هنادي ..ترا ببند ....
    حاولت اسكت عمري و قعدت امش دموعي .بظهر ايدي ..
    هنادي: اليوم اليوم صارت وايد اشياء كنت محتاجه اتكون جريب مني ....

    مايد......................."ماشي رد"
    تميت ساكته العب بطرف اللحاف اترياا رد مايد.

    مايد: انا اسف ما استاهلج هنادي ولا استاهل حبج..
    رديت ابسرعه و بانفعال : واالله اخر مره تنطق بهاي الرمسه ..حرام عليك تبا تذبحني انت ..

    مايد : صدقيني ما هنتي عليه من ساعه ...علشان جي رديت اتصلت بج...

    قلته و انا احس بموجه مشاعر من الراحه و الامان و الحب :..مايد انا احبك واايد و ما اقدر ع الفراااق وما استغنى عنك . ,.
    سمعت ضحكته : ما بنفارق لا تخااافين بتم وياااج للابد لاني احبج مووت و الود ودي اشووفج و احظنج و ابوسج من فوق لين تحت
    هنادي و متشققه من الونااسة : ياااااي احلى شي
    مايد: ههههه فديت رووحج والله... يلا تامريني على شي
    هنادي : بهالسرعة تبا تبند ؟؟ بعدني ما شبعت من صووتك
    مايد :: اسمحيلي بااجر وراي دووام الصبح و اوعدج بااجر بكلمج بالسااعات اوكي
    هنادي : اوكي حبيبي تصبح على خيرر احلام سعيدة
    مايد : تلاقي الخير و بحلم فييج
    هنادي : بااي
    مايد : باااي
    اتغطيت باللحااااااااااف و انخمدت اتريا اليوم الثااني
    @@@@@@@@@@@@@






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  3. #3
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية( ليش يا دنيا اسرارج كثيرة )


    رواية( ليش يا دنيا اسرارج كثيرة )




    البارت الثالث
    -----------
    أبي اضمك ضمتين..
    ضمه الحين
    وضمه يفرضها الحنين..
    أبي لا همت فيك انسى كل صيحات الانين..
    وأبي اذا التقت قلوبنا
    أسمع(نبــض)قلبي وقلبك..
    وكل ما أزيد في ضمك..
    أسرح بعيييييييد..وأروي لك قصة عذاب..
    مدفونه في قلبي الحزين..


    اليوم قررنا انا و مايد نتوااعد في الموول في محل باريس غاليري و دشيت المحل بالاول اترياااه ايدش لانه تاخر واايد و الشبااب ما رحمووني من الترقيم و المغازلة و انا ميته من الخووف اتريا مايد ايي بسرعة عسب احس بالامان و ما اخاااف سرت ف اخر المحل و انا اصيح لانه وااحد من الشبااب لعوزني وااايد و سحب شيلتي الله يغربله طلعت كلينكس من شنطتي مشيت دموعي و عدلت الكحل ....و كنت بوقف بس يد زخت ايدي و ردت يلستنا ...قلبي كان يقول ها مايد ... و اتاكدت يوم طاحت اعيوني ع ايده الرجوليه ..رجعت يلست ع الكرسي غصبن مايد و انا كارهه ضعفي ...

    سمعته يقولي: مب قايلنج يوم بتوصلين تعطيني خبر ..؟؟

    تميت امنزله راسي اطالع الارض بس نبرة صوته تذبحني....غطت ويهي ابيدي و رجعت اصيح..
    زخ ايدي: شوهنادي ...منوه مزعلنج..

    سحبت ايدي ابسرعه من تحت ايده لاني حسيت ان الحركه ماصخه و غير ان ممكن اي حد يجوفنا ..
    سألني بهدوء و نبرة صوته ذكرتني باول ايام علاقتي معاه : حد قالج شي بعد ..

    هزيت راسي بمعنى لا.....فوقف ابسرعه وير ايدي.. و خذي معاه و انا مستسلمه له ...

    رفعت راسي يوم حسيت اني بمكان مظلم و ابروحي مع مايد رفعت راسي اطالع انا وين ...لصقت باليدار و و اامشي و ارد على وراا شوي و بكسر العطور اللي وراي ف المحل و هو يتلصق فيني اكثر و اكثر و ما قاومت هالشعوور و يلست اتامل مايد ...بلعت ريجي و صديت الصوب الثاني يوم تجرب مني و حط ايده ع اليدار ...

    سالني بنبرة تختلف عن النبره القبليه بالمره: بلاج خايفة..؟؟

    صديت عنه عطيته ظهري و قلتله : مب خاايفة .

    قلته و انا امستحية : انت تذبحني..
    يرني خلني اوايهه: انا !! شو سويت ..؟؟

    بلعت ريجي ابصعوبه مدري ليش حسيت للحظه الي اسويه غلط و ما يرضى ربي ..بس انا ابا هالانسان احبه و ما ابا اخسره . , , مسك خدي و تم يلعب بخدوودي و عقب قرب ويهه من ويهي و نزل ويهه شوي لاني اقصر منه و قرب شفايفه من شفاايفي و باسهن بكل قوة و انا احس عمري في فلم اجنبي و هو مستانس و عقب حظني و تمينا نحظن بعض بالدقااايق و .. حسيت بالحب و لاماان و انه صدق يحبني و دعيت من ربي لا يحرمني منه .
    ولصقني باليدار بعصبيه و كانه يبا يقولي انتي لي و انا املكج فقلته ابسرعه : انا احبك و ما اقدر استغنى عنك موليه افهمني...\
    قالي فجأه بنبرة طيرت عقلي : غمضي عينج ...
    طالعتها باستغراب فـ كرر جملته: غمضي اعيونج ..
    غمضت عيوني و هو شلني بايده و استانست من الحركة الجرئية ...
    $$$$$$$$$$$$$$$$$$$$$$$$$$$$$4






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  4. #4
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية( ليش يا دنيا اسرارج كثيرة )


    رواية ليش يا دنيا اسرارج كثيرة
    البارت الرااابع


    بعد اياااااام
    اليوم مر اسبووع بعد اللقاء و مايد ما اتصل فيني و كله تلفوونه مغلق اخخخ اكره شي يوم يغلق تلفوونه ليش اخترعوا هالاخترراع غلق التلفوونات ياارب تلفوونه يخترب و ما يرووم يغلقه مرة ثاانية ههههه
    بسير اقرا قصة احسن و لا اقوول لا بتصل فيه بعدددد مع انه ما يرد بس انا احبه و مشتااقة لصووته شو اسووي سرت اتصل فيه للمره العاشرة بس ما يرد عليه و طرشتله مسج ( رد مايد ارجوووك)و عقب رد عليه مايد بمسج (اسف حبيبي ..كان ودي اتصل واسولف معاج لي ما اوصل دبي بس ما كنت اعرف ان ربيعي امخطط انه ايي معاي ..سوريحبيبتي ..("

    فريت الموبيايل ع الارض و يسلت اصيح .مايد ..وقت ما احتاجهابد ما القيه

    ف بيتنا .........
    سمعت صوت فالصالة سرت اشوف شو صاار .. سمعت امايا تزقرني و لما شافتيني تمت تحتشر و تصاارخ عليه مدري اصلن شو السالفة كله تعصب عليه هالايااام .خواني امخربين تلفوون البيت و هي تتهمني لانها شافتني قبل يومين ارمس بتلفوون البيت ليش امايه تعصب عليه انا شو يخصني ليش يظلموني و هذا مايد ابا اكلمه وانسى همومي و هو وقت الحاجه صعب القاااه
    بعدت تلفوني عني علشان امنع نفسي من اني اتصل لـ مايد لاني اتصلت به وما رد عليه ..ما احشره وايد ..علشان ما يطفر مني....هو قالي رووحه بيتصل و الحين من متى اتراايااه و هو لا اتصل نساااني
    بديت اشك في حركااته يا انه كان يلعب عليه او يرمس غيري اه ه ه من هالدنيا القاااسية

    سرت اسوولف مع اختي فروووحة و استوت الساااعة 3 الليل و انا اتريااه يتصل قلت بتصل بس ببس بعد ثواني شفت تلفووني يرن و هو كااان رديت عليه بكل لهفه جني من قروون ما سمعت صووته
    مايد : هلا
    هنادي : اهلين و سهلين
    مايد: يلا بااي بس اتصلت عسب اقولج تصبحين على خيررر
    هنادي و هي مصدووومة: ترييتك بالسااعات و الحين تقولي يلا باااي
    مايد: كنت مع الشبااب و الحين طلعت من عندهم و الحين بناام و لو سمحتي لا تسويلي ازعااج و لا تتصلي فيني اوكي
    رديت عليه و انا حاسة بالاحباااط : يعني انا مزعجة زين يزاك الله خير باااي
    مايد و هو يصارخ : خلاص بندي و فكينا منج
    هنادي : طاااخ
    مايد : بااي و تم يناااخرررر ههههههههههه رقد

    هذا ما صدق بند اووووف و انا اترياااه مالت بعدين سرت مشطت شعري ..






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. متوسطة : رواية كل شي يتغير في لحظة 2016 من تاليفي /رواية اماراتيه
    بواسطة like_the_moon في المنتدى قصص الطويلة , الروايات
    مشاركات: 5
    آخر مشاركة: 17-06-14, 11:12 AM
  2. اول رواية لي ابغيكم تشجعوني.."رواية :..غرامك غير وانت غير.."
    بواسطة بنــ ابوها ــت @__@ في المنتدى قصص الطويلة , الروايات
    مشاركات: 20
    آخر مشاركة: 15-11-16, 04:56 PM
  3. ليش يا دنيا ؟!؟!؟!؟
    بواسطة الفل و الريحان في المنتدى معرض المواهب و الابداع Fair talent and creativity
    مشاركات: 9
    آخر مشاركة: 12-10-16, 10:52 PM
  4. مشاركات: 11
    آخر مشاركة: 10-07-04, 07:30 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •