تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 38 من 42 الأولىالأولى ... 2833343536373839404142 الأخيرةالأخيرة
النتائج 371 إلى 380 من 415
  1. #371
    عضو جديد
    الصورة الرمزية Shai5ooh
    الحالة : Shai5ooh غير متواجد حالياً
    رقم العضوية : 125956
    تاريخ التسجيل : 12-10-13
    الدولة : إماراتيه *AD*
    الوظيفة : طالبه
    الجنـس : انثـى
    المشاركات : 12
    التقييم : 10
    Array

    افتراضي رد: ليش تجذب علي وانت الي ميت فيني "للكاتبه Sacra" >♥


    متى ناويه تكمليين رواييية خلصنا الاجازه وبديينا درااسه ولين احين ماخلصتي رواية !










  2. #372
    مشرفة القصص
    الصورة الرمزية sacra
    الحالة : sacra غير متواجد حالياً
    رقم العضوية : 94207
    تاريخ التسجيل : 18-03-12
    الوظيفة : Student.
    الجنـس : انثـى
    المشاركات : 1,052
    التقييم : 124
    Array
    MY SMS:

    الماضي مات! والقادم قد كتب والذي رحل لن يعود.. فقط ابقى مبتسمآ وقل الحمدلله

    افتراضي رد: ليش تجذب علي وانت الي ميت فيني "للكاتبه Sacra" >♥


    السموحه من الكل ، صار عندي ظروف ولا قدرت اكمل الروايه، اعتذر من الكل بس طبعا رح اكمل الرواية بس على نظام الويك اند المعتاد وشكرا..





    ŠäĆŘă

  3. #373
    ادارية
    الصورة الرمزية العريمية
    الحالة : العريمية غير متواجد حالياً
    رقم العضوية : 124539
    تاريخ التسجيل : 19-09-13
    الوظيفة : مؤسسة الامير للتكنولوجيا - قسم ادارة المحتوى
    الجنـس : انثـى
    المشاركات : 3,228
    التقييم : 198
    Array

    افتراضي رد: ليش تجذب علي وانت الي ميت فيني "للكاتبه Sacra" >♥


    خذي راحتج فدديتج >>>>> وبـإألتـوفيق لج ,,






  4. #374
    مشرفة القصص
    الصورة الرمزية sacra
    الحالة : sacra غير متواجد حالياً
    رقم العضوية : 94207
    تاريخ التسجيل : 18-03-12
    الوظيفة : Student.
    الجنـس : انثـى
    المشاركات : 1,052
    التقييم : 124
    Array
    MY SMS:

    الماضي مات! والقادم قد كتب والذي رحل لن يعود.. فقط ابقى مبتسمآ وقل الحمدلله

    افتراضي رد: ليش تجذب علي وانت الي ميت فيني "للكاتبه Sacra" >♥


    الحلقة الثالثة والعشرون:
    ​

    .


    .


    طبعآ بقى تقريآ اسبوعين على عرس ميرو&عبدالله..


    الساعه 12 فليل ..


    عبدالله : انزين حبي.. شكلج تعبتي


    ميرو وهي مبتسمه : لا حبيبي..


    عبدالله: ها؟


    ميرو: شفيك؟


    عبدالله: ي حلو حبيبي من ثمج


    ميرو:.............وجآن استحي..


    عبدالله : ي ويل حالي ، فديت الي يستحون..


    ميرو:... خلاص عبوود


    عبدالله:اصغر عيالج عبود


    ميرو: والله من حقي ، ريلي وكيفيه..


    عبدالله : دام جي موافق


    ميرو:ههه..


    عبدالله: ها حبيبي خلصتي اغراض العرس؟


    ميرو: عاد م يخصك ـ شغلات حريم..


    عبدالله: وابوي عليج ، هو جواب واحد هيه و الا لا..


    ميرو: مب لازم تعرف


    عبدالله : زين عيل ميرو ، هين ما بقة الا اسبوعين..


    ميرو:هههه


    عبدالله: باجر بي بيتكم واذا م طلعتي ي ويلج..


    ميرو: م بطلع وبعدين صح اليوم آخر يوم تسمع صوتي


    عبدالله : بسم الله ليش؟


    ميرو: بس لين ليله العرس


    عبدالله: لا والله؟ ليش ان شاء الله؟


    ميرة:عشان تشتاقلي وقالته بدلع..


    عبدالله : من الحين مشتاقلج انا


    ميرة:ماشي قتلك ، حتى لو يت ما بظهر


    عبدالله : بنشوف عيل


    ميرة:تحدي؟


    عبدالله : هيه..


    ميرة: ما عليه، يالله عبود سير رقد وراك دوام حيبي


    عبدالله : ان شاء الله ي عيون عبود..


    سكرت ميرو وهي تتفدآ عبود..


    .


    .


    الصبح ، كانت الساعه 8:09


    .


    نشت ميرو وفجت فونهآ ولقت مسج من عبدالله الساعه 7:







    . صباح النور ولا أكثر . صباح الورد بأنواعه . صباح الشمس لي تظهر . ونور الفجر وإشعاعه . صباح السحب لي تمطر كل لحظة وكل ساعة . صباح الجوري لمعطر بدهن العود وأتباعه...


    ابتسمت وردت عليه:


    .


    . صباح الدلع والولع . صباح الناس اللي كلها سنع..





    رد عليهآ والابتسامه شاقه حلجه:


    ناشه غناتي؟


    ميرة ردت : توني نشيت، وبس يالله اوش لازم م ارمسك والا نسيت التحدى!


    عبدالله:


    خلاص نكنسل التحدي م اروم بلاج..


    ميرة : مب كيفك اصلا، يالله خلاص اوش


    عبدالله: ززين جي تعذبين عبودج..


    ضحك ميرو ولا ردت عليه..


    وهو بعد ضححك: هين ي ميرو هين..


    .


    .


    ف ابوظبي:


    حامد : شفيج حبيبي مو على بعضج ه اليومين؟


    امل وهي تتألم: والله مادري شفيني، لا تحاتى حبيبي روح دوامك مغص عادي..


    حامد: لا والله م ودرتج قومي قومي لبسي عباتج بوديج المستشفى


    امل: حبيبي والله مب لازم


    حامد: الا لازمم ، حشى م اقدر اودرج بهالحاله...


    شلهآ حامد المستشفى..


    طبعآ دخلوهآ يسوولهآ تحاليل لانه ما عرفوآ سبب المغص


    كان حامد يالس برع دقت له ام حامد..


    حامد: هلا امايه ، صبحج الله بالخير


    ام حامد: صبحك الله بالسرور ، امول عندك ؟


    حامد: هيه والله ف المستشفى..


    ام حامد: بسم الله مرة انت ومرة هي


    حامد:ههه لا امايه هي بسم الله عليهآ ه اليومين مغص وتعب وموب امل الطبيعية..


    ام حامد: و وين هي الحين؟


    حامد: دخلوهآ يسوولهآ تحاليل..


    سكرت ام حامد


    رويض: شفيهآ امول؟


    ام حامد: مادري بس عندي احساس انه حرمه اخوج حامل


    رويض تبا تصرخ من الفرحه


    حطت ام حامد ايدهآ ثمهآ : ايه الخبله قلت احساس مب صدق


    رويض: هههههههههههههه والله جي وناسه، ان شاء الله صدق


    ام حامد ترفع ايدها: ان شاءءالله.. صح تذكرت اليوم ياين ترى قوم عمج ناصر(بوعمر)..


    رويض فز قلبهآ: شو ه الزيارة المفآجأه..


    ام حامد: يعني لازم سبب؟ بعدين بنتهم عندننآ


    رويض:هييه صح ، وانا امايه يوم اعرس بتيون عندي صح


    ام حامد:ههه وابوي عليج راعيه ه الرمسه سيري سيري بنخبص ف المطبخ..


    وسارن وهن يضحكن ورويض مبتسمه وتتذكر عمر..





    -ام حامد وايد منفتحه ومب شديدة وعصبيه وسوالف ويا بنتهآ-..





    ف المطبخ:


    رويض وهي تخلط خلطة الكيك..


    رويض: امايه


    ام حامد:هلا حبيبتي؟


    رويض: ما اشتريت لين الحين فستان ل عرس ميرو، متى بواحيلي افصل؟


    ام حامد:وي صح تعالي ولا انآ اشتريت لي شي حق العرس


    رويض: شرايج اليوم والا صح اليوم م يصير


    ام حأمد: باجر نروح نحن و امول وطبعآ حويمد بشلنآ نروح دبي بناخذ لنآ فستآن بسيط


    رويض: هيه جي سنبل


    ام حامد:اشوه؟


    رويض: بسيط بسيط


    ضحكت رويض عقب قالت: بس بكون جاهز صح


    ام حامد: هيه حبيبتي مآ يواحيلنآ نفصل ف اسبوعين.. ماشي فستان بجهز ف اسبوعين الا مال خربطي


    رويض : صح ، انزين امايه روحي انتي عابلي ف البيت وخلي بنتج تتعبل ف حركات الكب كيك


    ام حامد : لا عادي مافيه شي البيت خليني اخبص وياج


    ابتسمت رويض..











    .


    .


    ف دار الزين..


    سعيد نش وشاف الساعه 8..


    خاف انه تأخر ع الدوام بس عقب تذكر انه اليوم اجازة عنده


    تنهد و حط راسه ع المخده وهو يتذكر مواقف حلوة تتوقعون ليش السبب؟ كان حلمه اليوم عن فطامي ومب اي حلم كان حلمه انه امه وخالته يزفوه هو و فطامي , قعد يتقلب وهو يتذكر الحلم.. وابتسامته ما راحت عن شفاته ، شوي وسمع صريخ امون


    امون: اماااايه جوفي زيود و رشود يشلوا كتبيه


    ورشود وزيود يتضاحكوا..


    ظهر سعيد وشكله وهو نعسان كان يجنن شعره ع ويهه وعيونه نعسانه : شفيكم انتوآ؟ يالله بصباح خير..


    يت ام عبدالله من بعيد: زين والله يوم قوموك ه الصغارية..


    ابتسم سعيد حق امه وباسها ع راسها عقب قال : مب ه الشي الي قومني امايه شي احلى بوايد ومسك امه من ايدهآ ودخلهآ حجرته وقفل الباب فتح الليت ويلس امه ع الشبرية


    ام عبدالله : شفيك؟ ماشاء الله مستانس عساها دوم ي ربي


    سعيد: امايه ، تعرفي شو فرحني؟


    ام عبدالله : شو؟


    سعيد: حلم..


    ام عبدالله : حلم؟ طاعو .. وانا عبالي بشاره.. صدق انك ياهل روح روح اسبح


    سعيد: لا امايه اول سمعي الحلم انزين


    ام عبدالله : هات شو عندك؟


    كان سعيد برمس بس سمع صوت دقات الباب..





    نهآية الحلقة..


    يتبع الحلقة ال 24...





    ŠäĆŘă

  5. #375
    مشرفة القصص
    الصورة الرمزية sacra
    الحالة : sacra غير متواجد حالياً
    رقم العضوية : 94207
    تاريخ التسجيل : 18-03-12
    الوظيفة : Student.
    الجنـس : انثـى
    المشاركات : 1,052
    التقييم : 124
    Array
    MY SMS:

    الماضي مات! والقادم قد كتب والذي رحل لن يعود.. فقط ابقى مبتسمآ وقل الحمدلله

    افتراضي رد: ليش تجذب علي وانت الي ميت فيني "للكاتبه Sacra" >♥


    الحلقة الرابعة والعشرون:


    .


    .


    .


    لفت شعرها الاسود سواد الليل ،وحطت جحال وقلوس ع الخفيف، ونزلت تحت وهي اطاوس من الدريشة و تشوف امها وهي تسلم على ام عمر وعلى طول راح نظرها ل عمر قعدت تتأمل ع راحتها وتتفداه ف خاطرهآ..


    كانت السآعة 11:09..


    دخل بو عمر مايد وبو عمر وعمر ع الميلس ودخلت ام عمر الصاله واستقبلتهآ رويض


    ام عمر: هلا بالجميلات هلا


    رويض: هه اهلين خالوه حبيبتي


    ام عمر : وين الصغير عيل؟


    رويض: بعده ما نش..


    ام حامد: لين الحين ما نش ، ضاري ينش قبل


    رويض: سكتي امايه عن ينشلنا الحين


    ضحكت ام عمر ويلست


    ام امد: حبيبتي دقي لاخوج واطمني عليهم ما دقوا لين الحين


    ام عمر: ليش شو صاير؟


    دخلت رويض خلت ام حامد تحكي شو صار لامل الصبح..


    وشلت فونهآ وحصلت مسج من فطامي بس قررت تقراه بعد ما ادق ل حامد..


    رويض : الو


    حامد: مرحبآ


    رويض: مرحبتين.. شحالك حويمد؟


    حامد: الحمدلله بخير


    رويض: ها بشر؟ ان شاء الله ما فيها شي


    حامد : والله مادري قالولنا الساعه 12 بطلعن نتايج التحاليل


    رويض: وانتوا الحين تتريون يعني


    حامد : عطوآ امول مسكن لانه ويع شديد ع قولتهم والين روحنا مطعم فرنسي


    رويض: يا سلام يا سلام وطبعآ خذيت اجازة من دوامك


    ضحك حامد: هيه ، بعدين تعالي انتي ليش مب مداومه؟


    رويض : تعبانه!


    حامد: مبين ..


    رويض: ههه لا ما فيني شي الحمدلله ، بس ما عندي كلاس اليوم الا الساعه 2 وبعدين قوم عمي ناصر هنيه


    حامد: هيه صح دوم الخميس انتي فاضيه، ياي عمور والا؟


    ابتسمت امول هنيه تدري من ه الطاري قلب رويض يرقص ف مكانه..


    رويض قلبهآ طار هنيه: هيه..


    حامد: هيه تمام عيل يلا جلبي ويهج خلينا نعيش الرومانسية..


    رويض: مالت بس هه انزين عيشوآ عيشوآ


    حامد وطى صوته: عقبالج انتي وميود..


    هني رويض سكتت


    حامد ضحك وسكر ما عرف انه من ورى ه الكلمه بسوي تشويش ف مخ رويض


    امول خلت نفسهآ ما سمعت شي


    اما رويض حاولت بس ما قدرت هي تحب عمر مب مايد؟ ليش اخوها حاط فكره انه مايد ياخذهآ ؟ لا لا لا افكر جي الا هي كلمة واعتبر نفسي ما سمعتها..


    وانقذها من ه التفكير صوت امها تناديهآ


    روحت صوب امها تشوف شو تبآ ونست سالفه مايد..


    .


    .


    ف دار الزين:


    سعيد قام وفتح الباب


    بو عبدالله : ليش منخشين؟


    سعيد مسك ايد ابوه : تعال بوييهه ييت ف وقتك


    ودخله ويلسه عدال ام عبدالله


    بو عبدالله : شو عندكم اجتماع؟


    ام عبدالله : اوين بخبرنا حلم


    بو عبدالله : وابوي عليك انا راعي الاحلام


    سعيد: لا لا صبروآ ليش مستعيلين؟ حلم غاوي بيعيبكم..


    ام عبدالله : انزين يلا قول..


    سعيد: حلمت اني معرس وازيدكم من الشعر بيت حلمت منو العروس شخص تعرفونه انتوا زين ما زين


    بو عبدالله: تراك صدق معرس وانا الصراحه حاط ف راسي وحده ابا اخذها لك ، بس اول قول منو هاي الي خبلتبك من صباح الله خير؟...


    ام عبدالله : ومنو ه الوحده بو عبود؟


    بو عبدالله : خله ايبلنا منو هاي قبل؟


    سعيد : قتلكم الحلم بس ما بقول من ه الوحده


    ام عبدالله : ليش عاد؟


    سعيد: امخمخ السالفه لو عيبتني البنت بقولكم تاخذوها لي


    ام عبدالله : لا والهل لعبه ، سعودوه بلا حركاتك


    سعيد: ما بقول دونت تراي


    بو عبدالله : اشوه دونت تراي بعد؟


    ضحك سعيد


    ام عبدالله : اسميك خربوطي ي سعيد ، انزين ع طاري عرسك انت مب حاط وحده ف بالك؟ والا انا اتنقالك


    سعيد يحك راسه ع اساس يفكر: والله في وحده ف بالي ، بس مب الحين بعدني صغير


    بو عبدالله: اي صغير؟ قول ما فيك ع الحريم


    ام عبدالله : لا والله ؟ شو فيهن الحريم يشلنك فوق راسهن


    سعيد: هيه والله


    بو عبدالله:هههههههههه لا عاد ام عبود غير


    حط سعيد ايده ع خده : بدينآ...


    ام عبدالله : هههه قوم بو عبود ظهرنآ نخلي ه السبال يسبح


    بو عبدالله : يلا بوي نترياك تحت..


    سعيد: ان شاء الله


    ظهروآ ام عبدالله وبو عبدالله


    وخلوآ سعيد بفرحته ب ه الحلم وكنه صار صدق..


    يلس ع مكتبه وطلع الصورة الي خاشنها تحت مجموعة كتب ودفاتر


    وضحك يوم شافهآ


    هاذيج صورة فطامي يوم صغيره ه الصورة شلها سعيد من البوم العائلة وايد يحبها لانها اكثر صورة تشبه فطامي حاليا وخصوصا اذا كان فاضي يقعد يتأملهآ شل بوكه ودخل الصورة فيهآ لانها مب كبيرة..


    وعقب دخل يسبح..





    ف بيت بو سالم..


    كانت يزوي تلعب بكشتها وتقرآ روآية *شفيرة دافنتشي*


    دخل سالم ماسك كوب ثلج عأساس بقوم يزوي ب الثلج بس الحبيبة كانت ناشة..


    كانت ريول يزوي ظاهرة من اطراف الفراش


    مشى سالم بخطوات بطيئة وجب الثلج ع ريولهآ


    شهقت يزوي وقفزت مجتفه ايدها ع قلبهآ من الخوف وسمعت صوت ضحكة سالم


    يزوي: سلوم قسسم بالله حيووااااننننن... خرعتننييي روحي بغت تطلع


    دخل بو سالم : شو فيج مزاعق من الصبح


    سالم راح صوب راس ابوه وباسه


    يزوي: بويه سالم جب كوب ثلج ع ريوليه زيغني بغيت اموت..


    بو سالم : حسبنأ الله عليك وضربه ع جتفه بالخفيف : متى بتعقل انت اونك معرس جذآ..


    يزوي: امحقق...


    سالم يطالع يزوي : اقول جب جب..


    دخلت ام سالم: شو فيكم؟


    سالم راح وباس راس امها : نقوم هاي البقره؟؟ مادري منو بياخذهآ وهي الساعه 11 وبعدهآ مب ناشه..


    ما طلعت ع امها


    ام سالم : ههه حبيبي والله


    بو سالم : وانتي صدقتي .. اخته ناشه بس هو ما يوز عن مقالبه


    يزوي: سخيف.. وادلع له


    ام عبدالله : بو طبيع ما ايوز عن طبعه ، نشي يزوي تعالي خبصي كبكبك شو اسمه هذآ


    تفاطس سالم ويزوي ضحك


    يزوي: امايه كب .. كيك..


    ام سالم : هذا


    يزوي: ليش؟


    ام سالم : ليش بعد؟ بيونآ اهل ربيع سالم قوم ربيعتج مريوم


    يزوي نقزت: والله؟


    ام سالم : هيه يلا نشي


    وظهروآ عن يزوي من الحجرة ...


    كانت فرحة يزوي مب بس عشان مريوم بعد عشان بو غمازات..


    .


    .


    ف ابوظبي..


    دخلت رويض ماسكة الصينية الي فيهآ اسكانة الشاي والاكواب ع اساس محد ف الميلس بس صوت حد وقفهآ..





    .


    .


    .


    نهاية الحلقة ..


    صوت من الي وقف روضة عن تدخل داخل الميلس؟





    ترقبوآ الحلقة الخامسة والعشرون..





    ŠäĆŘă

  6. #376
    موقوف
    الصورة الرمزية scj-2345-
    الحالة : scj-2345- غير متواجد حالياً
    رقم العضوية : 129007
    تاريخ التسجيل : 15-01-14
    الدولة : دبي
    الوظيفة : طالبه
    الجنـس : انثـى
    المشاركات : 8
    التقييم : 10
    Array
    MY SMS:

    محمد الشحي + 😍

    افتراضي رد: ليش تجذب علي وانت الي ميت فيني "للكاتبه Sacra" >♥


    حلوه القصه ما شاء الله






  7. #377
    مشرفة القصص
    الصورة الرمزية sacra
    الحالة : sacra غير متواجد حالياً
    رقم العضوية : 94207
    تاريخ التسجيل : 18-03-12
    الوظيفة : Student.
    الجنـس : انثـى
    المشاركات : 1,052
    التقييم : 124
    Array
    MY SMS:

    الماضي مات! والقادم قد كتب والذي رحل لن يعود.. فقط ابقى مبتسمآ وقل الحمدلله

    افتراضي رد: ليش تجذب علي وانت الي ميت فيني "للكاتبه Sacra" >♥


    اقتباس المشاركة الأصلية كتبت بواسطة scj-2345- مشاهدة المشاركة
    حلوه القصه ما شاء الله
    تسلمين اختي، أتمنى تكوني من أقوى المتابعين للرواية ، وشكرا





    ŠäĆŘă

  8. #378
    عضو جديد
    الحالة : maalketbi غير متواجد حالياً
    رقم العضوية : 126807
    تاريخ التسجيل : 30-10-13
    الجنـس : انثـى
    المشاركات : 10
    التقييم : 10
    Array

    افتراضي رد: ليش تجذب علي وانت الي ميت فيني "للكاتبه Sacra" >♥


    تجنن الرواية ماشاء الله
    و أتوقع الصوت يلي وقف رويض هوه عمر
    و تسلمين






  9. #379
    عضو جديد
    الحالة : اماراتيه و افتخر 3> غير متواجد حالياً
    رقم العضوية : 126061
    تاريخ التسجيل : 18-10-13
    الدولة : الامارات
    الوظيفة : للاسف طالبه
    الجنـس : انثـى
    المشاركات : 24
    التقييم : 10
    Array

    افتراضي رد: ليش تجذب علي وانت الي ميت فيني "للكاتبه Sacra" >♥


    روعه الروايه و مثل ما قالت maalketbi اتوقع الصوت يلي وقف رويض هوه عمر. و نشالله سعيد يقول لامه و ابوه انه يبا فطوم. و نتريا التكمله






  10. #380
    مشرفة الصف العاشر
    الصورة الرمزية sosoh
    الحالة : sosoh غير متواجد حالياً
    رقم العضوية : 90197
    تاريخ التسجيل : 17-01-12
    الدولة : الامارات
    الوظيفة : طالبة ××
    الجنـس : انثـى
    المشاركات : 1,043
    التقييم : 179
    Array
    MY SMS:

    (: يآللـّہ .. خذنيٌ لـَگ و آنآ سآجد تَرآنِی عِفت هآلدنيـّآ . . ومـَإآ فيـَھَﺂ

    افتراضي رد: ليش تجذب علي وانت الي ميت فيني "للكاتبه Sacra" >♥


    تسلمين خيتوهًـ سـآكَـرآ ع ~ْ> آلـتكَـملهًـ ..!

    في آنتظــآر آلـمزيد =)





    ♥ ربي إذآ آنـتـهــى عــمــري آجـعـلنـي ذكـــرى جـميــلہ لـمــن عــرفـنــي! ♥
    ♥سامحوني

    .
    ..
    ...
    ..
    .



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. روايه اعشق عيونه و اعشق بداوة منطوقه " للكاتبه بدويه لندن "
    بواسطة بدويه لندن في المنتدى قصص الحب و الرومانسية و الغرام و العشاق
    مشاركات: 36
    آخر مشاركة: 15-05-27, 09:30 AM
  2. روايه "حبيت وقالولي لا " من تاليف sacra
    بواسطة sacra في المنتدى قصص الحب و الرومانسية و الغرام و العشاق
    مشاركات: 239
    آخر مشاركة: 13-12-29, 06:27 PM
  3. "اطول "اروع"احن"اقرب"اصعب"احزن"اسوأ"اجمل"
    بواسطة محمد الجزائري في المنتدى المنتدى العام General Forum
    مشاركات: 28
    آخر مشاركة: 12-06-07, 02:29 PM
  4. مشاركات: 9
    آخر مشاركة: 09-04-25, 05:05 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •