الموضوع: اهل حبيبي ظلمونا ( ثاني قصة حب لي حصه)

بقولكم قصتي ع فكره انا حبيت شخصين
واحد منهم عرفتو عنه و قلتلكم عنه (( فيصل ))
بس بعدكم ما عرفتو الشخص الثاني
الثاني من السعوديه هو قدي و اسمه عزوز
عزوز اعرفه قبل لا اعرف فيصل يوم كان عمري 15 سنه

و انا احينه 18
المهم الكل يعرف بلاي ستيشن 3 كنت العبها اون لاين و مره قلت بدخل لعبة الهوم دخلت و كنت شرات الهبلله اروح لشخص شخص اساله من وين و رحت لشخص كان يالس بروحه تحت الي في بلاي جراوند يلي يلعب الهوم يعرف ه المكان المكان يلي يتيمعون فيه العرب و قلت من وين قال من السعوديه قلت اها باي عقب وصلتني اضافه منه قبلت و قال هلا بحياتي قلت لو سمحت قال اسف و طلع من الهوم و راح بلاك اوبس و انا نفس الشي طلعت اوف لاين و مر سبوع ما لعبت السوني و كانت اختي اصغر مني بثلاث سنوات تلعبها و تدخل الاكونت مالي و كانت تكلمه اسمعها بس كنت اطنشها و عقب يتني و تضحك قلت شفيج قالت وريت صاحب ه الاكونت يلي اسمه عزوز صورج هنيه فجيت حلجي و عصبت صدق و رحت لعنده اتاكد قال هيه ورتني و يلس يتكلم و يتكلم عني قلت منو قالك قال اختك يلي قالت لي و مر شهر هو يقول لاختي انه يحبني و جذي و انا عرفت بس كنت اطنش قلت يمكن يلعب و غيره و وصلتني اضافات ف السوني قبلتهن كلهن طلع واحد اسمه خالد هو ولد خال عزوز و خاله اسمه مشعل و ربيعه حمد و فهد و الدشير و ولد عمه عبدالكريم قلت ليه ضفتوني قالو عزوز يلي قال لنا و انتي حصه و غيره قلت هيه قالو عزوز يتكلم عنج وايد ف بلاك اوبس يوم نلعب قلت زين زين عيل و عقب قالي تعالي نلعب بلاك اوبس بس ابيج تكوني في فريقي قلت اوكيه يله بنلعب لعبت و انا موووووول هب فالحه ف اللعب و كانو كلهم معصبين من لعبي و يقولون ي الاماراتيه طلعي ما تعرفين تلعبين و هو حليله يدافع عني و صرت العب وياهم و اذا كنا نلعب مع اشخاص ما نعرفهم يسمون حمد و اذا كلهم يعرفوني يسموني حصه او الاماراتيه و كل ما احدر السوني كان ربيعه حمد يتصل عليه و يقوله انه حصه حدرت او اخوه يروح يناديه ما كنت ادري غير بعد اشهر قلت ليه جذي قال عشان ايلس وياج و عقب اقول فدييييييييتنيييييي يقول حد يتفدى عمره قلت هيه انا و عقب يقول فداج الكون و يلي عليه يمشون و مره كنا بنلعب انا و هو و خاله حدرنا واحد كان فيه عيال عمي و انا ما كنت منتبهه ع الاكونتات و صار عزوز يناديني حمد و انا كنت مسكره المايك طبعا عسبت محد يسمع صوتي و اخويه كان في بيت عمي و يلعب هناك بلاك اوبس و جان عيال عمي يقولون حصه حصوه بتلعبين ويانا عقب عزوز طرش مسج قال منو هاذيلا قلت عيال عمي و خلينا عمارنا ما نعرف بعض و قلت لهم بلعب وياهم عقب لما رجع اخويه قال منو هاه و مدري شو سوى سالفه و قلت له الصدق. جان يقول اوكيه براحتج حتى انا عندي انا بستر عليج و انتي بعد ستري عليه قلت ادري ببلاويك و كان لما يصوب ع شخص يقول لعيون الغاليه ح و احيانا بس يقول لعيون الغاليه و ربعه يقولون حصه و كنت اقول هذا بيفضحني جذي اذا مره اخويه لعب وياه شو بيصير قلت له لا تقول اسميه و جذي قال ان شا الله بس بقول الغاليه و يوم العب كوره بقول الاسم قلت شو تبي المدرب بيخبر ابوك قال عادي بيوفر عني جان يدخل علينا ربيعه جانوتي ف البارتي و نحن هب مسوين كلوز جان اقوله حبيبي و كلهم ساكتين و قلت عقب حياتي و هو اصلا مستحي لانه اول مره جذي اقول و عقب قال لبيه ي الغالي و قلت بطلع احينه لاني مشغوله و بخليك مع ربيعك جان يقول اوكي و عقب رمس ربيعه قال عزوز عزوز قول لها و انت مستحي بتوحشيني ههههههههه و طلعت و كان ولد خاله كلاش دوم يسال عنه عندي اذا ما لقى عزوز احيانا هو يقولي وين يروح اذا رمسته و احيانا لا و جني عاد معاه ف البيت عسبت يسالوني وينه و كان دوم يكتب لي اشعار و يغني لي و كنت اغششه ف امتحاناته خخخخخ و عقب اقوله اخر مره هاي و عقب اغششه ف الامتحان الثاني و هو انسان غيور مره ولد عمي صغير اسمه عماري عمره سنتين يالس وياي و يلست اقوله عماري قول عزوز يقول عجوج و عزوز كان يضحك عليه و عقب اقوله عطني بوسه و يعطيني و عزوز يقول روحي روحي ولا اقول صبري بيب لكم الشيخ و يزوجكم اقوله صغير يقول مالي دخل ما تيلسين مع اي ولد حتى لو اخوج يا لبيييييييه و كنا اذا نبي ندخل ف الجو لاااازم اخليه يقول خلاص بيج تعبت هع و كان يسميني ي السكسيه و غيره المهم ظلينا ويا بعض و كل يوم حبنا يزيزد و اذا ما دخلت ف اليوم ييلس يتنازع و يجلب الدنيا و يظل زعلان بس كان يرضى بسرعه و كل ما اكون اوف لاين يطرش مسج بكره ادخي ابي اكلمك ضروري و لما ادخل ابي اعرف شو الموضوع يقول ابي اسمع صوتك اشتقت لك كل يوم جذي و كنت اعلمه ع اللهجه الاماراتيه و هو يعلمني بلهجتهم و كنا تضحك ع بعض و هو هب حافظ غير شو ه الرمسه المخبقه هع و كل مره يتعلم شي و كان يقول انا ابي اي العين و بيب فلوسي معاي و كنت استهبل ليه الفلوس يقول ي الخبله افهمي و كنت اقول اهاا علشان تسيذا تسيذا يقول ايوه و كنا كل يوم نرمس بعض ع الكام ف ساكيبي و كنت ما اطلع ويهي وايد لاني كنت استحي و ييلس يقول كسري الحياء ابي اجوفج و كنت لما اطلع يقول ي لبى و اخط و يقول شكله عمرج 10 سنوات مو 15 و نيلس جذي عقب اخته العوده جافته هو يرمسني بس ما خبرت حد و قالت له طحت من عيني و مدري شو من الكلام و كل يوم صرت اشتاق له بزياده و هو يسميني حصوصتي احيانا دبدوبتي المهم جفته كاتب ه الكلام و يناديني بس انا كنت نايمه ف ذاك الوقت و لما قمت رمسته و قال انا رمست امي عنج و امي عصبت مني و للحين معصبه و امه وااااايد تحبه ف قلت له عزوز خلاص هاي امك و انا مابي اسوي مشاكل بينك و بينها و يلس يترجاني و انا عاندت و قلت خلاص لازم تنرك بعض و هو يرمسني و يصيح صايح و يقول والله مابي حد غيرج انتي احلا وحده جفتها و حبيتج من قلب دخيلج لا تتركيني خلينا ويا بعض و اللي بيصير يصير و ما ابي اتزوج اي وحده غيرج و اذا تزوجت بتزوج يوم يكون عمري 30 و اول بنت بسميها ع اسمج و ع طول سكرت لاني ما قدرت اتحمل و عقب كم شهر تعرفت ع فيصل و هب لازم اقول لكم سالفته لاني حطيتها و لما مات بعد شهر بديت ادخل المسن و سكايبي و جفته كاتب عذبتيني يا زين و انا عذابي مكفيني(حصوص) و ع طول رمسني و يقول اشتقت لج و غيره من الكلام و معنه صار لي سنه ما رسمته سنه كاااااامله و ضنيته نساني (حسيت انه نحن يلي في غنية مرت سنه و احينه قاعده اكتب لكم قصتي و اسمعها و حني شوي و بصيح)(مرت سنه و انا انتظر مرت سنه و الوصل نايم ما صحى مرت سنه و ما جى من الغالي خبر و دارت على المحبين الرحى) قلت هلا و خليت نفسي ما اعرفه قلت منو قال حصوص انا عزوز حبيبج قلت من عزوز يلس يقول انا عزوز يلي و يلي و يلي و يلي الخ المهم قلت اهاا تذكرتك قال لا كنتي تستهبلين علي قلت هيه كنت استهبل و تمينا نسولف ويا بعض و انا كنت اعتبره صديق و هو يعتبرني حبيبه قلت اخسن نرجع شرات قبل بحبه و اصلا انا احبه و رجعنا شراقبل و احسن و كنت خايفه اقول له عن فيصل و قلت لااازم اقول و قلت و ظل ساكت قال تحبينه ولا تحبيني قلت لا تلومني اني احب شخص و هو ميت احينه قال عادي ما بغار ولا شياته هو ميت لو هي جان ذبحته قلت مينون قال هيه مينون عقب قال يعني حبيبتي احينه ارمله قلت هيه قال ما يهمين احسن من انج مطلقه اصلا لو مطلقه بعدي بحبج عقب مر شهر كاااامل و ما جفته و كل ما اكلمه يكلمني ببرو بس اهلين و بسكت لما اساله و غيره قلت شفيه و انا ضايفه ربيعه و اقوله جفته رمسته يقول لا ما جفته من شهر قلت حتى انا ما كلمته من شهر عقب قال حتى اخوانه ما جفتهم ولا حد قلت شفيه هذا عقب كم يوم قال جفته بس كان تعبان وايد و متضايج مو راضي يرمس شفيه و عقب هو اتصل علي و باين عليه تعبان قلت شفيك قال تحبيني قلت اكيد احبك قال عيل سمعي يلي بقوله لج و هو اتصل ع سكايبي قلت لحظه فج الكام قال لا قلت فج ابي اجوفك صوتك ما يطمن قال انزين فج و جسمه كله علامات ضرب و متكسر و غيره و صحت ع طول قال جفتي حالتي كله منج قلت ليه مني قال لا لا هب انتي السبب انا السبب يلي تعلق فيج قلت ليه شصار قال اخته خذت عنه اللاب لانه كان وايد يعق عليه و جافت محادثتي وياه و صوري و راوتهن لاهله ابوه و امه و اخوانه و ابوه و اخوه طاحو عليه ضرب و امه زعلانه منه لانه قالت له يتركني و ما تركني و اخته اول مره سكتت و ثاني مره لا و انا كنت اصيح صايح و هو كان يتعور جدامي و كل شوي اقول ليتني ما رجعت لك قال لا تقولين جذي احسن ان رجعتي و انا ما علي من اهلي عقب قال قولي احينه تبني ولا لا قلت عزوز بتركك لاص قال شو تتركيني تبين تعذبيني ما بتتركين والله لاحبج بزياده و اسمع اخوه يقوله عزوز اذا كنت تكلم حصه سكر بسرعه لانه ابوي جاي البيت و اخته نفس الشي و كنت حدييي خايفه و يترحان يو يقول لا تتركيني خلج معاي مالي حب من بعدج مقدر احب وحده غيرج انتي اول وحده و اخر وحده واذا تبيني ايج و اخطبج بيج ب ه السنه بي و انا اصلا ناوي ع ه الشي بس لم اخلص الجامعه و ابي اتزوج غيرج ابيج تكونين حلالي حقي انا بس و يلس يرمس و شوي و بيصيح و كنت اول مره ف حياتي اشوف دموعه كنت اسمعه و هو يصيح بس هاي المره شفت دمعته و للحين انا ع تواصل وياه بس ما اكلمه الا مرتين ف الشهر او ثلاث مرات هب وايد و كل يوم ادعي له و اناىاهلي بعد عرفو عنه خوالي و عقب خالتي و عقب امايه و خواني بس ما سويلي شي ع قولت امايه نحن ما بنسوي شي لانه موت فيصل ماثر فيج بعده و اقول لها و انا ابتسم مشكوره امايه و لا تضنون فيه ثالث لا بس ثنين فيصل تمنيت انه ما مات و عزوز تمنيته نساني لاني مابي اسوي مشاكل بزياده بينه و بين اهله بسبتي يكفي يلي صار تري ما فشلت ف الحب بس انظلمت فيه من اهله و ربي يصبرني و يصبر جميع الحبايب و ربي يجمع بين شخصين حبو بعض ولا يفرقهم عن بعض

هاي رواية ولا قصه واقعيه الصراحه انا مخي افتر يوم قريتها

Yeslamo0o

المشاركة الأصلية كتبت بواسطة دلع الامارات أنا

هاي رواية ولا قصه واقعيه الصراحه انا مخي افتر يوم قريتها

هاي قصتي ( قصه واقعيه) صح معاج حق لانه كله داخل ع بعض و غيره يبالج تركزين فيها من البدايه هذا عيل لو كتبت كل شي صار شبيصير بتصير روايه

تسلمييييييييييين و ربي يصبرج

انا صراحه اول ما قريت البدايه ... اقولج بكل صراحه انت الغلطانه انج تقبلياضافات اولاد وشباب وما كملته اصلا .... بس من قريت اول شي ما حبيت اكمممل ...

لا عادي بس تدرين كان عمري ١٥ و كنت شرات الهبله بس ربي ستر و صار كل شي واضح و اهلي و اهله يعرفون

السلام عليكم

تسلمين على القصه

الله يصبرج ,

هـلا وغـلا ،

والله ارمسي فكول اند ديوتي لا يسبونج سب الاولاد مره يوم يسمعون صوت بنيه يشتغلون عليها ههه

انا العب بس اسمعهم من المايك وما ارمس مافيني انسب

فـ فترة المرآهـقة ما نعرف الصح من الغلط

تسلمين حصوه

بلا حب بلا خرآبيط

هههههههترا انا كنت جذي لما العب بس كنت اشغل لما نكون روحنا و احينه خلاص ودرتها اللعبه هع تقدرين تغيرين صوتج عند اعدادات المايك جربت حق اخويه و قعد يرمس عيال عمي بصوت بنت خخخخخخخخخ